बिसाती -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

udyan ki shail-mala ke niche ek hara-bhara chhota-sa ganv hai. vasant ka sundar samir use alingan karake phoolon ke saurabh se usake jhopadon ko bhar deta hai. talahati ke him-shital jharane usako apane bahupash men jakade hue hain. us ramaniy pradesh men ek snigdh-sngit nirantar chala karata hai, jisake bhitar bulabulon ka kalanad, kamp aur lahar utpann karata hai.

dadim ke lal phoolon ki rngili chhaya sandhya ki arun kiranon se chamakili ho rahi thi. shirin usi ke niche shilakhand par baithi huee samane gulabon ki jhuramut dekh rahi thi, jisamen bahut se bulabul chahachaha rahe the, ve samiran ke sath chhool-chhulaiya khelate hue akash ko apane kalarav se gunjit kar rahe the.

shirin ne sahasa avagunthan ulat diya. prakriti prasann ho hns padi. gulabon ke dal men shirin ka mukh raja ke saman sushobhit tha. makarand munh men bhare do nil-bhramar us gulab se udane men asamarth the, bhaunron ke pad par nispand the. kntili jhadiyon ki kuchh parava n karate hue bulabulon ka usamen ghusana aur ud bhagana shirin tanmay hokar dekh rahi thi.

usaki sakhi julekha ke ane se usaki ekant bhavana bhng ho gee. apana avagunthan ulatate hue julekha ne kaha-‘‘shirin! vah tumhare hathon par akar baith janevala bulabul, aj-kal nahin dikhalaee deta?’’

ah khinchakar shirin ne kaha-‘‘kade shit men apane dal ke sath maidan ki or nikal gaya. vasant to a gaya par vah nahin laut aya.’’

‘‘suna hai ki ye sab hindustan men bahut door tak chale jate hain. kya yah sach hai, shirin?’’

‘‘han pyari! unhen svadhin vicharana achchha lagata hai. inaki jati badi svatantrata-priy hai.’’

‘‘toone apani ghngharali alakon ke pash men use kyon n bandh liya?’’

‘‘mere pash us pakshi ke lie dhile pad jate the.’’

‘‘achchha laut avega-chinta n kar. main ghar jati hoon.’’ shirin ne sir hila diya.

julekha chali gee.

jab pahadi akash men sandhya apane rngile pat phaila deti, jab vihng keval kalarav karate pnkti bandhakar udate hue gunjan jhadiyon ki or lautate aur anil men unake komal paron se lahar uthati, jab samir apani jhonkedar tarngon me bar-bar andhakar ko khinch lata, jab gulab adhikadhik saurabh lutakar hari chadar men munh chhipa lena chahate the; tab shirin ki asha-bhari drishti kalima se abhibhoot hokar palakon men chhipane lagi. vah jagate hue bhi ek svapn ki kalpana karane lagi.

hindustan ke samriddhishali nagar ki gali men ek yuvak pith par gatthar lade ghoom raha hai. parishram aur anahar se usaka mukh vivarn hai. thakakar vah kisi ke dvar par baith gaya hai. kuchh bechakar us din ki jivika prapt karane ki utkantha usaki dayaniy baton se tapak rahi hai. parantu vah grihasth kahata hai-‘‘tumhen udhar dena ho to do, nahin to apani gathari uthao. samajhe aga?’’

yuvak kahata hai-‘‘mujhe udhar dene ki samarthy nahin.’’

‘‘to mujhe bhi kuchh nahin chahie.’’

shirin apani is kalpana se chaunk uthi. kaphile ke sath apani sampatti ladakar khaibar ke giri-snkat ko vah apani bhavana se padakrant karane lagi.

usaki ichchha huee ki hindustan ke pratyek grihasth ke pas ham itana dhan rakh den ki ve anavashyak hone par bhi us yuvak ki sab vastuon ka mooly dekar usaka bojh utar den. parantu sarala shirin nissahay thi. usake pita ek kroor pahadi saradar the. usane apana sir jhuka liya. kuchh sochane lagi.

sandhya ka adhikar ho gaya. kalarav band hua. shirin ki sanson ke saman samir ki gati avaruddh ho uthi. usaki pith shila se tik gee.

dasi ne akar usako prakritisth kiya. usane kaha-‘‘begam bula rahi hain. chalie, menhadi a gee hai.’’

mahinon ho gaye. shirin ka byah ek dhani saradar se ho gaya. jharane ke kinare shirin ke bag men shavari khinchi hai. pavan apane ek-ek thapede men saikadon phalon ko rula deta hai. madhu-dhara bahane lagati hai. bulabul usaki nirdayata par krandan karane lagate hain. shirin sab sahan karati rahi. saradar ka mukh utsahapoorn tha. sab hone par bhi vah ek sundar prabhat tha.

ek durbal aur lnba yuvak pith par gatthar lade samane akar baith gaya. shirin ne use dekha par vah kisi or dekhata nahin. apana saman kholakar sajane laga.

saradar apani preyasi ko upahar dene ke lie kanch ki pyali aur kashmiri saman chhantane laga.

shirin chupachap thi, usake hriday-kanan men kalaravon ka krandan ho raha tha. saradar ne dam poochha. yuvak ne kaha-‘‘main upahar deta hoon. bechata nahin. ye vilayati aur kashmiri mainne chunakar liye hain. inamen mooly hi nahin, hriday bhi laga hai. ye dam par nahin bikate.’’

saradar ne tikshn svar men kaha-‘‘tab mujhe n chahie. le jao- uthao.’’

‘‘achchha, utha le jaoonga. main thaka hua a raha hoon, thoda avasar dijie, main hath-munh dho loon.’’ kahakar yuvak bharabharaee huee ankhon ko chhipate, uth gaya.

saradar ne samajha, jharane ki or gaya hoga. vilamb hua par vah n aya. gahari chot aur nirmam vyatha ko vahan karate kaleja hath se pakade hue, shirin gulab ki jhadiyon ki or dekhane lagi. parantu usaki ansoo-bhari ankhon ko kuchh n soojhata tha. saradar ne prem se usaki pith par hath rakhakar poochha- ‘‘kya dekh rahi ho?’’

‘‘mera ek palatoo bulabul shit men hindustan ki or chala gaya tha. vah lautakar aj savere dikhalaee pada, par jab vah pas a gaya aur mainne pakadऩa chaha, to vah udhar kohakaph ki or bhag gaya!’’-shirin ke svar men kampan tha, phir bhi ve shabd bahut sambhalakar nikale the. saradar ne hnsakar kaha-‘‘phool ko bulabul ki khoj? ashchary hai!’’

bisati apana saman chhod gaya. phir lautakar nahin aya. shirin ne bojh to utar liya, par dam nahin diya.

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah