ओदिसी  हिन्दी देवनागरी में पढ़ें।

odisi homar krit do prakhyat yoonani mahakavyon men se ek mahakavy. eeliyad (drn.) men homar ne trajan yuddh tatha usake bad ki ghatanaon ka varnan kiya hai jabaki odisi men tray ke patan ke bad eethaka ke raja odisiyas ki, jise yoolisiz nam se bhi jana jata hai, us romanchak yatra ka varnan hai jisamen vah anek kathinaiyon ka samana karate hue, 10 varsh bad apane ghar pahunchata hai.

odisi 24 anuvakon men vibhakt hai aur isaka ghatanakal 42 din ka hai. arnbhik anuvakh‌ men devataon ki sabha men odisiyas ki snrakshika ethina jiyas se shikayat karati hai ki odisiyas 10 varsh poorv tray se ravana hua tha kintu abhi tak ghar nahin pahunch saka hai; karan, kelipso namak rakshasi ne use aaujijiya namak dvip men rok rakha hai jabaki eethaka men pinalapi (odisiyas ki patni) ke panigrahanarthi oodham hi nahin macha rahe hain balki odisiyas ki snpatti bhi chat kar rahe hain. jiyas ethina ko yathavivek kary karane ki anumati de deta hai aur vah odisiyas ke putr telemaikas ke snmukh mentar (telemaikas ka shikshak) ke roop men upasthit hokar use paramarsh deti hai ki vah apane ghar men pinalopi ke panigrahanathiyon ka pravesh rok de tatha svayn apane pita ka pata lagane ke lie yatra kare. dvitiy, tritiy tatha chaturth anuvakon men telemaikas snbadhi katha chalati hai. telemaikas ek sabha ka ayojan kar usamen pinalopi ke panigrahanarthiyon ki bhartsana karata hai aur mentar roopi ethina ki sahayata se ek jahaj prapt karake apani man ko batae bina hi yatra par chal padata hai. mentar ke sath vah pailaaus pahunchakar vriddh nestar se milata hai jahan use trajan yuddh ke asal vivaran gyat hote hain. pailaaus se vah sparta jata hai. vahan mene laus ki patni helen (dr. 'eeliyad') se milata hai aur ghar lautane ki taiyari karane lagata hai. usake turnt bad kavi eethaka sthit odisiyas ke prasad ki ghatanaen prastut karata hai. ek or pinalopi apane putr ke ekaek lupt ho jane se sntrast hai aur doosari or usake panigrahanarthi bndaragah par enatinas ki dekharekh men ek jahaj bhejakar vyavastha karate hain ki telemaikas jaise hi laute, usaki hatya kar di jay taki odisiyas ki snpatti aur pinalopi par unaka kabja ho sake.

panchaven anuvakh‌ men pun: devataon ki sabha ka drishy hai jisamen ethina ek bar phir odisiyas ki mukti ka prayatn karati hai. jiyas haramij ko kailipso ke pas bhejata hai aur usake kahane se vah vrikshon ke latthon ka beda banakar odisiyas ko eethaka ki or ravana kar deti hai. 17 din tak taron ki sahayata se yatra karane ke bad jaise hi odisiyas fiyaishiya dvip ke nikat pahunchata hai, samudr ke devata posidon ke krodh ke karan usaka beda toot jata hai aur vah laharon men doobane utarate lagata hai. tabhi samudr ki apsara liukothiya use ek pranarakshak roomal deti hai jisake sahare vah antat: fiyaishiya pahunchata hai.

chhathe anuvakh‌ men fiyaishiya ke raja elasinas ki beti nusikaa svapn men ethina se adesh pakar agali subah samudratat par apane kapade dhone jati hai jahan usaki bhent nnge odisiyas se hoti hai. sataven anuvakh‌ men vah use kapada pahanakar ghar le ati hai. athaven anuvakh‌ men raja elasinas darabar men odisiyas ka svagat karata hai. is avasar par bhat trajan-yuddh-snbndhi git gata hai to odisiyas vichalit hokar rone lagata hai. raja usase rone ka karan poochhata hai to odisiyas ko apana vastavik parichay dena padata hai. agale tin anuvakon men odisiyasatray ke patan ke bad ki apani 10 varsh ki romanchak yatra ka vivaran sabako sunata hai. 12ven anuvak men odisiyamas fiyaishiya ke jaduee jahaj par eethaka pahunchata hai jahan ethina ek gaderie ke roop men usase milati hai aur use bhikhari ke roop men parivartit kar deti hai taki usaki patni ke panigrahanarthi use pahachanakar koee hani n pahuncha saken. 13ven anuvakh‌ men ethina odisiyas ko usake shookarapal ke yahan bhejakar svayn sparta jati hai aur telemaikas ko shighrata se eethaka lautane ka adesh deti hai. 14ven anuvakh‌ men odisiyas tatha shookarapal ki batachit hai. 15ven anuvakh‌ men telemaikas apani man ke panigrahanarthiyon ke shadyntr se bachakar surakshit ghar laut ata hai. 16ven anuvakh‌ men telemaikas shookarapal ke ghar men apane pita ko pahachan leta hai. pashchath‌ pitaputr pinalopi ke panigrahanarthiyon se chhutakara pane ki yojana banate hain. 17ven tatha 18ven anuvakh‌ men bhikshukaveshi odisiyas apane prasad men pahunchata hai jahan usaka purana kutta eragas use pahachanakar khushi ke mare dam tod deta hai. isi samay odisiyas prasad men upasthit pinalopi ke panigrahanarthiyon ka auddhaty dekhata hai jisase age chalakar unhen marane ke usake bhaynkar krity ki uchit bhoomika bhi ban jati hai. 19ven anuvakh‌ men odisiy tatha pinalopi ki amane samane batachit hoti hai parntu pinalopi apane pati ko pahachan nahin pati, jabaki usaki purani dhay yoorikliya usake pair men bachapan men bane kshatachihn ko dekhakar use pahachan jati hai. 20 ven anuvakh‌ men odisiyas gusse ke karan rat bhar jagakar anek baten sochata rahata hai. 21 ven anuvakh‌ men pinalopi apane panigrahanarthiyon ko chunauti deti hai ki ve sab pari pari odisiyas ke dhanush ka chilla chadhakar is tarah tir chalaen ki vah vishal vriksh men tnge 12 chhallon ke bich se nikal jae. sab asaphal hote hain kintu bhikshukaveshi odisiyas chhallon ke bich se tir nikal deta hai. 22 ven anuvakh‌ men mahakavy ka charamotkarsh hai. odisiyas pinalopi ke sare panigrahanarthiyon ko tiron se bedhakar mar deta hai. koee bhi ek, bachakar nikal nahin pata, kyonki vishal kaksh ke sabhi daravajen pahale hi bnd kar die ge the 23ven anuvakh‌ men pinalopi apane pati ko pahachanati hai aur donon ke milan ka hridayagrahi evn marmasparshi drishy samane ata hai. maha kavy ke antim athava 24ven adhyay men, jise kuchh alochak prakshipt manate hain, devadoot marakari pinalopi ke sabhi panigrahanarthiyon ki atmaon ko narak ke nichale evn nikrisht pradeshon men le jata hai jahan unhen vibhinn prakar ke trasamay dnd die jate hain. isi bich odisiyas nagar ke bahar kheton men jakar apane pita lairatiz se milata hai. ant men odisiyas ke ghar laut ane ke upalaksh men shanadar davat hoti hai aur ithaka men sukhashanti sthapit hone ki soochana ke sath grnth ka samapan ho jata hai.[1]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. hindi vishvakosh, khand 2 |prakashak: nagari pracharini sabha, varanasi |snkalan: bharat diskavari pustakalay |prishth snkhya: 297 |

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah