सहयोग -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

manorama, ek bhool se sachet hokar jab tak use sudharane men lagati hai, tab tak usaki doosari bhool use apani manushyata par hi sandeh dilane lagati hai. pratidin pratikshan bhool ki avichchhinn shrinkhala manav-jivan ko jakade hue hai, yah usane kabhi hridayngam nahin kiya. bhram ko usane shatru ke roop men dekha. vah usase prati-pad shnkit aur sndigdh rahane lagi! usaki svabhavik saralata, jo banavati bhram utpann kar diya karati thi, aur usake astitv men sundarata palish kar diya karati thi, ab usase bichhudane lagi. vah ek banavati roop aur avabhagat ko apana abharan samajhane lagi.

mohan, ek hriday-hin yuvak use dilli se byah laya tha. usaki svabhavikata par apane atnk se kroor shasan karake use atmachintashoony pati-gat-prana banane ki utkat abhilasha se hriday-hin kal se chalati-phirati huee putali bana dala aur vah isi men apani vijay aur paurush ki parakashtha samajhane laga tha.

dhire-dhire ab manorama men apana nij ka kuchh nahin raha. vah use ek prakar se bhool-si gayi thi. dilli ke samip ka yamuna-tat ka vah ganv, jisamen vah pali thi, badhi thi, ab use kuchh vismrit-sa ho chala tha. vah byah karane ke bad dviragaman ke avasar par jab se apani sasural ayi thi, vah ek adh‌bhut drishy tha. manushy-samaj men purushon ke lie vah koee badi bat n thi, kintu jab unhen ghar chhodakar kabhi kisi kam men paradesh jana padata hai, tabhi unako us katha ke adham ansh ka abhas soochit hota hai. vah seva aur snehavrittivali striyan hi kar sakati hain. jahan apana koee nahin hai, jisase kabhi ki jan-pahachan nahin, jis sthan par keval badhoo-darshan ka kutoohal matr usaki abhyarthana karane vala hai, vahan vah rote aur sisakate kisi sahas se ayi aur kisi ko apane roop se, kisi ko vinay se, kisi ko sneh se usane vash karana arambh kiya. use saphalata bhi mili. jis tarah ek mahaudyogi kisi bhari anusandhan ke lie apane ghar se alag hokar apane sahare apana sadhan banata hai, va katha-saritsagar ke sahasik log baital ya vidyadharattv ki siddhi ke asambhavaniy sahas ka parichay dete hain, vah in pratidin sahasakarini manushy-jati ki kishoriyon ke samane kya hai, jinaki buddhi aur avastha kuchh bhi isake anukool nahin hai.

hindoo shastranusar shoodra stri manorama ne ashcharyapoorvak sasural men dvitiy janm grahan kar liya. use dvijanma kahane men koee badha nahin hai.

bhag 1

mela dekhakar mohan lauta. usaki anurag-lata, usaki pragalbha preyasi ne usaka sath nahin diya. sambhavat: vah kisi vishesh akarshak purush ke sath sahayog karake chali gayi. mela phika ho gaya. nadi ke pul par ek patthar par vah baith gaya. andheri rat dhire-dhire gambhir hoti ja rahi thi. kolahal, janarav aur rasili tanen viral ho chalin. jyon-jyon ekant hone laga, mohan ki aturata badhऩe lagi. nadi-tat ki sharad-rajani men ekant, kisi ki apeksha karane laga. usaka hriday chanchal ho chala. mohan ne socha, is samay kya karen? vinodi hriday utsuk hua. vah chahe jo ho, kisi ki sngati ko is samay avashyak samajhane laga. pyar n karane par bhi manorama ka hi dhyan aya. samasya hal hote dekhakar vah ghar ki or chal pada.

bhag 2

manorama ka tyohar abhi baki tha. nagar bhar men ek nirav avasad ho gaya tha; kintu manorama ke hriday men kolahal ho raha tha. aise tyohar ke din bhi vah mohan ko n khila saki thi. laimp ke mand prakash men khidaqi ke jngale ke pas vah baithi rahi. vicharane ko kuchh bhi usake pas n tha. keval svami ki asha men das ke saman vah utkanthit baithi thi. daravaza khataka, vah uthi, chatura dasi se bhi achchhi tarah usane svami ki abhyarthana, seva, adar aur satkar karane men apane ko laga diya. mohan chupachap apane grason ke sath vagyuddh aur dantagharshan karane laga. manorama ne bhoolakar bhi yah n poochha ki tum itani der kahan the? kyon nahin aye? n vah roothi, n vah ainthi, guruman ki kaun kahe, laghuman ka chhinta nahin. mohan ko yah aur asahy ho gaya. usane samajha ki ham is yogy bhi nahin rahe ki koee hamase yah poochhe-‘‘tum kahan itani der marate the?’’ patni ka apaman use aur yantrana dene laga. vah bhojan karate-karate akasmath ruk gaya. manorama ne poochha-‘‘kya doodh le aoon, ab aur kuchh nahin lijiyega?’’

sadharan prashn tha. kintu mohan ko pratit hua ki yah to atithi ki-si abhyarthana hai, grihasth ki apane ghar ki si nahin. vah chat bol utha-‘‘nahin, aj doodh n loonga.’’ kintu manorama to tab tak doodh ka katora lekar samane a gee, boli-‘‘thoda-sa lijie, abhi garam hai.’’

mohan bar-bar sochata tha ki koee aisi bat nikale jisamen mujhe kuchh karana pade aur manorama manini bane, main use manaoon, kintu manorama men vah mitti hi nahin rahi. manorama to kal ki putali ho gayi thi. mohan ne-‘doodh abhi garam hai’, isi men se der hone ka vyng nikal liya aur kaha-‘‘han, aj mela dekhane chala gaya tha, isi men der huee.’’

kintu vahan kaiphiyat to koee leta n tha, dene ke lie prastut avashy tha. manorama ne kaha-‘‘nahin, abhi der to nahin huee. adh ghanta hua hoga ki doodh utara gaya hai.’’

mohan hatash ho gaya. chupachap palng par ja leta. manorama ne udhar dhyan bhi nahin diya. vah chaturata se grihasthi ki sari vastuon ko sametane lagi. thodi der men isase nibatakar vah apani bhool samajh gayi. chat pan lagane baith gayi. mohan ne yah dekhakar kaha-‘‘nahin, main pan is samay n khaoonga.’’

manorama ne bhayabhit svar se kaha-‘‘bikhari huee chizen ikaththi n kar leti, billi-choohe use kharab kar dete. thodi der huee hai, kshama kijie. do pan to avashy kha lijie.’’

badhy hokar mohan ko do pan khana pada. ab manorama pair dabane baithi. veshya se tiraskrit mohan ghabara utha. vah is seva se kab chhutti pave? is sahayog se kya bas chale. usane vichara ki manorama ko mainne hi to aisa banana chaha tha. ab vah aisi huee, to mujhe ab virakti kyon hai? isake charitr ka yah ansh kyon nahin ruchata-kisi ne usake kan men dhire se kaha-‘‘tum to apani stri ko apani dasi banana chahate the, jo vastav men tumhari antaratma ko eepsit nahin tha. tumhari kupravrittiyon ki vah uttejana thi ki vah tumhari chir-sngini n hokar dasi ke saman agyakarini matr rahe. vahi hua. ab kyon jhnkhate ho!’’

akasmath mohan uth baitha. mohan aur manorama ek-doosare ke pair pakade hue the.

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah