ज्योतिष्मती -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

tamasi rajani ke hriday men nakshatr jagamaga rahe the. shital pavan ki chadar unhen dhnk lena chahati thi, parantu ve nivid andhakar ko bhedakar nikal aye the, phir yah jhina avaran kya tha!

bihad, shail-snkul vany-pradesh, trin aur vanaspatiyon se ghira tha. vasnt ki lataen charon or phaili huee thin. himadan ki uchch upatyaka prakriti ka ek sajiv, gambhir aur prabhavashali chitr bani thi!

ek balika, sookshm knval-vasini sundari balika charon or dekhati huee chupachap chali ja rahi thi. virath himagiri ki god men vah shishu ke saman khel rahi thi. bikhare hue balon ko samhal kar unhen vah bar-bar hata deti thi aur pair badhati huee chali ja rahi thi. vah ek krida-si thi. parantu supt himanchal usaka chumban n le sakata tha. nirav pradesh us saundary se alokit ho uthata tha. balika n jane kya khojati chali jati thi. jaise shital jal ka ek svachchh sota ekagr man se bahata jata ho.

bahut khojane par bhi use vah vastu n mili, jise vah khoj rahi thi. sambhavat: vah svayn kho gee. path bhool gaya, agyat pradesh men ja nikali. samane nisha ki nistabdhata bhng karata hua ek nirjhar kalarav kar raha tha. sundari thithak gee. kshan bhar ke lie tamisra ki gambhirata ne use abhibhoot kar liya. hatash hokar shila-khand par baith gee.

vah shrant ho gayi thi. nil nirjhar ka tam-samudr men sngam, ekatak vah ghanton dekhati rahi. ankhen oopar uthati, taragan jhalajhala jate the. niche nirjhar chhalachhalata tha. usaki jigyasa ka koee spasht uttar n deta. maun prakriti ke desh men n svayn kuchh kah sakati aur n unaki bat samajh men ati. akasmath kisi ne pith par hath rakh diya. vah sihar uthi, bhay ka sanchar ho gaya. kampit svar se balika ne poochha, ‘‘kaun?’’

‘‘yah mera prashn hai. is nirjan nishith men jab satv vicharate hain, dasyu ghoomate hain, tum yahan kaise?’’ gambhir karkash kanth se agantuk ne poochha.

sukumari balika satvon aur dasyuon ka smaran karate hi ek bar kanp uthi. phir samhal kar boli-

‘‘meri vah nitant avashyakata hai. vah mujhe bhay hi sahi, tum kaun ho?’’

‘‘ek sahasik-’’

‘‘sahasik aur dasyu to kya, satv bhi ho, to use mera kam karana hoga.’’

‘‘bada sahas hai! tumhen kya chahie, sundari? tumhara nam kya hai?’’

‘‘vanalata!’’

‘‘boodhe vanaraj, andhe vanaraj ki sundari balika vanalata?’’

‘‘han.’’

‘‘jisane mera anisht karane men kuchh bhi utha n rakha, vahi vanaraj!’’ krodh-kampit svar se agantuk ne kaha.

‘‘main nahin janati, par kya tum meri yachana poori karoge?’’

shital prakash men lambi chhaya jaise hns padi aur boli-

‘‘main tumhara vishvast anuchar hoon. kya chahati ho, bolo?’’

‘‘pitaji ke lie jyotishmati chahiye.’’

‘‘achchha chalo, khojen.’’ kahakar agantuk ne balika ka hath pakad liya. dono bihad van men ghuse. thokaren lag rahi thin. angoothe kshat-vikshat the. sahasik ki lambi dagon ke sath balika hanphati huee chali ja rahi thi.

sahasa sathi ne kaha-‘‘thaharo, dekho, vah kya hai?’’

shyama saghan, trin-snkul shail-mandap par hiranyalata tara ke saman phoolon se ladi huee mand marut se vikampit ho rahi thi. pashchim men nishith ke chaturth prahar men apani svalp kiranon se chatudarshi ka chandrama hns raha tha. poorv prakriti apane svapn-mukulit netron ko alas se khol rahi thi. vanalata ka vadan sahasa khil utha. anand se hriday adhir hokar nachane laga. vah bol uthi-‘‘yahi to hai.’’

sahasik apani saphalata par prasann hokar age badhana chahata tha ki vanalata ne kaha-‘‘thaharo, tumhen ek bat batani hogi.’’

‘‘vah kya hai?’’

‘‘jise tumane kabhi pyar kiya ho, usase koee asha to nahin rakhate?’’

‘‘sundari! puny ki prasannata ka upabhog n karane se vah pap ho jayaga.’’

‘‘tab tumane kisi ko pyar kiya hai?’’

‘‘kyon? tumhin ko!’’ kahakar age badha!

‘‘suno, suno; jisane chandrashalini jyotishmati rajani ke charon pahar kabhi bina palak lage priy ki nishchhal chinta men n bitaye hon, use jyotishmati n chhooni chahie. ise jngal ke pavitr premi hi chhoote hain, le ate hain, tabhi isaka gun....’’

vanalata ki in baton ko bina sune hue vah balishth yuvak apani talavar ki moonth dridhata se pakad kar vanaspati ki or agrasar hua.

balika chhatapata kar kahane lagi-‘‘han-han, chhoona mat, pita ji ki ankhen, ah!’’ tab tak sahasik lambi chhaya ne jyotishmati par padati huee chandrika ko dhnk liya. vah ek dirgh nishvas phenkakar jaise so gee. bijali ke phool megh men vilin ho gaye. chandrama khisakakar pashchimi shail-mala ke niche ja gira.

vanalata-jhnjhavat se bhagn hote hue vriksh ki vanalata ke saman vasudha ka alingan karane lagi aur sahasik yuvak ke oopar kalima ki lahar takarane lagi.

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah