पत्थर की पुकार -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

naval aur vimal donon bat karate hue tahal rahe the. vimal ne kaha-

‘‘sahity-seva bhi ek vyasan hai.’’

‘‘nahin mitr! yah to vishv bhar ki ek maun seva-samiti ka sadasy hona hai.’’

‘‘achchha to phir batao, tumako kya bhala lagata hai? kaisa sahity ruchata hai?’’

‘‘atit aur karuna ka jo ansh sahity men ho, vah mere hriday ko akarshit karata hai.’’

naval ki gambhir hnsi kuchh taral ho gayi. unhonne kaha-‘‘isase vishesh aur ham bharatiyon ke pas dhara kya hai! stuty atit ki ghoshana aur vartaman ki karuna, isi ka gan hamen ata hai. bas, yah bhi ek bhang-ganje ki tarah nasha hai.’’ vimal ka hriday stabdh ho gaya. chir prasann-vadan mitr ko apani bhavana par itana kathor aghat karate hue kabhi bhi usane nahin dekha tha. vah kuchh virakt ho gaya. mitr ne kaha-‘‘kahan chaloge?’’ usane kaha-‘‘chalo, main thoda ghoom kar gnga-tat par miloonga.’’ naval bhi ek or chala gaya.

bhag 2

chinta men magn vimal ek or chala. nagar ke ek soone muhalle ki or ja nikala. ek tooti charapaee apane phoote jhilnge men lipati padi hai. usi ke bagal men din kuti phoos se dhnki huee, apana daridr mukh bhiksha ke lie khole hue baithi hai. do-ek dhanki aur hathaude, pani ki pyali, koochi, do kale shilakhand paricharak ki tarah us din kuti ko ghere pade hain. kisi ko n dekhakar ek shilakhand par n jane kisake kahane se vimal baith gaya. yah chupachap tha. vidit hua ki doosara patthar kuchh dhire-dhire kah raha hai. vah sunane laga-

‘‘main apane sukhad shail men snlagn tha. shilpi! toone mujhe kyon la pataka? yahan to manav ki hinsa ka garjan mere kathor vaksh:sthal ka bhedan kar raha hai. main tere pralobhan men pad kar yahan chala aya tha, kuchh tere bahubal se nahin, kyonki meri prabal kamana thi ki main ek sundar moorti men parinat ho jaoon. usake lie apane vaksh:sthal ko kshat-vikshat karane ko prastut tha. teri tanki se hriday chirane men prasann tha! ki kabhi meri is sahanashilata ka puraskar, sarahana ke roop men milega aur meri maun moorti anantakal tak us sarahana ko chupachap garv se svikar karati rahegi. kintu nishthur! toone apane dvar par mujhe phoote hue thikare ki tarah la pataka. ab main yahin par pada-pada kab tak apane bhavishy ki ganana karoonga?’’

patthar ki karunamayi pukar se vimal ko krodh ka sanchar hua. aur vastav men is pukar men atit aur karuna donon ka mishran tha, jo ki usake chitt ka saral vinod tha. vimal bhavapravan hokar rosh se garjan karata hua patthar ki or se anurodh karane ko shilpi ke daridr kutir men ghus pada.

‘‘kyon ji, tumane is patthar ko kitane dinon se yahan la rakkha hai? bhala vah bhi apane man men kya samajhata hoga? sust hokar pade ho, usaki koee sundar moorti kyon n bana dali?’’ vimal ne ruksh svar men kaha.

purani gudadi men dhnki huee jirn-shirn moorti khansi se knp kar boli-‘‘baboo ji! apane to mujhe koee agya nahin di thi.’’

‘‘aji tum bana liye hote, phir koee-n-koee to ise le leta. bhala dekho to yah patthar kitane dinon se pada tumhare nam ko ro raha hai.’’-vimal ne kaha. shilpi ne kaph nikal kar gala saf karate hue kaha-‘‘ap log amir adami hai. apane komal shravanendriyon se patthar ka rona, laharon ka sngit, pavan ki hnsi ityadi kitani sookshm baten sun lete hain, aur usaki pukar men dattachitt ho jate hain. karuna se pulakit hote hain, kintu kya kabhi dukhi hriday ke nirav krandan ko bhi antaratma ki shravanendriyon ko sunane dete hain, jo karuna ka kalpanik nahin, kintu vastavik roop hai?’’

vimal ke atit aur karuna-sambandhi samast sadh‌bhav kathor karmanyata ka avahan karane ke lie usi se vidroh karane lage. vah stabdh hokar usi malin bhoomi par baith gaya.

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah