कला -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

usake pita ne bade dular se usaka nam rakkha tha-‘kala’. navin indukala-si vah alokamayi aur ankhon ki pyas bujhanevali thi. vidyalay men sabaki drishti us saral-balika ki or ghoom jati thi; parantu roopanath aur rasadev usake vishesh bhakt the. kala bhi kabhi-kabhi unhin donon se bolati thi, anyatha vah ek sundar niravata hi bani rahati.

tinon ek-doosare se prem karate the, phir bhi unamen dah thi. ve ek-doosare ko adhikadhik apani or akarshit dekhana chahate the. chhatravas men aur balakon se unaka sauhard nahin. doosare balak aur balikayen apas men in tinon ki charcha karatin.

koee kahata-‘‘kala to idhar ankh uthakar dekhati bhi nahin.’’

doosara kahata-‘‘roopanath sundar to hai, kintu bada kathor.’’

tisara kahata-‘‘rasadev pagal hai. usake bhitar n jane kitani halachal hai. usaki ankhon men nishchhal anurag hai; par kala ko jaise sabase adhik pyar karata hai.’’

un tinon ko idhar dhyan dene ka avakash nahin. ve chhatravas ki phulavari men, apani dhun men mast vicharate the. samane gulab ke phool par ek nili titali baithi thi. kala udhar dekhakar gunaguna rahi thi. usaki sajan svar-lahari avagunthit ho rahi thi. patale-patale adharon se bana hua chhote-se munh ka avagunthan use dhnkane men asamarth tha. roop ekatak dekh raha tha aur ras nile akash men ankhe gadakar us gunjar ki madhur shruti men kanp raha tha.

roop ne kaha-‘‘ah, kala! jab tum gunagunane lagati ho, tab tumhare adharon men kitani laharen khelati hai. bhaven jaise abhivyakti ke mnch par chadhati-utarati kitani amit rekhayen hriday par bana deti hain.’’ roop ki baten sunakar kala ne gunagunana band kar diya. ras ne vyaghat samajh kar bhroo-bhng sahit usaki or dekha.

kala ne kaha-‘‘ab main ghar jaoongi, meri shiksha samapt ho chuki.’’

donon lut gaye. roop ne kaha- ‘‘main tumhara chitr banakar usaki pooja karoonga.’’

ras ne kaha-‘‘bhala tumhen kabhi bhool sakata hoon.’’

kala chali gee. ek din vasant ke gulab khile the, surabhi se chhatravas ka udyan bhar raha tha. roopanath aur rasadev baithe hue kala ki baten kar rahe the.

roopanath ne kaha-‘‘usaka roop kitana sundar hai!’’

rasadev ne kaha-‘‘aur usake hriday ke saundary ka to tumhen dhyan hi nahin.’’

‘‘hriday ka saundary hi to akriti grahan karata hai, tabhi manoharata roop men ati hai.’’

‘‘parantu kabhi-kabhi hriday ki avastha akriti se nahin khulati, ankhe dhokha khati hain.’’

‘‘main roop se hriday ki gaharaee nap loonga. rasadev, tum janate ho ki main rekha-vigyan men kushal hoon. main chitr banakar use jab chahoonga, pratyaksh kar loonga. usaka viyog mere lie kuchh bhi nahin hai.’’

‘‘ah! roopanath! tumhari akanksha sadhan-sapeksh hai. bhitar ki vastu ko bahar lakar snsar ki dooshit vayu se use nasht hone ke lie. ....’’

‘‘chup raho, tum man-hi-man gunagunaya karo. kuchh hai bhi tumhare hriday men? kuchh kholakar kah ya dikhala sakate ho? .... kahakar roopanath uthakar jane laga.

kshubdh hokar usaka kandha pichhe se pakadate hue rasadev ne kaha-‘‘to main usaki upasana karane men asamarth hoon?’’

roopanath avahelana men dekhata hua muskarata chala gaya.

kal ke vishrinkhal pavan ne un tinon ko jagath ke anchal par bikher diya, par ve sadaiv ek doosare ko smaran karate rahe. roopanath ek chatur chitrakar ban gaya. keval kala ka chitr banane ke lie apane abhyas ko usane aur bhi prakhar kar liya. vah apani prem-chhavi ki pooja ke nity naye upakaran jutata. vah pavan ke thapede se munh phere hue phoolon ka shrringar , chitrapati ke jngalon ko deta. usaki toolika se jad hokar bhitari andolanon se bahy drishy anek sundar akritiyon ki vikritiyon men sthayi bana diye jate. usaki badi khyati thi. phir bhi usaka garvasphit sir apani chitrashala men akar n jane kyon niche jhuk jata. vah apane abhav ko janata tha, par kisi se kahata n tha. vah aj bhi kala ka apane manonukool chitr nahin bana paya.

rasadev ka jivan nirav nikunjon men bit raha tha. vah chupachap rahata. nadi-tat par baithe hue us par ki pariyali dekhate-dekhate andhakar ka parada khinch lena, yahi usaki dinacharya thi, aur nakshatr-mala-sushobhit gagan ke niche avakh, nispand pade hue , sakutoohal ankhon se jigyasa karati usaki ratricharya.

kuchh sngiton ki asngati aur kuchh aspasht chhaya usake hriday ki nidhi thi, par log use nikamma, pagal aur alasi kahate. ekaek rajani men, sarita kalol karati huee bahi ja rahi thi. rasadev ne kalpana ke netron se dekha, akasmath nadi ka jal sthir ho gaya aur apane marakat-mrinal par ek sahasradal mani-padm jal-tal ke oopar akar naishapavan men jhoomane laga. laharon men svar ke upakaran se moorti bani, phir noopuron ki jhanakar hone lagi. dhir manthar gati se taral astaran par pair rakhate hue ek chhavi akar us kamal par baith gee.

rasadev badabada utha. vah kali rajanivale dusht dinon ki du:kh-gatha aur aj ki vaibhavashalini nisha ki sukh-katha milakar kuchh kahane laga. vah chhavi sunati-sunati muskarane lagi, phir chali gee. noopuron ki madhur-madhur dhvani apane sngit ka adhar use deti gee. vishv ka roop rasamay ho gaya. akritiyon ka avaran hat gaya. rasadev ki ankhen paradarshi ho gee. aj rasadev ke hriday ki avyakt dhvani sarthak ho gee. vah komal padavali gane laga.

nagar men aj badi dhoom-dham hai. jise dekho, rngashala ki or dauda ja raha hai. rngashala ke vishisht manch par sampann chitrakar roopanath, thatabat se baitha hai. dhani, shikshit aur adhikari log apane asanon par jame hain! vina aur mridng ki madhur-dhvani ke sath abhinetri ne yavanika uthate hi padarpan kiya. noopur ki jhanakaron ki lahar thahar-thahar kar uthane lagi. ungali aur kalaee, kati aur bahumool svar ki maror se bal kha rahe the. logon ne kaha-‘‘dekhane ki vastu aj hi dikhalaee padi. jivan ka sabase bada labh aj hi mila.’’

kitane sahriday apane uchhalate hue hriday ko hathon se dabaye the. shalinata unake lie vipatti ban gee thi.

chitrakar ka andhabhakt dhanakuber bhi pas hi baitha tha. usane kaha-‘‘roopanath, isaka ek sundar chitr banakar tum mujhe de sakoge?’’

chitrakar ne dekha, ek atulaniy chhavirashi! toolika isake samip pahunch sakegi? vah ankhon men ankit karane laga. sahasa abhinetri ke adhar khul pade. nrity-shvas-shlath prashvas kshan bhar ke lie ruke, bansuri baj uthi. vageshvari ke svaron ke kampan ki laharen jyoti-si bikharane lagin. chitrakar pukar utha-‘‘kala!’’

parantu yah kya, usane dekha, kala sajiv chitr thi. usaki poornata svar-kampan ke jyoti-mandal men otaprot thi. usane pagalon ki tarah chillakar kaha-‘‘main asaphal hoon. main is bhav ko roop nahin de sakoonga.’’ vah uthakar chala gaya.

kngal rasadev bhi pichhe ke manch par apane ek sathi ke sath baitha tha. usane kaha- ‘‘rasadev, yah to tumhari banaee huee, ‘smriti’ nam ki kavita ga rahi hai; tumhari rasamayi bhavukata hi is svargiy sngit ka kendr hai, atma hai. jaise varnamala pahanakar alok-shikha nrity kar rahi hai.’’

sngit men us samay vishram tha. abhinetri ne vina aur mridng ko snket se rokakar mook abhinay arambh kar diya tha. apane jhalamale anchal ko maya-jal ke saman phailakar smriti ki pratyaksh anubhooti ban rahi thi. kavi ki madhur vani use sunaee padi. kavi rasadev ne apane sathi se hnsate hue kaha-‘‘isaki antim aur mukhy padavali yah bhool gee, usaka arth hai-meri bhool hi tera rahasy hai, isilie kitani hi kalpanaon men tujhe khojata hoon, dekhata hoon, he mere chir sundar!’’

vah smriti men jaise jag padi. usane satrishn drishti se us kahane vale ko khoja aur apane badhaee ke phool-vijayamala-us door khade kngal kavi ke charanon men shraddhanjali ke sadrish bikherane chahe.

rasadev ne garvasphit sar jhuka diya.

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah