सुनहला साँप -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

‘‘yah tumhara dussahas hai, chandradev!’’

‘‘main saty kahata hoon, devakumar.’’

‘‘tumhare saty ki pahachan bahut durbal hai, kyonki usake prakat hone ka sadhan asath hai. samajhata hoon ki tum pravachan dete samay bahut hi bhavatmak ho jate ho. kisi ke jivan ka rahasy, usaka vishvas samajh lena hamari-tumhari buddhiroopi ‘eksarez’ ki paradarshita ke pare hai.’’-kahata hua devakumar hns pada; usaki hnsi men vigyta ki avgya thi.

chandradev ne bat badalane ke lie kaha-‘‘is par main phir vad-vivad karoonga. abhi to vah dekho, jharana a gaya-ham log jise dekhane ke lie ath mil se aye hain.’’

‘‘saty aur jhooth ka putala manushy apane hi saty ki chhaya nahin chhoo sakata, kyonki vah sadaiv andhakar men rahata hai. chandradev, mera to vishvas hai ki tum apane ko bhi nahin samajh pate.’’-devakumar ne kaha.

chandradev baith gaya. vah ekatak us girate hue prapat ko dekh raha tha. masoori pahad ka yah jharana bahut prasiddh hai. ek gahare gaddhe men girakar, yah nala banata hua, thukaraye hue jivan ke saman bhaga jata hai.

chandradev ek tallukedar ka yuvak putr tha. apane mitr devakumar ke sath masoori ke grishm-nivas men sukh aur svasthy ki khoj men aya tha. is pahad par kab badal chha jayenge, kab ek jhonka barasata hua nikal jayega, isaka koee nishchay nahin. chandradev ka naukar pan-bhojan ka saman lekar pahuncha. donon mitr ek akharot-vriksh ke niche baithakar khane lage. chandradev thodi madira bhi pita tha, svasthy ke lie.

devakumar ne kaha-‘‘yadi ham logon ko bich hi men bhigana n ho, to ab chal dena chahiye.’’

pite hue chandradev ne kaha-‘‘tum bade darapok ho. tanik bhi sahasik jivan ka anand lene ka utsah tumamen nahin. savadhan hokar chalana, samay se kamare men jakar band ho jana aur atyant rogi ke saman sadaiv pathy ka anuchar bane rahana ho, to manushy ghar hi baitha rahe!’’

devakumar hns pada. kuchh samay bitane par donon uth khade hue. anuchar bhi pichhe chala. boonden padane lagi thin. sabane apani-apani barasati snbhali.

parantu us varsha men kahin vishram karana avashyak pratit hua, kyonki usase bacha lena barasati ke boote ka kam n tha. tinon chhaya ki khoj men chale. ek pahadi chattan ki gupha mili, chhoti-si. ye tinon usamen ghus pade.

bhavon par se pani ponchhate hue chandradev ne dekha, ek shyam kintu ujjval mukh apane yauvan ki abha men damak raha hai. vah ek pahadi stri thi. chandradev kala-vigy hone ka dhong karake us yuvati ki sudaul gadhऩ dekhane laga. vah kuchh lajjit huee. pragalbh chandradev ne poochha-‘‘tum yahan kya karane aee ho?’’

‘‘baboo ji, main doosare pahadi ganv ki rahane vali hoon, apani jivika ke lie aee hoon.’’

‘‘tumhari kya jivika hai?’’

‘‘sanp pakadati hoon.’’

chandradev chaunk utha. usane kaha-‘‘to kya tum yahan bhi sanp pakad rahi ho? idhar to bahut kam sanp hote hain.’’

‘‘han, kabhi khojane se mil jate hain. yahan ek sunahala sanp mainne abhi dekha hai. use ....’’ kahate-kahate yuvati ne ek dhonke ki or snket kiya.

chandradev ne dekha, do tivr jyoti!

pani ka jhonka nikal gaya tha. chandradev ne kaha-‘‘chalo devakumar, ham chalen. ramoo, too bhi to sanp pakadata hai n? devakumar! yah badi saphaee se bina kisi mantr-jadi ke sanp pakad leta hai!’’ devakumar ne sir hila diya.

ramoo ne kaha-‘‘han sarakar, pakadoon ise?’’

‘‘nahin-nahin, use pakadane de! han, use hotal men liva lana, ham log dekhenge. kyon dev! achchha manornjan rahega n?’’ kahate hue chandradev aur devakumar chal pade.

kisi kshudr hriday ke pas, usake durbhagy se daivi sampatti ya vidya, bal, dhan aur saundary usake saubhagy ka abhinay karate hue pray: dekhe jate hain, tab un vibhootiyon ka durupayog atyant aruchikar drishy upasthit kar deta hai. chandradev ka hotal-nivas bhi vaisa hi tha. rashi-rashi vidambanaen usake charon or ghirakar usaki hnsi udatin, par unamen chandradev ko to jivan ki saphalata hi dikhalayi deti.

usake kamare men kee mitr ekatr the. ‘nera’ mahuar bajakar apana khel dikhala rahi thi. sabake bad usane dikhalaya, apana pakada hua vahi sundar sunahala sanp.

ramoo ekatak nera ki or dekh raha tha. chandradev ne kaha-‘‘ramoo, vah shishe ka baks to le a!’’

ramoo ne turant use upasthit kiya.

chandradev ne hnsakar kaha-‘‘nera! tumhare sundar sanp ke lie yah baks hai.’’nera prasann hokar apane navin ashrit ko usamen rakhane lagi, parantu vah us sundar ghar men jana nahin chahata tha. ramoo ne use badhy kiya. sanp baks men ja raha. nera ne use ankhon se dhanyavad diya.

chandradev ke mitron ne kaha-‘‘tumhara anuchar bhi to kam khiladi nahin hai!’’

chandradev ne garv se ramoo ki or dekha. parantu, nera ki madhurima ramoo ki ankhon ki rah usake hriday men bhar rahi thi. vah ekatak use dekh raha tha.

devakumar hns pada. khel samapt hua. nera ko bahut-sa puraskar mila.

tin din bad, hotal ke pas hi, chid vriksh ke niche chandradev chupachap khada tha- vah bade gaur se dekh raha tha-ek stri aur ek purush ko ghul-ghulakar baten karate. use krodh aya; parantu n jane kyon, kuchh bol n saka. devakumar ne pith par hath dharakar poochha-‘‘kya hai?’’

chandradev ne snket se us or dikha diya. ek jhuramut men nera khadi hai aur ramoo kuchh anunay kar raha hai! devakumar ne yah dekhakar chandradev ka hath pakadakar khinchate hue kaha-‘‘chalo.’’

donon akar apane kamare men baithe.

devakumar ne kaha-‘‘ab kaho, isi ramoo ke hriday ki parakh to tum us din bata rahe the. isi tarah sambhav hai, apane ko bhi n pahachanate ho.’’

chandradev ne kaha-‘main use kode se pitakar thik karoonga-badamash!’’

chandradev ‘bal’ dekhakar aya tha, apane kamare men sone ja raha tha, rat adhik ho chuki thi. use kuchh phis-phis ka shabd sunaee pada. use nera ka dhyan a gaya. vah honth katakar apane palng par ja pada. matra kuchh adhik thi. atishadan ke karnis par dhare hue shishe ka baks aur botal chamak uthe. par use krodh hi adhik aya, bijali bujha di.

kuchh adhik samay bitane par kisi chillahat se chandradev ki nind khuli. ramoo ka-sa shabd tha. usane svich dabaya, alok men chandradev ne ashchary se dekha ki ramoo ke hath men vahi sunahala sanp hathakadi-sa jakad gaya hai! chandradev ne kaha-‘‘kyon re badamash! too yahan kya karata tha? are, isaka to pran snkat men hai, nera hoti to!’’

chandradev ghabada gaya tha. itane men nera ne kamare men pravesh kiya. itani rat ko yahan? chandradev krodh se chup raha. nera ne sanp se ramoo ka hath chhudaya aur phir use baks men band kiya. tab chandradev ne ramoo se poochha-‘‘kyon be, yahan kya kar raha tha?’’ ramoo kanpane laga.

‘‘bol, jaldi bol! nahin to teri khal udhedata hoon.’’

ramoo phir bhi chup tha.

chandradev ka chehara atyant bhishan ho raha tha. vah kabhi nera ki or dekhata aur kabhi ramoo ki or. usane pistaul uthaee, nera ramoo ke samane a gee. usane kaha-‘‘baboo ji, yah mere lie sharab lene aya tha, jo us botal men dhari hai.’’

chandradev ne dekha, madira us botal men apani lal hnsi men magn thi. chandradev ne pistaul dhar diya. aur botal aur baks uthakar dete hue munh pherakar kaha-‘‘tum donon ise lekar abhi chale jao, aur ramoo, ab tum kabhi mujhe apana munh mat dikhana.’’

donon dhire-dhire bahar ho gaye. ramoo apane malik ka man pahachanata tha.

doosare din devakumar aur chandradev pahad se utare. ramoo unake sath n tha.

thik gyarah mahine par phir usi hotal men chandradev pahuncha tha. tisara pahar tha, rngin badal the, pahadi sandhya apana rng jama rahi thi, pavan tivr tha. chandradev ne shishe ka palla band karana chaha. unhonne dekha, ramoo sir par pitara dhare chala ja raha hai aur pichhe-pichhe apani mand gati se nera. nera ne bhi oopar ki or dekha, vah muskarakar salam karati huee ramoo ke pichhe chali gee. chandradev ne dhad se palla band karate hue socha-‘‘sach to, kya main apane ko bhi pahichan saka?’’

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah