अघोरी का मोह -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

‘‘aj to bhaiya, moong ki baraphi khane ko ji nahin chahata, yah sag to bada hi chatakila hai. main to....’’

‘‘nahin-nahin jagannath, use do baraphi to zaroor hi de do.’’

‘‘n-n-n. kya karate ho, main gnga ji men phenk doonga.’’

‘‘lo, tab main tumhi ko ulate deta hoon.’’ lalit ne kah kar kishor ki gardan pakad li. dinata se bholi aur prem-bhari ankhon se chandrama ki jyoti men kishor ne lalit ki or dekha. lalit ne do baraphi usake khule mukh men dal di. usane bhare hue mukh se kaha,-bhaiya, agar zyada khakar main bimar ho gaya.’’ lalit ne usake barf ke saman galon par chapat lagakar kaha-‘‘to main sudhavindu ka nam garaladhara rakh doonga. usake ek boond men satrah baraphi pachane ki takat hai. nirbhay hokar bhojan aur bhajan karana chahie.’’

sharad ki nadi apane kararon men dabakar chali ja rahi hai. chhota-sa bajara bhi usi men apani ichchha se bahata hua ja raha hai, koee rok-tok nahin hai. chandani nikhar rahi thi, nav ki sair karane ke lie lalit apane atithi kishor ke sath chala aya hai. donon men pavitr sauhadrr hai. jahnavi ki dhavalata a donon ki svachchh hnsi men chandrika ke sath milakar ek kutoohalapoorn jagath ko dekhane ke lie avahan kar rahi hai. dhani santan lalit apane vaibhav men bhi kishor ke sath dinata ka anubhav karane men bada utsuk hai. vah sanand apani durbalataon ko, apane abhav ko, apani karuna ko, us kishor balak se vyakt kar raha hai. isamen use sukh bhi hai, kyonki vah ek n samajhane vale hiran ke saman badi-badi bholi ankhon se dekhate hue keval sun lene vale vyakti se apani samast katha kahakar apana bojh halaka kar leta hai. aur usaka du:kh koee samajhane vala vyakti n sun saka, jisase use lajjit hona padata, yah use bada suyog mila hai.

lalit ko kaun du:kh hai? usaki atma kyon itani gambhir hai? yah koee nahin janata. kyonki use sab vastu ki poornata hai, jitani snsar men sadharanat: chahie; phir bhi usaki nil nirad-mala-si gambhir mukhakriti men kabhi-kabhi udasinata bijali ki tarah chamak jati hai.

lalit aur kishor bat karate-karate hnsate-hnsate ab thak gaye hain. vinod ke bad avasad ka agaman hua. pan chabate-chabate lalit ne kaha-‘‘chalo ji, ab ghar ki or.’’

manjhiyon ne dand lagana arambh kiya. kishor ne kaha-‘‘bhaiya, kal din men idhar dekhane ki badi ichchha hai. bolo, kal aoge?’’ lalit chup tha. kishor ne kan men chilla kar kaha-‘‘bhaiya! kal aoge n?’’ lalit ne chuppi sadh li. kishor ne phir kaha-‘‘bolo bhaiya, nahin to main tumhara pair dabane lagoonga.’’

lalit pair chhoone se ghabara kar bola-‘‘achchha, tum kaho ki hamako kisi din apani sookhi roti khilaoge?...’’

kishor ne kaha-‘‘main tumako khiramohan, dilakhush..’’ lalit ne kaha-‘‘n-n-n.. main tumhare hath se sookhi roti khaoonga-bolo, svikar hai? nahin to main kal nahin aoonga.’’

kishor ne dhire se svikar kar liya. lalit ne chandrama ki or dekhakar ankh bnd kar liya. barauniyon ki jali se indu ki kiranen ghusakar phir kor men se moti ban-ban kar nikal bhagane lagin. yah kaisi lila thi!

bhag 2

25 varsh ke bad

koee use aghori kahate hain, koee yogi. murda khate hue kisi ne nahin dekha hai, kintu khopadiyon se khelate hue, usake jod ki lipiyon ko padhate hue, phir hnsate hue, kee vyaktiyon ne dekha hai. ganv ki striyan jab nahane ati hain, tab kuchh roti, doodh, bacha hua chaval leti ati hain. panchavati ke bich men jhonpadi men rakh jati hain. koee usase yah bhi nahin poochhata ki vah khata hai ya nahin. kisi stri ke poochhane par-‘‘baba, aj kuchh khaoge-, aghori balakon ki-si saphed ankhon se dekh kar bol uthata-‘‘man.’’ yuvatiyan laja jatin. vriddhaen karuna se gadh-gad ho jatin aur balikaen khilakhila kar hns padatin tab aghori gnga ke kinare utar kar chala jata aur tir par se gnga ke sath daud lagate hue koson chala jata, tab log use pagal kahate the. kintu kabhi-kabhi sandhya ko santare ke rng se jab jahnavi ka jal rng jata hai aur poore nagar ki attalikaon ka pratibimb chhaya-chitr ka drishy banane lagata, tab bhav-vibhor hokar kalpanashil bhavuk ki tarah vahi pagal nirnimesh drishti se prakriti ke adrishy hathon se banaye hue komal karigari ke kamaniy kusum ko-nanhen-se phool ko-bina tode hue unhin ghason men hilakar chhod deta aur sneh se usi or dekhane lagata, jaise vah us phool se koee sandesh sun raha ho.

-- --

shit-kal hai. madhyahn hai. savere se achchha kuhara pad chuka hai. nau bajane ke bad soory ka uday hua hai. chhota-sa bajara apani mastani chal se jahnavi ke shital jal men santaran kar raha hai. bajare ki chhat par takiye ke sahare kee bachche aur stri-purush baithe hue jal-vihar kar rahe hain.

kamala ne kaha-‘‘bhojan kar lijie, samay ho gaya hai.’’ kishor ne kaha-‘‘bachchon ko khila do, abhi aur door chalane par ham khaenge.’’ bajara jal se kallol karata hua chala ja raha hai. kishor shitakal ke soory ki kiranon se chamakati huee jal-lahariyon ko udasin athava sthir drishti se dekhata hua n jane kab ki aur kahan ki baten soch raha hai. laharen kyon uthati hain aur vilin hoti hain, budabud aur jal-rashi ka kya sambandh hai? manav-jivan budabud hai ki tarng? budabud hai, to vilin hokar phir kyon prakat hota hai? malin ansh phen kuchh jalabindu se milakar budabud ka astitv kyon bana deta hai? kya vasana aur sharir ka bhi yahi sambandh hai? vasana ki shakti? kahan-kahan kis roop men apani ichchha charitarth karati huee jivan ko amrit-garal ka sngam banati huee anant kal tak daud lagayegi? kabhi avasan hoga, kabhi anant jal-rashi men vilin hokar vah apani akhand samadhi legi? ..... hain, kya sochane laga? vyarth ki chinta. uhn.’’

naval ne kaha-‘‘baba, oopar dekho. us vriksh ki jaden kaisi adh‌bhut phaili huee hain.’’

kishor ne chaunk kar dekha. vah jirn vriksh, kuchh anokha tha. aur bhi kee vriksh oopar ke karare ko usi tarah ghere hue hain, yahan aghori ki panchavati hai. kishor ne kaha-‘‘nav rok de. ham yahin oopar chalakar thaharenge. vahin jalapan karenge.’’ thodi der men bachchon ke sath kishor aur kamala utarakar panchavati ke karare par chadhऩe lage.

-- --

sab log kha-pi chuke. ab vishram karake nav ki or palatane ki taiyari hai. malin ang, kintu pavitrata ki chamak, mukh par rukshakesh, kaupinadhari ek vyakti akar un logon ke samane khada ho gaya.

‘‘mujhe kuchh khane ko do.’’ door khada hua ganv ka ek balak use mangate dekhakar chakit ho gaya. vah bola, ‘‘baboo ji, yah panchavati ke aghori hain.’’

kishor ne ek bar usaki or dekha, phir kamala se kaha-‘‘kuchh bacha ho, to ise de do.’’

kamala ne dekha, to kuchh paravathe bache the. usane nikalakar de diya.

kishor ne poochha-‘‘aur kuchh nahin hai?’’ usane kaha-‘‘nahin.’’

aghori us sookhe paravathe ko lekar hnsane laga. bola-‘‘hamako aur kuchh n chahie.’’ phir ek khelate hue bachche ko god men utha kar choomane laga. kishor ko bura laga. usane kaha-‘‘use chhod do, tum chale jao.’’

aghori ne hatash drishti se ek bar kishor ki or dekha aur bachche ko rakh diya. usaki ankhen bhari thin, kishor ko kutoohal hua. usane kuchh poochhana chaha, kintu vah aghori dhire-dhire chala gaya. kishor kuchh avyavasthit ho gaye. vah shighr nav par sab ko lekar chale aye.

nav nagar ki or chali. kintu kishor ka hriday bhari ho gaya tha. vah bahut vicharate the, koee bat smaran karana chahate the, kintu vah dhyan men nahin ati thi-unake hriday men koee bhooli huee bat chikoti katati thi, kintu vah vivash the. unhen smaran nahin hota tha. matri-sneh se bhari huee kamala ne socha ki hamare bachchon ko dekhakar aghori ko moh ho gaya.

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah