शरणागत -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

prabhat-kalin soory ki kiranen abhi poorv ke akash men nahin dikhaee padati hain. taraon ka kshin prakash abhi ambar men vidyaman hai. yamuna ke tat par do-tin ramaniyan khadi hain, aur do-yamuna ki unhin kshin lahariyon men, jo ki chandr ke prakash se rnjit ho rahi hain-snan kar rahi hain. akasmath pavan bade veg se chalane laga. isi samay ek sundari, jo ki bahut hi sukumari thi, unhin tarngon se nimagn ho gayi. doosari, jo ki ghabadakar nikalana chahati thi, kisi kath ka sahara pakar tat ki or khadi huee apani sakhiyon men ja mili. par vahan sukumari nahin thi. sab roti huee yamuna ke tat par ghoomakar use khojane lagin.

andhakar hat gaya. ab soory bhi dikhaee dene lage. kuchh hi der men unhen, ghabadaee huee striyon ko ashvasan deti huee, ek chhoti-si nav dikhaee di. un sakhiyon ne dekha ki vah sukumari usi nav par ek angrez aur ek ledi ke sath baithi huee hai.

tat par ane par maloom hua ki sipahi-vidroh ki gadabad se bhage hue ek sambhrant yoropiyan-dampati us nauka ke arohi hain. unhonne sukumari ko doobate hue bachaya hai aur ise pahunchane ke liye ve log yahan tak aye hain.

sukumari ko dekhate hi sab sakhiyon ne daudakar use gher liya aur usase lipat-lipatakar rone lagin. angrez aur ledi donon ne jana chaha, par ve striyan kab manane vali thin? ledi sahiba ko rukana pada. thodi der men yah khabar phail jane se us ganv ke zamindar thakur kishor sinh bhi us sthan par a gaye. ab, unake anurodh karane se, vilphard aur elis ko unaka atithy svikar karane ke liye vivash hona pada kyonki sukumari, kishor sinh ki hi stri thi, jise un logon ne bachaya tha.

bhag 2

chandanapur ke zamindar ke ghar men, jo yamuna-tat par bana hua hai, paeenbag ke bhitar, ek ravish men char kursiyan padi hain. ek par kishor sinh aur do kursiyon par vilphard aur elis baithe hain, tatha chauthi kursi ke sahare sukumari khadi hai. kishor sinh muskara rahe hain, aur elis ashchary ki drishti se sukumari ko dekh rahi hai.

vilphard udas hain aur sukumari mukh nicha kiye hue hai. sukumari ne kanakhiyon se kishor sinh ki or dekhakar sir jhuka liya.

elis-(kishor sinh se) baboo sahab, ap inhen baithane ki ijajat den.

kishor sinh-main kya mana karata hoon?

elis-(sukumari ko dekhakar) phir vah kyon nahin baithatin?

kishor sinh-ap kahiye, shayad baith jayn.

vilphard-han, ap kyon khadi hain?

bechari sukumari lajja se gadi jati thi.

elis-(sukumari ki or dekhakar) agar ap n baithengi, to mujhe bahut rnj hoga.

kishor sinh-yon n baithengi, hath pakadakar bithaiye.

elis sachamuch uthi, par sukumari ek bar kishor sinh ki or vakr drishti se dekhakar hnsati huee pas ki barahadari men bhagakar chali gayi, kintu elis ne pichha n chhoda. vah bhi vahan pahunchi, aur use pakada. sukumari elis ko dekh gid-gidakar boli-kshama kijiye, ham log pati ke samane kursi par nahin baithatin, aur n kursi par baithane ka abhyas hi hai.

elis chupachap khadi rah gayi, yah sochane lagi ki-kya sachamuch pati ke samane kursi par n baithana chahiye. phir usane socha-yah bechari janati hi nahin ki kursi par baithane men kya sukh hai?

bhag 3

chandanapur ke zamindar ke yahan ashray liye hue yoropiyan-dampati sab prakar sukh se rahane par bhi sipahiyon ka atyachar sunakar shnkit rahate the. dayalu kishor sinh yadyapi unhen bahut ashvasan dete, to bhi komal prakriti ki sundari elis sada bhayabhit rahati thi.

donon dampati kamare men baithe hue yamuna ka sundar jal-pravah dekh rahe hain. vichitrata yah hai ki ‘sigar’ n mil sakane ke karan vilphard sahab satak ke sadake laga rahe hain. abhyas n hone ke karan satak se unhen badi adachan padati thi, tis par sipahiyon ke atyachar ka dhyan unhen aur bhi udvign kiye hue tha; kyonki elis ka bhay se pila mukh unase dekha n jata tha.

itane men bahar kolahal sunaee pada. elis ke mukh se ‘o maee gad’ (Oh My God !) nikal pada aur bhay se vah moorchchhit ho gayi. vilphard aur kishor sinh ne elis ko palng par litaya, aur ap ‘bahar kya hai’ so dekhane ke liye chale.

vilphard ne apani raiphal hath men li aur sath men jan chaha, par kishor sinh ne unhen samajhakar baithala aur ap khoonti par latakati talavar lekar bahar nikal gaye.

kishor sinh bahar a gaye, dekha to panch kos par jo unaka sundarapur gram hai, use sipahiyon ne loot liya aur praja dukhi hokar apane zamindar se apani du:kh-gatha sunane ayi hai. kishor sinh ne sabako ashvasan diya, aur unake khane-pine ka prabandh karane ke lie karmachariyon ko agya dekar ap vilphard aur elis ko dekhane ke liye bhitar chale aye.

kishor sinh svabhavik dayalu the aur unaki praja unhen pita ke saman manati thi, aur unaka us prant men bhi bada samman tha. vah bahut bade ilakedar hone ke karan chhote-se raja samajhe jate the. unaka prem sab par barabar tha. kintu vilphard aur sarala elis ko bhi vah bahut chahane lage, kyonki priyatama sukumari ki un logon ne pran-raksha ki thi.

bhag 4

kishor sinh bhitar aye. elis ko dekhakar kaha-darane ki koee bat nahin hai. yah meri praja thi, samip ke sundarapur ganv men sab rahate hain. unhen sipahiyon ne loot liya hai. unaka bndobast kar diya gaya hai. ab unhen koee takaliph nahin.

elis ne lambi sans lekar ankh khol di, aur kaha-kya ve sab gaye?

sukumari-ghabarao mat, ham logon ke rahate tumhara koee anisht nahin ho sakata.

vilphard-kya sipahi riyasaton ko loot rahe hain?

kishor sinh-han, par ab koee dar nahin hai, ve lootate hue idhar se nikal gaye.

vilphard-ab hamako kuchh dar nahin hai.

kishor sinh-apane kya socha?

vilphard-ab ye sab apane bhaiyon ko lootate hain, to shighr hi apane atyachar ka phal pavenge aur inaka kiya kuchh n hoga.

kishor sinh ne gambhir hokar kaha-thik hai.

elis ne kaha-main aj ap logon ke sng bhojan karoongi.

kishor sinh aur sukumari ek doosare ka mukh dekhane lage. phir kishor sinh ne kaha-bahut achchha.

bhag 5

saph dalan men do kambal alag-alag doori par bichha diye gaye hain. ek par kishor sinh baithe the aur doosare par vilphard aur elis; par elis ki drishti bar-bar sukumari ko khoj rahi thi aur vah bar-bar yahi soch rahi thi ki kishor sinh ke sath sukumari abhi nahin baithi.

thodi der men bhojan aya, par khanasama nahin. svayn sukumari ek thal liye hain aur tin-char auraton ke hath men bhi khady aur pey vastuen hain. kishor sinh ke ishara karane par sukumari ne vah thal elis ke samane rakha, aur isi tarah vilphard aur kishor sinh ko paras diya gaya. par kisi ne bhojan karana nahin arambh kiya.

elis ne sukumari se kaha-ap kya yahan bhi n baithengi? kya yahan bhi kursi hai?

sukumari-parasega kaun?

elis-khanasama.

sukumari-kyon, kya main nahin hoon?

kishor sinh-jid n kijiye, yah hamare bhojan kar lene par bhojan karati hain.

elis ne ashchary aur udasi-bhari ek drishti sukumari par dali. elis ko bhojan kaisa laga, so nahin kaha ja sakata.


bharat men shanti sthapit ho gayi hai. ab vilphard aur elis apani nil ki kothi par vapas jane vale hain. chandanapur men unhen bahut din rahana pada. nil-kothi vahan se door hai.

do ghode saje-sajaye khade hain aur kishor sinh ke ath sashastr sipahi unako pahunchane ke lie upasthit hain. vilphard sahab kishor sinh se bat-chit karake chhutti pa chuke hain. keval elis abhi tak bhitar se nahin ayi. unhin ke ane ki der hai.

vilphard aur kishor sinh paeen-bag men tahal rahe the. itane men sat-ath striyon ka jhund makan se bahar nikala. hain! yah kya? elis ne apana gaun nahin pahana, usake badale phiroji rng ke reshami kapade ka kamadani lahnga aur makhamal ki knchuki, jisake sitare reshami odhani ke oopar se chamak rahe hain. hain! yah kya? svabhavik arun adharon men pan ki lali bhi hai, ankhon men kajal ki rekha bhi hai, choti bhi phoolon se goonthi ja chuki hai, aur mastak men sundar sa bal-arun ka bindu bhi to hai!

dekhate hi kishor sinh khilakhilakar hns pade, aur vilphard to bhaunchakke-se rah gaye.

kishor sinh ne elis se kaha-apake liye bhi ghoda taiyar hai-par sukumari ne kaha-nahin, inake liye palaki mnga do.

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah