ग्राम-गीत -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

sharadh-poornima thi. kamalapur ke nikalate hue karare ko gnga tin or se gherakar doodh ki nadi ke saman bah rahi thi. main apane mitr thakur jivan sinh ke sath unake saundh par baitha hua apani ujjval hnsi men mast prakriti ko dekhane men tanmay ho raha tha. charon or ka kshitij nakshatron ke bandanavar-sa chamakane laga tha. dhavalavidhu-bimb ke samip hi ek chhoti-si chamakili tarika bhi akash-path men bhraman kar rahi thi. vah jaise chandr ko chhoo lena chahati thi; par chhoone nahin pati thi.

mainne jivan se poochha-tum bata sakate ho, vah kaun nakshatr hai?

rohini hogi. -jivan ke anuman karane ke dhng se uttar dene par main hnsana hi chahata tha ki door se sunaee pada-

barajori base ho nayanavan men.

us svar-lahari men unmatt vedana thi. kaleje ko kachotanevali karuna thi. meri hnsi sann rah gee. us vedana ko khojane ke lie, gnga ke us par vrikshon ki shyamalata ko dekhane laga; parantu kuchh n dikhaee pada.

main chup tha, sahasa phir sunaee pada-

apane baba ki bari dulari,

khelat rahali anganavan men,

barajori base ho.

main sthir hokar sunane laga, jaise koee bhooli huee sundar kahani. man men utkantha thi, aur ek kasak bhara kutoohal tha! phir sunaee pada-

ee kul batiyan kabaun nahin janali,

dekhali kabaun n sapanavan men.

barajori base ho-

main moorkh-sa us gan ka arth-sambandh lagane laga.

angane men khelate hue-ee kul batiyan, vah kaun bat thi? use janane ke lie hriday chanchal balak-sa machal gaya. pratit hone laga, unhin kul agyat baton ke rahasy-jal men machhali-sa man chandani ke samudr men chhatapata raha hai.

mainne adhir hokar kaha-thakur! isako bulavaoge?

nahin ji, vah pagali hai.

pagali! kadapi nahin! jo aisa ga sakati hai, vah pagali nahin ho sakati. jivan! use bulao, bahana mat karo.

tum vyarth hath kar rahe ho. -ek dirgh nishvas ko chhipate hue jivan ne kaha.

mera kutoohal aur bhi badha. mainne kaha-hath nahin, ladaee bhi karana pade to karoonga. batao, tum kyon nahin bulane dena chahate ho?

vah isi ganv ki bhant ki ladaqi hai. kuchh dinon se sanak gee hai. rat bhar kabhi-kabhi gati huee gnga ke kinare ghooma karati hai.

to isase kya? use bulao bhi.

nahin, main use n bulava sakoonga.

achchha, to yahi batao, kyon n bulavaoge?

vah bat sunakar kya karoge?

sunoonga avashy-thakur! yah n samajhana ki main tumhari jamindari men is samay baitha hoon, isalie dar jaoonga.-mainne hnsi se kaha.

jivanasinh ne kaha-to suno-

tum janate ho ki dehaton men bhanton ka pradhan kam hai, kisi apane thakur ke ghar utsavon par prashnsa ke kavitt sunana. unake ghar ki striyan gharon men gati-bajati hain. nandan bhi isi prakar mere gharane ka ashrit bhant hai. usaki ladaqi rohini vidhava ho gee-

mainne bich hi men tok kar kaha-kya nam bataya?

jivan ne kaha-rohini. usi sal usaka dviragaman hone vala tha. nandan lobhi nahin hai. use aur bhanton ke sadrish mangane men bhi snkoch hota hai. yahan se thodi door par gnga-kinare usaki kutiya hai. vahan vrikshon ka achchha jhuramut hai. ek din main khet dekhakar ghode par a raha tha. kadi dhoop thi. main nandan ke ghar ke pas vrikshon ki chhaya men thahar gaya. nandan ne mujhe dekha. kambal bichhakar usane apani jhopadi men mujhe bithaya, main loo se dara tha. kuchh samay vahin bitane ka nishchay kiya.

jivan ko saphaee dete dekhakar main hns pada; parantu usaki or dhyan ne dekar jivan ne apani kahani gambhirata se vichchhinn n hone di.

han to - nandan ne pukara - rohini, ek lota jal le a beti, ye to apane malik hain, inase lajja kaisi? rohini aee. vah usake yauvan ka prabhat tha, parishram karane se usaki ek-ek nas aur mans-peshiyan jaise gadhi huee hon. mainne dekha, usaki jhuki huee palakon se kali barauniyan chhitara rahi thin aur un barauniyon se jaise karuna ki adrishy sarasvati kitani hi dharaon men bah rahi thi. main n jane kyon udvign ho utha. adhik kal tak vahan n thahar saka. ghar chala aya.

vijaya ka tyauhar tha. ghar men gana-bajana ho raha tha. main apani shrimati ke pas ja baitha. unhonne kaha-sunate ho?

mainne kaha-donon kanon se.

shrimati ne kaha-yah rohini bahut achchha gane lagi, aur bhi ek ashchary ki bat hai; yah git banati bhi hai, gati bhi hai. tumhare ganv ki ladakiyan to badi gunavati hain. main ‘hoon’ kahakar uthakar bahar ane laga; dekha to rohini javara liye khadi hai. mainne sir jhuka diya, yav ki patali-patali lambi dhani pattiyan mere kanon se ataka di gee, main use bina kuchh diye bahar chala aya.

pichhe se suna ki is dhrishtata par meri mata ji ne use bahut phatakara; usi din se kot men usaka ana band hua.

nandan bada du:khi hua. usane bhi ana band kar diya. ek din mainne suna, usi ki saheliyan usase mere sambandh men hnsi kar rahi thin. vah sahasa atyant uttejit ho uthi aur boli-to isamen tum logon ka kya? main marati hoon, pyar karati hoon unhen, to tumhari bala se.

saheliyon ne kaha-bap re! isaki dhithaee to dekho. vah aur bhi garam hoti gee. yahan tak un logon ne rohini ko chheda ki vah bakane lagi. usi din se usaka bakana band n hua. ab vah ganv men pagali samajhi jati hai. use ab lajja snkoch nahin, jab jo ata hai, gati huee ghooma karati hai. sun liya tumane, yahi kahani hai, bhala main use kaise bulaoon?

jivanasinh apani bat samapt karake chup ho rahe aur main kalpana se phir vahi gana sunane laga-

barajori base ho nayanavan men.

sachamuch yah sngit pas ane laga. ab ki sunaee pada...

muri musukyaee padhay़o kachhu tona,

gari diyo kidhon manavan men,

barajori base ho-

us gramin bhand bhasha men pagali ke hriday ki saral katha thi-marmik vyatha thi. main tanmay ho raha tha.

jivanasinh n jane kyon chanchal ho uthe. uthakar tahalane lage. chhat ke niche git sunaee pad raha tha.

khanakar bhari kanpati huee tan hriday khurachane lagi. mainne kaha-jivan, use bula lao, main is premayogini ka darshan to kar loon.

sahasa sidhiy़on par ghamaghamahat sunaee padi, vahi pagali rohini akar jivan ke samane khadi ho gee.

pichhe-pichhe sipahi daudata hua aya. usane kaha-hat pagali.

jivan aur ham chup the. usane ek bar ghoom kar sipahi ki or dekha. sipahi saham gaya. pagali rohini phir ga uthi!

dhith! bisare bisarat nahin

kaise basoon jay banavan men,

barajori base ho...

sahasa sipahi ne karkash svar se phir danta. vah bhayabhiy ho jaisi bhagi, ya pichhe hati mujhe smaran nahin. parantu chhat ke niche gnga ke chandrika-ranjit pravah men ek chhapaka hua. hatabuddhi jivan dekhate hi rahe. main oopar anant ki us daud ko dekhane laga. rohini chandrama ka pichha kar rahi thi aur niche chhapake se uthe hue kitane hi budabudon men pratibimbit rohini ki kiranen vilin ho rahi thin.

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah