अनबोला -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

usake jal men sipiyan ulajh gayi thin. jaggaiya se usane kaha-‘‘ise phailati hoon, too sulajha de.’’

jaggaiya ne kaha-‘‘main kya tera naukar hoon?’’

kamaiya ne tinakakar apane khelane ka chhota-sa jal aur bhi bator liya. samudr-tat ke chhote-se hotal ke pas ki gali se apani jhopadi ki or chali gayi.

jaggaiya us anakhane ka sukh leta-sa gunagunakar gata hua, apani khajoor ki topi aur bhi tirachhi karake, sandhya ki shital baluka ko pairon se uchhalane laga.

-- --

doosare din, jab samudr men snan karane ke lie yatri log a gaye the; sindoor-pind-sa soory samudr ke nil jal men snan kar prachi ke akash men oopar uth raha tha; tab kamaiya apane pita ke sath dhivaron ke jhund men khadi thi; usake pita ki naven samudr ki laharon par uchhal rahi thin. mahajal pada tha, use bahut-se dhivar milakar khinch rahe the. jaggaiya ne akar kamaiya ki pith men ungali god di. kamaiya kuchh khisakakar door ja khadi huee. usane jaggaiya ki or dekha bhi nahin.

jaggaiya ko keval man thi, vah kamaiya ke pita ke yahan lagi-lipati rahati, apana pet palati thi. vah bent ki dauri liye vahin khadi thi. kamaiya ki machhaliyan le jakar bazar men bechana usi ka kam tha.

jaggaiya natakhat tha. vah apani man ko vahin dekhakar aur hat gaya; kintu kamaiya ki or dekhakar usane man-hi-man kaha-achchha.

-- --

mahajal khinchakar aya. kuchh to machhaliyan thin hi; par usamen ek bhishan samudri bagh bhi tha. darshakon ke jhund jut pade. kamaiya ke pita se kaha gaya use jal men se nikalane ke lie, jisamen prakriti ki us bhishan karigari ko log bhali-bhanti dekh saken.

lobh snvaran n karake usane samudri bagh ko jal se nikala. ek khoonte se usaki poonchh bandh di gayi. jaggaiya ki man apana kam karane ki dhun men jal men machhaliyan pakadakar dauri men rakh rahi thi. samudri bagh baloo ki vistrit bela men ek bar uchhala. jaggaiya ki mata ka hath usake munh men chala gaya. kolahal macha; par bekar! bechari ka ek hath vah chaba gaya.

darshak log chale gaye. jaggaiya apani moorchchhit mata ko uthakar jhopadi men jab le chala, tab usake man men kamaiya ke pita ke lie asim krodh aur darshakon ke lie ghor pratihinsa udvelit ho rahi thi. kamaiya ki ankhon se ansoo bah rahe the. tab bhi vah boli nahin.

-- --

kee saptah se mahajal men machhaliyan nahin ke barabar phns rahi thin. chavalon ki bojhaee to band thi hi, naven bekar padi rahati thin. machhaliyon ka vyavasay chal raha tha; vah bhi davandol ho raha tha. kisi devata ki akripa hai kya?

kamaiya ke pita ne rat ko pooja ki. baloo ki vediyon ke pas khajoor ki daliyan gadi thin. samudri bagh ke dant bhi bikhare the. botalon men madira bhi pujariyon ke samip prastut thi. rat men samudr-devata ki pooja arambh huee

jaggaiya door-jahan tak samudr ki laharen akar laut jati hain, vahin-baitha hua chupachap us anant jalarashi ki or dekh raha tha, aur man men soch raha tha-kyon mere pas ek nav n rahi? main kitani machhaliyan pakadata; ah! phir meri mata ko itana kasht kyon hota. are! vah to mar rahi hai; mere lie isi andhakar-sa daridry chhodakar! tab bhi dekhen, bhagy-devata kya karate hain. isi raggaiya ki majoori karane se to vah mar rahi hai.

usake krodh ka udveg samudr-sa garjan karane laga.

-- --

pooja samapt karake madirarun netron se ghoorate hue pujari ne kaha-‘‘raggaiya! tum apana bhala chahate ho, to jaggaiya ke kutumb se koee sambandh n rakhana. samajha n?’’

udhar jaggaiya ka krodh apani sima par kar raha tha. usaki ichchha hoti thi ki raggaiya ka gala ghont de kintu vah tha nirbal balak. usake samane se jaise laharen laut jati thin, usi tarah usaka krodh moorchchhit hokar girata-sa pratyavartan karane laga. vah door-hi-door andhakar men jhopadi ki or laut raha tha.

sahasa kisi ka kathor hath usake kandhe par pada. usane chaunkakar kaha-‘‘kaun?’’

madira-vihval kanth se raggaiya ne kaha-‘‘tum mere ghar kal se n ana.’’

jaggaiya vahin baith gaya. vah phoot-phootakar rona chahata tha; parantu andhakar usaka gala ghont raha tha. darun kshobh aur nirasha usake krodh ko uttejit karati rahi. use apani mata ke tatkal n mar jane par jhunjhalahat-si ho rahi thi. samir adhik shital ho chala. prachi ka akash spasht hone laga; par jaggaiya ka adrisht tamasachchhann tha.

-- --

kamaiya ne dhire-dhire akar jaggaiya ki pith par hath rakh diya. usane ghoomakar dekha. kamaiya ki ankhon men ansoo bhara tha. donon chup the.

kamaiya ki mata ne pukarakar kaha-‘‘jaggaiya! teri man mar gayi. isako ab le ja.’’

jaggaiya dhire-dhire utha aur apani mata ke shav ke pas khada ho gaya. ab usake mukh par harsh-vishad, sukh-du:kh kuchh bhi nahin tha. usase koee bolata n tha aur vah bhi kisi se bolana nahin chahata tha; kintu kamaiya bhitar-hi-bhitar phoot-phootakar ro rahi thi; par vah bole kaise? usase to anabola tha n!

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah