मधुआ -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

aj sat din ho gaye, pine ko kaun kahe-chhua tak nahin! aj satavan din hai, sarakar!

tum jhoothe ho. abhi to tumhare kapade se mahnk a rahi hai.

vah ... vah to kee din hue. sat din se oopar-kee din hue-andhere men botal undelane laga tha. kapade par gir jane se nasha bhi n aya. aur apako kahane ka....kya kahoon .... sach manie. sat din-thik sat din se ek boond bhi nahin.

thakur saradar sinh hnsane lage. lakhanoo men ladaqa padhata tha. thakur sahab bhi kabhi-kabhi vahin a jate. unako kahani sunane ka chasaka tha. khojane par yahi sharabi mila. vah rat ko, dopahar men, kabhi-kabhi savere bhi ata. apani lachchhedar kahani sunakar thakur sahab ka mano-vinod karata.

thakur ne hnsate hue kaha-to aj piyoge n!

jhooth kaise kahoon. aj to jitana milega, sab pioonga. sat din chane-chabene par bitaye hain, kisalie.

adh‌bhut! sat din pet katakar aj achchha bhojan n karake tumhen pine ki soojhi! yah bhi...

sarakar! mauj-bahar ki ek ghadi, ek lambe du:khapoorn jivan se achchhi hai. usaki khumari men rookhe din kat liye ja sakate hain.

achchha, aj din bhar tumane kya-kya kiya hai?

mainne?-achchha suniye-savere kuhara padata tha, mere dhuna se kambal-sa vah bhi soory ke charon or lipata tha. ham donon munh chhipaye pade the.

thakur sahab ne hnsakar kaha-achchha, to is munh chhipane ka koee karan?

sat din se ek boond bhi gale n utari thi. bhala main kaise munh dikha sakata tha! aur jab barah baje dhoop nikali, to phir lachari thi! utha, hath-munh dhone men jo du:kh hua, sarakar, vah kya kahane ki bat hai! pas men paise bache the. chana chabane se dant bhag rahe the. kat-kati lag rahi thi. parathevale ke yahan pahuncha, dhire-dhire khata raha aur apane ko senkata bhi raha. phir gomati kinare chala gaya! ghoomate-ghoomate andhera ho gaya, boonden padane lagin, tab kahin bhag ke apake pas a gaya.

achchha, jo us din tumane gadariyevali kahani sunaee thi, jisamen asaphuddaula ne usaki ladaqi ka anchal bhune hue bhutte ke dane ke badale motiyon se bhar diya tha! vah kya sach hai?

sach! are, vah garib ladaqi bhookh se use chabakar thoo-thoo karane lagi! ... rone lagi! aisi nirdayi dillagi bade log kar hi baithate hain. suna hai shri ramachandr ne bhi hanuman ji se aisa hi ...

thakur sahab thathakar hnsane lage. pet pakadakar hnsate-hnsate lot gaye. sans batorate hue samhalakar bole-aur badappan kahate kise hain? kngal to kngal! gadhi ladaqi! bhala usane kabhi moti dekhe the, chabane lagi hogi. main sach kahata hoon, aj tak tumane jitani kahaniyan sunaee, sab men badi tis thi. shahajadon ke dukhade, rng-mahal ki abhagini begamon ke nishphal prem, karun katha aur pida se bhari huee kahaniyan hi tumhen ati hain; par aisi hnsane vali kahani aur sunao, to main apane samane hi badhiy़a sharab pila sakata hoon.

sarakar! boodhon se sune hue ve navabi ke sone-se din, amiron ki rng-reliyan, dukhiyon ki dard-bhari ahen, rngamahalon men ghul-ghul kar maranevali begamen, apane-ap sir men chakkar katati rahati hain. main unaki pida se rone lagata hoon. amir kngal ho jate hain. bade-badon ke ghamand choor hokar dhool men mil jate hain. tab bhi duniya badi pagal hai. main usake pagalapan ko bhulane ke lie sharab pine lagata hoon-sarakar! nahin to yah buri bala kaun apane gale lagata!

thakur sahab oonghane lage the. angithi men koyala dahak raha tha. sharabi saradi se thithura ja raha tha. vah hath senkane laga. sahasa nind se chaunkakar thakur sahab ne kaha-achchha jao, mujhe nind lag rahi hai. vah dekho, ek rupaya pada hai, utha lo. lalloo ko bhejate jao.

sharabi rupaya uthakar dhire se khisaka. lalloo tha thakur sahab ka jamadar. use khojate hue jab vah phatak par ki bagalavali kothari ke pas pahuncha, to sukumar kanth se sisakane ka shabd sunaee pada. vah khada hokar sunane laga.

to sooar, rota kyon hai? kunvar sahab ne do hi laten lagaee hain! kuchh goli to nahin mar di? karkash svar se lalloo bol raha tha; kintu uttar men sisakiyon ke sath ekadh hichaki hi sunaee pad jati thi. ab aur bhi kathorata se lalloo ne kaha-madhua! ja so rah, nakhara n kar, nahin to uthoonga to khal udhed doonga! samajha n?

sharabi chupachap sun raha tha. balak ki sisaki aur badhऩe lagi. phir use sunaee pada-le, ab bhagata hai ki nahin? kyon mar khane par tula hai?

bhayabhit balak bahar chala a raha tha! sharabi ne usake chhote se sundar gore munh ko dekha. ansoo ki boonden dhulak rahi thin. bade dular se usaka munh ponchhate hue use lekar vah phatak ke bahar chala aya. das baj rahe the. kadake ki sardi thi. donon chupachap chalane lage. sharabi ki maun sahanubhooti ko us chhote-se saral hriday ne svikar kar liya. vah chup ho gaya. abhi vah ek tng gali par ruka hi tha ki balak ke phir se sisakane ki use ahat lagi. vah jhidakakar bol utha-

ab kya rota hai re chhokare?

mainne din bhar se kuchh khaya nahin.

kuchh khaya nahin; itane bade amir ke yahan rahata hai aur din bhar tujhe khane ko nahin mila?

yahi kahane to main gaya tha jamadar ke pas; mar to roj hi khata hoon. aj to khana hi nahin mila. kunvar sahab ka ovarakot lie khel men din bhar sath raha. sat baje lauta, to aur bhi nau baje tak kuchh kam karana pada. ata rakh nahin saka tha. roti banati to kaise! jamadar se kahane gaya tha! bhookh ki bat kahate-kahate balak ke oopar usaki dinata aur bhookh ne ek sath hi jaise akraman kar diya, vah phir hichakiyan lene laga.

sharabi usaka hath pakadakar ghasitata hua gali men le chala. ek gandi kothari ka daravaza dhakelakar balak ko lie hue vah bhitar pahuncha. tatolate hue salaee se mitti ki dhebari jalakar vah phate kambal ke niche se kuchh khojane laga. ek parathe ka tukada mila! sharabi use balak ke hath men dekar bola-tab tak too ise chaba, main tera gadha bharane ke lie kuchh aur le aoon-sunata hai re chhokare! rona mat, royega to khoob pitoonga. mujhase rone se bada bair hai. paji kahin ka, mujhe bhi rulane ka....

sharabi gali ke bahar bhaga. usake hath men ek rupaya tha. barah ane ka ek deshi addha aur do ane ki chay....do ane ki pakaudi... nahin-nahin, aloo-matar...achchha, n sahi, charon ane ka mans hi le loonga, par yah chhokara! isaka gadha jo bharana hoga, yah kitana khayaga aur kya khayega. oh! aj tak to kabhi mainne doosaron ke khane ka soch-vichar kiya hi nahin. to kya le chaloon?-pahale ek addha to le loon. itana sochate-sochate usaki ankhon par bijali ke prakash ki jhalak padi. usane apane ko mithaee ki dookan par khada paya. vah sharab ka addha lena bhoolakar mithaee-poori kharidane laga. namakin lena bhi n bhoola. poora ek rupaye ka saman lekar vah dookan se hata. jald pahunchane ke lie ek tarah se daudane laga. apani kothari men pahunchakar usane donon ki pant balak ke samane saja di. unaki sugandh se balak ke gale men ek taravat pahunchi. vah muskarane laga.

sharabi ne mitti ki gagari se pani undelate hue kaha-natakhat kahin ka, hnsata hai, sondhi bas nak men pahunchi n! le khoob, thoonsakar kha le, aur phir roya ki pita!

donon ne, bahut din par milanevale do mitron ki tarah sath baithakar bharapet khaya. sili jagah men sote hue balak ne sharabi ka purana bada kot odh liya tha. jab use nind a gee, to sharabi bhi kambal tanakar badabadane laga. socha tha, aj sat din par bharapet pikar sooonga, lekin yah chhota-sa rona paji, n jane kahan se a dhamaka?

ek chintapoorn alok men aj pahale pahal sharabi ne ankh kholakar kothari men bikhari huee daridray ki vibhooti ko dekha aur dekha us ghutanon se thuddi lagaye hue nirih balak ko; usane tilamilakar man-hi-man prashn kiya-kisane aise sukumar phool ko kasht dene ke lie nirdayata ki srishti ki? ah ri niyati! tab isako lekar mujhe ghar-bari banana padega kya? durbhagy! jise mainne kabhi socha bhi n tha. meri itani maya-mamata-jis par, aj tak keval botal ka hi poora adhikar tha-isaka paksh kyon lene lagi? is chhote-se paji ne mere jivan ke lie kaun-sa indrajal rachane ka bida uthaya hai? tab kya karoon? koee kam karoon? kaise donon ka pet chalega? nahin, bhaga doonga ise-ankh to khole?

balak angadaee le raha tha. vah uth baitha. sharabi ne kaha-le uth, kuchh kha le, abhi rat ka bacha hua hai; aur apani rah dekh! tera nam kya hai re?

balak ne sahaj hnsi hnsakar kaha-madhua! bhala hath-munh bhi n dhooon. khane lagoon? aur jaoonga kahan?

ah! kahan bataoon ise ki chala jay! kah doon ki bhad men ja; kintu vah aj tak du:kh ki bhaththi men jalata hi to raha hai. to... vah chupachap ghar se jhallakar sochata hua nikala-le paji, ab yahan lautoonga hi nahin. too hi is kothari men rah!

sharabi ghar se nikala. gomati-kinare pahunchane par use smaran hua ki vah kitani hi baten sochata a raha tha, par kuchh bhi soch n saka. hath-munh dhone men laga. ujali dhoop nikal aee thi. vah chupachap gomati ki dhara ko dekh raha tha. dhoop ki garami se sukhi hokar vah chinta bhulane ka prayatn kar raha tha ki kisi ne pukara-

bhale adami rahe kahan? salon par dikhaee pade. tumako khojate-khojate main thak gaya.

sharabi ne chaunkakar dekha. vah koee jan-pahachan ka to maloom hota tha; par kaun hai, yah thik-thik n jan saka.

usane phir kaha-tumhin se kah rahe hain. sunate ho, utha le jao apani san dharane ki kal, nahin to sadak par phenk doonga. ek hi to kothari, jisaka main do rupaye kiraya deta hoon, usamen kya mujhe apana kuchh rakhane ke lie nahin hai?

oho? ramaji, tum ho bhaee, main bhool gaya tha. to chalo, aj hi use utha lata hoon.-kahate hue sharabi ne socha-achchhi rahi, usi ko bechakar kuchh dinon tak kam chalega.

gomati nahakar, ramaji, pas hi apane ghar par pahuncha. sharabi ki kal dete hue usane kaha-le jao, kisi tarah mera isase pind chhoote.

bahut dinon par aj usako kal dhona pada. kisi tarah apani kothari men pahunchakar usane dekha ki balak baitha hai. badabadate hue usane poochha-kyon re, toone kuchh kha liya ki nahin? bhar-pet kha chuka hoon, aur vah dekho tumhare lie bhi rakh diya hai. kah kar usane apani svabhavik madhur hnsi se us rookhi kothari ko tar kar diya. sharabi ek kshan chup raha. phir chupachap jal-pan karane laga. man-hi-man soch raha tha-yah bhagy ka snket nahin, to aur kya hai? chaloon phir san dene ka kam chalata karoon. donon ka pet bharega. vahi purana charakha phir sir pada. nahin to, do baten kissa-kahani idhar-udhar ki kahakar apana kam chala hi leta tha? par ab to bina kuchh kiye ghar nahin chalane ka. jal pikar bola-kyon re madhua, ab too kahan jayaga?

kahin nahin.

yah lo, to phir kya yahan jama gadi hai ki main khod-khod kar tujhe mithaee khilata rahoonga.

tab koee kam karana chahie.

karega?

jo kaho?

achchha, to aj se mere sath-sath ghoomana padega. yah kal tere liye laya hoon! chal, aj se tujhe san dena sikhaoonga. kahan, isaka kuchh thik nahin. ped ke niche rat bita sakega n!

kahin bhi rah sakoonga; par us thakur ki naukari n kar sakoonga?-sharabi ne ek bar sthir drishti se use dekha. balak ki ankhe dridh nishchay ki saugandh kha rahi thin.

sharabi ne man-hi-man kaha-baithe-baithaye yah hatya kahan se lagi? ab to sharab n pine ki mujhe bhi saugandh leni padi.

vah sath le janevali vastuon ko batorane laga. ek gatthar ka aur doosara kal ka, do bojh hue.

sharabi ne poochha-too kise uthayega?

jise kaho.

achchha, tera bap jo mujhako pakade to?

koee nahin pakadega, chalo bhi. mere bap kabhi mar gaye.

sharabi ashchary se usaka munh dekhata hua kal uthakar khada ho gaya. balak ne gathari ladi. donon kothari chhod kar chal pade.

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah