चंदा -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

chaitr-krishnashtami ka chandrama apana ujjval prakash ‘chandraprabha’ ke nirmal jal par dal raha hai. giri-shreni ke taruvar apane rng ko chhodakar dhavalit ho rahe hain; kal-nadini samir ke sng dhire-dhire bah rahi hai. ek shila-tal par baithi huee kolakumari surile svar se-‘darad dil kahi sunaoon pyare! darad’ ...ga rahi hai.

git adhoora hi hai ki akasmath ek kolayuvak dhir-pad-snchalan karata hua us ramani ke sammukh akar khada ho gaya. use dekhate hi ramani ki hriday-tantri baj uthi. ramani bahy-svar bhoolakar antarik svar se sumadhur sngit gane lagi aur uthakar khadi ho gee. pranay ke veg ko sahan n karake varsha-varipoorita srotasvini ke saman kolakumar ke kndh-kool se ramani ne alingan kiya.

donon usi shila par baith gaye, aur nirnimesh sajal netron se paraspar avalokan karane lage. yuvati ne kaha-tum kaise aye?

yuvak-jaise tumane bulaya.

yuvati-(hnsakar) hamane tumhen kab bulaya? aur kyon bulaya?

yuvak-gakar bulaya, aur darad sunane ke liye.

yuvati-(dirgh ni:shvas lekar) kaise kya karoon? pita ne to usi se vivah karana nishchay kiya hai.

yuvak-(uttejana se khada hokar) to jo kaho, main karane ke lie prastut hoon.

yuvati-(chandraprabha ki or dikhakar) bas, yahi sharan hai.

yuvak-to hamare lie kaun doosara sthan hai?

yuvati-main to prastut hoon.

yuvak-ham tumhare pahale.

yuvati ne kaha-to chalo.

yuvak ne megh-garjan-svar se kaha-chalo.

donon hath men hath milakar pahadi se utarane lage. donon utarakar chandraprabha ke tat par aye, aur ek shila par khade ho gaye. tab yuvati ne kaha-ab vida!

yuvak ne kaha-kisase? main to tumhare sath-jab tak srishti rahegi tab tak-rahoonga.

itane hi men shal-vriksh ke niche ek chhaya dikhaee padi aur vah inhin donon ki or ati huee dikhaee dene lagi. donon ne chakit hokar dekha ki ek kol khada hai. usane gambhir svar se yuvati se poochha-chnda! too yahan kyon aee?

yuvati-tum poochhane vale kaun ho?

agantuk yuvak-main tumhara bhavi pati ‘ramoo’ hoon.

yuvati-main tumase byah n karoongi.

agantuk yuvak-phir kisase tumhara byah hoga?

yuvati ne pahale ke aye hue yuvak ki or ingit karake kaha-inhin se.

agantuk yuvak se ab n saha gaya. ghoomakar poochha-kyon hira! tum byah karoge?

hira-to isamen tumhara kya tatpary hai?

ramoo-tumhen isase alag ho jana chahiye.

hira-kyon, tum kaun hote ho?

ramoo-hamara isase snbndh pakka ho chuka hai.

hira-par jisase snbndh hone vala hai, vah sahamat n ho, tab?

ramoo-kyon chnda! kya kahati ho?

chnda-main tumase byah n karoongi.

ramoo-to hira se bhi tum byah nahin kar sakatin!

chnda-kyon?

ramoo-(hira se) ab hamara-tumhara phaisala ho jana chahiye, kyonki ek myan men do talavaren nahin rah sakatin.

itana kahakar hira ke oopar jhapatakar usane achanak chhure ka var kiya.

hira, yadyapi sachet ho raha tha; par usako samhalane men vilamb hua, isase ghav lag gaya, aur vah vaksh thamakar baith gaya. itane men chnda zor se krandan kar uthi-sath hi ek vriddh bhil ata hua dikhaee pada.

bhag 2

yuvati munh dhanpakar ro rahi hai, aur yuvak raktakt chhoora liye, ghrina ki drishti se khade hue, hira ki or dekh raha hai. vimal chandrika men chitr ki tarah ve dikhaee de rahe hain. vriddh ko jab chnda ne dekha, to aur veg se rone lagi. us drishy ko dekhate hi vriddh kol-pati sab bat samajh gaya, aur ramoo ke samip jakar chhoora usake hath se le liya, aur agya ke svar men kaha-tum donon hira ko uthakar nadi ke samip le chalo.

itana kahakar vriddh un sabon ke sath akar nadi-tat par jal ke samip khada ho gaya. ramoo aur chnda donon ne milakar usake ghav ko dhoya aur hira ke munh par chhinta diya, jisase usaki moochrchha door huee. tab vriddh ne sab baten hira se poochhin; poochh lene par ramoo se kaha-kyon, yah sab thik hai?

ramoo ne kaha-sab saty hai.

vriddh-to tum ab chnda ke yogy nahin ho, aur yah chhoora bhi-jise hamane tumhen diya tha. tumhare yogy nahin hai. tum shighr hi hamare jngal se chale jao, nahin to tumhara hal maharaj se kah denge, aur usaka kya parinam hoga so tum svayn samajh sakate ho. (hira ki or dekhakar) beta! tumhara ghav shighr achchha ho jayaga, ghabadana nahin, chnda tumhari hi hogi.

yah sunakar chnda aur hira ka mukh prasannata se chamakane laga, par hira ne lete-hi-lete hath jodakar kaha-pita! ek bat kahani hai, yadi apaki agya ho.

vriddh-ham samajh gaye, beta! ramoo vishvasaghati hai.

hira-nahin pita! ab vah aisa kary nahin karega. ap kshama karenge, main aisi asha karata hoon.

vriddh-jaisi tumhari ichchha.

kuchh din ke bad jab hira achchhi prakar se arogy ho gaya, tab usaka byah chnda se ho gaya. ramoo bhi us utsav men sammilit hua, par usaka badan malin aur chintapoorn tha. vriddh kuchh hi kal men apana pad hira ko saunp svarg ko sidhara. hira aur chnda sukh se vimal chandani men baithakar pahadi jharanon ka kal-nad-may anand-sngit sunate the.

bhag 3

anshumali apani tikshn kiranon se vany-desh ko paritapit kar rahe hain. mrig-sinh ek sthan par baithakar, chhaya-sukh men apane bair-bhav ko bhoolakar, oongh rahe hain. chandraprabha ke tat par pahadi ki ek guha men jahan ki chhatanar pedon ki chhaya ushn vayu ko bhi shital kar deti hai, hira aur chnda baithe hain. hriday ke anant vikas se unaka mukh praphullit dikhaee padata hai. unhen vastr ke liye vrikshagan valkal dete hain; bhojan ke liye pyaj, meva ityadi jngali susvadu phal, shital svachhand pavan; nivas ke liye giri-guha; prakritik jharanon ka shital jal unake sab abhavon ko door karata hai, aur sabal tatha svachhand banane men ye sab sahayata dete hain. unhen kisi ki apeksha nahin padati. astu, unhin sab sukhon se anandit vyaktidvay ‘chandraprabha’ ke jal ka kal-nad sunakar apani hriday-vina ko bajate hain.

chnda-priy! aj udasin kyon ho?

hira-nahin to, main yah soch raha hoon ki is van men raja ane vale hain. ham log yadyapi adhin nahin hain to bhi unhen shikar khelaya jata hai, aur isamen ham logon ki kuchh hani bhi nahin hai. usake pratikar men ham logon ko kuchh milata hai, par ajakal is van men janavar dikhaee nahin padate. isaliye sochata hoon ki koee sher ya chhota chita bhi mil jata, to kary ho jata.

chnda-khoj kiya tha?

hira-han, adami to gaya hai.

itane men ek kol daudata hua aya, aur kaha raja a gaye hain aur tahakhane men baithe hain. ek tendua bhi dikhaee diya hai.

hira ka mukh prasannata se chamakane laga, aur vah apana kulhada samhalakar us agantuk ke sath vahan pahuncha, jahan shikar ka ayojan ho chuka tha.

raja sahab jhnjhari men bndook ki nal rakhe hue tak rahe hain. ek or se baja baj utha. ek chita bhagata hua samane se nikala. raja sahab ne us par var kiya. goli lagi, par chamade ko chhedati huee par ho gee; isase vah janavar bhagakar nikal gaya. ab to raja sahab bahut hi du:khit hue. hira ko bulakar kaha-kyon ji, yah janavar nahin milega?

us vir kol ne kaha-kyon nahin?

itana kahakar vah usi or chala. jhadi men, jahan vah chita ghav se vyakul baitha tha, vahan pahunchakar usane dekhana arambh kiya. krodh se bhara hua chita us kol-yuvak ko dekhate hi jhapata. yuvak asavadhani ke karan var n kar saka, par donon hathon se us bhayanak jantu ki gardan ko pakad liya, aur usane bhi isake kndhe par apane donon pnjon ko jama diya.

donon men bal-prayog hone laga. thodi der men donon zamin par let gaye.

bhag 4

yah bat raja sahab ko vidit huee. unhonne usaki madad ke lie kolon ko jane ki agya di. ramoo us avasar par tha. usane sabake pahale jane ke lie pair badhaya, aur chala. vahan jab pahuncha, to us drishy ko dekhakar ghabada gaya, aur hira se kaha-hath dhila kar; jab yah chhodane lage, tab goli maroon, nahin to sambhav hai ki tumhin ko lag jay.

hira-nahin, tum goli maro.

ramoo-tum chhodo to main var karoon.

hira-nahin, yah achchha nahin hoga.

ramoo-tum use chhodo, main abhi marata hoon.

hira-nahin, tum var karo.

ramoo-var karane se sambhav hai ki uchhale aur tumhare hath chhoot jayn, to tumako yah tod dalega.

hira-nahin, tum mar lo, mera hath dhila hua jata hai.

ramoo-tum hath karate ho, manate nahin.

itane men hira ka hath kuchh bat-chit karate-karate dhila pada; vah chita uchhalakar hira ki kamar ko pakadakar todane laga.

ramoo khada hokar dekh raha hai, aur paishachik akriti us ghrinit pashu ke mukh par lakshit ho rahi hai aur vah hns raha hai.

hira tooti huee sans se kahane laga-ab bhi mar le.

ramoo ne kaha-ab too mar le, tab vah bhi mara jayega. toone hamara hriday nikal liya hai, toone hamara ghor apaman kiya hai, usi ka pratiphal hai. ise bhog.

hira ko chita khaye dalata hai; par usane kaha-nich! too janata hai ki ‘chnda’ ab teri hogi. kabhi nahin! too nich hai-is chite se bhi bhaynkar janavar hai.

ramoo ne paishachik hnsi hnsakar kaha-chnda ab teri to nahin hai, ab vah chahe jisaki ho.

hira ne tooti huee avaz se kaha-tujhe is vishvasaghat ka phal shighr milega aur chnda phir hamase milegi. chnda...pyari...ch...

itana usake mukh se nikala hi tha ki chite ne usaka sir danton ke tale dab liya. ramoo dekhakar paishachik hnsi hns raha tha. hira ke samapt ho jane par ramoo laut aya, aur jhoothi baten banakar raja se kaha ki usako hamare jane ke pahale hi chita ne mar liya.

raja bahut dukhi hue, aur jngal ki saradari ramoo ko mili.

bhag 5

basnt ki raka charon or anootha drishy dikha rahi hai. chandrama n maloom kis lakshy ki or dauda chala ja raha hai; kuchh poochhane se bhi nahin batata. kutaj ki kali ka parimal liye pavan bhi n maloom kahan daud raha hai; usaka bhi kuchh samajh nahin padata. usi tarah, chandraprabha ke tir par baithi huee kol-kumari ka komal kanth-svar bhi kis dhun men hai-nahin gyat hota.

akasmath goli ki avaz ne use chaunka diya. gane ke samay jo usaka mukh udveg aur karuna se poorn dikhaee padata tha, vah ghrina aur krodh se rnjit ho gaya, aur vah uthakar puchchhamardita sinhani ke saman tanakar khadi ho gee, aur dhire se kaha-yahi samay hai. gyat hota hai, raja is samay shikar khelane pun: a gaye hain-bas, vah apane vastr ko thik karake kol-balak ban gee, aur kamar men se ek chamachamata hua chhura nikalakar chooma. vah chandani men chamakane laga. phir vah kahane lagi-yadyapi tumane hira ka raktapat kar liya hai, lekin pita ne ramoo se tumhen le liya hai. ab tum hamare hath men ho, tumhen aj ramoo ka bhi khoon pina hoga.

itana kahakar vah goli ke shabd ki or lakshy karake chali. dekha ki tahakhane men raja sahab baithe hain. sher ko goli lag chuki hai, aur vah bhag gaya hai, usaka pata nahin lag raha hai, ramoo saradar hai, atev usako khojane ke lie agya huee, vah shighr hi sannaddh hua. raja ne kaha-koee sathi lete jao.

pahale to usane asvikar kiya, par jab ek kol yuvak svayn sath chalane ko taiyar hua, to vah nahin bhi n kar saka, aur sidhe-jidhar sher gaya tha, usi or chala. kol-balak bhi usake pichhe hain. vahan ghav se vyakul sher chinghghad raha hai, isane jate hi lalakara. usane tatkal hi nikalakar var kiya. ramoo kam sahasi nahin tha, usane usake khule munh men nirbhik hokar bandook ki nal dal di; par usake jara-sa munh ghuma lene se goli chamada chhedakar par nikal gee, aur sher ne kruddh hokar dant se bndook ki nal daba li. ab donon ek doosare ko dhakelane lage; par kol-balak chupachap khada hai. ramoo ne kaha-mar, ab dekhata kya hai?

yuvak-tum isase bahut achchhi tarah lad rahe ho.

ramoo-marata kyon nahin?

yuvak-isi tarah shayad hira se bhi ladaee huee thi, kya tum nahin lad sakate?

ramoo-kaun, chnda! tum ho? ah, shighr hi maro, nahin to ab yah sabal ho raha hai.

chnda ne kaha-han, lo main marati hoon, isi chhure se hamare samane tumane hira ko mara tha, yah vahi chhura hai, yah tujhe du:kh se nishchay hi chhudavega-itana kahakar chnda ne ramoo ki bagal men chhura utar diya. vah chhatapataya. itane hi men sher ko mauqa mila, vah bhi ramoo par toot pada aur usaka iti kar ap bhi vahin gir pada.

chnda ne apana chhura nikal liya, aur usako chandani men rnga hua dekhane lagi, phir khilakhilakar hnsi aur kaha, -‘darad dil kahi sunaoon pyare!’ phir hnsakar kaha-hira! tum dekhate hoge, par ab to yah chhura hi dil ki dah sunega. itana kahakar apani chhati men use bhonk liya aur usi jagah gir gee, aur kahane lagi......hira......ham......tumase tumase......mile hi......

chandrama apane mand prakash men yah sab dekh raha tha.

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah