जालंधर शक्तिपीठ  हिन्दी देवनागरी में पढ़ें।

jalndhar shaktipith
jalndhar shaktipith
varnan 'jalndhar shaktipith' bharatavarsh ke agyat 108 evn gyat 51 pithon men se ek hai. isaka hindoo dharm men bada hi mahattv hai.
sthan jalndhar, pnjab
devi-devata devi 'tripuramalini' tatha bhairav 'bhishan'.
snbndhit lekh shaktipith, sati
pauranik manyata manyatanusar yah mana jata hai ki is sthan par devi sati ka 'vam stan' gira tha.
any janakari logon ka vishvas hai ki is pith men sampoorn devi-devata ansh roop men nivas karate hain, at: yahan pashu-pakshi tak ki sadgati ho jati hai. isi se yahan vasishth, vyas, manu, jamadagni, parashuram adi maharshiyon ne shakti ki upasana ki thi.

jalndhar shaktipith 51 shaktipithon men se ek hai. hindoo dharm ke puranon ke anusar jahan-jahan sati ke ang ke tukade, dharan kie vastr ya abhooshan gire, vahan-vahan shaktipith astitv men aye. ye atynt pavan tirthasthan kahalaye. ye tirth poore bharatiy upamahadvip par phaile hue hain. devipuran men 51 shaktipithon ka varnan hai.

yasmachchandn ch mundn ch grihitva tv mupagata:.
chandamundeti tato loke khyata devi bhavishyasi..

sthan matabhed

yah shaktipith pnjab ke jalndhar men sthit mana jata hai, yahan mata sati ka vam stan gira tha. yahan ki shakti 'tripuramalini' tatha bhairav 'bhishan' hain. kintu vartaman men jalndhar nagar men koee devipith nahin milata. anumanat: prachin jalndhar se trigart pradesh (vartaman kangada ghati) manana uchit hoga, jisamen 'kangada shakti trikonapith' ki tin jagrat deviyan- 'chintapoorni', 'jvalamukhi' tatha 'siddhamata vidyeshvari' virajati hain.[1] vaise yahan vishvamukhi devi ka mndir hai, jahan pith sthan par stan moorti kapade se dhnki rahati hai aur dhatu nirmit mukhamandal bahar dikhata hai. ise 'stanapith' evn 'trigart tirth' bhi kahate hain aur yahi 'jalndhar pith' namak shaktipith mana jata hai. yahan sati ke vam stan ka nipat hua tha.

manyata

logon ka vishvas hai ki is pith men sampoorn devi-devata ansh roop men nivas karate hain, at: yahan pashu-pakshi tak ki sadgati ho jati hai. isi se yahan vasishth, vyas, manu, jamadagni, parashuram adi maharshiyon ne shakti ki upasana ki thi. kahate hain ki jalndhar daity ki rajadhani thi, jisaka vadh shiv ne kiya tatha vadh se lage pap ki mukti hetu isi pavan pith men sharan li evn shri tara ki upasana se papamukt hue. isi pith ka vistar 12 yojana mana jata hai aur yahan ki adhishthatri devi trishakti 'kali', 'tara' v 'tripura' hain. phir bhi stanapithadhishvari shri vrajeshvari hi mukhy mani jati hain evn inhen 'vidyaraji' bhi kahate hain.[2] stanapith men vidyaraji ke chakr, adyashakti tripura ki pindi bhi sthapit hai evn anek rishiyon ke ashram, deviyon ke vigrah bhi maujood hain.

any prasng

prasngavash jalndhar pithantargat 108 shaktipithon men kangada zile ke banagnga nadi tat par sthit 'chamunda siddhapith' hai. isaka punarnirman 700 varsh poorv hua. yahan pahunchane hetu pathanakot-baijanath-paparila tak ke rel marg se jagaroto-bagavan steshan par utar kar mala akar 5 ki.mi. bas seva hai aur kangada se palamapur v baijanath patharila tak sidhi bas seva hai. is bas se mala utar kar dharmashala marg par 5 ki.mi. door chamunda mndir hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. kalyan. (shakti ank) prishth 640, kalyan: shakti upasana ank, prishth 414
  2. kalyan: shaktiank prishth 675

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah