संदेह -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

ramanihal apana bikhara hua saman bandhane men laga. jngale se dhoop akar usake chhote-se shishe par tadap rahi thi. apana ujjval alok-khand, vah chhota-sa darpan buddh ki sundar pratima ko arpan kar raha tha. kintu pratima dhyanamagn thi. usaki ankhe dhoop se chaundhiyati n thin. pratima ka shant gambhir mukh aur bhi prasann ho raha tha. kintu ramanihal udhar dekhata n tha. usake hathon men tha ek kagajon ka bandal, jise sandook men rakhane ke pahale vah kholana chahata tha. padhऩe ki ichchha thi, phir bhi n jane kyon hichak raha tha aur apane ko mana kar raha tha, jaise kisi bhayanak vastu se bachane ke lie koee balak ko rokata ho.

bandal to rakh diya par doosara bada-sa liphapha khol hi dala. ek chitr usake hathon men tha aur ankhon men the ansoo. kamare men ab do pratima thin. buddhadev apani virag-mahima men nimagn. ramanihal ragashail-sa achal, jisamen se hriday ka drav ansuon ki nirjharini banakar dhire-dhire bah raha tha.

kishori ne akar halla macha diya-‘‘bhabhi, are bhabhi! dekha nahin toone, n! nihal baboo ro rahe hain. are, too chal bhi!’’

shyama vahan akar khadi ho gayi. usake ane par bhi ramanihal usi bhav men vismrit-sa apani karuna-dhara baha raha tha. shyama ne kaha-‘‘nihal baboo!’’

nihal ne ankhen kholakar kaha-‘‘kya hai? .... are, mujhe kshama kijie.’’ phir ansoo pochhane laga.

‘‘bat kya hai, kuchh sunoon bhi. tum kyon jane ke samay aise dukhi ho rahe ho? kya ham logon se kuchh aparadh hua?’’

‘‘tumase aparadh hoga? yah kya kah rahi ho? main rota hoon, isamen meri hi bhool hai. prayashchit karane ka yah dhng thik nahin, yah main dhire-dhire samajh raha hoon. kintu karoon kya? yah man nahin manata.’’

shyama jaise savadhan ho gayi. usane pichhe phirakar dekha ki kishori khadi hai. shyama ne kaha-‘‘ja beti! kapade dhoop men phaile hain, vahin baith.’’ kishori chali gee. ab jaise sunane ke lie prastut hokar shyama ek chataee khinchakar baith gayi. usake samane chhoti-si buddhapratima sagavan ki sundar mej par dhoop ke pratibimb men hns rahi thi. ramanihal kahane laga-

‘‘shyama! tumhara kathor vrat, vaidhavy ka adarsh dekhakar mere hriday men vishvas hua ki manushy apani vasanaon ka daman kar sakata hai. kintu tumhara avalamb bada dridh hai. tumhare samane balakon ka jhund hnsata, khelata, ladata, jhagadata hai. aur tumane jaise bahut-si dev-pratimaen, shrringar se sajakar hriday ki kothari ko mandir bana diya. kintu mujhako vah kahan milata. bharat ke bhinn-bhinn pradeshon men, chhota-mota vyavasay, naukari aur pet palane ki suvidhaon ko khojata hua jab tumhare ghar men aya, to mujhe vishvas hua ki mainne ghar paya. main jab se snsar ko janane laga, tabhi se main grihahin tha. mera sandook aur ye thode-se saman, jo mere uttaradhikar ka ansh tha, apani pith par lade hue ghoomata raha. thik usi tarah, jaise kanjar apani grihasthi tattoo par lade hue ghoomata hai.

‘‘main chatur tha, itana chatur jitana manushy ko n hona chahie; kyonki mujhe vishvas ho gaya hai ki manushy adhik chatur banakar apane ko abhaga bana leta hai, aur bhagavanh ki daya se vanchit ho jata hai.

‘‘meri mahatvakanksha, mere unnatishil vichar mujhe barabar daudate rahe. main apani kushalata se apane bhagy ko dhokha deta raha. yah bhi mera pet bhar deta tha. kabhi-kabhi mujhe aisa maloom hota ki yah danv baitha ki main apane ap par vijayi hua. aur main sukhi hokar, santusht hokar chain se snsar ke ek kone men baith jaoonga; kintu vah mrig-marichika thi.

‘‘main jinake yahan naukari ab tak karata raha, ve log bade hi sushikshit aur sajjan hain. mujhe manate bhi bahut hain. tumhare yahan ghar ka-sa sukh hai; kintu yah sab mujhe chhodऩa padega hi.’’-itani bat kahakar ramanihal chup ho gaya.

‘‘to tum kam ki ek bat n kahoge. vyarth hi itani....’’ shyama aur kuchh kahana chahati thi ki use rokakar ramanihal kahane laga, ‘‘tumako main apana shubhachintak mitr aur rakshak samajhata hoon, phir tumase n kahoonga, to yah bhar kab tak dhota rahoonga? lo suno. yah chait hai n, han thik! kartik ki poornima thi. main kam-kaj se chhutti pakar sandhya ki shobha dekhane ke lie dashashvamegh ghat par jane ke lie taiyar tha ki brajakishor baboo ne kaha-‘tum to gnga-kinare tahalane jate hi ho. aj mere ek sambandhi a gaye hain, inhen bhi ek bajare par baithakar ghumate ao, mujhe aj chhutti nahin hai.

‘‘mainne svikar kar liya. aphis men baitha raha. thodi der men bhitar se ek purush ke sath ek sundari stri nikali aur main samajh gaya ki mujhe inhin logon ke sath jana hoga. brajakishor baboo ne kaha-‘manamandir ghat par bajara thik hai. nihal apake sath ja rahe hain. koee asuvidha n hogi. is samay mujhe kshama kijie. avashyak kam hai.’

‘‘purush ke munh par ki rekhaen kuchh tan gayin. stri ne kaha-‘achchha hai. ap apana kam kijie. ham log tab tak ghoom ate hain.’

‘‘ham log manamandir pahunche. bajare par chandani bichhi thi. purush-‘mohan baboo’ jakar oopar baith gaye. paidi lagi thi. manorama ko chadhऩe men jaise dar lag raha tha. main bajare ke kone par khada tha. hath badhakar mainne kaha, ap chali aie, koee dar nahin. usane hath pakad liya. oopar ate hi mere kan men dhire se usane kaha-‘mere pati pagal banaye ja rahe hain. kuchh-kuchh hain bhi. tanik savadhan rahiega. nav ki bat hai.’

‘‘mainne kah diya-‘koee chinta nahin’ kintu oopar jakar baith jane par bhi mere kanon ke samip us sundar mukh ka surabhit nishvas apani anubhooti de raha tha. mainne man ko shant kiya. chandani nikal ayi thi. ghat par akash-dip jal rahe the aur gnga ki dhara men bhi chhote-chhote dipak bahate hue dikhaee dete the.

‘‘mohan baboo ki badi-badi gol ankhen aur bhi phail gayin. unhonne kaha-‘manorama, dekho, is dipadan ka kya arth hai, tum samajhati ho?’

‘gngaji ki pooja, aur kya?’-manorama ne kaha.

‘yahi to mera aur tumhara matabhed hai. jivan ke laghu dip ko anant ki dhara men baha dene ka yah snket hai. ah! kitani sundar kalpana!’-kahakar mohan baboo jaise uchchhvasit ho uthe. unaki sharirik chetana manasik anubhooti se milakar uttejit ho uthi. manorama ne mere kanon men dhire se kaha-‘dekha n apane!’

‘‘main chakit ho raha tha. bajara panchagnga ghat ke samip pahunch gaya tha. tab hnsate hue manorama ne apane pati se kaha-‘aur yah banson men jo tnge hue dipak hain, unhen ap kya kahenge?’

‘‘turant hi mohan baboo ne kaha-‘akash bhi asim hai n. jivan-dip ko usi or jane ke lie yah bhi snket hai.’ phir hanphate hue unhonne kahana arambh kiya-‘tum logon ne mujhe pagal samajh liya hai, yah main janata hoon. oh! snsar ki vishvasaghat ki thokaron ne mere hriday ko vikshipt bana diya hai. mujhe usase vimukh kar diya hai. kisi ne mere manasik viplavon men mujhe sahayata nahin di. main hi sabake lie mara karoon. yah ab mai nahin sah sakata. mujhe akapat pyar ki avashyakata hai. jivan men vah kabhi nahin mila! tumane bhi manorama! tumane, bhi mujhe....’

manorama ghabara uthi thi. usane kaha-‘chup rahie, apaki tabiyat bigad rahi hai, shant ho jaie!’

‘‘kyon shant ho jaoon? ramanihal ko dekh kar chup rahoon. vah jan jayn, isamen mujhe koee bhay nahin. tum log chhipakar saty ko chhalana kyon banati ho?’ mohan baboo ke shvason ki gati tivr ho uthi. manorama ne hatash bhav se meri or dekha. vah chandani rat men vishuddh pratima-si nishchesht ho rahi thi.

‘‘mainne savadhan hokar kaha-‘manjhi, ab ghoom chalo.’ kartik ki rat chandani se shital ho chali thi. nav manamandir ki or ghoom chali. main mohan baboo ke manovikar ke sambandh men soch raha tha. kuchh der chup rahane ke bad mohan baboo phir apane ap kahane lage-

‘brajakishor ko main pahachanata hoon. manorama, usane tumhare sath milakar jo shadyantr racha hai, mujhe pagal bana dene ka jo upay ho raha hai, use main samajh raha hoon. to ....’

‘oh! ap chup n rahenge? main kahati hoon n! yah vyarth ka sndeh ap man se nikal dijie ya mere lie snkhiya mnga dijie. chhutti ho.’

‘‘svasth hokar badi komalata se mohan baboo kahane lage-‘tumhara apaman hota hai! sabake samane mujhe yah baten n kahani chahie. yah mera aparadh hai. mujhe kshama karo, manorama!’ sachamuch manorama ke komal charan mohan baboo ke hath men the! vah pair chhudati huee pichhe khisaki. mere sharir se usaka sparsh ho gaya. vah kshubdh aur snkoch men oobh-choobh ramani jaise kisi ka ashray pane ke lie vyakul ho gayi thi. manorama ne dinata se meri or dekhate hue kaha-‘ap dekhate hain?’

‘‘sachamuch main dekh raha tha. gnga ki ghor dhara par bajara phisal raha tha. nakshatr bikhar rahe the. aur ek sundari yuvati mera ashray khoj rahi thi. apani sab lajja aur apaman lekar vah durvah sndeh-bhar se pidit stri jab kahati thi ki ‘ap dekhate hain n’, tab vah mano mujhase prarthana karati thi ki kuchh mat dekho, mera vyngy-upahas dekhane ki vastu nahin.

‘‘main chup tha. ghat par bajara laga. phir vah yuvati mera hath pakadakar paidi par se samhalati huee utari. aur mainne ek bar n jane kyon dhrishtata se man men socha ki ‘main dhany hoon.’ mohan baboo oopar chadhऩe lage. main manorama ke pichhe-pichhe tha. apane par bhari bojh dalakar dhire-dhire sidhiy़on par chadh raha tha.

‘‘usane dhire se mujhase kaha, ‘ramanihalaji, meri vipatti men ap sahayata n kijiega!’ main avakh tha.

shyama ne ek gahari drishti se ramanihal ko dekha. vah chup ho gaya. shyama ne agya bhare svar men kaha, ‘‘age aur bhi kuchh hai ya bas?’’

ramanihal ne sir jhuka kar kaha, ‘‘han, aur bhi kuchh hai.’’

‘‘vahi kaho n!!’’

‘‘kahata hoon. mujhe dhire-dhire maloom hua ki brajakishor baboo yah chahate hain ki mohanalal adalat se pagal man liye jayn aur brajakishor unaki sampatti ke prabandhak bana diye jayn, kyonki ve hi mohanalal ke nikat sambandhi the. bhagavanh jane isamen kya rahasy hai, kintu snsar to doosare ko moorkh banane ke vyavasay par chal raha hai. mohan apane sndeh ke karan poora pagal ban gaya hai. tum jo yah chitthiyon ka bandal dekh rahi ho, vah manorama ka hai.’’

ramanihal phir ruk gaya. shyama ne phir tikhi drishti se usaki or dekha. ramanihal kahane laga, ‘‘tumako bhi sndeh ho raha hai. so thik hi hai. mujhe bhi kuchh sndeh ho raha hai, manorama kyon mujhe is samay bula rahi hai.’’

ab shyama ne hnsakar kaha, ‘‘to kya tum samajhate ho ki manorama tumako pyar karati hai aur vah dushcharitra hai? chhi: ramanihal, yah tum kyon soch rahe ho? dekhoon to, tumhare hath men yah kaun-sa chitr hai, kya manorama ka hi?’’ kahate-kahate shyama ne ramanihal ke hath se chitr le liya. usane ashchary-bhare svar men kaha, ‘‘are, yah to mera hi hai? to kya tum mujhase prem karane ka ladakapan karate ho? yah achchhi phansi lagi hai tumako. manorama tumako pyar karati hai aur tum mujhako. man ke vinod ke lie tumane achchha sadhan jutaya hai. tabhi kayaron ki tarah yahan se boriya-bndhana lekar bhagane ki taiyari kar li hai!’’

ramanihal hatbuddhi aparadhi-sa shyama ko dekhane laga. jaise use kahin bhagane ki rah n ho. shyama dridh svar men kahane lagi-

‘‘nihal baboo! pyar karana bada kathin hai. tum is khel ko nahin janate. isake chakkar men padऩa bhi mat. han, ek dukhiya stri tumako apani sahayata ke lie bula rahi hai. jao, usaki sahayata karake laut ao. tumhara saman yahin rahega. tumako abhi yahin rahana hoga. samajhe. abhi tumako meri snrakshata ki avashyakata hai. utho. naha-dho lo. jo tren mile, usase patane jakar brajakishor ki chalakiyon se manorama ki raksha karo. aur phir mere yahan chale ana. yah sab tumhara bhram tha. sndeh tha.’’

ramanihal dhire se uthakar nahane chala gaya.

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah