बेड़ी -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

‘‘babooji, ek paisa!’’

main sunakar chaunk pada, kitani karunik avaz thi. dekha to ek 9-10 baras ka ladaqa andhe ki lathi pakade khada tha. mainne kaha-sooradas, yah tumako kahan se mil gaya?

andhe ko andha n kah kar sooradas ke nam se pukarane ki chal mujhe bhali lagi. is sambodhan men us din ke abhav ki or sahanubhooti aur samman ki bhavana thi, vyng n tha.

usane kaha-babooji, yah mera ladaqa hai-mujh andhe ki lakadi hai. isake rahane se pet bhar khane ko mang sakata hoon aur dabane-kuchalane se bhi bach jata hoon.

mainne use ikanni di, balak ne utsah se kaha-aha ikanni! buddhe ne kaha-data, jug-jug jiyo!

main age badha aur sochata jata tha, itane kasht se jo jivan bita raha hai, usake vichar men bhi jivan hi sabase amooly vastu hai, he bhagavanh!

dinanath kari kyon deri?-dashashvamedh ki or jate hue mere kanon men ek praudh svar sunaee pada. usamen sachchi vinay thi-vahi jo tulasidas ki vinay-patrika men ot-prot hai. vahi akulata, sannidhy ki pukar, prabal prahar se vyathit ki karah! motar ki dambh bhari bhishan bhon-bhon men vilin hokar bhi vayumandal men tirane lagi. main avakh hokar dekhane laga, vahi buddha! kintu aj akela tha. mainne use kuchh dete hue poochha-kyonji, aj vah tumhara ladaqa kahan hai?

babooji, bhikh men se kuchh paisa chura kar rakhata tha, vahi lekar bhag gaya, n jane kahan gaya!-un phooti ankhon se pani bahane laga. mainne poochha-usaka pata nahin laga? kitane din hue?

log kahate hain ki vah kalakatta bhag gaya! us natakhat ladake par krodh se bhara hua main ghat ki or badha, vahan ek vyas ji shravan-charit ki katha kah rahe the. main sunate-sunate us balak par adhik uttejit ho utha. dekha to pani ki kal ka dhuan poorv ke akash men ajagar ki tarah phail raha tha.

kee mahine bitane par chauk men vahi buddha dikhaee pada, usaki lathi pakade vahi ladaqa akada hua khada tha. mainne krodh se poochha-kyon be, too andhe pita ko chhodakar kahan bhaga tha? vah muskarate hue bola-baboo ji, naukari khojane gaya tha. mera krodh usaki kartavy-buddhi se shant hua. mainne use kuchh dete hue kaha-ladake, teri yahi naukari hai, too apane bap ko chhodakar n bhaga kar.

buddha bol utha-babooji, ab yah nahin bhag sakega, isake pairon men bedi dal di gee hai. mainne ghrina aur ashchary se dekha, sachamuch usake pairon men bedi thi. balak bahut dhire-dhire chal sakata tha. mainne man-hi-man kaha-he bhagavanh, bhikh mngavane ke lie, bap apane bete ke pair men bedi bhi dal sakata hai aur vah natakhat phir bhi muskarata tha. snsar, teri jay ho!

main age badh gaya.

main ek sajjan ki pratiksha men khada tha, aj nav par ghoomane ka unase nishchay ho chuka tha. gadi, motar, tange takarate-takarate bhage ja rahe the, sab jaise vyakul. main darshanik ki tarah unaki chanchalata ki alochana kar raha tha! siras ke vriksh ki ad men phir vahi kanth-svar sunayi pada. buddhe ne kaha-beta, tin din aur n le paisa, mainne ramadas se kaha hai sat ane men tera kurata ban jayaga, ab thand padane lagi hai. usane thunakate hue kaha-nahin, aj mujhe do paisa do, main kachaloo khaoonga, vah dekho us patari par bik raha hai. balak ke munh aur ankh men pani bhara tha. durbhagy se buddha use paisa nahin de sakata tha. vah n dene ke lie hath karata hi raha; parantu balak ki hi vijay huee. vah paisa lekar sadak ki us patari par chala. usake bedi se jakade hue pair paintara kat kar chal rahe the. jaise yuddh-vijay ke lie.

navin baboo chalis mil ki spid se motar apane hath se dauda rahe the. darshakon ki chitkar se balak gir pada, bhid daudi. motar nikal gee aur yah buddha vikal ho rone laga-andha kidhar jay!

ek ne kaha-chot adhik nahin.

doosare ne kaha-hatyare ne bedi pahana di hai, nahin to kyon chot khata.

buddhe ne kaha-kat do bedi baba, mujhe n chahie.

aur mainne hatabuddhi hokar dekha ki balak ke pran-pakheroo apani bedi kat chuke the.

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah