कामायनी -जयशंकर प्रसाद  हिन्दी देवनागरी में पढ़ें।

kamayani -jayashnkar prasad
'kamayani' mahakavy ka avaran prishth
lekhak jayashnkar prasad
mool shirshak 'kamayani'
mukhy patr manu aur shraddha
prakashan tithi 1936
ISBN 81-288-0663-7
desh bharat
bhasha hindi
prakar mahakavy
vishesh hindi sahity men tulasidas ki 'ramacharitamanas' ke bad hindi ka doosara anupam mahakavy 'kamayani' ko mana jata hai. yah 'chhayavadi yug' ka sarvashreshth mahakavy hai.

'kamayani' jayashnkar prasad ki aur sambhavat: chhayavad yug ki sarvashreshth kriti mani jati hai. praudhata ke bindu par pahunche hue kavi ki yah anyatam rachana hai. ise prasad ke sampoorn chintan- manan ka pratiphalan kahana adhik uchit hoga. isaka prakashan 1936 ee. men hua tha. hindi sahity men tulasidas ki 'ramacharitamanas' ke bad hindi ka doosara anupam mahakavy 'kamayani' ko mana jata hai. yah 'chhayavadi yug' ka sarvashreshth mahakavy hai. ise chhayavad ka 'upanishad' bhi kaha jata hai. 'kamayani' ke nayak manu aur shraddha hain.

manu ki katha

isamen adimanav manu ki katha li gayi hai. is kavy ki kathavastu ved, upanishad, puran adi se prerit hai kintu mukhy adhar shatapath brahman ko svikar kiya gaya hai. avashyakatanusar prasad ne pauranik katha men parivartan kar use nyayochit roop diya hai. 'kamayani' ki katha snkshep men is prakar hai- prithvi par ghor jalaplavan aya aur usamen keval manu jivit rah gaye. ve devasrishti ke antim avashesh the. jalaplavan samapt hone par unhonne ygy adi karana arambh kiya. ek din 'kam putri' 'shraddha' unake samip ayi aur ve donon sath rahane lage. bhavi shishu ki kalpana nimagn shraddha ko ek din eershyavash manu anayas hi chhod kar chal diye. unaki bhent sarasvat pradesh ki adhishthatri ;ida' se huee. usane inhen shasan ka bhar saunp diya. par vahan ki praja ek din ida par manu ke atyachar aur adhipaty- bhav ko dekhakar vidroh kar uthi. manu ahat ho gaye gaye tabhi shraddha apane putr manav ke sath unhen khojate hue a pahunchi kintu pashchattap men doobe manu pun: un sabako chhodakar chal diye. shraddha ne manav ko ida ke pas chhod diya aur apane manu ko khojate- khojate pa gayi. ant men sarasvat pradesh ke sabhi prani kailas parvat par jakar shraddha aur manu ke darshan karate hain.

pandrah sarg

'kamayani' ki katha pandrah sagon men vibhakt hai, jinaka namakaran chinta, asha, shraddha, kam, vasana, lajja adi manovikaron ke nam par hua hai. 'kamayani' adi manav ki katha to hai hi, par isake madhyam se kavi ne apane yug ke mahattvapoorn prashnon par vichar bhi kiya hai.

adhunik sndarbh

sarasvat pradesh ki prgya jis buddhivadita aur bhautikavadita se trast hai, vahi adhunik yug ki sthiti hai. 'kamayani' apane roopakatv men ek manovigyanik aur darshanik mntavy ko prakat karati hai. manu manaka pratik hai aur shraddh tatha ida kramash: usake hriday aur buddhipaksh hai. apane antarik manovikaron se sngharsh karata hua manu shraddha- vishvas ki sahayata se anand lok tak pahunchata hai. prasad ne samarasata siddhant tatha samanvay magn ka pratipadan kiya hai. antim char sargon men pratipadit darshan par shaivagam ka prabhav hai.

vishisht shaili ka mahakavy

'kamayani' ek vishisht shaili ka mahakavy hai. usaka gaurav usake yugabodh, paripusht chintan, mahat uddeshy aur praudh shilp men nihit hai. usamen prachin mahakavyon ka sa varnanatmak vistar nahin hai par sarvatr kavi ki gahan anubhooti ke darshan hote hain. yah bhi svikar karana hoga ki usamen gititattv pramukhata pa gaye hain. manovikar ataynt sookshm hote hain. unhen moort roop dene men prasad ne jo saphalata payi hai vah unake abhivyakti kaushal ki parichayak hai. kahin- kahin bhavapoorn prakashan men sambhav hai, saphal n hon, par shilp ki praudhata 'kamayani' ka pramukh gun hai. pratik bhandar itana samriddh hai ki anek sthalon par kavi chitr nirmit kar deta hai. is drishti se shraddha ka roop- varnan sundar hai. lajja jaise sookshm bhavon ke prakashan men 'kamayani' men prasad ke chintan- manan ko sahaj hi dekha ja sakata hai. ise ham bhav aur anubhooti donon drishtiyon se chhayavad ki poorn abhivyakti kah sakate hain.

prakashan

1982 men 'kamayani' ki prasad dvara prastut mool pandulipi ka prakashan hua hai.[1][2][3]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. sinh, ramalal kamayani anushilan (hindi).
  2. prasad ka kavy (hindi).
  3. madan, indranath kamayani- moolyankan aur moolyankan (hindi).

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah