सिकंदर की शपथ -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

soory ki chamakili kiranon ke sath, yoonaniyon ke barachhe ki chamak se ‘mingalaur’-durg ghira hua hai. yoonaniyon ke durg todanevale yantr durg ki divalon se laga diye gaye hain, aur ve apana kary badi shighrata ke sath kar rahe hain. durg ki dival ka ek hissa toota aur yoonaniyon ki sena usi bhagn marg se jayanad karati huee ghusane lagi. par vah usi samay pahad se takaraye hue samudr ki tarah phira di gayi, aur bharatiy yuvak viron ki sena unaka pichha karati huee dikhaee padane lagi. sikndar unake prachand astraghat ko rokata pichhe hatane laga.

afaganistan men ‘ashvak’ viron ke sath bharatiy vir kahan se a gaye? yah shnka ho sakati hai, kintu pathakagan! ve nimantrit hokar unaki raksha ke liye sudoor se aye hain, jo ki snkhya men keval sat hazar hone par bhi grikon ki asnkhy sena ko barabar parajit kar rahe hain.

sikndar ko us samany durg ke avarodh men tin din vyatit ho gaye. vijay ki sambhavana nahin hai, sikndar udas hokar kaimp men laut gaya, aur sochane laga. sochane ki bat hi hai. gaja aur parasipolis adi ke vijeta ko afaganistan ke ek chhote-se durg ke jitane men itana parishram uthakar bhi saphalata milati nahin dikhaee deti, ulate kee bar use apamanit hona pada.

baithe-baithe sikndar ko bahut der ho gayi. andhakar phailakar snsar ko chhipane laga, jaise koee kapatachari apani mantrana ko chhipata ho. keval kabhi-kabhi do-ek ulloo us bhishan ranabhoomi men apane bhayavah shabd ko suna dete hain. sikndar ne siti dekar kuchh ingit kiya, ek vir purush samane dikhaee pada. sikndar ne usase kuchh gupt baten kin, aur vah chala gaya. andhakar ghanibhoot ho jane par sinkadar bhi usi or uthakar chala, jidhar vah pahala sainik ja chuka tha.

bhag 2

durg ke us bhag men, jo toot chuka tha, bahut shighrata se kam laga hua tha, jo bahut shighr kal ki ladaee ke liye prastut kar diya gaya aur sab log vishram karane ke liye chale gaye. keval ek manushy usi sthan par prakash dalakar kuchh dekh raha hai. vah manushy kabhi to khada rahata hai aur kabhi apani prakash phailanevali mashal ko liye hue doosari or chala jata hai. us samay us ghor andhakar men us bhayavah durg ki prakand chhaya aur bhi spasht ho jati hai. usi chhaya men chhipa hua sikndar khada hai. usake hath men dhanush aur ban hai, usake sab astr usake pas hain. usaka mukh yadi koee is samay prakash men dekhata, to avashy kahata ki yah koee badi bhayanak bat soch raha hai, kyonki usaka sundar mukhamandal is samay vichitr bhavon se bhara hai. akasmath usake mukh se ek prasannata ka chitkar nikal pada, jise usane bahut vyagr hokar chhipaya.

samip ki jhadi se ek doosara manushy nikal pada, jisane akar sikndar se kaha-der n kijiye, kyonki yah vahi hai.

sikndar ne dhanush ko thik karake ek vishamay ban us par chhoda aur use usi durg par tahalate hue manushy ki or lakshy karake chhoda. lakshy thik tha, vah manushy ludhaqakar niche a raha. sikndar aur usake sathi ne jhat jakar use utha liya, kintu usake chitkar se durg par ka ek prahari jhukakar dekhane laga. usane prakash dalakar poochha-kaun hai?

uttar mila-main durg se niche gir pada hoon.

prahari ne kaha-ghabadaiye mat, main dori latakata hoon.

dori bahut jald lataka di gayi, afagan veshadhari sikndar usake sahare oopar chadh gaya. oopar jakar sikndar ne us prahari ko bhi niche gira diya, jise usake sathi ne mar dala aur usaka vesh ap lekar us sidhi se oopar chadh gaya. jane ke pahale usane apani chhoti-si sena ko bhi usi jagah bula liya aur dhire-dhire usi rassi ki sidhi se ve sab oopar pahuncha diye gaye.

bhag 3

durg ke prakoshth men saradar ki sundar patni baithi huee hai. madira-vilol drishti se kabhi darpan men apana sundar mukh aur kabhi apane navin nil vasan ko dekh rahi hai. usaka mukh lalasa ki madira se chamak-chamak kar usaki hi ankhon men chakachaundh paida kar raha hai. akasmath ‘pyare saradar’, kahakar vah chaunk padi, par usaki prasannata usi kshan badal gayi, jab usane saradar ke vesh men doosare ko dekha. sikndar ka manushik saundary kuchh kam nahin tha, abala-hriday ko aur bhi durbal bana dene ke liye vah paryapt tha. ve ek-doosare ko nirnimesh drishti se dekhane lage. par afagan-ramani ki shithilata der tak n rahi, usane hriday ke sare bal ko ekatr karake poochha-tum kaun ho?

uttar mila-shahnshah sikndar.

ramani ne poochha-yah vastr kis tarah mila?

sikndar ne kaha-saradar ko mar dalane se.

ramani ke mukh se chitkar ke sath hi nikal pada-kya saradar mara gaya?

sikndar-han, ab vah is lok men nahin hai.

ramani ne apana mukh donon hathon se dhak liya, par usi kshan usake hath men ek chamakata hua chhura dikhaee dene laga.

sikndar ghutane ke bal baith gaya aur bola-sundari! ek jiv ke liye tumhari do talavaren bahut thin, phir tisari ki kya avashyakata hai?

ramani ki dridhata hat gayi, aur n jane kyon usake hath ka chhura chhatakakar gir pada, vah bhi ghutanon ke bal baith gayi.

sikndar ne usaka hath pakadakar uthaya. ab usane dekha ki sikndar akela nahin hai, usake bahut se sainik durg par dikhaee de rahe hain. ramani ne apana hriday dridh kiya aur sndook kholakar ek javahirat ka dibba le akar sikndar ke age rakkha. sikndar ne use dekhakar kaha-mujhe isaki avashyakata nahin hai, durg par mera adhikar ho gaya, itana hi bahut hai.

durg ke sipahi yah dekhakar ki shatru bhitar a gaya hai, astr lekar marapit karane par taiyar ho gaye. par saradar-patni ne unhen mana kiya, kyonki use batala diya gaya tha ki sikndar ki vijayavahini durg ke dvar par khadi hai.

sikndar ne kaha-tum ghabadao mat, jis tarah se tumhari ichchha hogi, usi prakar sandhi ke niyam banaye jaynge. achchha, main jata hoon.

ab sikndar ko thodi door tak saradar-patni pahuncha gayi. sikndar thodi sena chhodakar ap apane shivir men chala gaya.

bhag 4

sandhi ho gayi. saradar-patni ne svikar kar liya ki durg sikndar ke adhin hoga. sikndar ne bhi usi ko yahan ki rani banaya aur kaha-bharatiy yoddha jo tumhare yahan aye hain, ve apane desh ko lautakar chale jayn. main unake jane men kisi prakar ki badha n daloonga. sab baten shapathapoorvak svikar kar li gayin.

rajapoot vir apane parivar ke sath us durg se nikal pade, svadesh ki or chalane ke lie taiyar hue. durg ke samip hi ek pahadi par unhonne apana dera jamaya aur bhojan karane ka prabandh karane lage.

bharatiy ramaniyan jab apane pyare putron aur patiyon ke liye bhojan prastut kar rahin thin, to unamen us afagan-ramani ke bare men bahut baten ho rahi thin, aur ve sab use badi ghrina ki drishti se dekhane lagin, kyonki usane ek pati-hatyakari ko atm-samarpan kar diya tha. bhojan ke uparant jab sab sainik viram karane lage tab yuddh ki baten kahakar apane chitt ko prasann karane lage. thodi der nahin biti thi ki ek grik ashvarohi unake samip ata dikhaee pada, jise dekhakar ek rajapoot yuvak uth khada hua aur usaki pratiksha karane laga.

grik sainik usake samip akar bola-shahnshah sikndar ne tum logon ko daya karake apani sena men bharati karane ka vichar kiya hai. asha hai ki is samvad se tum log bahut prasann hoge.

yuvak bol utha-is daya ke liye ham log kritgy hain, par apane bhaiyon par atyachar karane men grikon ka sath dene ke lie ham log kabhi prastut nahin hain.

grik-tumhen prastut hona chahiye, kyonki shahnshah sikndar ki agya hai.

yuvak-nahin mahashay, kshama kijiye. ham log asha karate hain ki sandhi ke anusar ham log apane desh ko shantipoorvak laut jayenge, isamen badha n dali jayagi.

grik-kya tum log is bat par dridh ho? ek bar aur vichar kar uttar do, kyonki usi uttar par tum logon ka jivan-maran nirbhar hoga.

is par kuchh rajapooton ne samavet svar se kaha-han-han, ham apani bat par dridh hain, kintu sikndar, jisane devataon ke nam se shapath li hai, apani shapath ko n bhoolega.

grik-sikndar aisa moorkh nahin hai ki aye hue shatruon ko aur dridh hone ka avakash de. astu, ab tum log marane ke lie taiyar ho.

itana kahakar vah grik apane ghode ko ghumakar siti bajane laga, jise sunakar aganit grik-sena un thode se hinduon par toot padi.

itihas is bat ka sakshi hai ki unhonne pran-pran se yuddh kiya aur jab tak ki unamen ek bhi bacha, barabar ladata gaya. kyon n ho, jab unaki pyari striyan unhen astrahin dekhakar talavar deti thin aur hnsati huee apane pyare patiyon ki yuddh kriya dekhati thin. ranachandiyan bhi akarmany n rahin, jivan dekar apana dharm rakha. grikon ki talavaron ne unake bachchon ko bhi rone n diya, kyonki pishach sainikon ke hath sabhi mare gaye.

agyat sthan men nirashray hokar un sab viron ne pran diye. bharatiy log unaka nam bhi nahin janate!

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah