पुरस्कार -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

ardra nakshatr; akash men kale-kale badalon ki ghumad, jisamen dev-dundubhi ka gambhir ghosh. prachi ke ek nirabhr kone se svarn-purush jhankane laga tha.-dekhane laga maharaj ki savari. shailamala ke anchal men samatal urvara bhoomi se sondhi bas uth rahi thi. nagar-toran se jayaghosh hua, bhid men gajaraj ka chamaradhari shund unnat dikhayi pada. vah harsh aur utsah ka samudr hilor bharata hua age badhane laga.

prabhat ki hem-kiranon se anuranjit nanhi-nanhi boondon ka ek jhonka svarn-mallika ke saman baras pada. mngal soochana se janata ne harsh-dhvani ki.

rathon, hathiyon aur ashvarohiyon ki pnkti jam gee. darshakon ki bhid bhi kam n thi. gajaraj baith gaya, sidhiy़on se maharaj utare. saubhagyavati aur kumari sundariyon ke do dal, amrapallavon se sushobhit mngal-kalash aur phool, kunkum tatha khilon se bhare thal lie, madhur gan karate hue age badhe.

maharaj ke mukh par madhur muskyan thi. purohit-varg ne svastyayan kiya. svarn-ranjit hal ki mooth pakad kar maharaj ne jute hue sundar pusht bailon ko chalane ka snket kiya. baje bajane lage. kishori kumariyon ne khilon aur phoolon ki varsha ki.

koshal ka yah utsav prasiddh tha. ek din ke lie maharaj ko krishak banana padata-us din indr-poojan ki dhoom-dham hoti; goth hoti. nagar-nivasi us pahadi bhoomi men anand manate. prativarsh krishi ka yah mahotsav utsah se sampann hota; doosare rajyon se bhi yuvak rajakumar is utsav men bade chav se akar yog dete.

magadh ka ek rajakumar arun apane rath par baitha bade kutoohal se yah drishy dekh raha tha.

bijon ka ek bal liye kumari madhoolika maharaj ke sath thi. bij bote hue maharaj jab hath badhate, tab madhoolika unake samane thal kar deti. yah khet madhoolika ka tha, jo is sal maharaj ki kheti ke lie chuna gaya tha; isalie bij dene ka samman madhoolika hi ko mila. vah kumari thi. sundari thi. kausheyavasan usake sharir par idhar-udhar laharata hua svayn shobhit ho raha tha. vah kabhi use samhalati aur kabhi apane rookhe alakon ko. krishak balika ke shubhr bhal par shramakanon ki bhi kami n thi, ve sab barauniyon men gunthe ja rahe the. samman aur lajja usake adharon par mand muskarahat ke sath sihar uthate; kintu maharaj ko bij dene men usane shithilata nahin ki. sab log maharaj ka hal chalana dekh rahe the-vismay se, kutoohal se. aur arun dekh raha tha krishak kumari madhoolika ko. aha kitana bhola saundary! kitani saral chitavan!

utsav ka pradhan krity samapt ho gaya. maharaj ne madhoolika ke khet ka puraskar diya, thal men kuchh svarn mudraen. vah rajakiy anugrah tha. madhoolika ne thali sir se laga li; kintu sath usamen ki svarnamudraon ko maharaj par nyochhavar karake bikher diya. madhoolika ki us samay ki oorjasvit moorti log ashchary se dekhane lage! maharaj ki bhrikuti bhi jara chadhi hi thi ki madhoolika ne savinay kaha-

dev! yah mere pitri-pitamahon ki bhoomi hai. ise bechana aparadh hai; isalie mooly svikar karana meri samathry ke bahar hai. maharaj ke bolane ke pahale hi vriddh mantri ne tikhe svar se kaha-abodh! kya bak rahi hai? rajakiy anugrah ka tiraskar! teri bhoomi se chauguna mooly hai; phir koshal ka to yah sunishchit rashtriy niyam hai. too aj se rajakiy rakshan pane ki adhikarini huee, is dhan se apane ko sukhi bana.

rajakiy rakshan ki adhikarini to sari praja hai, mantrivar! .... maharaj ko bhoomi-samarpan karane men to mera koee virodh n tha aur n hai; kintu mooly svikar karana asambhav hai.-madhoolika uttejit ho uthi.

maharaj ke snket karane par mantri ne kaha-dev! varanasi-yuddh ke anyatam vir sinhamitr ki yah ek-matr kanya hai.-maharaj chaunk uthe-sinhamitr ki kanya! jisane magadh ke samane koshal ki laj rakh li thi, usi vir ki madhoolika kanya hai?

han, dev! -savinay mantri ne kaha.

is utsav ke paramparagat niyam kya hain, mantrivar?-maharaj ne poochha.

dev, niyam to bahut sadharan hain. kisi bhi achchhi bhoomi ko is utsav ke lie chunakar niyamanusar puraskar-svaroop usaka mooly de diya jata hai. vah bhi atyant anugrahapoorvak arthath bhoo-sampatti ka chauguna mooly use milata hai. us kheti ko vahi vyakti varsh bhar dekhata hai. vah raja ka khet kaha jata hai.

maharaj ko vichar-sngharsh se vishram ki atyant avashyakata thi. maharaj chup rahe. jayaghosh ke sath sabha visarjit huee. sab apane-apane shiviron men chale gaye. kintu madhoolika ko utsav men phir kisi ne n dekha. vah apane khet ki sima par vishal madhook-vriksh ke chikane hare patton ki chhaya men anamani chupachap baithi rahi.

ratri ka utsav ab vishram le raha tha. rajakumar arun usamen sammilit nahin hua-apane vishram-bhavan men jagaran kar raha tha. ankhon men nind n thi. prachi men jaisi gulali khil rahi thi, vah rng usaki ankhon men tha. samane dekha to munder par kapoti ek pair par khadi pnkh phailaye angadaee le rahi thi. arun uth khada hua. dvar par susajjit ashv tha, vah dekhate-dekhate nagar-toran par ja pahuncha. rakshak-gan oongh rahe the, ashv ke pairon ke shabd se chaunk uthe.

yuvak-kumar tir-sa nikal gaya. sindhudesh ka turng prabhat ke pavan se pulakit ho raha tha. ghoomata-ghoomata arun usi madhook-vriksh ke niche pahuncha, jahan madhoolika apane hath par sir dhare hue khinn-nidra ka sukh le rahi thi.

arun ne dekha, ek chhinn madhavilata vriksh ki shakha se chyut hokar padi hai. suman mukulit, bhramar nispand the. arun ne apane ashv ko maun rahane ka snket kiya, us sushama ko dekhane lie, parantu kokil bol utha. jaise usane arun se prashn kiya-chhi:, kumari ke soye hue saundary par drishtipat karanevale dhrisht, tum kaun? madhoolika ki ankhe khul padin. usane dekha, ek aparichit yuvak. vah snkoch se uth baithi. -bhadre! tumhin n kal ke utsav ki sanchalika rahi ho?

utsav! han, utsav hi to tha.

kal us samman....

kyon apako kal ka svapn sata raha hai? bhadr! ap kya mujhe is avastha men santusht n rahane denge?

mera hriday tumhari us chhavi ka bhakt ban gaya hai, devi!

mere us abhinay ka-meri vidambana ka. ah! manushy kitana nirday hai, aparichit! kshama karo, jao apane marg.

saralata ki devi! main magadh ka rajakumar tumhare anugrah ka prarthi hoon-mere hriday ki bhavana avagunthan men rahana nahin janati. use apani.....

rajakumar! main krishak-balika hoon. ap nandanabihari aur main prithvi par parishram karake jinevali. aj meri sneh ki bhoomi par se mera adhikar chhin liya gaya hai. main du:kh se vikal hoon; mera upahas n karo.

main koshal-naresh se tumhari bhoomi tumhen dilava doonga.

nahin, vah koshal ka rashtriy niyam hai. main use badalana nahin chahati-chahe usase mujhe kitana hi du:kh ho.

tab tumhara rahasy kya hai?

yah rahasy manav-hriday ka hai, mera nahin. rajakumar, niyamon se yadi manav-hriday badhy hota, to aj magadh ke rajakumar ka hriday kisi rajakumari ki or n khinch kar ek krishak-balika ka apaman karane n ata. madhoolika uth khadi huee.

chot khakar rajakumar laut pada. kishor kiranon men usaka ratnakirit chamak utha. ashv veg se chala ja raha tha aur madhoolika nishthur prahar karake kya svayn ahat n huee? usake hriday men tis-si hone lagi. vah sajal netron se udati huee dhool dekhane lagi.

madhoolika ne raja ka pratipadan, anugrah nahin liya. vah doosare kheton men kam karati aur chauthe pahar rookhi-sookhi khakar pad rahati. madhook-vriksh ke niche chhoti-si parnakutir thi. sookhe dnthalon se usaki divar bani thi. madhoolika ka vahi ashray tha. kathor parishram se jo rookha ann milata, vahi usaki sanson ko badhane ke lie paryapt tha.

dubali hone par bhi usake ang par tapasya ki kanti thi. as-pas ke krishak usaka adar karate. vah ek adarsh balika thi. din, saptah, mahine aur varsh bitane lage.

shitakal ki rajani, meghon se bhara akash, jisamen bijali ki daud-dhoop. madhoolika ka chhajan tapak raha tha! odhऩe ki kami thi. vah thithurakar ek kone men baithi thi. madhoolika apane abhav ko aj badhakar soch rahi thi. jivan se samanjasy banaye rakhane vale upakaran to apani sima nirdharit rakhate hain; parantu unaki avashyakata aur kalpana bhavana ke sath badhati-ghatati rahati hai. aj bahut dinon par use biti huee bat smaran huee. do, nahin-nahin, tin varsh hue honge, isi madhook ke niche prabhat men-tarun rajakumar ne kya kaha tha?

vah apane hriday se poochhane lagi-un chatukari ke shabdon ko sunane ke lie utsuk-si vah poochhane lagi-kya kaha tha? du:kh-dagdh hriday un svapn-si baton ko smaran rakh sakata tha? aur smaran hi hota, to bhi kashton ki is kali nisha men vah kahane ka sahas karata. hay ri bidambana!

aj madhoolika us bite hue kshan ko lauta lene ke lie vikal thi. daridray ki thokaron ne use vyathit aur adhir kar diya hai. magadh ki prasad-mala ke vaibhav ka kalpanik chitr-un sookhe dnthalon ke randhron se, nabh men-bijali ke alok men-nachata hua dikhaee dene laga. khilavadi shishu jaise shravan ki sandhya men juganoo ko pakadane ke lie hath lapakata hai, vaise hi madhoolika man-hi-man kar rahi thi. ‘abhi vah nikal gaya’. varsha ne bhishan roop dharan kiya. gadagadahat badhane lagi; ole padane ki sambhavana thi. madhoolika apani jarjar jhopadi ke lie kanp uthi. sahasa bahar kuchh shabd hua-

kaun hai yahan? pathik ko ashray chahie.

madhoolika ne dnthalon ka kapat khol diya. bijali chamak uthi. usane dekha, ek purush ghode ki dor pakade khada hai. sahasa vah chilla uthi-rajakumar!

madhoolika?-ashchary se yuvak ne kaha.

ek kshan ke lie sannata chha gaya. madhoolika apani kalpana ko sahasa pratyaksh dekhakar chakit ho gee -itane dinon ke bad aj phir!

arun ne kaha-kitana samajhaya mainne-parantu.....

madhoolika apani dayaniy avastha par snket karane dena nahin chahati thi. usane kaha-aur aj apaki yah kya dasha hai?

sir jhukakar arun ne kaha-main magadh ka vidrohi nirvasit koshal men jivika khojane aya hoon.

madhoolika us andhakar men hns padi-magadh ka vidrohi rajakumar ka svagat kare ek anathini krishak-balika, yah bhi ek vidambana hai, to bhi main svagat ke lie prastut hoon.

shitakal ki nistabdh rajani, kuhare se dhuli huee chandani, had knpa denevala samir, to bhi arun aur madhoolika donon pahadi gahvar ke dvar par vat-vriksh ke niche baithe hue baten kar rahe hain. madhoolika ki vani men utsah tha, kintu arun jaise atyant savadhan hokar bolata.

madhoolika ne poochha-jab tum itani vipann avastha men ho, to phir itane sainikon ko sath rakhane ki kya avashyakata hai?

madhoolika! bahubal hi to viron ki ajivika hai. ye mere jivan-maran ke sathi hain, bhala main inhen kaise chhod deta? aur karata hi kya?

kyon? ham log parishram se kamate aur khate. ab to tum....

bhool n karo, main apane bahubal par bharosa karata hoon. naye rajy ki sthapana kar sakata hoon. nirash kyon ho jaoon?-arun ke shabdon men kampan tha; vah jaise kuchh kahana chahata tha; par kah n sakata tha.

navin rajy! oho, tumhara utsah to kam nahin. bhala kaise? koee dhng batao, to main bhi kalpana ka anand le loon.

kalpana ka anand nahin madhoolika, main tumhe rajarani ke samman men sinhasan par bithaoonga! tum apane chhine hue khet ki chinta karake bhayabhit n ho.

ek kshan men saral madhoolika ke man men pramad ka andhad bahane laga-dvandv mach gaya. usane sahasa kaha-ah, main sachamuch aj tak tumhari pratiksha karati thi, rajakumar!

arun dhithaee se usake hathon ko dabakar bola-to mera bhram tha, tum sachamuch mujhe pyar karati ho?

yuvati ka vakshasthal phool utha, vah han bhi nahin kah saki, na bhi nahin. arun ne usaki avastha ka anubhav kar liya. kushal manushy ke saman usane avasar ko hath se n jane diya. turant bol utha-tumhari ichchha ho, to pranon se pan lagakar main tumhen is koshal-sinhasan par bitha doon. madhoolike! arun ke khadg ka atnk dekhogi?-madhoolika ek bar kanp uthi. vah kahana chahati thi...nahin; kintu usake munh se nikala-kya?

saty madhoolika, koshal-naresh tabhi se tumhare lie chintit hain. yah main janata hoon, tumhari sadharan-si prarthana vah asvikar n karenge. aur mujhe yah bhi vidit hai ki koshal ke senapati adhikansh sainiko ke sath pahadi dasyuon ka daman karane ke lie bahut door chale gaye hain.

madhoolika ki ankhon ke age bijaliyan hnsane lagi. darun bhavana se usaka mastak vikrit ho utha. arun ne kaha-tum bolati nahin ho?

jo kahoge, vah karoongi....mantramugdh-si madhoolika ne kaha.

svarnamanch par koshal-naresh arddhanidrit avastha men ankhe mukulit kiye hain. ek chamadharini yuvati pichhe khadi apani kalaee badi kushalata se ghuma rahi hai. chamar ke shubhr andolan us prakoshth men dhire-dhire sanchalit ho rahe hain. tambool-vahini pratima ke saman door khadi hai.

pratihari ne akar kaha-jay ho dev! ek stri kuchh prarthana lekar aee hai.

ankh kholate hue maharaj ne kaha-stri! prarthana karane aee? ane do.

pratihari ke sath madhoolika aee. usane pranam kiya. maharaj ne sthir drishti se usaki or dekha aur kaha-tumhen kahin dekha hai?

tin baras hue dev! meri bhoomi kheti ke lie li gee thi.

oh, to tumane itane din kasht men bitaye, aj usaka mooly mangane aee ho, kyon? achchha-achchha tumhen milega. pratihari!

nahin maharaj, mujhe mooly nahin chahie.

moorkh! phir kya chahie?

utani hi bhoomi, durg ke dakshini nale ke samip ki jngali bhoomi, vahin main apani kheti karoongi. mujhe ek sahayak mil gaya hai. vah manushyon se meri sahayata karega, bhoomi ko samatal bhi banana hoga.

maharaj ne kaha-krishak balike! vah badi ubad-khabad bhoomi hai. tis par vah durg ke samip ek sainik mahatv rakhati hai.

to phir nirash laut jaoon?

sinhamitr ki kanya! main kya karoon, tumhari yah prarthana....

dev! jaisi agya ho!

jao, tum shramajiviyon ko usamen lagao. main amaty ko agyapatr dene ka adesh karata hoon.

jay ho dev!-kahakar pranam karati huee madhoolika rajamandir ke bahar aee.

durg ke dakshin, bhayavane nale ke tat par, ghana jngal hai, aj manushyon ke pad-sanchar se shoonyata bhng ho rahi thi. arun ke chhipe ve manushy svatantrata se idhar-udhar ghoomate the. jhadiyon ko kat kar path ban raha tha. nagar door tha, phir udhar yon hi koee nahin ata tha. phir ab to maharaj ki agya se vahan madhoolika ka achchha-sa khet ban raha tha. tab idhar ki kisako chinta hoti?

ek ghane kunj men arun aur madhoolika ek doosare ko harshit netron se dekh rahe the. sandhya ho chali thi. us nivid van men un navagat manushyon ko dekhakar pakshigan apane nid ko lautate hue adhik kolahal kar rahe the.

prasannata se arun ki ankhe chamak uthin. soory ki antim kiran jhuramut men ghusakar madhoolika ke kapolon se khelane lagi. arun ne kaha-char prahar aur, vishvas karo, prabhat men hi is jirn-kalevar koshal-rashtr ki rajadhani shravasti men tumhara abhishek hoga aur magadh se nirvasit main ek svatantr rashtr ka adhipati banoonga, madhoolike!

bhayanak! arun, tumhara sahas dekhakar main chakit ho rahi hoon. keval sau sainikon se tum...

rat ke tisare prahar meri vijay-yatra hogi.

to tumako is vijay par vishvas hai?

avashy, tum apani jhopadi men yah rat bitao; prabhat se to raj-mandir hi tumhara lila-niketan banega.

madhoolika prasann thi; kintu arun ke lie usaki kalyan-kamana sashnk thi. vah kabhi-kabhi udvign-si hokar balakon ke saman prashn kar baithati. arun usaka samadhan kar deta. sahasa koee snket pakar usane kaha-achchha, andhakar adhik ho gaya. abhi tumhen door jana hai aur mujhe bhi pran-pan se is abhiyan ke prarambhik karyon ko arddharatri tak poora kar lena chahie; tab ratri bhar ke lie vida! madhoolike!

madhoolika uth khadi huee. kntili jhadiyon se ulajhati huee kram se, badhanevale andhakar men vah jhopadi ki or chali.

path andhakaramay tha aur madhoolika ka hriday bhi nivid-tam se ghira tha. usaka man sahasa vichalit ho utha, madhurata nasht ho gee. jitani sukh-kalpana thi, vah jaise andhakar men vilin hone lagi. vah bhayabhit thi, pahala bhay use arun ke lie utpann hua, yadi vah saphal n hua to? phir sahasa sochane lagi-vah kyon saphal ho? shravasti durg ek videshi ke adhikar men kyon chala jay? magadh ka chirashatru! oh, usaki vijay! koshal-naresh ne kya kaha tha-‘sinhamitr ki kanya.’ sinhamitr, koshal ka rakshak vir, usi ki kanya aj kya karane ja rahi hai? nahin, nahin, madhoolika! madhoolika!!’ jaise usake pita us andhakar men pukar rahe the. vah pagali ki tarah chilla uthi. rasta bhool gee.

rat ek pahar bit chali, par madhoolika apani jhopadi tak n pahunchi. vah udhedabun men vikshipt-si chali ja rahi thi. usaki ankhon ke samane kabhi sinhamitr aur kabhi arun ki moorti andhakar men chitrit hoti jati. use samane alok dikhaee pada. vah bich path men khadi ho gee. pray: ek sau ulkadhari ashvarohi chale a rahe the aur age-age ek vir adhed sainik tha. usake bayen hath men ashv ki valga aur dahine hath men nagn khadg. atyant dhirata se vah tukadi apane path par chal rahi thi. parantu madhoolika bich path se hili nahin. pramukh sainik pas a gaya; par madhoolika ab bhi nahin hati. sainik ne ashv rokakar kaha-kaun? koee uttar nahin mila. tab tak doosare ashvarohi ne sadak par kaha-too kaun hai, stri? koshal ke senapati ko uttar shighr de.

ramani jaise vikar-grast svar men chilla uthi-bandh lo, mujhe bandh lo! meri hatya karo. mainne aparadh hi aisa kiya hai.

senapati hns pade, bole-pagali hai.

pagali nahin, yadi vahi hoti, to itani vichar-vedana kyon hoti? senapati! mujhe bandh lo. raja ke pas le chalo.

kya hai, spasht kah!

shravasti ka durg ek prahar men dasyuon ke hastagat ho jayega. dakshini nale ke par unaka akraman hoga.

senapati chaunk uthe. unhonne ashchary se poochha-too kya kah rahi hai?

main saty kah rahi hoon; shighrata karo.

senapati ne assi sainikon ko nale ki or dhire-dhire badhane ki agya di aur svayn bis ashvarohiyon ke sath durg ki or badhe. madhoolika ek ashvarohi ke sath bandh di gee.

shravasti ka durg, koshal rashtr ka kendr, is ratri men apane vigat vaibhav ka svapn dekh raha tha. bhinn rajavnshon ne usake pranton par adhikar jama liya hai. ab vah keval kee ganvon ka adhipati hai. phir bhi usake sath koshal ke atit ki svarn-gathaen lipati hain. vahi logon ki eeshrya ka karan hai. jab thode se ashvarohi bade veg se ate hue durg-dvar par ruke, tab durg ke prahari chaunk uthe. ulka ke alok men unhonne senapati ko pahachana, dvar khula. senapati ghode ki pith se utare. unhonne kaha-agnisen! durg men kitane sainik honge?

senapati ki jay ho! do sau .

unhen shighr hi ekatr karo; parantu bina kisi shabd ke. sau ko lekar tum shighr hi chupachap durg ke dakshin ki or chalo. alok aur shabd n hon.

senapati ne madhoolika ki or dekha. vah khol di gee. use apane pichhe ane ka snket kar senapati rajamandir ki or badhe. pratihari ne senapati ko dekhate hi maharaj ko savadhan kiya. vah apani sukh-nidra ke liye prastut ho rahe the; kintu senapati aur sath men madhoolika ko dekhate hi chanchal ho uthe. senapati ne kaha-jay ho dev! is stri ke karan mujhe is samay upasthit hona pada hai.

maharaj ne sthir netron se dekhakar kaha-sinhamitr ki kanya! phir yahan kyon? kya tumhara kshetr nahin ban raha hai? koee badha? senapati! mainne durg ke dakshini nale ke samip ki bhoomi ise di hai. kya usi sambandh men tum kahana chahate ho?

dev! kisi gupt shatru ne usi or se aj ki rat men durg par adhikar kar lene ka prabandh kiya hai aur isi stri ne mujhe path men yah sandesh diya hai.

raja ne madhoolika ki or dekha. vah kanp uthi. ghrina aur lajja se vah gadi ja rahi thi. raja ne poochha-madhoolika, yah saty hai!

han, dev!

raja ne senapati se kaha-sainikon ko ekatr karake tum chalo main abhi ata hoon. senapati ke chale jane par raja ne kaha-sinhamitr ki kanya! tumane ek bar phir koshal ka upakar kiya. yah soochana dekar tumane puraskar ka kam kiya hai. achchha, tum yahin thaharo. pahale un atataeeyon ka prabandh kar loon.

apane sahasik abhiyan men arun bandi hua aur durg ulka ke alok men atiranjit ho gaya. bhid ne jayaghosh kiya. sabake man men ullas tha. shravasti-durg aj ek dasyu ke hath men jane se bacha tha. abal-vriddh-nari anand se unmatt ho uthe.

oosha ke alok men sabha-mandap darshakon se bhar gaya. bandi arun ko dekhate hi janata ne rosh se hoonkar karate hue kaha-‘vadh karo!’ raja ne sabase sahamat hokar agya di-‘pran dand.’ madhoolika bulayi gee. vah pagali-si akar khadi ho gee. koshal-naresh ne poochha-madhoolika, tujhe jo puraskar lena ho, mang. vah chup rahi.

raja ne kaha-meri nij ki jitani kheti hai, main sab tujhe deta hoon. madhoolika ne ek bar bandi arun ki or dekha. usane kaha-mujhe kuchh n chahie. arun hns pada. raja ne kaha-nahin, main tujhe avashy doonga. mang le.

to mujhe bhi pranadand mile. kahati huee vah bandi arun ke pas ja khadi huee.

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah