करुणा की विजय -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

sandhya ki dinata godhooli ke sath daridr mohan ki rikt thali men dhool bhar rahi hai. nagaropakanth men ek kuen ke samip baitha hua apani chhoti bahan ko vah samajha raha hai. phate hue kurate ki kor se usake ashru ponchhane men vah saphal nahin ho raha tha, kyonki kapade ke soot se ashru vishesh the. thoda-sa chana, jo usake patr men bechane ka bacha tha, usi ko ramakali mangati thi. tin varsh ki ramakali ko terah varsh ka mohan snbhalane men asamarth tha.

dhaee paise ka vah bech chuka hai. abhi do-tin paise ka chana jo jal aur mirche men ubala hua tha, aur bacha hai. mohan chahata tha ki char paise usake rokad men aur bache rahen, dedh-do paise ka kuchh lekar apana aur ramakali ka pet bhar lega. char paise se sabere chane ubal kar phir apani dookan laga lega. kintu vidhata ko yah nahin svikar tha. jab se usake mata-pita mare, sal bhar se vah isi tarah apana jivan nirvah karata tha. kisi sambandhi ya sajjan ki drishti usaki or n padi. mohan abhimani tha. vah dhun ka bhi pakka tha. kintu aj vah vichalit hua. ramakali ki kaun kahe, vah bhi bhookh ki jvala sahan n kar saka. apane adrisht ke samane har manakar ramakali ko usane khilaya. bacha hua jo tha, usane mohan ke pet ki garami aur badha di. dhaee paise ka aur bhi kuchh lakar apani bhookh mitayi. donon kuen ki jagath par so gaye.

bhag 2

daridrata aur karuna se jhagada chal pada. daridrata boli-‘‘dekho ji, mera kaisa prabhav hai.’’ karuna ne kaha-‘‘mera sarvatr rajy hai. tumhara vidroh saphal n hoga.’’ daridrata ne kaha-‘‘girati huee baloo ki divar kahakar nahin girati. tumhara kalpanik kshetr nihar ki varsha se kab tak sincha rahega?’’ abhiman abhi tak chup baitha raha, kintu usase nahin raha gaya. kaha-‘‘main bhi kisi dal men ghus kar dekhoonga ki kaun jitata hai.’’ donon ne poochha ki tum kisaka sath doge? abhiman ne kaha-‘‘jidhar ki jit dekhoonga.’’

karuna ne vishrant balakon ko sukh dene ka vichar kiya. malay hillol ki thapaki dekar sula dena chaha. daridrata ne din bhar ki jami huee gard kadamb ke patton par se khisaka di. balakon ke saral mukh ne dhool padane se kuchh vikrit roop dharan kiya. daridrata ne svapn men bhayanak roop dharan karake unhen darshan diya. mohan ka sharir kanpane laga. door se dekhati huee karuna bhi knp uthi. akasmath mohan utha aur jhonk se bola-‘‘bhikh n mangoonga, maroonga.’’

ek krandan aur dhamaka. ramakali ko kuen ne apani shital god men le liya. dal par se daridrata ke attahas ki tarah ulloo bol utha. usi samay bngale par menhadi ki tatti se ghire hue chabootare par asamani pnkhe ke niche masahari men se nagar-pita dandanayak chilla uthe-‘‘pnkha khincho.’’

-- --

prasann-vadan nyayadhish ne ek sthir drishti se dekhate hue aparadhi mohan se kaha-‘‘balak, tumane aparadh svikar karate hue ki ramakali apani bahin ki hatya tumhin ne ki hai, mrityudand chaha hai. kintu nyay aparadh ka karan dhoondhata hai. sir katati hai talavar, kintu vahi sir katane ke aparadh men nahin todi jati hai. nirbodh balak, tumhara kuchh bhi abhi kartritv nahin hai. tumane yadi yah hatya ki bhi ho, to tum keval hatyari ke astr the. nagar ke vyavasthapak par isaka dayitv hai ki tin varsh ki ramakali tumhare hath men kyon di gayi! yadi koee uttaradhikari-vihin dhani mar jata, to vyavasthapak nagar-pita usake dhan ko apane kosh men rakhava lete. yadi nirbodh uttaradhikari rahata, to usaki sampatti surakshit karane ki vah vyavastha karate. kintu asahay, nirdhan aur abhimani tatha nirbodh balak ke hath men shishu ka bhar rakh dena rashtr ke shubh uddeshy ki gupt riti se aur shishu ki prakat hatya karana hai. tum isake aparadhi nahin ho. tum mukt ho.’’

karuna rote hue hns padi. apani vijay ki varsha mohan ke abhiman ke ashru banakar rane lagi.

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah