समुद्र-संतरण -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

kshitij men nil jaladhi aur vyom ka chumban ho raha hai. shant pradesh men shobha ki lahariyan uth rahi hai. godhooli ka karun pratibimb, bela ki balukamayi bhoomi par digant ki tiksha ka avahan kar raha hai.

narikel ke nibhrit kunjon men samudr ka samir apana nid khoj raha tha. soory lajja ya krodh se nahin, anurag se lal, kiranon se shoony, anant rasanidhi men doobana chahata hai. lahariyan hat jati hain. abhi doobane ka samay nahin hai, khel chal raha hai.

sudarshan prakriti ke us maha abhinay ko chupachap dekh raha hai. is drishy men saundary ka karun sngit tha. kala ka komal chitr nil-dhaval laharon men banata-bigadata tha. sudarshan ne anubhav kiya ki laharon men saur-jagath jhonke kha raha hai. vah use nity dekhane ata; parantu rajakumar ke vesh men nahin. usake vaibhav ke upakaran door rahate. vah akela sadharan manushy ke saman ise dekhata, nirih chhatr ke sadrish is guru drishy se kuchh adhyayan karata. saurabh ke saman chetan paramanuon se usaka mastak bhar uthata. vah apane rajamandir ko laut jata.

sudarshan baitha tha kisi ki pratiksha men. use n dekhate hue, machhali phnsane ka jal liye, ek dhivar-kumari samudr-tat ke kagaron par chadh rahi thi, jaise pnkh phailaye titali. nil bhramari-si usaki drishti ek kshan ke lie kahin nahin thaharati thi. shyam-saloni godhooli-si vah sundari sikata men apane pad-chihn chhodati huee chali ja rahi thi.

rajakumar ki drishti udhar phiri. saynkal ka samudr-tat usaki ankhon men drishy ke us par ki vastuon ka rekha-chitr khinch raha tha. jaise; vah jisako nahin janata tha, usako kuchh-kuchh samajhane laga ho, aur vahi samajh, vahi chetana ek roop rakhakar samane a gee ho. usane pukara-‘‘sundari!’’

jati huee sundari dhivar-bala laut aee. usake adharon men muskan, ankhon men krida aur kapolon par yauvan ki abha khel rahi thi, jaise nil megh-khand ke bhitar svarn-kiran arun ka uday.

dhivar-bala akar khadi ho gee. boli-‘‘mujhe kisane pukara?’’

‘‘mainne.’’

‘‘kya kahakar pukara?’’

‘‘sundari!’’

‘‘kyon, mujhamen kya saundary hai? aur hai bhi kuchh, to kya tumase vishesh?’’

‘‘han, main aj tak kisi ko sundari kahakar nahin pukar saka tha, kyonki yah saundary-vivechana mujhamen ab tak nahin thi.’’

‘‘aj akasmath yah saundary-vivek tumhare hriday men kahan se aya?’’

‘‘tumhen dekhakar meri soee huee saundary-trishna jag gee.’’

‘‘parantu bhasha men jise saundary kahate hain, vah to tumamen poorn hai.’’

‘‘main yah nahin manata, kyonki phir sab mujhi ko chahate, sab mere pichhe bavale bane ghoomate. yah to nahin hua. main rajakumar hoon; mere vaibhav ka prabhav chahe saundary ka srijan kar deta ho, par main usaka svagat nahin karata. us prem-nimantran men vastavikata kuchh nahin.’’

‘‘han, to tum rajakumar ho! isi se tumhara saundary sapeksh hai.’’

‘‘tum kaun ho?’’

‘‘dhivar-balika.’’

‘‘kya karati ho?’’

‘‘machhali phnsati hoon.’’-kahakar usane jal ko lahara diya.

‘‘jab is anant ekant men lahariyon ke mis prakriti apani hnsi ka chitr dattachitt hokar bana rahi, tab tum usake anchal men aisa nishthur kam karati ho?’’

‘‘nishthur hai to, par main vivash hoon. hamare dvip ke rajakumar ka parinay hone vala hai. usi utsav ke lie sunahali machhaliyan phnsati hoon. aisi hi agya hai.’’

‘‘parantu vah byah to hoga nahin.’’

‘‘tum kaun ho?’’

‘‘main bhi rajakumar hoon. rajakumaron ko apane chakr ki bat vidit rahati hai, isalie kahata hoon.’’

dhivar-bala ne ek bar sudarshan ke mukh ki or dekha, phir kaha-

‘‘tab to main in nirih jivon ko chhod deti hoon.’’

sudarshan ne kutoohal se dekha, balika ne apane anchal se sunahali machhaliyon ki bhari huee mooth samudr men bikher di; jaise jal-balika varun ke charan men svarn-sumanon ka upahar de rahi ho. sudarshan ne pragalbh hokar usaka hath pakad liya, aur kaha-

‘‘yadi mainne jhooth kaha, to?’’

‘‘to kal phir jal daloongi.’’

‘‘tum keval sundari hi nahin, saral bhi ho.’’

‘‘aur tum vanchak ho.’’-kahakar dhivar-bala ne ek nishvas li, aur sandhya ke samay apana mukh pher liya. usaki alakavali jal ke sath milakar nishith ka navin adhyay kholane lagi. sudarshan sir nicha karake kuchh sochane laga. dhivar-balika chali gee. ek maun andhakar tahalane laga. kuchh kal ke anantar do vyakti ek ashv liye aye. sudarshan se bole-‘‘shrimanh, vilamb hua. bahut-se nimantrit log a rahe hain. maharaj ne apako smaran kiya hai.’’

‘‘mera yahan par kuchh kho gaya hai, use dhoondh loonga, tab lautoonga.’’

‘‘shrimanh, ratri samip hai.’’

‘‘kuchh chinta nahin, chandroday hoga.’’

‘‘ham logon ko kya agya hai?’’

‘‘jao.

sab log gaye. rajakumar sudarshan baitha raha. chandi ka thal liye rajani samudr se kuchh amrit-bhiksha lene aee. udar sindhu dene ke lie umad utha. lahariyan sudarshan ke pair choomane lagin. usane dekha, digant-vistrit jalarashi par koee gol aur dhaval pal udata hua apani sundar tarani lie hue a raha hai. usaka vishay-shoony hriday vyakul ho utha. utkat pratiksha-digant-gamini abhilasha-usaki janmantar ki smriti banakar us nirjan prakriti men ramaniyata ki-samudr-garjan men sngit ki srishti karane lagi. dhire-dhire usake kanon men ek komal asphut nad goonjane laga. us dooragat svargiy sngit ne use abhibhoot kar diya. nakshatr-malini prakriti hire-nilam se jadi putali ke saman usaki ankhon ka khel ban gee.

sudarshan ne dekha, sab sundar hai. aj tak jo prakriti udas chitr banakar samane ati thi, vah use hnsati huee mohani aur madhur saundary se otaprot dikhaee dene lagi. apane men aur sabamen phaili huee us saundary ki vibhooti ko dekhakar sudarshan ki tanmayata utkantha men badal gee. use unmad ho chala. ichchha hoti thi ki vah samudr ban jay. usaki udvelit laharon se chandrama ki kiranen khelen aur vah hnsa kare. itane men dhyan aya us dhivar-balika ka. ichchha huee ki vah bhi varun-kanya si chandrakiranon se lipati huee usake vishal vakshasthal men vihar kare. usaki ankhon men gol dhaval palavali nav sama gee, kanon men asphut sngit bhar gaya. sudarshan unmatt tha. kuchh pad-shabd sunaee pade. use dhyan aya ki mujhe lauta le jane ke lie kuchh log a rahe hain. vah chanchal ho utha, phenil jaladhi men phand pada. laharon men tair chala.

bela se door-charon or jal-ankhon men vahi dhaval pal, kanon men asphut sngit. sudarshan tairate-tairate thak chala tha. sngit aur vnshi samip ja rahi thi. ek chhoti machhali pakadane ki nav a rahi thi. pas jane par dekha, dhivar-bala vnshi baja rahi hai aur nav apane man se chal rahi hai.

dhivar-bala ne kaha-aoge?

laharon ko chirate hue sudarshan ne poochha-kahan le chalogi?

prithvi se door jal-rajy men; jahan kathorata nahin; keval shital, komal aur taral alingan hai; pravanchana nahin, sidha atmavishvas hai; vaibhav nahin, saral saundary hai.

dhirav-bala ne hath pakadakar sudarshan ko nav par khinch liya. donon hnsane lage. chandrama aur jalanidhi bhi.

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah