कात्यायनी पीठ वृन्दावन  हिन्दी देवनागरी में पढ़ें।

katyayani pith vrindavan
katyayani pith, vrindavan
varnan vrindavan sthit shri katyayani pith bharatavarsh ke agyat 108 evn gyat 51 pithon men se ek atyant prachin siddhapith hai.
sthan mathura, uttar pradesh
devi-devata katyayani devi
snbndhit lekh adya katyayini mndir, shaktipith
pauranik manyata bhagavan shri krishn ki krida bhoomi shridham vrindavan men bhagavati devi ke kesh gire the, isaka praman pray: sabhi shastron men milata hi hai.
any janakari svami shri keshavananad ji maharaj ke param bhakt shri vishambhar dayal ji aur unaki patni shri ramapyari devi ji jo pratidin maharaj ji ke darshan karane aya karate the.
bahari kadiyan adhikarik vebasait

katyayani pith, vrindavan uttar pradesh ke mathura nagar men sthit hai. bharatiy snskriti jahan jo kuchh uttam evn shubh hai usaka sngrah karane vali hai. 'sarveshamh virodhen brahmakarm samar-bhe' ko vani pradan karane vali hai. snkuchit bhavana se door tyag, snyam, vairagy, seva, prem, gyan adi se surabhit vatavaran men pali bharatiy snskriti samast snskritiyon ka shrringar hai. bharat ki sanskritik chetana manavata ke mndir ki akhnd jyoti si nirntar prajvalit rahi. jab bhi yah jyoti mnd padi ek navin jyoti ne apana shubh sneh dan kar usamen pran phoonke. kitane vatyachakr aye aur chale gaye, kintu vishv ko shanti aur sadabhav ka sndesh deti huee vah mngal jyoti nirantar jalati a rahi hai. isi shrinkhala ke antargat bhagavati katyayani dvara niyukt mahanh yogiraj shri shyamacharan lahidi ji maharaj ke param suyogy shishy yogi ji 1008 shriyut svami keshavanand brahmachari ji maharaj ne apani kathor sadhana dvara bhagavati ke pratyaksh adeshanusar is lupt sthan shri katyayani pith radha bag, vrindavan namak pavanatam pavitr sthan ka uddhar kiya.

vrindavan men katyayani pith

anant kal se bharatavarsh yatharth men pavitr sthanon, tirthon, siddhapithon, mandiron evn devalayon se susajjit evn sushobhit raha hai. jis pavan pavitr bhoomi men gnga, yamuna, sarasvati adi nadiyon evn ram krishn adi aradhy devon ne avatar grahan kiya aur adharm ka nash kar dharm ki raksha ki, aise sundar pavitratam sthanon ko tirth evn siddhapith ke nam se pukara gaya, jinamen bhagavan nandanandan asharanasharan, karunavarunalay, brajendr nandan shri krishnachndr ki pavan punyamay kridabhoomi shridham vrindavan men kalindi girinandani sakal klmashaharini shri yamuna ke sannikat radhabag sthit ati prachin siddhapith ke roop men shri shri man katyayani devi virajaman hain.

pauranik manyata

bhagavan shri krishn ki krida bhoomi shridham vrindavan men bhagavati devi ke kesh gire the, isaka praman pray: sabhi shastron men milata hi hai. aryashastr, brahm vaivart puran evn adya stotr adi kee sthanon par ullekh hai- vraje katyayani para arthath vrindavan sthit pith men brahmashakti mahamaya shri mata katyayani ke nam se prasiddh hai. vrindavan sthit shri katyayani pith bharatavarsh ke un agyat 108 evn gyat 51 pithon men se ek atyant prachin siddhapith hai. devarshi shri vedavyas ji ne shrimadh bhagavat ke dasham skndh ke baeesaven adhyay men ullekh kiya hai-
katyayani mahamaye mahayoginyadhishvari.
nandagopasutn devi patin me kuru te nam:॥
he katyayani! he mahamaye! he mahayogini! he adhishvari! he devi! nand gop ke putr ko hamara pati banao ham apaka archan evn vandan karate hain. durga saptashati men devi ke avatarit hone ka ullekh is prakar milata hai-

nandagopagrihe jata yashodagarbhasambhava. main nand gop ke ghar men yashoda ke garbh se avatar loongi. shrimadh bhavagat men bhagavati katyayani ke poojan dvara bhagavan shri krishn ko prapt karane ke sadhan ka sundar varnan prapt hota hai. yah vrat poore margashirsh (agahan) ke mas men hota hai. bhagavan shri krishn ko pane ki lalasa men brajanganaon ne apane hriday ki lalasa poorn karane hetu yamuna nadi ke kinare se ghire hue radhabag namak sthan par shri katyayani devi ka poojan kiya. aise mahanh siddhapith ka uddhar kya koee sadharan vyakti kar sakata hai? jab tak use bhagavati ki kripa prapt na ho jaye. bhagavati dvara niyukt putr shri keshavanand ji ne shri katyayani pith ka punarruddhar karane hetu is prithvi par janm liya.
katyayani pith, vrindavan

kamaroop math ke svami ramanand tirth ji maharaj se dikshit hokar kathor sadhana ke lie himalay ki kndaraon men gaman kiya. sadhanantar sarvashaktishali man ke adeshanusar vrindavan sthit agyat siddhapith ka unhonne punaroodhdar karaya. svami keshavanand ji maharaj dvara 1 faravari, 1923 maghi poornima ke din banaras, bngal tatha bharat ke vibhinn suvikhyat pratishthit vaidik yagyik brahmanon dvara vaishnviy parampara se mndir ki pratishtha ka kary poorn karaya. man katyayani ke sath-sath pnchanan shiv, vishnu, soory tatha siddhidata shri ganesh ji maharaj (jinaki bat to kuchh alaukik hi hai "jisane jana usane paya" vali kahavat charitarth hai) ki moortiyon ki bhi is mndir men pratishtha ki gee. radhabag mndir ke antargat guru mndir, shnkarachary mndir, shiv mndir tatha sarasvati mndir bhi darshaniy hain. yahan ki alaukikata ka mukhy karan jahan sakshat man katyayani sarvashaktisvaroopani, du:khakashtaharini, alhadamayi, karunamayi apani alaukikata ko lie virajaman hai vahin par siddhidata shri ganesh ji evn bagicha men ardhdanarishvar (gaurishnkar mahadev) ek pran do deh ko dharan kiye hue virajaman hain. log unhen dekhate hi mantramugdh ho jate hain.
shakarachary mndir men jahan vipr vatuon dvara ved dhvani se sampoorn ved vidyalay evn sampoorn katyayani pith ka prangan pavitr ho jata hai, vahin katyayani pith men sthit aushadhalay dvara vibhinn asadhy rogiyon ka saphalatam upachar tatha mndir men sthit gaushala men gayon ki seva pooja darshaniy hai. isake atirikt ygyshala men vedoktariti se svahakar mantron ka shravan evn vibhinn upasana padhdati dvara archan ko dekhakar koee vyakti stambhit hokar man ke samaksh pahunch jata hai aur sampoorn snsar ko hi vah pal bhar ke lie bhool jata hai. yahi man katyayani ki kripa shakti ka phal hai jo kee bar darshan karane ke bad bhi usaki lalasa aur jagrat hoti chali jati hai.
shri svami keshavanand brahmachari ji maharaj ne haridvar men chandi parvat ke charan par charon or se patitapavani kalmashaharini punit gnga se ghire hue suramy sthan par yog sadhana hetu ek ashram ki sthapana ki, vahan ka vatavaran atyant suramy evn manohari hai. chaturdik vrikshon evn phalaphoolon se achchhadity us divy ashram ki bhoomi mano manav matr ko apani or akarshit kar leti hai. ye taposthali hai jahan vyakti ekagrachitt hokar us alaukik prem ko pane ke lie lalayit ho uthata hai. shri shri katyayani pith vrindavan men samayochit pooja mahotsav adi anavarat roop se vidhipoorvak hote rahate hain.

shri siddh ganesh

katyayani pith, vrindavan

shri shri katyayani pith vrindavan men sthit ganapati maharaj ki moorti ka bhi vichitr itihas hai. ek angrez shri dabloo. ar. yool kalakatta men maisars etalas inshorens kampani li. jo n. 4 klaiv rod par hai, men eestarn sekretari pad par kary karate the. inaki patni shrimati yool ne koee sanh 1911 ya 1912 men jabaki vah vilayat ja rahi thin, jayapur se ek ganapati maharaj ki moorti kharidi. vah apane pati ko kalakatta chhodakar inglaind chali geen tatha unhonne apani baithak men karanes par ganapati ji ki pratima saza di. ek din shrimati yool ke ghar bhoj hua tatha unake mitraganon ne ganesh ji ki pratima ko dekhakar unase poochha ki yah kya hai? shrimati yool ne uttar diya ki yah hinduon ka soond vala devata hai. unake mitron ne ganesh ji ki moorti ko bich ki mej par rakhakar upahas karana arambh kiya. kisi ne ganesh ji ke mukh ke pas chammach lagakar poochha ki inaka munh kahan hai. jab bhoj samapt ho gaya tab ratri men shrimati yool ki putri ko jvar ho gaya jo ratri ko bade veg se badh gaya. vah apane tez jvar men chillane lagi hay mera soondavala khilauna mujhe nigalane a raha hai. daktaron ne socha ki vah vismriti men bol rahi hai. kintu vah rat din yahi shabd doharati rahi evn atyant bhayabhit ho gayi. shrimati yool ne yah sab vritant apane pati ko kalakatta likhakar bheja. unaki putri ko kisi bhi aushadhi se labh nahin hua. ek din yool ne svapn men dekha ki vah apane bag ke atithigrih men baithi hai. sooryast ho raha hai, achanak ek namr purush jisake ghungharale bal, mashal si jalati ankh, hath men bhala lie, vrishabh par savar badhate hue andhakar se usaki or a raha hai evn kah raha hai, ' mere putr soond vale devata ko tatkal bharat bhej do anyatha main tumhare sare parivar ka nash kar doonga. vah atyadhik bhayabhit hokar jag uthi aur doosare din prat: hi unhonne us khilaune ko parsal banavakar pahali dak se hi apane pati ke pas bharat bhej diya. jahan vah devata gardan hendarasan ke karyalay men tin din tak rahe. vahan shighr hi kalakatta ke nar nariyon ki siddh ganesh ke darshanarth karyalay men bhid lag gayi. karyalay ka sara kary ruk gaya. shri yool ne apane adhin inshyorens ejent kedar baboo se poochha ki is devata ka kya karana chahie. ant men kedar baboo ganesh ji ko apane ghar 7, abhay charan mitr strit le ge evn vahan unaki pooja shuroo kar di. tab se sab bhakton ne kedar baboo ke ghar par jana arambh kar diya.
idhar vrindavan men svami keshavanand ji maharaj katyayani devi ki pnchayatan poojan vidhi se pratishtha ke lie sanatan dharm ki panch pramukh moortiyon ka prabandh kar rahe the. shri shri katyayani devi ki ashtadhatu se nirmit moorti kalakatta men taiyar ho rahi thi tatha bhairav chandrashekhar ki moorti jayapur men banaee gee thi . jabaki maharaj ganesh ji ki pratima ke vishay men vichar kar rahe the, tabhi unhen man ka adesh hua ki ek siddh ganesh kalakatta men kedar baboo ke ghar men hain. jab tum kalakata se pratima laoge tab mere sath mere putr ko bhi lana. at: jab shri keshavanand ji shri shri katyayani man ki ashtadhatu ki moorti pasnd karake lane ke lie kalakatta gaye tab kedar baboo ne unake pas akar kaha gurudev main apake pas vrindavan ane ka vichar kar raha tha.
main badi vipatti men hoon. mere pas pichhale kuchh dinon se ek ganesh ji ki pratima hai. pratidin ratri men svapn men vah mujhase kahate hain ki jab shri shri katyayani man ki moorti vrindavan jayegi to mujhe bhi vahan bhej dena. kripaya ap svikar karen. gurudev ne kaha," bahut achchha tum vah moorti steshan par le ana, main toofan se jaoonga. jab man jayegi to unaka putr bhi unake sath jaega."
at: jab shri shri svami keshavannd ji maharaj shri shri katyayani devi ki ashtadhatu ki atyant hi sundar pratima lekar kalakatta se vapas a rahe the, kedarababoo ne steshan akar gurudev ko ganesh ji ki pratima de di. vah siddh ganesh in mahayogi dvara shri shri katyayani pith men pratishthit kie ge hain. inaki sthapana ke kuchh samay bad se hi is adbhut devata ki kee ashcharyajanak ghatin jo ki lipibadhd ki jaen to ek poora granth hi ban jae.

svami vidyananad ji maharaj

svami shri keshavananad ji maharaj ke param bhakt shri vishambhar dayal ji aur unaki patni shri ramapyari devi ji jo pratidin maharaj ji ke darshan karane aya karate the, 'man' ki bhakti ke sath-sath guru maharaj svami shri keshavannd ji ke bhi kripa patr ho gaye. shri vishambhar dayal ji ke chhh putr the, in chhh putron par maharaj ka ashirvad sada vidyaman raha. parantu chaturth putr par unaki kripa drishti atyadhik rahi aur vidhubhooshan namak yah balak aj svami vidyannd ji maharaj ke nam se jane jate hain.


tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah