मदन-मृणालिनी -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

vijaya-dashami ka tyohar samip hai, balak log nity ramalila hone se anand men magn hain.

hath men dhanush aur tir liye hue ek chhota-sa balak ramachandr banane ki taiyari men laga hua hai. chaudah varsh ka balak bahut hi saral aur sundar hai.

khelate-khelate balak ko bhojan ki yad aee. phir kahan ka ram banana aur kahan ki ramalila. chat dhanush phenkakar daudata hua mata ke pas ja pahuncha aur us mamata-mohamayi mata ke gale se lipatakar-man! khane ko de, man! khane ko de-kahata hua janani ke chitt ko anandit karane laga.

janani balak ka machalana dekhakar prasann ho rahi thi aur thodi der tak baithi rahakar aur bhi machalana dekha chahati thi. usake yahan ek padosin baithi thi, atev vah ekaek uthakar balak ko bhojan dene men asamarth thi. sahaj hi asantusht ho jane vali pados ki striyon ka sahaj krodhamay svabhav kisi se chhipa n hoga. yadi vah tatkal uthakar chali jati, to padosin kruddh hoti. at: vah uthakar balak ko bhojan dene men anakani karane lagi. balak ka machalana aur bhi badh chala. dhire-dhire vah krodhit ho gaya, daudakar apani kaman utha laya; tir chadhakar padosin ko lakshy kiya aur kaha-too yahan se ja, nahin to main marata hoon.

donon striyan keval hnsakar usako mana karati rahin. akasmath vah tir balak ke hath se chhoot pada aur padosin ki gardan men kuchh dhns gaya! ab kya tha, vah arjun aur ashvatthama ka pashupatastr ho gaya. balak ki man bahut ghabara gayi, usane apane hath se tir nikala, usake rakt ko dhoya, bahut kuchh dhadhas diya. kintu ghayal stri ka chillana-karahana sahaj men thamane vala nahin tha.

balak ki man vidhava thi, koee usaka rakshak n tha. jab usaka pati jita tha, tab tak usaka snsar achchhi tarah chalata tha; ab jo kuchh poonji bach rahi thi, usi men vah apana samay bitati thi. jyon-tyon karake usane chir-snrakshit dhan men se pachis rupaye us ghayal stri ko diye.

vah stri kisi se yah bat n kahane ka vada karake apane ghar gayi. parantu balak ka pata nahin, vah dar ke mare ghar se nikal kisi or bhag gaya.

mata ne samajha ki putr kahin dar se chhipa hoga, sham tak a jayaga. dhire-dhire sandhya-par-sandhya, saptah-par-saptah, mas-par-mas, bitane lage; parantu balak ka kahin pata nahin. shok se mata ka hriday jarjar ho gaya, vah charapaee par lag gayi. charapaee ne bhi usaka aisa anurag dekhakar use apana liya, aur phir vah us par se n uth saki. balak ko ab kaun poochhane vala hai!

-- --

kalakatta-mahanagari ke vishal bhavanon tatha rajamargon ko ashchary se dekhata hua ek balak susajjit bhavan ke samane khada hai. mahinon kasht jhelata, rah chalata, thakata hua balak yahan pahuncha hai.

balak thodi der tak yahi sochata tha ki ab main kya karoon, kisase apane kasht ki katha kahoon. itane men vahan dhoti-kamij pahane hue ek sabhy bngali mahashay ka agaman hua.

us balak ki chaudi haddi, sudaul badan aur sundar chehara dekhakar bngali mahashay ruk gaye aur use ek videshi samajhakar poochhane lage.

tumhara makan kahan hai?

b...men.

tum yahan kaise aye?

bhagakar.

naukari karoge?

han.

achchha, hamare sath chalo.

balak ne socha ki siva kam ke aur kya karana hai, to phir inake sath hi uchit hai. kaha-achchha, chaliye.

bngali mahashay us balak ko ghumate-phirate ek makan ke dvar par pahunche. daraban ne uthakar salam kiya. vah balak-sahit ek kamare men pahunche, jahan ek navayuvak baitha hua kuchh likh raha tha, samane bahut se kagaz idhar-udhar bikhare pade the.

yuvak ne balak ko dekhakar poochha-babooji, yah balak kaun hai?

yah naukari karega, tumako ek adami ki zaroorat thi hi, so isako ham liva laye hain, apane sath rakkho-babooji yah kahakar ghar ke doosare bhag men chale gaye the.

yuvak ke kahane par balak bhi achakachata hua baith gaya. unamen is tarah baten hone lagin-

yuvak-kyon ji, tumhara nam kya hai?

balak-(kuchh sochakar) madan.

yuvak-nam to bada achchha hai. achchha, kaho, tum kya khaoge? rasoee banana janate ho?

balak-rasoee banana to nahin janate. han, kachchi-pakki jaisi ho, banakar kha lete hain, kintu ..

achchha, snkoch karane ki koee zaroorat nahin hai-itana kahakar yuvak ne pukara-koee hai?

ek naukar daudakar aya-huzoor, kya hukm hai?

yuvak ne kaha-inako bhojan karane ke lie le jao.

bhojan ke uparant balak yuvak ke pas aya. yuvak ne ek ghar dikhakar kaha ki us samane ki kothari men soo aur use apane rahane ka sthan samajho.

yuvak ki agya ke anusar balak us kothari men gaya, dekha to ek sadharan-si chauki padi hai; ek ghade men jal, lota aur gilas bhi rakkha hua hai. vah chupachap chauki par let gaya.

letane par use bahut-si baten yad ane lagin, ek-ek karake use bhavana ke jal men phnsane lagin. balyavastha ke sathi, unake sath khel-kood, ram-ravan ki ladaee, phir us vijaya-dashami ke din ki ghatana, padosin ke ang men tir ka dhns jana, mata ki vyakulata, aur marg ke kasht ko sochate-sochate us bhayatur balak ki vichitr dasha ho gayi.

manushy ki mimiyaee nikalane vali dvip-nivasini jatiyon ki bhayanak kahaniyan, jinhen usane bachapan men mata ki god men pade-pade suna tha, use aur bhi darane lagin. akasmath usake mastishk ko udveg se bhar denevali yah bat bhi sama gayi ki-ye log to mujhe naukar banane ke lie apane yahan laye the, phir itane aram se kyon rakkha hai? ho-n-ho, vahi tapoovali bat hai. bas, phir kahan ki nind aur kahan ka sukh, karavaten badalane laga! man men yahi sochata tha ki yahan se kisi tarah bhag chalo.

-- --

parantu nidra bhi kaisi pyari vastu hai! ghor du:kh ke samay bhi manushy ko yahi sukh deti hai. sab baton se vyakul hone par bhi vah kuchh der ke liye so gaya.

madan usi ghar men rahane laga. ab use utani ghabarahat nahin maloom hoti. ab vah nirbhay-sa ho gaya hai. kintu abhi tak yah bat kabhi-kabhi use udhed-bun men laga deti hai ki ye log mujhase itana achchha bartav kyon karate hain aur kyon itana sukh dete hain. par in sab baton ko vah us samay bhool jata hai, jab ‘mrinalini’ usaki rasoee banavane lagati hai. dekho, roti jalati hai, use ulat do, dal bhi chala do-ityadi baten jab mrinalini ke komal kanth se vina ki jhnkar ke saman sunaee deti hai, tab vah apana du:kh-mata ka soch-sab bhool jata hai.

madan hai to abodh, kintu snyukt prantavasi hone ke karan sprishyasprishy ka use bahut hi dhyan rahata hai. vah doosare ka banaya bhojan nahin karata. atev mrinalini akar use batati hai aur bhojan ke samay hava bhi karati hai.

mrinalini grihasvami ki kanya hai. vah devabala-si jan padati hai. badi-badi ankhen, ujjval kapol, manohar angabhngi, gulphavilambit kesh-kalap use aur bhi sundari banane men sahayata de rahe hain. avastha terah varsh ki hai; kintu vah bahut gambhir hai.

nity sath hone se donon men apoorv bhav ka uday hua hai. balak ka mukh jab ag ki anch se lal tatha ankhen dhuen ke karan ansuon se bhar jati hain, tab balika ankhon men ansoo bhar kar, rosh-poorvak pnkhi phenkakar kahati hai-lo ji, isase kam lo, kyon vyarth parishram karate ho? itane din tumhen rasoee banate hue, magar banana n aya!

tab madan anch lagane ke sare du:kh ko bhool jata. tab usaki trishna aur badh jati; bhojan rahane par bhi bhookh satati hai. aur, sataya jakar bhi vah hnsane lagata hai. man-hi-man sochata, mrinalini! tum bng-mahila kyon hueen?

madan ke man men yah bat kyon utpann huee? donon sundar the, donon hi kishor the, donon snsar se anabhigy the, donon ke hriday men rakt tha-uchchhvas tha-aveg tha-vikas tha, donon ke hriday-sindhu men kisi apoorv chandr ka madhur-ujjval prakash padata tha, donon ke hriday-kanan men nandan-parijat khila tha!

-- --

jis parivar men balak madan palata tha, usake malik hain amaranath banarji. apake navayuvak putr ka nam hai kishoranath banarji, kanya ka nam mrinalini aur grihini ka nam hiramani hai. bambee aur kalakatta, donon sthanon men, apaki dookanen thin, jinamen bahari chijon ka kray-vikray hota tha; vishesh kam moti ke banij ka tha. apaka aphis silon men tha; vahaaun se moti ki kharid hoti thi. apaki kuchh zamin bhi vahaaun thi. usase apaki badi ay thi. ap pray: apani bambee ki dookan men aur apaka parivar kalakatte men rahata tha. dhan apar tha, kisi chiz ki kami n thi. to bhi ap ek prakar se chintit the.

snsar men kaun chintagrast nahin hai? pashu-pakshi, kit-patng, chetan aur achetan, sabhi ko kisi prakar ki chinta hai. jo yogi hain, jinhonne sab kuchh tyag diya hai, snsar jinake vaste asar hai, unhonne bhi svikar kiya hai. yadi ve atmachintan n karen, to unhen yogi kaun kahega?

kintu banarji mahashay ki chinta ka karan kya hai? so pati-patni ki is batachit se hi vidit ho jayaga-

amaranath-kishor to kvanra hi raha chahata hai. abhi tak usaki shadi kahin pakki nahin huee.

hiramani-silon men apake vyapar karane tatha rahane se samaj apako doosari hi drishti se dekh raha hai.

amaranath-aise samaj ki mujhe paravah nahin hai. main to keval ladaqi aur ladake ka byah apani jati men karana chahata tha. kya tapuon men jakar log pahale banij nahin karate the? mainne koee any dharm to grahan nahin kiya, phir yah vyarth ka adambar kyon hai? aur, yadi, koee khan-pan ka dosh de, to kya yahan par tilak kar pooja karane vale logon se hotal bacha hua hai?

hiramani-phir kya kijiyega? samaj to is samay keval unhin bagala-bhagaton ko param dharmik samajhata hai!

amaranath-to phir ab main aise samaj ko door hi se hath jodata hoon.

hiramani-to kya ye ladaqi-ladake kvanre hi rahenge?

amaranath-nahin, ab hamari yah ichchha hai ki tum sabako lekar usi jagah chalen. yahan kee varsh rahate bhi hua kintu kary siddh hone ki kuchh bhi asha nahin hai, to phir apana vyapar kyon nasht hone den? isaliye, ab tum sabako vahin chalana hoga. n hoga to brahm ho jaynge, kintu yah upeksha ab sahi nahin jati.

-- --

madan, mrinalini ke sngam se bahut hi prasann hai. sarala mrinalini bhi praphullit hai. kishoranath bhi use bahut hi pyar karata hai, pray: usi ko sath lekar hava khane ke lie jata hai. donon men bahut hi sauhard hai. madan bhi bahar kishoranath ke sath aur ghar ane par mrinalini ki premamayi vani se apyayit rahata hai.

madan ka samay sukh se bitane laga. kintu banarji mahashay ke saparivar bahar jane ki baton ne ek bar usake hriday ko udvegapoorn bana diya. vah sochane laga ki mera kya parinam hoga, kya mujhe bhi chalane ke lie agya denge? aur, yadi ye chalane ke lie kahenge, to main kya karoonga? inake sath jana thik hoga ya nahin?

in sab baton ko vah sochata hi tha ki itane men kishoranath ne akasmath akar use chaunka diya. usane khade hokar poochha-kahiye, ap log kis soch-vichar men pade hue hain? kahan jane ka vichar hai?

kyon, kya tum n chaloge?

kahan?

jahan ham log jayn.

vahi to poochhata hoon ki ap log kahan jaynge?

silon.

to mujhase bhi ap vahan chalane ke liye kahate hain?

isamen tumhari hani hi kya hai?

(ygyopavit dikhakar) isaki or bhi to dhyan kijiye!

to kya samudr-yatra tum nahin kar sakate?

suna hai ki vahan jane se dharm nasht ho jata hai!

kyon? jis tarah tum yahan bhojan banate ho, usi tarah vahan bhi banana.

jahaz par bhi chadhऩa hoga!

usamen harj hi kya hai? log gngasagar aur jagannathaji jate samay jahaz par nahin chadhate?

madan ab niruttar hua; kintu uttar sochane laga. itane hi men udhar se mrinalini ati huee dikhayi padi. mrinalini ko dekhate hi usake vichararoopi motiyon ko prem-hns ne chug liya aur use usaki buddhi aur bhi bhramapoorn jan padane lagi.

mrinalini ne poochha-kyon madan, tum baba ke sath n chaloge?

jis tarah vina ki jhnkar se mast hokar mrig sthir ho jata hai, athava manohar vnshi ki tan se jhoomane lagata hai, vaise hi mrinalini ke madhur svar men mugdh madan ne kah diya-kyon n chaloonga.

-- --

sara snsar ghadi-ghadi-bhar par, pal-pal-bhar par, navin-sa pratit hota hai aur isase us vishvayantr ko banane vale svatantr ki badi bhari nipunata ka pata lagata hai; kyonki navinata ki yadi rachana n hoti, to manav-samaj ko yah snsar aur hi tarah ka bhasit hota. phir use kisi vastu ki chah n hoti, itani tarah ke vyavaharik padarthon ki kuchh bhi avashyakata n hoti. samaj, rajy aur dharm ke vishesh parivartan-roopi pat men isaki manohar moorti aur bhi saloni dekh padati hai. manushy bahupremi kyon ho jata hai? manavon ki pravritti kyon din-rat badala karati hai? nagar-nivasiyon ko pahadi ghatiyan saundaryamayi pratit hoti hain? videsh-paryatan men kyon manornjan hota hai? manushy kyon utsahit hota hai? ityadi prashnon ke uttar men keval yahi kaha ja sakata hai ki navinata ki prerana!

navinata vastav men aisi hi vastu hai ki jisase madan ko bharat se silon tak pahunch jana kuchh kashtakar n hua.

vishal sagar ke vakshasthal par danav-raj ki tarah vah jahaz apani chal aur usaki shakti dikha raha hai. use dekhakar madan ko draupadi aur pandavon ko lade hue ghatotkach ka dhyan ata tha.

uttal tarngon ki kallol-mala apana anupam drishy dikha rahi hai. charon or jal-hi-jal hai, chandrama apane pita ki god men krida karata hua anand de raha hai. anant sagar men anant akash-mandal ke asnkhy nakshatr apane pratibimb dikha rahe hain.

madan tin-char baras men yuvak ho gaya hai. usaki bhavukata badh gayi thi. vah samudr ka sundar drishy dekh raha tha. akasmath ek prakash dikhayi dene laga. vah usi ko dekhane laga.

us manohar arun ka prakash nil jal ko bhi araktim banane ki cheshta karane laga. chnchal tarngon ki lahariyan soory ki kiranon se krida karane lagin. madan us anant samudr ko dekhakar dara nahin kintu apane premamay hriday ka ek joda dekhakar aur bhi prasann hua vah nirbhik hriday se un logon ke sath silon pahuncha.

-- --

amaranath ke vishal bhavan men rahane se madan ko badi hi prasannata hai. mrinalini aur madan usi prakar se milate-julate hain, jaise kalakatte men milate-julate the. lavan-mahasamudr ki mahima donon hi ko manohar jan padati hai. prashant mahasagar ke tat ki sandhya donon ke netron ko dhyan men laga deti hai. doobate hue sooryadev dev-tuly hridayon ko snsar ki gati dikhalate hain, apane rag ki abha un prabhatamay hridayon par dalate hain, donon hi sagar-tat par khade sindhu ki tarng-bhngiyon ko dekhate hain; phir bhi donon hi donon ki manohar ang-bhngiyon men bhoole hue hain.

mahasamudr ke tat par bahut samay tak khade hokar mrinalini aur madan us anant ka saundary dekhate the. akasmath baind ka surila rag sunaee diya, jo ki sindhu garjan ko bhi bhed kar nikalata tha.

madan, mrinalini-donon ekagrachith ho us ojasvini kavivani ko jatiy sngit men sunane lage. kintu vahan kuchh dikhaee n diya. chakit hokar ve sun rahe the. prabal vayu bhi uttal tarngon ko hilakar unako darata hua usi ki pratidhvani karata tha. mantr-mugdh ke saman sindhu bhi apani tarngon ke ghat-pratighat par chidhaqar unhin shabdon ko duharata hai. samudr ko svikar karate dekh kar anant akash bhi usi ki pratidhvani karata hai.

dhire-dhire vishal sagar ke hriday ko phadata hua ek jngi jahaz dikhaee pada. madan aur mrinalini, donon hi, sthir drishti se usaki or dekhate rahe. jahaz apani jagah par thahara aur idhar port-snrakshak ne us par sainikon ke utarane ke lie yathochit prabandh kiya.

samudr ki gambhirata, sandhya ki nistabdhata aur baind ke surile rag ne donon ke hridayon ko sammohit kar liya, aur ve inhin sab baton ki charcha karane lag gaye.

madan ne kaha-mrinalini, yah baja kaisa surila hai!

mrinalini ka dhyan toota. sahasa usake mukh se nikala-tumhare kal-kanth se adhik nahin hai.

isi tarah din bitane lage. madan ko kuchh kam nahin karana padata tha. jab kabhi usaka ji chahata, tab vah mahasagar ke tat par jakar prakriti ki sushama ko nirakhata aur usi men anandit hota tha. vah pray: gota lagakar moti nikalane valon ki or dekha karata aur man-hi-man unaki prashnsa kiya karata tha.

madan ka malik bhi usako kabhi koee kam karane ke liye agya nahin deta tha. vah use baitha dekhakar mrinalini ke sath ghoomane ke lie jane ki agya deta tha. usaka svabhav hi aisa saral tha ki sabhi sahavasi usase prasann rahate the, vah bhi unase khoob hil-milakar rahata tha.

-- --

snsar bhi bada prapanchamay yantr hai. vah apani manoharata par ap hi mugdh rahata hai.

ek ekant kamare men baithe hue mrinalini aur madan tash khel rahe hain; donon ji-jan se apane-apane jitane ki koshish kar rahe hain.

itane hi men sahasa amaranath baboo us kothari men aye. unake mukh-mandal par krodh jhalakata tha. vah ate hi bole-kyon re dusht! too balika ko phusala raha hai?

madan to sunakar sannate men a gaya. usane namrata ke sath hokar poochha-kyon pita, mainne kya kiya?

amaranath-abhi poochhata hi hai! too is ladaqi ko bahaka kar apane sath lekar doosari jagah bhagana chahata hai?

madan-babooji, yah ap kya kah rahe hain? mujh par ap itana avishvas kar rahe hain? kisi dusht ne apase jhoothi bat kahi hai.

amaranath-achchha, tum yahan se chalo aur ab se tum doosari kothari men raha karo. mrinalini ko aur tumako agar ham ek jagah ab dekh pavenge to samajh rakkho-samudr ke garbh men hi tumako sthan milega.

madan, amaranath baboo ke pichhe chala. mrinalini murajha gayi, madan ke oopar apavad lagana usake sukumar hriday se saha nahin gaya. vah nav-kusumit padadalit ashray-vihin madhavi-lata ke saman prithvi par gir padi aur lot-lotakar rone lagi.

mrinalini ne daravaza bhitar se band kar liya aur vahin lotati huee ansuon se hriday ki jalan ko bujhane lagi.

kee ghante ke bad jab usaki man ne jakar kivad khulavaye, us samay usaki reshami sadi ka anchal bhinga hua, usaka mukh sookha hua aur ankhen lal-lal ho ayi thin. vastav men vah madan ke liye roee thi. isi se usaki yah dasha ho gayi. sachamuch snsar bada prapanchamay hai.

-- --

doosare ghar men rahane se madan bahut ghabadane laga. vah apana man bahalane ke lie kabhi-kabhi samudr-tat par baithakar gadgad ho soory-bhagavan ka pashchim disha se milana dekha karata tha; aur jab tak vah ast n ho jate the, tab tak barabar takataki lagaye dekhata tha. vah apane chitt men anek kalpana ki laharen uthakar samudr aur apane hriday se tulana bhi kiya karata tha.

madan ka ab is snsar men koee nahin hai. mata bharat men jiti hai ya mar gayi-yah bhi bechare ko nahin maloom! snsar ki manoharata, asha ki bhoomi, madan ke jivan-srot ka jal, madan ke hriday-kanan ka apoorv parijat, madan ke hriday-sarovar ki manohar mrinalini bhi ab usase alag kar di gee hai. janani, janmabhoomi, priy, koee bhi to madan ke pas nahin hai? isi se usaka hriday alodit hone laga, aur vah anath balak eeshrya se bharakar apane apaman ki or dhyan dene laga. usako bhali-bhanti vishvas ho gaya ki is parivar ke sath rahana thik nahin hai. jab inhonne mera tiraskar kiya, to ab inhin ke ashrit hokar kyon rahoon?

yah sochakar usane apane chitt men kuchh nishchay kiya aur kapade pahanakar samudr ki or ghoomane ke lie chal pada. rah men vah apani udhedabun men chala jata tha ki kisi ne pith par hath rakkha. madan ne pichhe dekhakar kaha-ah, ap hain kishor baboo?

kishoranath ne hnsakar kaha-kahan bagadadi-oont ki tarah bhage jate ho?

kahin to nahin, yahin samudr ki or ja raha hoon.

samudr ki or kyon?

sharan mangane ke lie.

yah bat madan ne dabadabayi huee ankhon se kishor ki or dekhakar kahi.

kishor ne rumal se madan ke ansoo ponchhate-ponchhate kaha-madan, ham janate hain ki us din babooji ne jo tiraskar kiya tha, usase tumako bahut du:kh hai. magar socho to, isamen dosh kisaka hai? yadi tum us roj mrinalini ko bahakane ka udyog n karate, to babooji tum par kyon aprasann hote?

ab to madan se nahin raha gaya. usane krodh se kaha-kaun dusht us devabala par jhootha apavad lagata hai? aur mainne use bahakaya hai? is bat ka kaun sakshi hai? kishor baboo! ap log malik hain, jo chahen so kahiye. apane palan kiya hai, isalie, yadi ap agya den to madan samudr men bhi kood padane ke lie taiyar hai, magar apavad aur apaman se bachaye rahiye.

kahate-kahate madan ka mukh krodh se lal ho aya, ankhon men ansoo bhar aye, usake akar se us samay dridh pratigya jhalakati thi.

kishor ne kaha-is bare men vishesh ham kuchh nahin janate, keval man ke mukh se suna tha ki jamadar ne babooji se tumhari ninda ki hai aur isi se vah tum par bigade hain.

madan ne kaha-ap log apani baboogiri men bhoole rahate hain aur ye beeeman apaka sab mal khate hain. mainne us jamadar ko moti nikalanevalon ke hath moti bechate dekha; mainne poochha-kyon, tumane moti kahan paya? tab usane gidagidakar, pair pakadakar, mujhase kaha-babooji se n kahiyega. mainne use dantakar phir aisa kam n karane ke lie kahakar chhod diya, ap logon se nahin kaha. isi karan vah aisi chal chalata hai aur ap logon ne bhi bina soche-samajhe usaki bat par vishvas kar liya hai.

yon kahate-kahate madan uth khada ho gaya. kishor ne usaka hath pakadakar baithaya aur ap bhi baithakar kahane laga-madan, ghabadao mat, thodi der baithakar hamari bat suno. ham usako dand denge aur tumhara apavad bhi mitavenge. magar ham ek bat jo kahate hain, use dhyan dekar suno. mrinalini ab balika nahin hai, aur tum bhi balak nahin ho. tumhare-usake jaise bhav hain, so bhi hamase chhipe nahin hain. phir aisi jagah par ham to yahi chahate hain ki tumhara aur mrinalini ka byah ho jay.

-- --

madan byah ka nam sunakar chaunk pada, aur man men sochane laga ki yah kaisi bat? kahan ham yuktaprant-nivasi anyajatiy, aur kahan ye bngali brahman, phir byah kis tarah ho sakata hai! ho-n-ho ye mujhe bhulava dete hain. kya main inake sath apana dharm nasht karoonga? kya isi karan ye log mujhe itana sukh dete hain aur khoob khulakar mrinalini ke sath ghoomane-phirane aur rahane dete the? mrinalini ko main ji se chahata hoon, aur jahan tak dekhata hoon, mrinalini bhi mujhase kapat-prem nahin karati. kintu yah byah nahin ho sakata kyonki isamen dharm aur adharm donon ka dar hai. dharm ka nirnay karane ki mujhamen shakti nahin hai. mainne aisa byah hote n dekha hai aur n suna hai, phir kaise yah byah karoon?

inhin baton ko sochate-sochate bahut der ho gayi. jab madan ko yah sun pada ki ‘achchha, sochakar hamase kahana’, tab vah chaunk pada aur dekha to kishoranath ja raha hai.

madan ne kishoranath ke jane par kuchh vishesh dhyan nahin diya aur phir apane vicharon ke sagar men magn ho gaya.

phir mrinalini ka dhyan aya, hriday dhadakane laga. madan ki chinta-shakti ka veg ruk gaya aur usake man men yahi samaya ki aise dharm ko main door hi se hath jodata hoon! mrinalini-prem-pratima mrinalini-ko main nahin chhod sakata.

madan isi mantavy ko sthir kar, samudr ki or mukh kar, usaki gambhirata niharane laga.

vahan par kuchh dhani log paisa phenkakar use samudr se le ane ka tamasha dekh rahe the. madan ne socha ki premiyon ka jivan ‘prem’ hai aur sajjanon ka amogh dhan ‘dharm’ hai. ye log apane prem-jivan ki paravah n kar dharm-dhan ko batorate hain aur phir inake pas jivan aur dhan donon chizen dikhaee padati hain. to kya manushy inaka anukaran nahin kar sakata? avashy kar sakata hai. prem aisi tuchchh vastu nahin hai ki dharm ko hatakar us sthan par ap baithe. prem mahanh hai, prem udar hai. premiyon ko bhi vah udar aur mahanh banata hai. prem ka mukhy arth hai ‘atmatyag’. to kya mrinalini se byah kar lena hi prem men gina jayega? nahin-nahin, vah ghor svarth hai. mrinalini ko main janm-bhar prem se hriday-mandir men bithakar poojoonga, usaki saral pratima ko pnnk men n lapetoonga. parantu ye log jaisa bartav karate hain, usase sambhav hai ki mere vichar palat jayn. isalie ab in logon se door rahana hi uchit hai.

madan inhin baton ko sochata hua laut aya, aur jo apana masik vetan jama kiya tha vah-tatha kuchh kapade adi avashyak saman lekar vahan se chala gaya. jate samay usane ek patr likhakar vahin chhod diya.

jab bahut der tak logon ne madan ko nahin dekha, tab chintit hue. khoj karane se unako madan ka patr mila, jise kishoranath ne padha aur padhaqar usaka marm pita ko samajha diya.

patr ka bhav samajhate hi unaki sab asha nirmool ho gayi. unhonne kaha-kishor, dekho, hamane socha tha ki mrinalini kisi kulin hindoo ko samarpit ho, parantu vah nahin hua. itana vyay aur parishram, jo madan ke lie kiya gaya, sab vyarth hua. ab vah kabhi mrinalini se byah nahin karega, jaisa ki usake patr se vidit hota hai.

apake us vyavahar ne use aur bhi bhadaqa diya. ab vah kabhi byah n karega.

mrinalini ka kya hoga?

jo usake bhagy men hai!

kya jate samay madan ne mrinalini se bhi bhent nahin ki?

poochhane se maloom hoga.

itana kahakar kishor mrinalini ke pas gaya. madan usase bhi nahin mila tha. kishor ne akar pita se sab hal kah diya.

amaranath bahut hi shokagrast hue. bas, usi din se unaki chinta badhऩe lagi. kramash: vah nity hi mady-sevan karane lage. vah to pray: apani chinta door karane ke lie mady-pan karate the, kintu usaka phal ulata hua-unaki dasha aur bhi buri ho chali, yahan tak ki vah sab samay pan karane lage, kam-kaj dekhana-bhalana chhod diya.

navayuvak ‘kishor’ bahut chintit hua, kintu vah dhairy ke sath sansarik kasht sahane laga.

madan ke chale jane se mrinalini ko bada kasht hua. use yah bat aur bhi khatakati thi ki madan jate samay usase kyon nahin mila. vah yah nahin samajhati thi ki madan yadi jate samay usase milata, to ja nahin sakata tha.

mrinalini bahut virakt ho gayi. snsar use soona dikhaee dene laga. kintu vah kya kare? use apani manasik vyatha sahani hi padi.

-- --

madan ne apane ek mitr ke yahan jakar dera dala. vah bhi moti ka vyapar karata tha. bahut sochane-vicharane ke uparant usane bhi moti ka hi vyavasay karana nishchit kiya.

madan nity sandhya ke samay, moti ke bazar men ja, machhue log jo apane mehanatane men mili huee motiyon ki sipiyan bechate the-unako kharidane laga; kyonki isamen thodi poonji se achchhi tarah kam chal sakata tha. eeshvar ki kripa se usako nity vishesh labh hone laga.

snsar men manushy ki avastha sada badalati rahati hai. vahi madan, jo tiraskar pakar dasatv chhodane par lakshy-bhrasht ho gaya tha, ab ek prasiddh vyapari ban gaya.

madan is samay sampann ho gaya. usake yahan achchhe-achchhe log milane-julane ane lage. usane nadi ke kinare ek bahut sundar bngala banava liya hai; usake charon or sundar bagicha bhi hai. vyapari log utsav ke avasaron par usako nimantran dete hain; vah bhi apane yahan kabhi-kabhi un logon ko nimantrit karata hai. snsar ki drishti men vah bahut sukhi tha, yahan tak ki bahut log usase dah karane lage. sachamuch snsar bada adambar-priy hai!

-- --

madan sab prakar se sharirik sukh bhog karata tha; par usake chitt-pat par kisi ramani ki malin chhaya nirantar ankit rahati thi; jo use kabhi-kabhi bahut kasht pahunchati thi. pray: vah use vismriti ke jal se dho dalana chahata tha. yadyapi vah chitr kisi sadharan karigar ka ankit kiya hua nahin tha ki ekadam lupt ho jay, tathapi vah barabar use mita dalane ki hi cheshta karata tha.

akasmath ek din, jab soory ki kiranen suvarn-si su-varn abha dharan kie huee thin, nadi ka jal mauj men bah raha tha, us samay madan kinare khada hua sthir bhav se nadi ki shobha nihar raha tha. usako vahan kee-ek susajjit jalayan dekh pade. usaka chitt, n jane kyon utkanthit hua. anusandhan karane par pata laga ki vahan varshik jal-vihar ka utsav hota hai, usi men log ja rahe hain.

madan ke chitt men bhi utsav dekhane ki akanksha huee. vah bhi apani nav par chadhaqar usi or chala. kallolini ki kallolon men hilati huee vah chhoti-si susajjit tari chal di.

madan us sthan par pahuncha, jahan navon ka jamav tha. saikadon bajare aur naukaen apane nile-pile, hare-lal nishan udati huee idhar-udhar ghoom rahi hain. un par baithe hue mitr log apas men amod-pramod kar rahe hain. kaminiyan apane manimay alnkaron ki prabha se us utsav ko alokamay kiye huee hain.

madan bhi apani nav par baitha hua ekatak is utsav ko dekh raha hai. usaki ankhen jaise kisi ko khoj rahi hain. dhire-dhire sandhya ho gayi. kramash: ek, do, tin tare dikhaee diye. sath hi, poorv ki taraph, oopar ko uthate hue gubbare ki tarah chndrabimb dikhaee pada. logon ke netron men anand ka ullas chha gaya. idhar dipak jal gaye. madhur sngit, shoony ki nistabdhata men, aur bhi goonjane laga. rat ke sath hi amod-pramod ki matra badhi.

parantu madan ke hriday men sannata chhaya hua hai. utsav ke bahar vah apani nauka ko dhire-dhire chala raha hai. akasmath kolahal sunaee pada, vah chaunkakar udhar dekhane laga. usi samay koee char-panch hath door ek kali-si chiz dikhaee di. ast ho rahe chandrama ka prakash padane se kuchh vastr bhi dikhaee dene laga. vah bina kuchh soche-samajhe hi jal men kood pada aur usi vastu ke sath bah chala.

oosha ki abha poorv men dikhaee pad rahi hai. chandrama ki malin jyoti taragan ko bhi malin kar rahi hai.

tarngon se shital dakshin-pavan dhire-dhire snsar ko nidra se jaga raha hai. pakshi bhi kabhi-kabhi bol uthate hain.

nirjan nadi-tat men ek nav bndhi hai, aur bahar ek sukumari sundari ka sharir achet avastha men pada hua hai. ek yuvak samane baitha hua use hosh men lane ka udyog kar raha hai. dakshin-pavan bhi use is shubh kam men bahut sahayata de raha hai.

soory ki pahali kiran ka sparsh pate hi sundari ke netr-kamal dhire-dhire vikasit hone lage. yuvak ne eeshvar ko dhanyavad diya aur jhukakar us kamini se poochha-mrinalini, ab kaisi ho?

mrinalini ne netr kholakar dekha. usake mukh-mandal par harsh ke chihn dikhaee pade. usane kaha-pyare madan, ab achchhi hoon!

pranay ka bhi veg kaisa prabal hai! yah kisi mahasagar ki prachand andhi se kam prabalata nahin rakhata. isake jhonke men manushy ki jivan-nauka asim tarngon se ghir kar pray: kool ko nahin pati. alaukik alokamay andhakar men pranayi apani pranay-tari par arohan kar usi anand ke mahasagar men ghoomana pasand karata hai, kool ki or jane ki ichchha bhi nahin karata.

is samay madan aur mrinalini donon ki ankhon se ansuon ki dhara dhire-dhire bah rahi hai. chnchalata ka nam bhi nahin hai. kuchh bal ane par donon us nav men ja baithe.

madan ne mallahon ko pas ke ganv se doodh ya aur kuchh bhojan ki vastu lane ke lie bheja. phir donon ne bichhudane ke uparant ki sab katha paraspar kah sunaee.

mrinalini kahane lagi-bhaiya kishoranath se main tumhara sab hal suna karati thi. par vah kaha karate the ki tumase milane men unako snkoch hota hain. isaka karan unhonne kuchh nahin batalaya. main bhi hriday par patthar rakhakar tumhare pranay ko aj tak smaran kar rahi hoon.

madan ne bat talakar poochha-mrinalini, tum jal men kaise girin?

mrinalini ne kaha-mujhe bahut udas dekh bhaiya ne kaha, chalo tumhen ek tamasha dikhalaven, so main bhi aj yahan mela dekhane ayi. kuchh kolahal sunakar main nav par khadi ho dekhane lagi. do navavalon men jhagada ho raha tha. unhin ke jhagade men hathapaee men nav hil gayi aur main gir padi. phir kya hua, so main kuchh nahin janati.

itane men door se ek nav ati huee dikhayi padi, us par kishoranath tha. usane mrinalini ko dekhakar bahut harsh prakat kiya, aur sab log milakar bahut anandit hue.

bahut kuchh batachit hone ke uparant mrinalini aur kishor donon ne madan ke ghar chalana svikar kiya. naven nadi-tat par sthit madan ke ghar ki or badhin. us samay madan ko ek doosari hi chinta thi.

bhojan ke uparant kishoranath ne kaha-madan, ham ab bhi tumako chhota bhaee hi samajhate hain; par tum shayad hamase kuchh rusht ho gaye ho.

madan ne kaha-bhaiya, kuchh nahin. is das se jo kuchh dhithaee huee ho, use kshama karana, main to apaka vahi madan hoon.

isi tarah ki bahut-si baten hoti rahin, aur phir doosare din kishoranath mrinalini ko sath lekar apane ghar gaya.

-- --

amaranath baboo ki avastha badi shochaniy hai. vah ek prakar se mady ke nashe men choor rahate hain. kam-kaj dekhana sab chhod diya hai. akela kishoranath kam-kaj snbhalane ke lie tatpar hua, par usake vyapar ki dasha atyant shochaniy hoti gayi, aur usake pita ka svasthy bhi bigad chala. kramash: usako charon or andhakar dikhaee dene laga.

snsar ki kaisi vilakshan gati hai! jo baboo amaranath ek samay sare silon men prasiddh vyapari gine jate the, aur vyapari log jinase salah lene ke lie tarasate the, vahi amaranath is samay kaisi avastha men hain! koee unase milane bhi nahin ata!

kishoranath ek din apane aphis men baitha kary dekh raha tha. akasmath mrinalini bhi usi sthan men a gayi aur ek kursi khinchakar baith gayi. usane kishor se kaha-kyon bhaiya, pitaji ki kaisi avastha hai? kam-kaj ki bhi dasha achchhi nahin hai, tum bhi chinta se vyakul rahate ho, yah kya hai?

kishoranath-bahan kuchh n poochho, pitaji ki avastha to tum dekh hi rahi ho. kam-kaj ki avastha bhi atyant shochaniy ho rahi hai. pachas lakh rupaye ke lagabhag bazar ka dena hai; aur aphis ka rupaya sab bazar men phns gaya hai, jo ki kam dekhe-bhale bina pitaji ki asvasthata ke karan dab-sa gaya hai. isi soch men baitha hua hoon ki eeshvar kya karenge!

mrinalini bhayatur ho gayi. usake netron se ansuon ki dhara bahane lagi. kishor use samajhane laga; phir bola-keval ek eemanadar karmachari agar kam-kaj ki dekh-bhal kiya karata, to yah avastha n hoti. aj yadi madan hota, to ham logon ki yah dasha n hoti.

madan ka nam sunate hi mrinalini kuchh vivarn ho gayi aur usaki ankhon men ansoo bhar aye. itane men daraban ne akar kaha-sarakar, ek rajistri chiththi mrinalini devi ke nam se ayi hai, dakiya bahar khada hai.

kishor ne kaha-bula lao.

kishor ne vah rajistri lekar kholi. usamen ek patr aur ek stamp ka kagaz tha. dekhakar kishor ne mrinalini ke age phenk diya. mrinalini ne phir vah patr kishor ke hath men dekar padhऩe ke liye kaha. kishor padhऩe laga.

‘‘mrinalini!

aj main tumako patr likh raha hoon. asha hai ki tum ise dhyan dekar padhogi. main ek anajane sthan ka rahanevala kngal ke bhesh men tumase mila aur tumhare parivar men palit hua. tumhare pita ne mujhe ashray diya, aur main sukh se tumhara mukh dekhakar din bitane laga. par daiv ko vah bhi thik n jncha! achchha, jaisi usaki ichchha! par main tumhare parivar ko sada sneh ki drishti se dekhata hoon. baboo amaranath ke kahane-sunane ka mujhe kuchh dhyan bhi nahin hai, main use ashirvad samajhata hoon. mere chitt men usaka tanik bhi dhyan nahin hai, par keval pashchattap yah hai ki main unase bina kahe-sune chala aya. achchha, isake lie unase kshama mang lena aur bhaee kishoranath se bhi mera yathochit abhivadan kah dena.

ab kuchh avashyak baten main likhata hoon, unhen dhyan se padho. jahan tak sambhav hai, unake karane men tum aga-pichha n karogi-yah mujhe vishvas hai. mujhe tumhare parivar ki dasha achchhi tarah vidit hai, main use likhakar tumhara du:kh nahin badhana chahata. suno, yah ek ‘bil’ hai jisamen mainne apani sab silon ki sampatti tumhare nam likh di hai. vah tumhari hi hai, use lene men tumako kuchh snkoch n karana chahiye. vah sab tumhare hi rupaye ka labh hai. jo dhan main vetan men pata tha, vahi mool karan hai. astu, yah mooladhan, labh aur byaj-sahit, tumako lauta diya jata hai. ise avashy svikar karana, aur svikar karo ya n karo, ab siva tumhare isaka svami kaun hai? kyonki main bharatavarsh se jis roop men aya tha, usi roop men lauta ja raha hoon. main is patr ko likhakar tab bhejata hoon, jab ghar se nikalakar jahaz ko ravana ho chuka hoon. ab tumase bhent bhi nahin ho sakati. tum yadi ao bhi, to us samay main jahaz par hooonga. tumase meri keval yahi prarthana hai ki ‘tum mujhe bhool jana’.-madan’’

yah patr padhate hi mrinalini ki aur kishoranath ki avastha doosari hi ho gayi. mrinalini ne katar svar se kaha-bhaiya, kya samudr-tat tak chal sakate ho?

kishoranath ne khade hokar kaha-avashy!

bas, turant hi ek gadi par savar hokar donon samudr-tat ki or chale. jyonhi ve pahunche, tyonhi jahaz tat chhod chuka tha. us samay vyakul hokar mrinalini ki ankhen kisi ko khoj rahi thin. kintu adhik khoj nahin karani padi.

kishor aur mrinalini donon ne dekha ki gerue rng ka kapada pahine hue ek vyakti donon ko hath jode hue jahaz par khada hai, aur jahaz shighrata ke sath samudr ke bich men chala ja raha hai!

mrinalini ne dekha ki bich men agadh samudr hai!

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah