जहाँआरा -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

yamuna ke kinarevale shahi mahal men ek bhayanak sannata chhaya hua hai, keval bar-bar topon ki gadagadahat aur astron ki jhanakar sunaee de rahi hai. vriddh shahajahan masanad ke sahare leta hua hai, aur ek dasi kuchh dava ka patr lie hue khadi hai. shahajahan anyamanask hokar kuchh soch raha hai, topon ki avaz se kabhi-kabhi chaunk padata hai. akasmath usake mukh se nikal pada. nahin-nahin, kya vah aisa karega, kya hamako takht-taoos se nirash ho jana chahie?

han, avashy nirash ho jana chahie.

shahajahan ne sir uthakar kaha-kaun? jahanara? kya yah tum sach kahati ho?

jahanara-(samip akar) han, jahanpanah! yah thik hai; kyonki apaka akarmany putr ‘dara’ bhag gaya, aur namak-haram ‘diler khan’ kroor aurngajeb se mil gaya, aur kila usake adhikar men ho gaya.

shahajahan-lekin jahanara! kya aurngajeb kroor hai? kya vah apane boodhe bap ki kuchh ijjat n karega? kya vah mere jite hi takht-taoos par baithega?

jahanara-(jisaki ankhon men abhiman ka ashrujal bhara tha) jahanpanah! apake isi putravatsaly ne apaki yah avastha ki. aurngajeb ek narakiy pishach hai; usaka kiya kya nahin ho sakata, ek bhale kary ko chhodakar.

shahajahan-nahin jahanara! aisa mat kaho.

jahanara-han jahanpanah! main aisa hi kahati hoon.

shahajahan-aisa? to kya jahanara! is badan men mugal-rakt nahin hai? kya too meri kuchh bhi madad kar sakati hai?

jahanara-jahanpanah ki jo agya ho.

shahajahan-to meri talavar mere hath men de. jab tak vah mere hath men rahegi, koee bhi takht-taoos mujhase n chhuda sakega.

jahanara avesh ke sath-‘han’, jahanpanah! aisa hi hoga’. kahati huee vriddh shahajahan ki talavar usake hath men dekar khadi ho gayi. shahajahan utha aur ladakhadakar girane laga, shahajadi jahanara ne badashah ko pakad liya, aur takht-taoos ke kamare ki or le chali.

bhag 2

takht-taoos par vriddh shahajahan baitha hai, aur nakab dale jahanara pas hi baithi huee hai, aur kuchh saradar-jo us samay vahan the-khade hain; nakib bhi khadi hai. shahajahan ke ishara karate hi usane apane chirabhyast shabd kahane ke lie munh khola. abhi pahala hi shabd usake munh se nikala tha ki usaka sir chhatakakar door ja raha! sab chakit hokar dekhane lage.

jirahabantar se lada hua aurngajeb apani talavar ko rumal se ponchhata hua samane khada ho gaya, aur salam karake bola-huzoor ki tabiyat nasaj sunakar mujhase n raha gaya; isalie hajir hua.

shahajahan-(kanpakar) lekin beta! itani khoonreji ki kya zaroorat thi? abhi-abhi vah dekho, buddhe nakib ki lash lot rahi hai. uf! mujhase yah nahin dekha jata! (kanpakar) kya beta, mujhe bhi.. (itana kahate-kahate behosh hokar takht se jhuk gaya).

aurngajeb-(kadakakar apane sathiyon se) hatao us napak lash ko.

jahanara se ab n raha gaya, aur daudakar sugandhit jal lekar vriddh pita ke mukh par chhidakane lagi.

aurngajeb-(udhar dekhakar) hain! yah kaun hai, jo mere boodhe bap ko pakade hue hai? (shahajahan ke musahibon se) tum sab bade namaqool ho; dekhate nahin, hamare pyare bap ki kya halat hai, aur unhen abhi bhi palng par nahin litaya. (aurngajeb ke sath-sath sab takht ki or badhe).

jahanara unhen yon badhate dekhakar phurati se katar nikalakar aur hath men shahi muhar kiya hua kagaz nikalakar khadi ho gayi aur boli-dekho, is paravane ke mutabik main tum logon ko hukm deti hoon ki apani-apani jagah par khade raho, jab tak main doosara hukm n doon.

sab usi kagaz ki or dekhane lage. usamen likha tha-is shakhs ka sab log hukm mano aur meri tarah ijjat karo.

sab usaki abhyarthana ke lie jhuk gaye, svayn aurngajeb bhi jhuk gaya, aur karhee kshan tak sab nistabdh the.

akasmath aurngajeb tanakar khada ho gaya aur kadakakar bola-giraphtar kar lo is jadoogarani ko. yah sab jhootha phisad hai, ham siva shahnshah ke aur kisi ko nahin manenge.

sab log us aurat ki or badhe. jab usane yah dekha, tab phauran apana nakab ulat diya. sab logon ne sir jhuka diya, aur pichhe hat gaye. aurngajeb ne ek bar phir sir niche kar liya, aur kuchh badabada kar zor se bola-kaun, jahanara, tum yahan kaise?

jahanara-aurngajeb! tum yahan kaise?

aurngajeb-(palatakar apane ladake ki taraph dekhakar) beta! maloom hota hai ki badashahalam-begam ka kuchh dimag bigad gaya hai, nahin to is besharmi ke sath is jagah par n atin. tumhen inaki hiphajat karani chahiye.

jahanara-aur aurngajeb ke dimag ko kya hua hai, jo vah apane bap ke sath beadabi se pesh aya..

abhi itana usake munh se nikala hi tha ki shahajade ne phurati se usake hath se katar nikal liya aur kaha-main adab ke sath kahata hoon ki ap mahal men chalen, nahin to..

jahanara se yah dekhakar n raha gaya. ramani-sulabh viry aur astr, krandan aur ashru ka prayog usane kiya aur gidagidakar aurngajeb se boli-kyon aurngajeb! tumako kuchh bhi daya nahin hai?

aurngajeb ne kaha-daya kyon nahin hai badashah-begam! dara jaise tumhara bhaee tha, vaisa hi main bhi to bhaee hi tha, phir taraphadari kyon?

jahanara-vah to bap ka takht nahin liya chahata tha, unake hukm se saltanat ka kam chalata tha.

orngajeb-to kya main vah kam nahin kar sakata? achchha, bahas ki zaroorat nahin hai. begam ko chahiye ki vah mahal men jayn.

jahanara katar drishti se vriddh moorchchhit pita ko dekhati huee shahajade ki bataee rah se jane lagi.

bhag 3

yamuna ke kinare ek mahal men shahajahan palng par pada hai, aur jahanara usake sirahane baithi huee hai.

jahanara se jab aurngajeb ne poochha ki vah kahan rahana chahati hai, tab usane keval apane vriddh aur hatabhage pita ke sath rahana svikar kiya, aur ab vah sadharan dasi ke vesh men apana jivan abhage pita ki seva men vyatit karati hai.

vah bhadakadar shahi peshavaj ab usake badan par nahin dikhayi padati, keval sade vastr hi usake prashant mukh ki shobha badhate hain. charon or us shahi mahal men ek shanti dikhalaee padati hai. jahanara ne, jo kuchh usake pas the, sab saman garibon ko bant diye; aur apane nij ke bahumooly alnkar bhi usane pahanana chhod diya. ab vah ek tapasvini rishikanya-si ho gayi! bat-bat par dasiyon par vah jhidaqi usamen nahin rahi. keval avashyak vastuon se adhik usake rahane ke sthan men aur kuchh nahin hai.

vriddh shahajahan ne lete-lete ankh kholakar kaha-beti,ab dava ki koee zaroorat nahin hai, yade-khuda hi dava hai. ab tum isake liye mat koshish karana.

jahanara ne rokar kaha-pita, jab tak sharir hai, tab tak usaki raksha karani hi chahiye.

shahajahan kuchh n bolakar chupachap pade rahe. thodi der tak jahanara baithi rahi; phir uthi aur dava ki shishiyan yamuna ke jal men phenk din.

thodi der tak vahin baithi-baithi vah yamuna ka mand pravah dekhati rahi. sochati thi ki yamuna ka pravah vaisa hi hai, mugal samrajy bhi to vaisa hi hai; vah shahajahan bhi to jivit hai, lekin takht-taoos par to vah nahin baithate.

isi soch-vichar men vah tab tak baithi thi, jab tak chandrama ki kiranen usake mukh par nahin padin.

bhag 4

shahajadi jahanara tapasvini ho gayi hai. usake hriday men vah svabhavik tej ab nahin hai, kintu ek svargiy tej se vah kantimayi thi. usaki udarata pahale se bhi badh gayi. din aur dukhi ke sath usaki aisi sahanubhooti thi ki log ‘moortimati karuna’ manate the. usaki is chal se pashan-hriday aurngajeb bhi vichalit hua. usaki svatantrata jo chhin li gayi thi, use phir mili. par ab svatantrata ka upabhog karane ke lie avakash hi kahan tha? pita ki seva aur dukhiyon ke prati sahanubhooti karane se use samay hi nahin tha. jisaki seva ke lie saikadon dasiyan hath bandhakar khadi rahati thin, vah svayn dasi ki tarah apane pita ki seva karati huee apana jivan vyatit karane lagi. vriddh shahajahan ke ingit karane par use uthakar baithati aur sahara dekar kabhi-kabhi yamuna ke tat tak use le jati aur usaka manornjan karati huee chhaya-si bani rahati.

vriddh shahajahan ne ihalok ki lila poori ki. ab jahanara ko snsar men koee kam nahin hai. keval idhar-udhar usi mahal men ghoomana bhi achchha nahin maloom hota. usaki poorv smriti aur bhi use satane lagi. dhire-dhire vah bahut kshin ho gayi. bimar padi. par, dava kabhi n pi. dhire-dhire usaki bimari bahut badhi aur usaki dasha bahut kharab ho gayi, tab aurngajeb ne suna. ab usase bhi sahy n ho saka. vah jahanara ko dekhane ke liye gaya.

ek purane palng par, jirn bichhaune par, jahanara padi thi aur keval ek dhimi sans chal rahi thi. aurngajeb ne dekha ki vah jahanara hai, jisake liye bharatavarsh ki koee vastu alabhy nahin thi, jisake bimar padane par shahajahan bhi vyagr ho jata tha aur saikadon hakim use arogy karane ke liye prastut rahate the. vah is tarah ek kone men padi hai!

pashan bhi pighala, aurngajeb ki ankhen ansoo se bhar ayin aur vah ghutane ke bal baith gaya. samip munh le jakar bola-bahin, kuchh hamare liye hukm hai?

jahanara ne apani ankhen khol din aur ek puraja usake hath men diya, jise jhukakar aurngajeb ne liya. phir poochha-bahin, kya tum hamen maph karogi?

jahanara ne khuli huee ankhon ko akash ki or utha diya. us samay unamen se ek svargiy jyoti nikal rahi thi aur vah vaise hi dekhati rah gayi. aurngajeb utha aur usane ansoo ponchhate hue puraje ko padha. usamen likha tha.

bagair sabj: n poshad kase majar mara.

ki qabraposh gariban hamin gayah basast..

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah