किरातार्जुनीयम्  हिन्दी देवनागरी में पढ़ें।

kiratarjuniyamh prasiddh prachin snskrit grnthon men se ek hai. ise ek utkrisht kavy rachana mana jata hai. isake rachanakar mahakavi bharavi hain, jinaka samay chhathi-satavin shatabdi mana jata hai. yah rachana 'kirat' roopadhari shiv evn pandu putr arjun ke bich hue dhanuryuddh tatha vartalap par adharit hai. 'mahabharat' men varnit kirataveshi shiv ke sath arjun ke yuddh ki laghu katha ko adhar banakar kavi ne rajaniti, dharmaniti, kootaniti, samajaniti, yuddhaniti, janajivan adi ka manoram varnan kiya hai. yah kavy vibhinn rason se otaprot hai.

kathavastu

bharavi ki kirti ka adhar-stambh unaki ekamatr rachana ‘kiratarjuniyamh’ mahakavy hai, jisaki kathavastu mahabharat se li gee hai. isamen arjun tatha 'kirat' veshadhari shiv ke bich yuddh ka varnan hai. antatogatva shiv prasann hokar arjun ko 'pashupatastr' pradan karate hain.

vir ras pradhan

kiratarjuniyamh ek vir ras pradhan 18 sargon ka mahakavy hai. inaka prarambh 'shri' shabd se hota hai tatha pratyek sarg ke antim shlok men ‘lakshmi’ shabd ka prayog milata hai. yah kriti apane arthagaurav ke lie prasiddh hai.[1] kavi ne bade se bade arth ko thode se shabdon men prakat kar apani kavy kushalata ka parichay diya hai. komal bhavon ka pradarshan bhi kushalatapoorvak kiya gaya hai. prakritik drishyon tatha rituon ka varnan bhi ramaniy hai.

kavy chatury aur bhasha

bharavi ne keval ek akshar ‘n’ vala shlok likhakar apani kavy chaturi ka parichay diya hai. kahin-kahin kavita men kathinata bhi a gee hai. is karan vidvanon ne inaki kavita ko ‘narikel phal ke saman’ bataya hai. kirat men rajanitik siddhanton ka pratipadan bhi atyant utkrishtata ke sath men kiya gaya hai. isaki bhasha udatt evn hriday bhavon ko prakat karane vali hai. kavi men komal tatha ugr donon prakar ke bhavon ko prakat karane ki saman shakti evn samarthy thi. prakriti ke drishyon ka varnan bhi atyant manohari hai.

katha

'kiratarjuniyamh' mahakavy ki katha is prakar hai-

jab yudhishthir kauravon ke sath huee dyootakrida men sab kuchh har gaye to vah apane bhaiyon evn draupadi ke sath 13 varsh ke lie vanavas chale gaye. unhonne adhikansh samay dvaitavan men vyatit kiya. vanavas ke kashton se pareshan hokar aur kauravon dvara chali gayi chalon ko yad karake draupadi yudhishthir ko prerit karati thin ki ve yuddh ki taiyari karen aur yuddh karake kauravon se apana rajapat vapas le len. bhim bhi draupadi ka paksh lete hain. snbhavit yuddh ki taiyari ke lie maharshi vyas unhen paramarsh dete hain ki arjun tapasya karake shiv ko prasann kare aur unase 'amogh ayudh' prapt karen . maharshi vyas arjun ke sath ek yaksh ko bhejate hain, jo arjun ko himalay par chhod ata hai, jahan arjun ko tap karana hai. 'ek jngali suar ko tumane nahin mainne mar giraya' is dave ko lekar arjun ka kirat (vanavasi ek jan jati) roopadhari shiv ke sath pahale vivad aur phir yuddh hota hai. ant men shiv apane asali roop men prakat hokar ayudhon se arjun ko upakrit karate hain.

niti vachan

is poore prakaran men draupadi ki baton ke samarthan men bhim dvara yudhishthir ke prati kuchh ek niti vachan kahe gaye hain -

sahasa vidadhit n kriyamavivekah paramapadan padamh .
vrinute hi vimrishyakarinn gunalubdhaah svayamev sampadah ॥30॥[2]

arthath "kisi kary ko bina soche-vichare anayas nahin karana chahie. vivekahinata apadaon ka ashray sthan hoti hai. achchhi prakar se gunon ki lobhi snpadaen vichar karane vale ka svayamev varan karati hain, usake pas chali ati hain".

uparokt shlok men kaha gaya hai ki snpadaen guni vyakti ka varan karati hain. yahan gun shabd ek vishesh arth men prayukt hua hai. nitikar ka ishara un gunon se hai, jinake madhyam se vyakti kisi kary ke lie samuchit avasar talashata hai, use kab aur kaise siddh karen, isaka nirnay leta hai aur tadarth snsadhan jutata hai. yahan gun shabd ka arth sadgunon se nahin hai. parinamon ka sahi akalan karake kary karane ka kaushal hi gun hai.

abhivarshati yo9nupalayanvidhibijani vivekavarina .
s sada phalashalinin kriyan sharadn lok iv adhitishthati ॥31॥[3]

arthath "jo krity ya karane yogy kary roopi bijon ko vivek roopi jal se dhairy ke sath sinchata hai, vah manushy phaladayi sharad ritu ki bhanti karm ki saphalata ko prapt karata hai". is shlok men nitikar ne kary ko fasal ke bij ko, buddhimatta ke paudhe ko sinchane hetu jal tatha phal ki prapti ko sharad-ritu men taiyar fasal ki upama di hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. bharaverarthagauravamh
  2. mahakavi bharavi dvara rachit kiratarjuniyamh, dvitiy sarg
  3. mahakavi bharavi dvara rachit kiratarjuniyamh, dvitiy sarg

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah