देवदासी -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

‘........’

1.3.25

priy ramesh!

parades men kisi apane ke ghar laut ane ka anurodh badi santvana deta hai, parantu ab tumhara mujhe bulana ek abhinay-sa hai. han, main katookti karata hoon, janate ho kyon? main jhagadऩa chahata hoon, kyonki snsar men ab mera koee nahin hai, main upekshit hoon. sahasa apane ka-sa svar sunakar man men kshobh hota hai. ab mera ghar lautakar ana anishchit hai. mainne ‘--’ ke hindi-prachar-karyalay men naukari kar li hai. tum to janate hi ho ki mere lie prayag aur ‘--’ barabar hain. ab ashok videsh men bhookha n rahega. main pustak bechata hoon.

yah tumhara likhana thik hai ki ek ane ka tikat lagakar patr bhejana mujhe akharata hai. par tumhare gal yadi mere samip hote, to un par panchon nahin to meri tin ungaliyan apana chihn avashy hi bana detin; tumhara itana sahas-mujhe likhate ho ki beyaring patr bhej diya karo! ye sab gun mujhamen hote, to main bhi tumhari tarah pres men proopharidar ka kam karata hota. savadhan, ab kabhi aisa likhoge, to main uttar bhi n doonga.

lalloo ko meri or se pyar kar lena. usase kah dena ki pet se bacha sakoonga, to ek relagadi bhej doonga.

yadyapi apani yatra ka samachar barabar likhakar main tumhara manornjan n kar sakoonga, to bhi sun lo. ‘....’ men ek bada parv hai, vahan ‘....’ ka devamandir bada prasiddh hai. tum to janate hoge ki dakshin men kaise-kaise darshaniy devalay hain, unamen bhi yah pradhan hai. main vahan karyalay ki pustaken bechane ke lie ja raha hoon.

tumhara,

ashok

punashch-

mujhe vishvas hai ki mera pata janane ke lie koee utsuk n hoga. phir bhi savadhan! kisi par prakat n karana.

bhag 2

‘........’

10.3.25

priy ramesh!

raha nahin gaya! lo suno-mandir dekhakar hriday prasann ho gaya, ooncha gopuramh, sudridh prachir, chaudi parikramaen aur vishal sabha-mandap bharatiy sthapaty-kala ke choodant nidarshan hain. yah dev-mandir hriday par gambhir prabhav dalata hai. ham janate hain ki tumhare man men yahan ke pandon ke lie prashn hoga, phir bhi ve uttariy bharat se bure nahin hain. pooja aur arati ke samay ek prabhavashali vatavaran hriday ko bharavanat kar deta hai.

main kabhi-kabhi ekatak dekhata hoon-un mandiron ko hi nahin, kintu us prachin bharatiy snskriti ko, jo sarvochch shakti ko apani mahatta, saundary aur aishvary ke dvara vyakt karana janati thi. tumase kahoonga, yadi kabhi rupaye juta sako, to ek bar dakshin ke mandiron ko avashy dekhana, dev-darshan ki kala yahan dekhane men ati hai. ek bat aur hai, main abhi bahut dinon tak yahan rahoonga. main yahan ki bhasha bhali-bhanti bol leta hoon. mujhe parikrama ke bhitar hi ek kothari snyog se mil gee hai. pas men hi ek kuna bhi hai. mujhe prasad bhi mandir se hi milata hai. main bade chain se hoon. yahan pustaken bech bhi leta hoon, sundar chitron ke karan pustakon ki achchhi bikri ho jati hai. gopuramh ke pas hi main dookan phaila deta hoon aur mahilaen mujhase pustakon ka vivaran poochhati hain. mujhe samajhane men bada anand ata hai. pas hi bade sundar-sundar drishy hain-nadi, pahad aur jngal sabhi to hain. main kabhi-kabhi ghoomane bhi chala jata hoon. parantu uttariy bharat ke saman yahan ke devavigrahon ke samip ham log nahin ja sakate. door se hi dipalok men us achal moorti ki jhanki ho jati hai. yahan mandiron men sngit aur nrity ka bhi anand rahata hai. badi chahal-pahal hai. ajakal yatriyon ke karan aur bhi sundar-sundar pradarshan hote hain.

tum janate ho ki main apana patr itana savistar kyon likh raha hoon!-tumhare kripan aur snkuchit hriday men utkantha badhane ke lie! mujhe itana hi sukh sahi.

tumhara,

ashok

bhag 3

‘........’

17.3.25

priy ramesh!

samay ki ulahana dene ki prachin pratha ko main achchha nahin samajhata. isalie jab vah shushk mansapeshi alag dikhane vala, chaudi haddiyon ka apana sharir lathiya ke bal par tekata hua, chidambaramh nam ka panda mere samip baithakar apani bhasha men upadesh dene lagata hai, to main ghabara jata hoon. vah samay ka ek durdrishy chitr khinchakar, abhav aur apadaon ka ullekh karake vibhishika utpann karata hai. main unase mukt hoon ; bhojan matr ke lie arjan karake santusht ghoomata hoon-sota hoon. mujhe samay ki kya chinta hai. par main yah janata hoon ki vahi mera sahayak hai-mitr hai, itani atmiyata dikhalata hai ki main usaki upeksha nahin kar sakata. aha, ek bat to likhana main bhool hi gaya tha! use avashy likhoonga kyonki tumhare sune bina mera sukh adhoora rahega. mere sukh ko main hi janoon , tab usamen dhara hi kya hai, jab tumhen usaki dah n ho! to suno-

sabha-mandap ke shilp-rachanapoorn stambh se tiki huee ek ujjval shyamavarn ki balika ko apani patali bahulata ke sahare ghutane ko chhati se lagaye pray: baithi huee dekhata hoon. svarn-mallkia ki mala usake joode se lagi rahati hai. pray: vah kusumabharan-bhooshita rahati hai. use dekhane ka mujhe chaska lag gaya hai. vah mujhase hindi sikhana chahati hai. main tumase poochhata hoon ki use padhana arambh kar doon? usaka nam hai padma. chidambaramh aur padma men khoob patati hai, vah harini ki tarah jhijhakati bhi hai. par n jane kyon mere pas a baithati hai, meri pustaken ulat-palat deti hai. meri baten sunate-sunate vah aisi ho jati hai, jaise koee alap le rahi ho aur main pray: adhi bat kahate-kahate ruk jata hoon. isaka anubhav mujhe tab hota hai, jab mere drishti-path se vah hat jati hai. use dekhakar mere hriday men kavita karane ki ichchha hoti hai, yah kyon? mere hriday ka sota hua saundary jag uthata hai. tum mujhe nich samajhoge aur kahoge ki abhage ashok ke hriday ki spadrdha to dekho! par main sach kahata hoon, use dekhane par main anant aishvaryashali ho jata hoon.

han, vah mandir men nachati aur gati hai. aur bhi bahut-si hain, par main kahoonga, vaisi ek bhi nahin. log use devadasi padma kahate hain, ve adham hain; vah devabala padma hai!

vahi,

ashok

bhag 4

‘........’

28.3.25

priy ramesh!

tumhara ulahana nissar hai. main is samay keval padma ko samajh sakata hoon. phir apane ya tumhare kushal-mngal ki charcha kyon karoon? tum usaka roop-saundary poochhate ho, main usaka vivaran dene men asamarth hoon. hriday men upamaen nachakar chali jati hain, thaharane nahin patin ki main lipi-baddh karoon. vah ek jyoti hai, jo apani mahatta aur alok men apana avayav chhipaye rakhati hai. keval taral, nil, shubhr aur karun ankhen meri ankhon se mil jati hain, meri ankhon men shyama kadambini ki shitalata chha jati hai. aur snsar ke atyacharon se nirash is jhnjharidar kaleje ke vatayan se vah snigdh malayanil ke jhonke ki tarah ghus ati hai. ek din ki ghatana likhe bina nahin raha jata-

main apani pustakon ki dookan phailaye baitha tha. gopuramh ke samip hi vah kahin se jhapati huee chali ati thi. doosari or se ek yuvak usake samane a khada hua. vah yuvak, mandir ka kripa-bhajan ek dhani darshanarthi tha; yah bat usake kanon ke chamakate hue hire ke ‘tap’ se prakat thi. vah berok-tok mandir men chahe jahan ata-jata hai. mandir men pray: logon ko usase kuchh milata hai; sab usaka samman karate hain. use samane dekhakar padma ko khadi hona pada. usane badi nich mukhakriti se kuchh baten kahin, kintu padma kuchh n boli. phir usane spasht shabdon men ratri ko apane milane ka sthan nirdesh kiya. padma ne kaha-‘‘main nahin a sakoongi.’’ vah lal-pila hokar bakane laga. mere man men krodh ka dhakka laga, main uthakar usake pas chala aya. vah mujhe dekhakar hata to, par kahata gaya ki-‘‘achchha dekh loonga!’’

us nil-kamal se makarand-bindu tapak rahe the. meri ichchha huee ki vah moti bator loon. pahali bar mainne un kapolon par hath lagakar unhen lena chaha. ah, unhonne varsha kar di! mainne poochha-‘‘usase tum itani bhayabhit kyon ho?’’

‘‘mandir men darshan karane valon ka manornjan karana mera kartavy hai; main devadasi hoon!’’-usane kaha.

‘‘yah to bada atyachar hai. tum kyon yahan rahakar apane ko apamanit karati ho?-mainne kaha.

‘‘kahan jaoon, main devata ke lie utsarg kar di gee hoon.’’-usane kaha.

‘‘nahin-nahin, devata to kya, rakshas bhi manav-svabhav ki bali nahin leta-vah to rakt-mans se hi santusht ho jata hai. tum apani atma aur ant:karan ki bali kyon karati ho?’’-mainne kaha.

‘‘aisa n kaho, pap hoga; devata rusht honge.’’-usane kaha.

‘‘papon ko devata khojen, manushy ke pas kuchh puny bhi hai, padma! tum use kyon nahin khojati ho? papon ka n karana hi puny nahin. tum apani atma ki adhikarini ho, apane hriday ki tatha sharir ki sampoorn svamini ho, mat daro. main kahata hoon ki isase devata prasann honge; ashirvad ki varsha hogi.’’-mainne ek sans men kahakar dekha ki usake mastak men ujjvalata a gee hai, vah ek sphoorti ka anubhav karane lagi hai. usane kaha-‘‘achchha, to phir miloongi.’’

vah chali gee. mainne dekha ki boodha chidambaramh mere pichhe khada muskara raha hai. mujhe krodh bhi aya par kuchh n bolakar, mainne pustak batorana arambh kiya.

tum kuchh apani sammati doge?

-ashok

bhag 5

‘........’

1.4.25

ramesh!

kal sngit ho raha tha. mandir alok-mala se susajjit tha. nrity karati huee padma ga rahi thi ‘‘nam-sametn vrit-snketn vadayate mridu-venun .....’’ oh! ve sngit-madira ki laharen thin. main unamen oobh-choobh hone laga. usaki kusum-abharan se bhooshit angalata ke sanchalan se vayumandal saurabh se bhar jata tha. vah vivash thi, jaise kusumita lata tivr pavan ke jhonke se ragon ke svar ka spandan usake abhinay men tha. log use vismay-vimugdh dekhate the. par n jane kyon, mere man men udveg hua, main jakar apani kothari men pad raha. aj karyalay se laut jane ke lie patr aya tha. usi ko vicharata hua kab tak ankhe band kiye pada raha, mujhe vidit nahin, sahasa sayn-sayn, phus-phus ka shabd sunaee pada; main dhyan lagakar sunane laga.

dhyan dene par main jan gaya ki do vyakti baten kar rahe the-chidnbaramh aur ramasvami nam ka vahi dhani yuvak. main manoyog se sunane laga-

chidambaramh-tumane aj tak usaki ichchha ke viruddh bade-bade atyachar kiye hain, ab jab vah nahin chahati, to tum use kyon satate ho?

ramasvami-suno chidambaramh, sundariyon ki kami nahin; par n jane kyon mera hriday use chhodakar doosari or nahin jata. vah itani nirih hai ki use masalane men anand ata hai! ek bar usase kah do, meri baten sun le, phir jo chahe kare.

chidambaramh chala gaya aur usaki baten band hueen. aur sach kahata hoon , mandir se mera man pratikool hone laga. pairon ke shabd hue , vahi jaise roti huee boli-‘‘ramasvami mujh par daya n karoge?’’ oh! kitani vedana thi usake shabdon men. parantu ramasvami ke hriday men tivr jvala jal rahi thi. usake vakyon men loo-jaisi jhulas thi. usane kaha-padma! yadi tum mere hriday ki jvala samajh sakati, to tum aisa n kahati. mere hriday ki tum adhishthatri ho, tumhare bina main ji nahin sakata. chalo, main devata ka kop sahane ke lie prastut hoon, main tumhen lekar kahin chal chaloonga.

‘‘devata ka nirmaly tumane dooshit kar diya hai, pahale isaka to prayashchitt karo. mujhe keval devata ke charanon men murajhaye hue phool ke saman gir jane do. ramasvami, aisa smaran hota hai ki main bhi tumhe chahane lagi thi. us samay mere man men yah vishvas tha ki devata yadi patthar ke n honge, to samajhenge ki yah mere mansal yauvan aur raktapoorn hriday ki sadharan avashyakata hai. mujhe kshama kar denge. parantu main yadi vaisa puny parinay kar sakati! ah! tum is tapasvi ke kuti saman hriday men itana saundary lekar kyon atithi hue! ramasvami, tum mere du:khon ke megh men vajrapat the.’’

padma ro rahi thi. sannata ho gaya. sahasa jate-jate ramasvami ne kaha-‘‘main tumhare bina nahin rah sakata!’’ ramesh! main bhi padma ke bina nahin rah sakata; mainne bhi karyalay men tyag-patr bhej diya hai. bhookhon maroonga, par upay kya hai?

-abhaga ashok

bhag 6

‘..........’

2.4.25

ramesh!

main bada vichalit ho raha hoon. ek karal chhaya mere jivan par pad rahi hai! adrisht mujhe agyat path par khinch raha hai, parantu tumako likhe bina nahin rah sakata.

madhumas men jngali phoolon ki bhini-bhini mahak sarita ke kool ki shailamala ko alingan de rahi thi. makkhiyon ki bhannahat ka kalanad gunjarit ho raha tha. navin pallavon ke komal sparsh se vanasthali pulakit thi. main jngali jard chameli ke akritrim kunj ke antaral men baitha, niche bahati huee nadi ke sath basant ki dhoop ka khel dekh raha tha. hriday men asha thi. ah! vah apane tuhin-jal se ratnakar ke sab ratnon ko, akash se sab muktaon ko nikal, khinchakar mere charanon men ujhal deti thi. prabhat ki pili kiranon se hemagiri ko ghasit le ati thi; aur le ati thi padma ki maun pranay-svikriti. main bhi aj van-yatra ke utsav men devata ke bhog-vigrah ke sath is vanasthali men aya tha. bahut-se nagarik bhi aye the. dev-vigrah vishal vat-vriksh ke niche sthit hua aur yatri-dal idhar-udhar nadi-tat ke niche shailamala, kunjon, gahvaron aur ghatiyon ki hariyali men chhip gaya. log amod-pramod , pan-bhojan men lag gaye. hariyali ke bhitar se kahin pikaloo, kahin klarenet aur devadasiyon ke kokil-kanth ka sundar svar nikalane laga. vah kanan nandan ho raha tha aur main usamen vicharanevala ek devata. kyon? mera vishvas tha ki devabala padma yahan hai. vah bhi dev-grih ke age-age nrity-gan karati huee aee thi.

main sochane laga-‘‘ah! vah samay bhi ayega, jab main padma ke sath ekant men is kanan men vicharoonga. vah pavitr-vah mere jivan ka mahattam yog kab ayega?’’ asha ne kaha-‘use aya samajho’. main mast hokar vnshi bajane laga. aj meri bans ki bansuri men bada unmad tha. vnshi nahin, mera hriday baj raha tha. chidambaramh-akar mere samane khada ho gaya. vah bhi mugdh tha. usane kabhi meri bansuri nahin suni thi. jab mainne apani asavari band ki, vah bol utha-‘ashok, tum ek kushal kalavant ho.’ kahana n hoga ki vah devadasiyon ka sngit-shikshak bhi tha. vah chala gaya aur thodi hi der men padma ko sath liye aya. usake hathon men bhojan ka saman bhi tha. padma ko usane uttejit kar diya tha. vah ate hi boli-‘mujhe bhi sunao.’ jaise main svapn dekhane laga. padma aur mujhase anunay kare! mainne kaha ‘baith jao.’ aur jab vah kusum-knkan mandit karon par kapol dharakar mallika ki chhaya men a baithi, to main bajane laga. ramesh, mainne vnshi nahin bajaee! sach kahata hoon , main apani vedana shvason se nikal raha tha. itani karun, itani snigdh, main tanen le-lekar usamen svayn pagal ho jata tha. meri ankhon men madavikar tha, mujhe us samay apani palaken bojh maloom hoti thin.

bansuri rakhane par bhi usaki pratidhvani ka sohag van-lakshmi ke charon or ghoom raha tha. padma ne kaha-‘sundar! tum sachamuch ashok ho!’ van-lakshmi padma achal thi. mujhe ek kavita soojhi! mainne kaha-padma! main kathor prithvi ka ashok, tum taral jal ki padma! bhala ashok ke rag-bhakt ke nav-pallavon men padma ka vikas kaise hoga?

bahut dinon par padma hns padi. usane kaha-‘ashok, tum logon ki vachan-chaturi sikhoongi. kuchh kha lo.’ vah deti gee, main khata gaya. jab ham svasth hokar baithe to dekha, chidambaramh chala gaya hai, padma niche sir kiye apane nakhon ko khurach rahi hai. ham log sabase oonche kagare par the. nadi ki or dhaluvan pahadi kagar tha! mere samane snsar ek hariyali thi. sahasa ramasvami ne akar kaha-‘padma, aj mujhe maloom hua ki tum uttari daridr par marati ho.’ padma ne chhalachhalaee ankhon se usaki or dekhakar kaha-‘ramasvami! tumhare atyacharon ka kahin ant hai?’

‘so nahin ho sakata. utho, abhi mere sath chalo.’

‘oh,! nahin, tum kya meri hatya karoge? mujhe bhay lagata hai!

‘main kuchh nahin karoonga. chalo, main isake sath tumhe nahin dekh sakata.’ kahakar usane padma ka hath pakadakar ghasita. vah katar drishti se mujhe dekhane lagi. us drishti men jivan bhar ke liye kiye gaye atyacharon ka vivaran tha. unmat pishach-sadrish bal se mainne ramasvami ko dhakka diya. aur mainne hatbuddhi hokar dekha, vah tin sau phit niche choor hota hua nadi ke kharastrot men ja gira, yadyapi meri vaisi ichchha n thi. padma ne akar meri or bhayapoorn netron se dekha aur avakh! usi samay chidambaramh ne mera hath pakad liya. padma se kaha-‘tum devadasiyon men jakar milo. savadhan! ek shabd munh se n nikale. main ashok ko lekar nagar ki or jata hoon.’ vah bina uttar ki pratiksha kiye mujhe ghasitata le chala. main nahin janata ki main kaise ghar pahuncha. main kothari men achet pada raha. rat bhar vaise hi raha. prabhat hote hi tumhen patr likh raha hoon. mainne kya kiya! ramesh! tum kuchh likho, main kya karoon!

-adham ashok

bhag 7

‘..........’

8.4.25

priy ramesh!

tumhara yah likhana ki ‘savadhan bano! patr men aisi baten ab n likhana.’ vyarth hai. mujhe bhay nahin, jivan ki chinta nahin.

nagar-bhar men keval yahi janashruti phaili hai ki ‘ramasvami us din se kahin chala gaya hai aur vah padma ke prem se hatash ho gaya tha.’ main kinkartavyavimoodh hoon. chidambaramh mujhe do mutthi bhat khilata hai. main mandir ke vishal prangan men kahin-n-kahin baitha rahata hoon. chidambaramh jaise mere us janm ka pita hai. parantu padma, aha! us din se mainne use gate aur nachate nahin dekha. vah pray: sabha-mandal ke stambh men tiki huee, dono hathon men apane ek ghutane ko chhati se lagaye arddh svapnavastha men baithi rahati hai. usaka mukh vivarn, sharir kshin, palak, apang aur usake shvas men yantrik spandan hai. naye yatri kabhi-kabhi use dekhakar bhram karate honge ki vah bhi koee pratima hai. aur main sochata hoon ki main hatyara hoon. sneh se snan kar leta hoon, ghrina se munh dhnk leta hoon. us ghatana ke bad se ham tinon men kabhi isaki charcha nahin huee. kya sachamuch padma ramasvami ko chahati thi? mere pyar ne bhi usaka apakar hi kiya, aur main? oh! vah svapn kaisa sundar tha!

ramesh! main? devata ki or dekh bhi nahin sakata. sochata hoon ki main pagal ho jaoonga. phir man men ata hai ki padma bhi bavali ho jayagi. parantu main pagal n ho sakoonga; kyonki main padma se kabhi apana pranay nahin prakat kar saka. usase ek bar kah dene ki kamana hai-padma, main tumhara premi hoon. tum mere lie suhagini ke kunkum-bindu ke saman pavitr, is mandir ke devata ki tarah bhakti ki pratima aur mere donon lok ki nigoodhatam akanksha ho.

par vaisa hone ka nahin. main poochhata hoon ki padma aur chidambaramh ne mujhe phansi kyon nahin dilayi?

ramesh! ashok vida leta hai. vah patthar ke mandir ka ek bhikhari hai. ab vaisa nahin ki tumhen patr likhoon aur kisi se mangoonga bhi nahin. adham, nich ashok lalloo ko kis munh se ashirvad de?

-hatabhagy ashok

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah