प्रलय -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

himavrit chotiyon ki shreni, anant akash ke niche kshubdh samudr! upatyaka ki kandara men, prakritik udyan men khade hue yuvak ne yuvati se kaha-‘‘priye!’’

‘‘priyatam! kya hone vala hai?’’

‘‘dekho kya hota hai, kuchh chinta nahin-asav to hai n?’’

‘‘kyon priy! itana bada khel kya yon hi nasht ho jayega?’’

‘‘yadi nasht n ho, khel jyon-ka-tyon bana rahe tab to vah bekar ho jayega.’’

‘‘tab hriday men amar hone ki kalpana kyon thi?’’

‘‘sukh-bhog-pralobhan ke karan.’’

‘‘kya srishti ki cheshta mithya thi?’’

‘‘mithya thi ya saty, nahin kaha ja sakata- par sarg pralay ke lie hota hai, yah nissandeh kaha jayaga, kyonki pralay bhi ek srishti hai.’’

‘‘apana astitv banae rakhane ke lie bada udyog tha’’-yuvati ne nishvas lekar kaha.

‘‘yah to main bhi manoonga ki apane astitv ke lie svayn apako vyay kar diya.’’-yuvak ne vyngy se kaha.

yuvati karunadrr ho gayi. yuvak ne man badalane ke lie kaha-‘‘priye! asav le ao.’’

yuvati sphatik-patr men asav le ayi. yuvak pine laga.

‘‘sada raksha karane par bhi yah utpat?’’ yuvati ne din hokar jigyasa ki.

‘‘tumhare upasakon ne bhi kam apavyay nahin kiya.’’ yuvak ne sasmit kaha.

‘‘oh, priyatam! ab kahan chalen?’’ yuvati ne man karake kaha.

kathor hokar yuvak ne kaha-‘‘ab kahan, yahin se yah lila dekhenge.’’

soory ka alat-chakr ke saman shoony men bhraman, aur usake vistar ka agni-sphuling-varsha karate hue ashchary-snkoch! him-tilon ka navin mahanadon ke roop men palatana, bhayanak tap se shesh praniyon ka palatana! mahakapalik ke chitagni-sadhan ka vibhats drishy! prachand alok ka andhakar!!!

yuvak mani-pith par sukhasin hokar asav pan kar raha hai. yuvati trast netron se is bhishan vyapar ko dekhate hue bhi nahin dekh rahi hai. javakusum sadrish aur jagath ka tatkal taral parad-saman rng badalana, bhayanak hone par bhi yuvak ko sprihaniy tha. vah sasmit bola-‘‘priye! kaisa drishy hai.’’

‘‘isi ka dhyan karake kuchh logon ne adhyatmikata ka prachar kiya tha.’’ yuvati ne kaha.

‘‘badi buddhimatta thi!’’ hns kar yuvak ne kaha. vah hnsi grahagan ki takkar ke shabd se bhi kuchh oonchi thi.

‘‘kyon?’’

‘‘maran ke kathor saty se bachane ka bahana ya ad.’’

‘‘priy! aisa n kaho.’’

‘‘moh ke akasmik avalamb aise hi hote hain.’’ yuvak ne patr bharate hue kaha.

‘‘ise main nahin manoongi.’’ dridh hokar yuvati boli.

samane ki jal-rashi alodit hone lagi. asnkhy jalastambh shoony napane ko oonche chadhऩe lage. kan-jal se kuhasa phaila. bhayanak tap par shitalata hath pherane lagi. yuvati ne aur bhi sahas se kaha-‘‘kya adhyatmikata moh hai?’’

‘‘chaitanik padarthon ka jvar-bhata hai. paramanuon se grathit prakrit niyantran-shaili ka ek bindu! apana astitv bachaye rakhane ki asha men manohar kalpana kar leta hai. videh hokar vishvatmabhav ki pratyasha, isi kshudr avayav men antarnihit ant:karan yantr ka chamatkar sahas hai, jo svayn nashvar upadanon ko sadhan banakar avinashi hone ka svapn dekhata hai. dekho, isi sare jagath ke lay ki lila men tumhen itana moh ho gaya?’’

prabhanjan ka prabal akraman arambh hua. maharnav ki akashamapak stambh lahariyan bhagn hokar bhishan garjan karane lagin. kandara ke udyan ka akshayavat lahara utha. prakand shal-vriksh trin ki tarah us bhaynkar phootkar se shoony men udane lage. daudate hue varid-vrind ke saman vishal shail-shring avart men padakar chakr-bhraman karane lage. udgirn jvalamukhiyon ke lave jal-rashi ko jalane lage. meghachchhadit, nistej, sprishy, chandrabimb ke saman sooryamandal mahakapalik ke piye hue pan-patr ki tarah ludhaqane laga. bhaynkar kamp aur ghor vrishti men jvalamukhi bijali ke saman vilin hone lage.

yuvak ne attahas karate hue kaha-‘‘aisi barasat kahe ko milegi! ek patr aur.’’

yuvati sahamakar patr bharati huee boli-‘‘mujhe apane gale se laga lo, bada bhay lagata hai.’’

yuvak ne kaha-‘‘tumhara trast karun ardh kataksh vishv-bhar ki manohar chhoti-si akhyayika ka sukh de raha hai. han ek .....’’

‘‘jao, tum bade kathor ho ......’’

‘‘hamari prachinata aur vishv ki ramaniyata ne tumhen sarg aur pralay ki anadi lila dekhane ke lie utsahit kiya tha. ab usaka tandav nrity dekho. tumhen bhi apani komal kathorata ka bada abhiman tha ......’’

‘‘abhiman hi hota, to prayas karake tumase kyon milati? jane do, tum mere sarvasv ho. tumase ab yah mangati hoon ki ab kuchh n mangoon, chahe isake badale meri samast kamana le lo.’’ yuvati ne gale men hath dalakar kaha.

-- --

bhayanak shit, doosare kshan asahy tap, vayu ke prachand jhonkon men ek ke bad doosare ki adh‌bhut parampara, ghor garjan, oopar kuhasa aur vrishti, niche maharnav ke roop men anant dravarashi, pavan unchason gatiyon se samagr panchamahabhooton ko alodit kar unhen taral paramanuon ke roop men parivartit karane ke lie tula hua hai. anant paramanumay shoony men ek vat-vriksh keval ek nukile shring ke sahare sthit hai. prabhanjan ke prachand aghaton se sab adrishy hai. ek dal par vahi yuvak aur yuvati! yuvak ke mukh-mandal ke prakash se hi alok hai. yuvati moorchchhitapray hai. vadan-mandal matr aspasht dikhaee de raha hai. yuvati sachet hokar boli-

‘‘priyatam!’’

‘‘kya priye?’’

‘‘nath! ab main tumako paoongi.’’

‘‘kya abhi tak nahin paya tha?’’

‘‘main abhi tak tumhen pahachan bhi nahin saki thi. tum kya ho, aj bata doge?’’

‘‘kya apane ko jan liya tha; tumhara kya uddeshy tha?’’

‘‘ab kuchh-kuchh jan rahi hoon; jaise mera astitv svapn tha; adhyatmikata ka moh tha; jo tumase bhinn, svatantr svaroop ki kalpana kar li thi, vah astitv nahin, vikriti thi. uddeshy ki to prapti hua hi chahati hai.’’

yuvati ka mukh-mandal aspasht pratibimb matr rah gaya tha-yuvak ek ramaniy tej-punj tha.

‘‘tab aur janane ki avashyakata nahin, ab milana chahati ho?’’

‘‘hoon’’ asphut shabd ka antim bhag pranav ke saman goonjane laga!

‘‘ao, yah pralay-roopi tumhara milan anandamay ho. ao.’’

akhand shanti! alok!! anand!!!

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah