रमला -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

sajan ke man men nity vasant tha. vahi vasant jo utsah aur udasi ka samajhauta karata, vah jivan ke utsah se kabhi virat nahin, n-jane kaun-si asha ki lata usake man men kali leti rahati. tis par bhi udasin sajan us badi-si jhil ke tat par, pray: nishchesht ajagar ki tarah pada rahata. use smaran nahin, kab se vahan rahata tha. usaka sundar sugathit sharir bina dekh-rekh ke apani ichchhanusar malinata men bhi chamakata rahata. us jhil ka vah ekamatr svami tha, rakshak tha, sakha tha.

shailamala ki god men vah samudr ka shishu kalol karata, us par se arun ki kiranen nachati hueen, apane ko shital karati chali jatin. madhyanh men divas thahar jata-usaki laghu vichiyon ka kampan dekhane ke lie. sandhya hote, usake charon or ke vriksh apani chhaya ke anchal men chhipa lena chahate; parantu usaka hriday udar tha, mukt tha, virat tha. chandani usamen apana munh dekhane lagati aur hns padati.

aur sajan! vah bhi apane nirjan sahachar ka usake shant saundary men abhinandan karata. hulas kar usamen kood padata, yahi usaka snehatirek tha.

sajan ki sanse usaki lahariyon se svar-samanjasy banaye rahatin. yah jhil use khane ke lie kamalagatte deti, singhade deti, koneeberra, aur bhi kitani vastu bikherati. vahi sajan ki grihini thi, snehamayi, kabhi-kabhi vah use pukar uthata, bade ullas se bulata-‘rani!’ pratidhvani hoti, ee-ee-ee. vah khilakhila uthata, ankhen vikas jatin, roen-roen hnsane lagate. phir sahasa vah apani udasi men doob jata, tab tara chhaee rat us par apana shyam anchal dal deti. kabhi-kabhi vriksh ki jad se hi sir lagakar so rahata.

ais hi kitane baras bit gaye.

udhar pashu charane ke lie gop-balak n jate. door-door ke ganv men yah vishvas tha ki ramala jhil par koee jaladevata rahata hai. udhar koee jhankata bhi nahin. vah snsarg se vanchit desh apani vibhooti men apane hi mast tha.

ramala bhi badi dhith thi. vah ganv-bhar men sabase chanchal ladaqi thi. ladaqi kyon, vah yuvati ho chali thi. usaka byah nahin hua tha; vah apani jati bhar men sabase adhik gori thi, tis par bhi usaka nam pad gaya tha ramala! vah aisi badha thi ki byah hona asambhav ho gaya. usamen sabase bada dosh yah tha ki vah bade-bade ladaqon ko bhi unaki dhithaee par chapat lagakar hns deti thi. jhil ke dakshin ki pahadi se koson door par usaka ganv tha.

manjal bhi kam dusht n tha, vah pray: ramala ko chidhaya karata. usane sab ladaqon se salah ki-‘‘ramala ki pahadi par chala jay.’’

balak ikatthe hue. ramala bhi aj pahadi par pashu charane ko thahari. sab chadhऩe lage; parantu ramala sabake pahale thi. sabase oonchi choti par khadi hokar usane kaha-‘‘lo, main sabake age hi pahunchi,’’-kahakar pas ke ladake ko chapat laga di.

manjal ne kaha-‘‘udhar to dekho! vah kya hai?’’

ramala ne dekha sundar jhil! vah use dekhane men tanmay ho gee thi. pratihinsa se bhare hue ladake ne ek halka-sa dhakka diya, yadyapi vah usake parinam se poori tarah parichit nahin tha; phir bhi ramala ko to kasht bhogane ke lie koee rukavat n thi. vah ludhaq chali, jab tak ek jhad ko pakadati aur vah ukhadakar girata, tab tak doosare patthar ka kona use chot pahunchane par avalamb de hi deta; kintu patan rukana asambhav tha. vah chot khate-khate niche a hi padi. balak ganv ki or bhage. ramala ke gharavalon ne bhi santosh kar liya.

sajan kabhi-kabhi ramala jhil ki pheri lagata. vah jhil kee kos men thi. jahan sthal-path ka pahadi ki bihad shilaon se ant ho jata, vahan vah tairane lagata. bich-bich men usane do-ek sthan vishram ke lie bana liye the; vah sthan aur kuchh nahin; prakritik guhayen thin. usane dakshin ki pahadi ke niche pahunchakar dekha, ek kishori jal men pair latakaye baithi hai.

vah ashchary aur krodh se apane honth chabane laga; kyonki ek gupha vahin par thi. ab sajan kya kare! usane pusht bhuja uthakar door se poochha-‘‘tum kaun? bhago.’’

ramala ek manushy ki akriti dekhate hi prasann ho gee, hns padi. boli-

‘‘main hoon, ramala!’’

‘‘ramala! ramala rani.’’

‘‘rani nahin, ramala.’’

‘‘ramala nahin, rani kaho, nahin pitoonga, meri rani!’’-kahakar sajan jhil ki or dekhane laga.

‘‘achchha, achchha, rani! tum kaun ho?’’

‘‘main sajan, rani ka sahachar.’’

‘‘tum sahachar ho? aur main yahan aee hoon, tum mera kuchh satkar nahin karate?’’-hnsod ramala ne kaha.

‘‘ao tum!’’-kahakar vismay se sajan us kishori ki or dekhane laga.

‘‘han main, tum bade dusht ho sajan! kuchh khilao, kahan rahate ho? vahin chaloon.’’

sajan ghabaraya, usane dekha ki ramala uth khadi huee. usane kaha-tairakar chalana hoga, age path nahin hai.

vah kood padi aur rajahnsi ke saman tairane lagi. sajan kshanabhar tak us sundar santaran ko dekhata raha. usaki drishti ka yah pahala mahotsav tha. use bhi to tairane ka vinod tha n. man ka virodh un laharon ke andolan se ghulane laga, anichchha hone par bhi vah sath dene ke lie kood pada. donon sath-sath tair chale.

bahut din bit gaye. ramala aur sajan ekatr rahane par bhi alag the. ramala ka sab utsah us ekant niravata men dhire-dhire vilin ho chala.

vah oob chali. usaki gupha men dher-ke-dher kamalagatte phal pade rahate, use un sab padarthon se vitrishna ho chali. sajan palatoo pashu ke saman apani svamini se agya ki apeksha karata; parantu ramala ka utsah to us bandigrih se bhag jane ke lie utsuk tha.

sajan ne ek din poochha-

‘‘kya le aoon?’’

‘‘kuchh nahin.’’

‘‘kuchh nahin? kyon?’’

‘‘main ab jaoongi?’’

‘‘kahan?’’

‘‘jidhar ja sakoongi.’’

‘‘tab yahin kyon nahin rahati ho?’’-achanak sajan ne kaha.

ramala kuchh n boli. us jhil par rat aee, apana jagamagata chndava tanakar vishram karane lagi. ramala apani gupha men sone chali gee aur sajan apani gupha ke pas baitha ekatak rajani ka saundary dekhane laga. aj jaise use smriti huee- ramala ke a jane se vah jis bat ko bhool gaya tha, usake antar ki vahi bhavana jag uthi. sajan pukar utha-‘rani!’ bahut din ke bad us jhil ki pahadiy़an pratidhvani se mukharit ho uthin- ee-ee-ee.

ramala chaunk kar jag padi. bahar chali aee. usane dekha, sajan jhil ki or munh kiye pukar raha hai-‘rani!’ rani!’-usaka kanth gadgad hai. chandani aj nikhar padi thi. ramala ne suna. sajan ke svar men rudan tha. vyakulata thi; ramala ne usake kandhe par hath rakh diya-sajan sihar utha. usane kaha-‘‘kaun, ramala!’’

‘‘ramala nahin-rani.’’

sajan vismay se dekhane laga. usane poochha-‘‘tum rani ho?’’

‘‘han, mujhi ko to tum pukarate the n?’’

‘‘tumhin ... tumhin ... han, tumhin ko to, meri pyari rani!’’

dono ne dekha, akash ke nakshatr ramala-jhil men dubakiyan le rahe the, aur khilakhila rahe the.

kitana samay bit gaya-

sajan ki sab soee vasanayen jag uthin-bhoole hue path ki tarah achchhe guru ke samane smaran hone lagi thin!

use ab shit lagane laga-ramala ke kapadon ki avashyakata vah svayn anubhav karane laga.

akasmath ek din ramala ne kaha-‘‘chalo, kahin ghoom aven.’’

sajan ne bhi kah diya-‘‘chalo.’’

vahi giripath, jisane bahut dinon se munashy ka pad-chihn bhi nahin dekha tha-sajan aur ramala ke pair choomane laga. donon use raundate chale gaye.

ramala apani phati sadi men lipati thi aur sajan valkal bandhe tha. ve daridr the par unake mukh par ek tej tha. ve jaise prachin devakathaon ke koee patr hon. sandhya ho gayi thi-ganv ka zamindar ka prangan abhi soona n tha. zamindar bhi bilkul yuvak tha. use is jode ko dekhakar kutoohal hua. usane vastr aur bhojan ki vyavastha karake unhen tikane ki agya de di.

prat: ankhen khol raha tha. kisan apane kheton men jane ki taiyari men the. ramala uth baithi thi, pas hi sajan pada so raha tha. kapadon ki garami use sukh men lapete thi. use kabhi yah anand n mila tha. kitane hi prabhat ramala jhil ke tat us nari ne dekhe. kintu yah ganv ka drishy usake man men sandeh, kutoohal, asha bhar raha tha. yuvak zamindar apane ghode par chadhऩa hi chahata tha ki usaki drishti malin, vastr men jhankati huee do ankhon par padi. vah pas a gaya, poochhane laga-‘‘tum logon ko koee kasht to nahin hua?’’

‘‘nahin’-kahate hue ramala ne apane sir ka kapada hata diya aur yuvak ko ashchary se dekhane lagi. yuvak ghabadakar bola-‘‘kaun? ramala?’’

‘‘han, manjal!’’

yuvak ki sans bhari ho chali.

usane kaha-‘‘ramala, mujhe kshama karo, mainne tumhen...’’

‘‘han, dhakka dekar gira diya tha. tab bhi main bach gee.’’

yuvak ne soye hue manushy ki or dekhakar poochha-‘‘vah tumhara kaun hai?’’

ramala ne rukate hue uttar diya-‘‘mera-koee nahin.’’

‘‘tab bhi, yah hai kaun?’’

‘‘ramala jhil ka jal-devata.’’

yuvak ek bar jhanajhana gaya.

usane poochha-‘‘tum kya phir chali jaogi, ramala?’’-usake kanth men badi komalata thi.

‘‘tum jaisa kaho’’-ramala jaise bebasi se boli.

yuvak-‘‘achchha, jao pahale naha-dho lo’’-kahata hua ghode par chadhaqar chala gaya. ramala salajj uthi-ganv ki pokhari ki or chali.

usake jate hi sajan jaise jag pada. ek bar angadaee li aur uth khada hua. jis path se aya tha, usase lautane laga.

godhooli thi aur vahi udas ramala jhil! sajan thaka hua baitha tha. aj usake man men, n-jane kahan ka sneh umada tha. prashant ramala men ek chamakila phool hilane laga; sajan ne ankh uthakar dekha-pahadi ki choti par ek tarika ramala ke udas bhal par saubhagyachihn-si chamak uthi. dekhate-dekhate ramala ka vaksh nakshatron ke har se sushobhit ho utha.

sajan ne ullas se pukara-‘‘rani!’’

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah