दुखिया -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

pahadi dehat, jngal ke kinare ke ganv aur barasat ka samay! vah bhi ooshakal! bada hi manoram drishy tha. rat ki varsha se am ke vriksh tarabor the. abhi patton se pani dhulak raha tha. prabhat ke spasht hone par bhi dhundhale prakash men sadak ke kinare amravriksh ke niche balika kuchh dekh rahi thi. ‘tap’ se shabd hua, balika uchhal padi, gira hua am uthakar anchal men rakh liya. (jo paket ki tarah khons kar bana hua tha.)

dakshin pavan ne anajan men phal se ladi huee daliyon se athakheliyan kin. usaka sanchit dhan ast-vyast ho gaya. do-char gir pade. balika oosha ki kiranon ke saman hi khil padi. usaka anchal bhar utha. phir bhi asha men khadi rahi. vyarth prayas jan kar lauti, aur apani jhonpadi ki or chal padi. phoos ki jhonpadi men baitha hua usaka andha boodha bap apani phooti huee chilam sulaga raha tha. dukhiya ne ate hi anchal se sat amon men se panch nikal kar bap ke hath men rakh diye. aur svayn baratan manjane ke lie ‘dabare’ ki or chal padi.

baratanon ka vivaran sunie, ek phooti batuli, ek lonhadi aur lota, yahi us din parivar ka upakaran tha. dabare ke kinare chhoti-si shila par apane phate hue vastr snbhale hue baithakar dukhiya ne baratan malana arambh kiya.

bhag 2

apane pise hue bajare ke ate ki roti pakakar dukhiya ne boodhe bap ko khilaya aur svayn bacha hua kha-pikar pas hi ke mahue ke vriksh ki phaili jadon par sir rakh kar let rahi. kuchh gunagunane lagi. dupahari dhal gayi. ab dukhiya uthi aur khurapi-jala lekar ghas chhilane chali. zamindar ke ghode ke lie ghas vah roj de ati thi, kathin parishram se usane apane kam bhar ghas kar liya, phir use dabare men rakh kar dhone lagi.

soory ki sunahali kiranen barasati akash par navin chitrakar ki tarah kee prakar ke rng lagana sikhane lagin. amaraee aur tad-vrikshon ki chhaya us shadval jal men padakar prakritik chitr ka srijan karane lagi. dukhiya ko vilamb hua, kintu abhi usaki ghas dho nahin gayi, use jaise isaki kuchh paravah n thi. isi samay ghode ki tapon ke shabd ne usaki ekagrata ko bhng kiya.

zamindar kumar sandhya ko hava khane ke lie nikale the. vegavan ‘balotara’ jati ka kummed pachakalyan aj garam ho gaya tha. mohanasinh se bekaboo hokar vah bagatoot bhag raha tha. snyog! jahan par dukhiya baithi thi, usi ke samip thokar lekar ghoda gira. mohanasinh bhi buri tarah ghayal hokar gire. dukhiya ne mohanasinh ki sahayata ki. dabare se jal lakar ghavon ko dhone lagi. mohan ne patti bandhi, ghoda bhi uthakar shant khada hua. dukhiya jo use tahalane lagi thi. mohan ne kritgyta ki drishti se dukhiya ko dekha, vah ek sushikshit yuvak tha. usane daridr dukhiya ko usaki sahayata ke badale hi rupaya dena chaha. dukhiya ne hath jodakar kaha-‘‘baboo ji , ham to ap hi ke gulam hain. isi ghode ko ghas dene se hamari roti chalati hai.’’

ab mohan ne dukhiya ko pahichana. usane poochha-

‘‘kya tum ramagulam ki ladaqi ho?’’

‘‘han, babooji.’’

‘‘vah bahut dinon se dikhata nahin!’’

‘‘baboo ji, unaki ankhon se dikhaee nahin padata.’’

‘‘aha, hamare ladakapan men vah hamare ghode ko, jab ham us par baithate the, pakadakar tahalata tha. vah kahan hai?’’

‘‘apani madee men.’’

‘‘chalo, ham vahan tak chalenge.’’

kishori dukhiya ko kaun jane kyon snkoch hua, usane kaha-

‘‘babooji, ghas pahunchane men der huee hai. sarakar bigadenge.’’

‘‘kuchh chinta nahin; tum chalo.’’

lachar hokar dukhiya ghas ka bojha sir par rakhe hue jhonpadi ki or chal padi. ghode par mohan pichhe-pichhe tha.

bhag 3

‘‘ramagulam, tum achchhe to ho?’’

‘‘raj! sarakar! jug-jug jio baboo!’’ boodhe ne bina dekhe apani tooti charapaee se uthate hue donon hath apane sir tak le jakar kaha.

‘‘ramagulam, tumane pahachan liya?’’

‘‘n kaise pahachanen, sarakar! yah deh pali hai.’’ usane kaha.

‘‘tumako kuchh penshan milati hai ki nahin?’’

‘‘ap hi ka diya khate hain, babooji. abhi ladaqi hamari jagah par ghas deti hai.’’

bhavuk navayuvak ne phir prashn kiya, ‘‘kyon ramagulam, jab isaka vivah ho jayega, tab kaun ghas dega?’’

ramagulam ke anandashru du:kh ki nadi hokar bahane lage. bade kasht se usane kaha-‘‘kya ham sada jite rahenge?’’

ab mohan se nahin raha gaya, vahin do rupaye us buddhe ko dekar chalate bane. jate-jate kaha-‘‘phir kabhi.’’

dukhiya ko bhi ghas lekar vahin jana tha. vah pichhe chali.

zamindar ki pashushala thi. hathi, oont, ghoda, bulabul, bhainsa, gay, bakare, bail, lal, kisi ki kami nahin thi. ek dusht najib khan in sabon ka nirikshak tha. dukhiya ko der se ate dekhakar use avasar mila. badi nichata se usane kaha-‘‘mare javani ke tera mizaj hi nahin milata! kal se teri naukari band kar di jayagi. itani der?’’

dukhiya kuchh nahin bolati, kintu usako apane boodhe bap ki yad a gayi. usane socha, kisi tarah naukari bachani chahie, turant kah baithi-

‘‘chhote sarakar ghode par se gir pade rahe. unhen madee tak pahunchane men der ......’’

‘‘chup haramajadi! tabhi to tera mizaj aur bigada hai. abhi bade sarakar ke pas chalate hain.’’

vah utha aur chala. dukhiya ne ghas ka bojha pataka aur roti huee jhonpadi ki or chalati huee. rah chalate-chalate use dabare ka saynkalin drishy smaran hone laga. vah usi men bhool kar apane ghar pahunch gee.

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah