सलीम -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

pashchimottar simaprant men ek chhoti-si nadi ke kinare, pahadiyon se ghire hue us chhote-se ganv par, sandhya apani dhundhali chadar dal chuki thi. premakumari vasudev ke nimitt pipal ke niche dipadan karane pahunchi. ary-snskriti men ashvatth ki vah maryada anary-dharm ke prachar ke bad bhi us prant men bachi thi, jisamen ashvatth chaity-vriksh ya vasudev ka avas samajhakar poojit hota tha. mandiron ke abhav men to bodhi-vriksh hi devata ki upasana ka sthan tha. usi ke pas lekharam ki bahut purani parachoon ki dookan aur usi se sata hua chhota-sa ghar tha. boodha lekharam ek din jab ‘rama ram jai jai rama’ kahata hua is snsar se chala gaya, tab se vah dookan band thi. usaka putr nandaram saradar santasinh ke sath ghodon ke vyapar ke lie yarakand gaya tha. abhi usake ane men vilamb tha. ganv men das gharon ki basti thi, jisamen do-char khatriyon ke aur ek ghar pandit lekharam misar ka tha. vahan ke pathan bhi shantipoorn vyavasayi the. isilie vajiriyon ke akraman se vah ganv sada sashank rahata tha. gulamuhammad khan-sattar varsh ka boodha-us ganv ka mukhiya-pray: apani charapaee par apani chaupal men pada hua kale-nile pattharon ki chikani maniyon ki mala apani lambi-lambi ungaliyon men phirata hua dikhaee deta. kuchh log apane-apane oont lekar banij-vyapar ke lie pas ki mandiyon men gaye the. ladake bandooken liye pahadiyon ke bhitar shikar ke lie chale gaye the.

pehramakumari dip-dan aur khir ki thali vasudev ko chadhakar abhi namaskar kar rahi thi ki nadi ke utar men apani patali-dubali kaya men ladakhadata hua, ek thaka hua manushy usi pipal ke pas akar baith gaya. usane ashchary se premakumari ko dekha. usake munh se nikal pada-‘‘kaphir...!’’

bandook kandhe par rakkhe aur hath men ek mara hua pakshi latakaye vah daudata chala a raha tha. pattharon ki nukili chattanen usake pair ko chhooti hi n thin. munh se siti baj rahi thi. vah tha gulamuhammad ka solah baras ka ladaqa amir khan! usane ate hi kaha-‘‘premakumari, too thali uthakar bhagi kyon ja rahi hai? mujhe to aj khir khilane ke toone kah rakkha tha.’’

‘‘han bhaee amir! main abhi aur thaharati; par kya karoon, yah dekh n, kaun a gaya hai! isilie main ghar ja rahi thi.’’

amir ne agantuk ko dekha. use n jane kyon krodh a gaya. usane kade svar se poochha-‘‘too kaun hai?’’

‘‘ek musalaman’’-uttar mila.

amir ne usaki or se munh phirakar kaha-‘‘maloom hota hai ki too bhi bhookha hai. chal, tujhe baba se kahakar kuchh khane ko dilava doonga. han, is khir men se to tujhe nahin mil sakata. chal n vahin, jahan ag jalati dikhaee de rahi hai.’’ phir usane premakumari se kaha-‘‘too mujhe kyon nahin deti? vah sab a jaynge, tab teri khir mujhe thodi hi si milegi.’’

sitiyon ke shabd se vayu-mandal goonjane laga tha. natakhat amir ka hriday chanchal ho utha. usane thunakakar kaha-‘‘too mere hath par hi deti ja aur main khata jaoon.’’

premakumari hns padi. usane khir di. amir ne use munh se lagaya hi tha ki navaguntak musalaman chilla utha. amir ne usaki or abaki bar bade krodh se dekha. shikari ladake pas a gaye the. ve sab-ke-sab amir ki tarah lambi-chaudi haddiyon vale svasth, gore aur sphoorti se bhare hue the. amir khir munh men dalate hue n jane kya kah utha aur ladake agantuk ko gherakar khade ho gaye. usase kuchh poochhane lage. udhar amir ne apana hath badhakar khir mangane ka snket kiya. premakumari hnsati jati thi aur use khir deti jati thi. tab bhi amir use tarerate hue apani ankhon men aur bhi dene ko kah raha tha. usaki ankhon men se anunay, vinay, hath, sneh sabhi to mang rahe the, phir premakumari sabake lie ek-ek gras kyon n deti? natakhat amir ek ankh se ladaqon ko, doosari ankh se premakumari ko ulajhaye hue khir gatakata jata tha. udhar vah navagantuk musalaman apani tooti-phooti pashto men ladake se ‘kaphir’ ka prasad khane ki amir ki dhrishtata ka virodh kar raha tha. ve ashchary se usaki baten sun rahe the. ek ne chillakar kaha-‘‘are dekho, amir to sab khir kha gaya.’’

phir sab ladake ghoomakar ab pehramakumari ko gher kar khade ho gaye. vah sabake ujale-ujale hathon par khir dene lagi. agantuk ne phir chillakar kaha-kya tum sab musalaman ho?’’

ladaqon ne ek svar se kaha-‘‘han, pathan.’’

‘‘aur us kaphir ki di huee....?’’

‘‘yah meri padosin hai!’’-ek ne kaha.

‘‘yah meri bahan hai.’’ doosare ne kaha.

‘‘nandaram bandook bahut achchhi chalata hai.’’-tisare ne kaha.

‘‘ye log kabhi jhooth nahin bolate’’-chauthe ne kaha.

‘‘hamare ganv ke lie in logon ne kee ladaiyan ki hai.’’ -panchaven ne kaha.

‘‘ham logon ko ghode par chadhana nandaram ne sikhalaya hai. vah bahut achchha savar hai.’’-chhathe ne kaha.

‘‘aur nandaram hi to ham logon ko gud khilata hai.’’-sataven ne kaha.

‘‘tum chor ho.’’-yah kahakar ladaqon ne apane-apane hath ki khir kha dali aur premakumari hns padi. sandhya us pipal ki ghani chhaya men punjibhoot ho rahi thi. pakshiyon ka kolahal shant hone laga tha. premakumari ne sab ladaqon se ghar chalane ke lie kaha, amir ne bhi navagantuk se kaha-‘‘tujhe bhookh lagi ho, to ham logon ke sath chal.’’ kintu vah to apane hriday ke vish se chhatapata raha tha. jisake lie vah hijarat karake bharat se chala aya tha, us dharm ka musalaman-desh men bhi yah apaman! vah udas munh se usi andhakar men kattar durdant vajiriyon ke ganvon ki or chal pada.

bhag 2

nandaram poora sadhe chh: phut ka balishth yuvak tha. usake mastak men kesar ka tika n laga rahe, to kulah aur salavar men vah solahon ane pathan hi jnchata. chhoti-chhoti bhoori moonchhen khadi rahati thin. usake hath men koda rahana avashyak tha. usake mukh par snsar ki prasann akanksha hnsi banakar khela karati. premakumari usake hriday ki prashant nilima men ujjval brihaspati grah ki tarah jhalamalaya karati thi. aj vah badi prasannata men apane ghar ki or laut raha tha. santasinh ke ghode achchhe damon men bike the. use puraskar bhi achchha mila tha. vah svayn achchha ghudasavar tha. usane apana ghoda bhi adhik mooly pakar bech diya tha. rupaye pas men the. vah ek oonche oont par baitha hua chala a raha tha. usake sathi log bich ki mandi men ruk gaye the; kintu kam ho jane par, use to premakumari ko dekhane ki dhun savar thi. oopar soory ki kiranen jhalamala rahi thin. bihad pahadi path tha. koson tak koee ganv nahin tha. us nirjanata men vah prasann hokar gata a raha tha.

‘‘vah pathik kaise rukega, jisake ghar ke kivad khule hain aur jisaki premamayi yuvati stri apani kali ankhon se pati ki pratiksha kar rahi hai.’’

‘‘badal barasate hain, barasane do. andhi usake path men badha dalati hai. vah ud jayagi. dhoop pasina bahakar use shital kar lega, vah to ghar ki or a raha hai. un komal bhuj-lataon ka snigdh alingan aur nirmal dular pyase ko nirjhar aur barphili raton ki garmi hai.’’

‘‘pathik! too chal-chal, dekh, teri priyatama ki sahaj nashili ankhe teri pratiksha men jagati huee adhik lal ho gayi hain. unamen ansoo ki boond n ane pave.’’

pahadi prant ko kampit karata hua bandook ka shabd pratidhvanit hua. nandaram ka sir ghoom pada. goli sarr se kan ke pas se nikal gayi. ek bar usake munh se nikal pada-‘‘vajiri!’’ vah jhuk gaya. goliyan chal chuki thin. sab khali gayin. nandaram ne sir uthakar dekha, pashchim ki pahadi men jhadon ke bhitar do-tin sir dikhayi pade. bandook sadhakar usane goli chala di.

donon taraph se goliyan chalin. nandaram ki jangh ko chhilati huee ek goli nikal gayi. aur sab bekar rahin. udhar do vajiriyon ki mrityu huee. tisara kuchh bhayabhit hokar bhag chala. tab nandaram ne kaha-‘‘nandaram ko nahin pahachanata tha? le, too bhi kuchh leta ja.’’ us vajiri ke bhi pair men goli lagi. vah baith gaya. aur nandaram apane oont par ghar ki or chala.

salim nandaram ke ganv se dharmonmad ke nashe men choor inhin sahadharmiyon men akar mil gaya tha. usake bhagy se nandaram ki goli use nahin lagi. vah jhadiyon men chhip gaya tha. ghayal vajiri ne usase kaha-‘‘too paradeshi bhookha banakar isake sath jakar ghar dekh a. isi nale se utar ja. vah tujhe age mil jayaga.’’ salim udhar hi chala.

nandaram ab nishchint hokar dhire-dhire ghar ki or badh raha tha. sahasa use karahane ka shabd sun pada. usane oont rokakar salim se poochha-‘‘kya hai bhaee? too kaun hai?’’

salim ne kaha-‘‘bhookha paradeshi hoon. chal bhi nahin sakata. ek roti aur do ghoont pani!’’

nandaram ne oont baithakar use achchhi tarah dekhate hue phir poochha-‘‘tum yahan kaise a gaye?’’

‘‘main hindustan se hijarat karake chala aya hoon.’’

‘‘aho! bhale adami, aisi baton se bhi koee apana ghar chhod deta hai? achchha, ao, mere oont par baith jao.’’

salim baith gaya. din dhalane laga tha. nandaram ke oont ke gale ke bade-bade ghungharoo us nistabdh shanti men sajivata utpann karate hue baj rahe the. ullas se bhara hua nandaram usi ki tal par kuchh gunagunata ja raha tha. udhar salim kudhaqar man-hi-man bhunabhunata ja raha tha; parantu oont chupachap apana path atikraman kar raha tha. dhire-dhire badhऩevale andhakar men vah apani gati se chal raha tha.

salim sochata tha-‘n hua pas men ek chhura, nahin to yahin apane sathiyon ka badala chuka leta!’ phir vah apani moorkhata par jhunjhalakar vicharane laga-‘pagal salim! too usake ghar ka pata lagane aya hai n.’ isi udhedabun men kabhi vah apane ko pakka dharmik, kabhi saty men vishvas karane vala, kabhi sharan denevale sahadharmiyon ka pakshapati ban raha tha. sahasa oont ruka aur ghar ka kivad khul pada. bhitar se jalate hue dipak ke prakash ke sath ek sundar mukh dikhayi pada. nandaram oont baithakar utar pada. usane ullas se kaha-‘‘premo!’’ premakumari ka gala bhar aya tha. bina bole hi usane lapakakar nandaram ke donon hath pakad liye.

salim ne ashchary se prema ko dekhakar chitkar karana chaha; par vah sahasa ruk gaya. udhar pyar se prema ke kandhon ko hilate hue nandaram ne usaka chaunkana dekh liya.

nandaram ne kaha-‘‘prema! ham donon ke lie rotiyan chahie! yah ek bhookha paradeshi hai. han, pahale thoda-sa pani aur ek kapada to dena.’’

prema ne chakit hokar poochha-‘‘kyon?’’

‘‘yon hi kuchh chamada chhil gaya hai. use bandh loon?’’

‘‘are, to kya kahin ladaee bhi huee hai?’’

‘‘han, tin-char vajiri mil gaye the.’’

‘‘aur yah?’’-kahakar prema ne salim ko dekha. salim bhay aur krodh se sookh raha tha! ghrina se usaka mukh vivarn ho raha tha.

‘‘ek hindoo hai.’’ nandaram ne kaha.

‘‘nahin, musalaman hoon.’’

‘‘oho, hindustani bhaee! ham log hindustan ke rahane valon ko hindoo hi sa dekhate hain. tum bura n manana.’’-kahate hue nandaram ne usaka hath pakad liya. vah jhunjhala utha aur premakumari hns padi. aj ki hnsi kuchh doosari thi. usaki hnsi men hriday ki prasannata sakar thi. ek din aur prema ka musakana salim ne dekha tha, tab jaise usamen sneh tha. aj thi usamen madakata, nandaram ke oopar anurag ki varsha! vah aur bhi jal utha. usane kaha-‘‘kaphir, kya yahan koee musalaman nahin hai?’’

‘‘hai to, par aj to tumako mere hi yahan rahana hoga.’’ dridhata se nandaram ne kaha.

salim soch raha tha, ghar dekhakar laut ane ki bat! parantu yah prema! oh, kitani sundar! kitana pyar-bhara hriday! itana sukh! kaphir ke pas yah vibhooti! to vah kyon n yahin rahe? apane bhagy ki pariksha kar dekhe!

salim vahin kha-pikar ek kothari men so raha aur sapane dekhane laga-usake hath men rakt se bhara hua chhura hai. nandaram mara pada hai. vajiriyon ka saradar usake oopar prasann hai. loot men pakadi huee prema use mil rahi hai. vajiriyon ka badala lene men usane poori sahayata ki hai. salim ne prema ka hath pakadऩa chaha. sath hi prema ka bharapoor thappad usake gal par pada. usane tilamila kar ankhen khol di. soory ki kiranen usaki ankhon men ghusane lagin.

bahar amir chilam bhar raha tha. usane kaha-‘‘nand bhaee, toone mere lie postin lane ke lie kaha tha. vah kahan hai?’’ vah uchhal raha tha. usaka oodhami sharir prasannata se nach raha tha.

nandaram mulayam balon vali chamade ki sadari-jis par reshami sunahara kam tha-liye hue bahar nikala. amir ko pahana kar usake galon par chapat jadate hue kaha-‘‘natakhat, le, too abhi chhota hi raha. mainne to samajha tha ki tin mahinon men too bahut badh gaya hoga.’’

vah postin pahanakar uchhalata hua prema ke pas chala gaya. usaka nachana dekhakar vah khilakhila padi. gulamuhammad bhi a gaya tha. usane poochha-‘‘nandaram, too achchhi tarah raha?’’

‘‘han ji! yahin ate hue kuchh vajiriyon se samana ho gaya. do ko to thikane laga diya. thodi-si chot mere pair men bhi a gayi.’’

‘‘vajiri!’’-kahakar boodha ek bar chinta men pad gaya. tab tak nandaram ne usake samane rupaye ki thaili ulat di. boodha apane ghode ka dam sahejane laga.

prema ne kaha-‘‘baba! tumane kuchh aur bhi kaha tha. vah to nahin aya!’’

boodha tyori badalakar nandaram ko dekhane laga. nandaram ne kaha-‘‘mujhe ghar men astabal ke lie ek dalan banana hai. isalie baliyan nahin la saka.’’

‘‘nahin nandaram! tujhako peshavar phir se jana hoga. prema ke lie baliyan banava la! too apani bat rakhata hai.’’

‘‘achchha chacha! abaki bar jaoonga, to....le hi aoonga.’’

hijarati salim ashchary se unaki baten sun raha tha. salim jaise pagal hone laga tha. manushyata ka ek paksh vah bhi hai, jahan varn, dharm aur desh ko bhoolakar manushy, manushy ke lie pyar karata hai. usake bhitar ki komal bhavana, shayaron ki prem-kalpana, chutaki lene lagi! vah prem ko ‘kaphir’ kahata tha. aj usane chapati khate hue man-hi-man kaha-‘‘bute-kaphir!’’

bhag 3

salim ghumakkadi-jivan ki lalasaon se santapt, vyaktigat avashyakataon se asantusht yuktaprant ka musalaman tha. kuchh-n-kuchh karate rahane ka usaka svabhav tha. jab vah charon or se asaphal ho raha tha, tabhi turki ki sahanubhooti men hijarat ka andolan khada hua tha. salim bhi usi men jut pada. musalamani deshon ka atithy kadava hone ka anubhav use afaganistan men hua. vah bhatakata hua nandaram ke ghar pahuncha tha.

muslim utkarsh ka ubal jab thanda ho chala, tab usake man men ek svarthapoorn komal kalpana ka uday hua. vah soophi kaviyon-sa saundaryopasak ban gaya. nandaram ke ghar ka kam karata hua vah jivan bitane laga. usamen bhi ‘bute-kaphir’ ko usane apani snsar-yatra ka charam lakshy bana liya.

prema usase sadharanat: hnsati-bolati aur kam ke lie kahati. salim usake lie khilauna tha. do man do viruddh dishaon men chalakar bhi niyati se badhy the, ekatr rahane ke lie.

amir ne ek din nandaram se kaha-‘‘us paji salim ko apane yahan se bhaga do kyonki usake oopar sandeh karane ka poora karan hai.’’

nandaram ne hnsakar kaha-‘‘bhaee amir! vah paradesh men bina sahare aya hai. usake oopar sabako daya karani chahie.’’

amir ke nishkapat hriday men yah bat n jnchi. vah rooth gaya. tab bhi nandaram ne salim ko apane yahan rahane diya.

salim ab kabhi-kabhi door-door ghoomane ke lie bhi chala jata. usake hriday men saundary ke karan jo snigdhata a gayi thi, vah lalasa men parinat hone lagi. pratikriya arambh huee. ek din use lngada vajiri mila. salim ki usase kuchh baten huee. vah phir se kattar musalaman ho utha. dharm ki prerana se nahin, lalasa ki jvala se!

vah rat badi bhayanak thi. kuchh boonden pad rahi thin. salim abhi sashnk hokar jag raha tha. usaki ankhen bhavishy ka drishy dekh rahi thin. ghodon ke pad-shabd dhire-dhire us nirjanata ko bhedakar samip a rahe the. salim ne kivad kholakar bahar jhanka. andheri usake kalush-si phail rahi thi. vah thathakar hns pada.

bhitar nandaram aur prema ka snehalap band ho chuka tha. donon tandralas ho rahe the. sahasa goliyon ki kadakadahat sun padi. sare ganv men atnk phail gaya.

‘‘vajiri! vajiri!’’

un das gharon men jo bhi koee astr chala sakata tha, bahar nikal pada. assi vajiriyon ka dal charon or se ganv ko ghere men karake bhishan goliyon ki bauchhar kar raha tha.

amir aur nandaram bagal men khade hokar goli chala rahe the. karatooson ki paratalli unake kandhon par thi. nandaram aur amir donon ke nishane achook the. amir ne dekha ki salim pagalon-sa ghar men ghusa ja raha hai. vah bhi bhari goli chalakar usake pichhe nandaram ke ghar men ghusa. bison vajiri mare ja chuke the. ganvavale bhi ghayal aur mritak ho rahe the. udhar nandaram ki mar se vajiriyon ne moracha chhod diya tha. sab bhagane ki dhun men the. sahasa ghar men se chillahat sunaee padi.

nandaram bhitar chala gaya. usane dekha; prema ke bal khule hain. usake hath men rakt se ranjit ek chhura hai. ek vajiri vahin ghayal pada hai. aur amir salim ki chhati par chadha hua kamar se chhura nikal raha hai. nandaram ne kaha-‘‘yah kya hai, amir?’’

‘‘chup raho bhaee! is paji ko pahale.....’’

‘‘thaharo amir! yah ham logon ka sharanagat hai.’’-kahate hue nandaram ne usaka chhura chhin liya; kintu durdant yuvak pathan katakata kar bola-

‘‘is sooar ke hath! nahin nandaram! tum hat jao, nahin to main tumako hi goli mar doonga. meri bahan, padosin ka hath pakad kar khinch raha tha. isake hath....’’

nandaram ashchary se dekh raha tha. amir ne salim ki kalaee kakadi ki tarah tod hi di. salim chillakar moorchchhit ho gaya. prema ne amir ko pakadakar khinch liya. usaka ranachandi-vesh shithil ho gaya tha. sahaj nari-sulabh daya ka avirbhav ho raha tha. nandaram aur amir bahar aye.

vajiri chale gaye.

-- --

ek din toote hath ko sir se lagakar jab prema ko salam karate hue salim us ganv se vida ho raha tha, tab prema ko n jane kyon us abhage par mamata ho ayi. usane kaha-‘‘salim, tumhare ghar par koee aur nahin hai, to vahan jakar kya karoge? yahin pade raho.’’

salim ro raha tha. vah ab bhi hindustan jane ke lie ichchhuk nahin tha; parantu amir ne kadakakar kaha-‘‘prema! ise jane de! is ganv men aise pajiyon ka kam nahin.’’

salim peshavar men bahut dinon tak bhikh mangakar khata aur jita raha. usake ‘bute-kaphir’ vale git ko log bade chav se sunate the.

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah