इंद्रजाल -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

ganv ke bahar, ek chhote-se bnjar men knjaron ka dal pada tha. us parivar men tattoo, bhainse aur kutton ko milakar ikkis prani the. usaka saradar maikoo, lambi-chaudi haddiyonvala ek adhed purush tha. daya-maya usake pas phatakane nahin pati thi. usaki ghani dadhi aur moonchhon ke bhitar prasannata ki hnsi chhipi hi rah jati. ganv men bhikh mangane ke lie jab knjaron ki striyan jatin, to unake lie maikoo ki agya thi ki kuchh n milane par apane bachchon ko nirdayata se grihasth ke dvar par jo stri n patak degi, usako bhayanak dand milega.

us nirday jhund men ganevali ek ladaqi thi. aur ek bansuri bajanevala yuvak. ye donon bhi ga-bajakar jo pate, vah maikoo ke charanon men lakar rakh dete. phir bhi goli aur bela ki prasannata ki sima n thi. un donon ka nity sampark hi unake lie svargiy sukh tha. in ghumakkadon ke dal men ye donon vibhinn ruchi ke prani the. bela bediऩ thi. man ke mar jane par apane sharabi aur akarmany pita ke sath vah knjaron ke hath lagi. apani mata ke gane-bajane ka snskar usaki nas-nas men bhara tha. vah bachapan se hi apani mata ka anukaran karati huee alapati rahati thi.

shasan ki kathorata ke karan knjaron ka daka aur ladakiyon ke churane ka vyapar band ho chala tha. phir bhi maikoo avasar se nahin chookata. apane dal ki unnati men barabar laga hi rahata. is tarah goli ke bap ke mar jane par-jo ek chatur nat tha-maikoo ne usaki khel ki pitari ke sath goli par bhi adhikar jamaya. goli mahuar to bajata hi tha, par bela ka sath hone par usane bansuri bajane men abhyas kiya. pahale to usaki nat-vidya men bela bhi manoyog se lagi; kintu donon ko bhanumati vali pitari dhokar do-char paise kamana achchha n laga. donon ko maloom hua ki darshak us khel se adhik usaka gana pasand karate hain. donon ka jhukav usi or hua. paisa bhi milane laga. in navagantuk bahariyon ki knjaron ke dal men pratishtha badhi.

bela sanvali thi. jaise pavas ki meghamala men chhipe hue alokapind ka prakash nikharane ki adamy cheshta kar raha ho, vaise hi usaka yauvan sugathit sharir ke bhitar udvelit ho raha tha. goli ke sneh ki madira se usaki kajarari ankhen lali se bhari rahatin. vah chalati to thirakati huee, baten karati to hnsati huee. ek mithas usake charon or bikhari rahati. phir bhi goli se abhi usaka byah nahin hua tha.

goli jab bansuri bajane lagata, tab bela ke sahityahin git jaise prem ke madhury ki vyakhya karane lagate. ganv ke log usake giton ke lie knjaron ko shighr hatane ka udyog nahin karate! jahan apane sadasyon ke karan knjaron ka vah dal ghrina aur bhay ka patr tha, vahan goli aur bela ka sngit akarshan ke lie paryapt tha; kintu isi men ek vyakti ka avanchhaniy sahayog bhi avashyak tha. vah tha bhoore, chhoti-si dhol lekar use bhi bela ka sath karana padata.

bhoore sachamuch bhoora bhediy़a tha. goli adharon se bansuri lagaye arddhanimilit ankhon ke antaral se, bela ke mukh ko dekhata hua jab hriday ki phoonk se bans ke tukade ko anupranit kar deta, tab vikat ghrina se tadit hokar bhoore ki bhayanak thap dhol par jati. kshan-bhar ke lie jaise donon chaunk uthate.

us din thakur ke gadh men bela ka dal gane ke lie gaya tha. puraskar men kapade-rupaye to mile hi the; bela ko ek angoothi bhi mili thi. maikoo un sabako dekhakar prasann ho raha tha. itane men siraki ke bahar kuchh halla sunaee pada. maikoo ne bahar akar dekha ki bhoore aur goli men ladaee ho rahi thi. maikoo ke karkash svar se donon bhayabhit ho gaye. goli ne kaha-‘‘main baitha tha, bhoore ne mujhako galiyan din. phir bhi main n bola, is par usane mujhe pair se thokar laga di.’’

‘‘aur yah samajhata hai ki meri bansuri ke bina bela ga hi nahin sakati. mujhase kahane laga ki aj tum dholak betal baja rahe the.’’ bhoore ka kanth krodh se bharraya hua tha.

maikoo hns pada. vah janata tha ki goli yuvak hone par bhi sukumar aur apane prem ki madhuri men vihval, lajila aur nirih tha. apane ko pramanit karane ki cheshta usamen thi hi nahin. vah aj jo kuchh ugr ho gaya, isaka karan hai keval bhoore ki pratidvandvita.

bela bhi vahan a gayi thi. usane ghrina se bhoore ki or dekhakar kaha-

‘to kya tum sachamuch betal nahin baja rahe the?’

‘‘main betal n bajaoonga, to doosara kaun bajayega. ab to tumako naye yar n mile hain. bela! tujhako maloom nahin tera bap mujhase tera byah thik karake mara hai. isi bat par mainne use apana naipali ka dogala tattoo de diya tha, jis par ab bhi too chadhaqar chalati hai.’’ bhoore ka munh krodh ke jhag se bhar gaya tha. vah aur bhi kuchh bakata; kintu maikoo ki dant padi. sab chup ho gaye.

us nirjan prant men jab andhakar khule akash ke niche taron se khel raha tha, tab bela baithi kuchh gunaguna rahi thi.

knjaron ki jhopadiyon ke pas hi palash ka chhota-sa jngal tha. unamen bela ke git goonj rahe the. jaise kamal ke pas madhukar ko jane se koee rok nahin sakata; usi tarah goli bhi kab mananevala tha. aj usake nirih hriday men sngharsh ke karan atmavishvas ka janm ho gaya tha. apane prem ke lie, apane vastavik adhikar ke lie jhagadane ki shakti utpann ho gayi thi. usaka chhura kamar men tha. hath men bansuri thi. bela ki gunagunahat band hote hi bansuri men goli usi tan ko duharane laga. donon van-vihngam ki tarah us andhere kanan men kilakarane lage. aj prem ke avesh ne avaran hata diya tha, ve nachane lage. aj taron ki kshin jyoti men hriday-se-hriday mile, poorn aveg men. aj bela ke jivan men yauvan ka aur goli ke hriday men paurush ka pratham unmesh tha.

kintu bhoora bhi vahan ane se nahin ruka. usake hath men bhi bhayanak chhura tha. alingan men abaddh bela ne chitkar kiya. goli chhatakakar door ja khada hua, kintu ghav ochha laga.

bagh ki tarah jhapatakar goli ne doosara var kiya. bhoore samhal n saka. phir tisara var chalana hi chahata tha ki maikoo ne goli ka hath pakad liya. vah niche sir kiye khada raha.

maikoo ne kadak kar kaha-‘‘bela, bhoore se tujhe byah karana hi hoga. yah khel achchha nahin.’’

usi kshan sari baten goli ke mastak men chhaya-chitr-si nach uthin. usane chhura dhire se gira diya. usaka hath chhoot gaya. jab bela aur maikoo bhoore ka hath pakadakar le chale, tab goli kahan ja raha hai, isaka kisi ko dhyan n raha.

bhag 2

knjar-parivar men bela bhoore ki stri mani jane lagi. bela ne bhi sir jhuka kar ise svikar kar liya. parantu use palash ke jngal men sandhya ke samay jane se koee bhi nahin rok sakata tha. use jaise saynkal men ek halaka-sa unmad ho jata. bhoore ya maikoo bhi use vahan jane se rokane men asamarth the. usaki dridhata-bhari ankhon se ghor virodh nachane lagata.

barasat ka arambh tha. ganv ki or se pulis ke pas koee virodh ki soochana bhi nahin mili thi. ganv valon ki chhuri-hnsiya aur kath-kabad ke kitane hi kam banakar ve log paise lete the. kuchh ann yon bhi mil jata. chidiy़an pakadakar, pakshiyon ka tel banakar, jadi-booti ki dava tatha uttejak aushadhiyon aur madira ka vyapar karake, knjaron ne ganv tatha gadh ke logon se sadh‌bhav bhi bana liya tha. sabake oopar akarshak bansuri jab usake sath nahin bajati thi, tab bhi bela ke gale men ek aisi nayi tis utpann ho gayi thi, jisamen bansuri ka svar sunaee padata tha.

antar men bhare hue nishphal prem se yuvati ka saundary nikhar aya tha. usake kataksh alas, gati madir aur vani jhnkar se bhar gayi thi. thakur sahab ke gadh men usaka gana pray: hua karata tha.

chhint ka ghaghara aur choli, us par gote se dhnki huee odhani sahaj hi khisakati rahati. kahana n hoga ki adha ganv usake lie pagal tha. balak pas se, yuvak thik-thikane se aur boodhe apani maryada, adarshavadita ki raksha karate hue door se usaki tan sunane ke lie, ek jhalak dekhane ke lie ghat lagaye rahate.

gadh ke chauk men jab usaka gana jamata, to doosara kam karate hue anyamanaskata ki ad men manoyog se aur kanakhiyon se thakur use dekh liya karate.

maikoo ghagh tha. usane tad liya. us din sngit band hone par puraskar mil jane par aur bhoore ke sath bela ke gadh ke bahar jane par bhi maikoo vahin thodi der tak khada raha. thakur ne use dekhakar poochha-‘kya hai?’

‘‘sarakar! kuchh kahana hai.’’

‘‘kya?’’

‘‘yah chhokari is ganv se jana nahin chahati. udhar pulis tng kar rahi hai.’’

‘‘jana nahin chahati, kyon?’’

‘‘vah to ghoom-gham kar gadh men a jati hai. khane ko mil jata hai....’’

maikoo age ki bat chup hokar kuchh-kuchh snket-bhari muskarahat se kah dena chahata tha.

thakur ke man men halachal hone lagi. use dabakar pratishtha ka dhyan karake thakur ne kaha-

‘‘to main kya karoon?’’

‘‘sarakar! vah to sanjh hote hi palash ke jngal men akeli chali jati hai. vahin baithi huee badi rat tak gaya karati hai.’’

‘‘hoon!’’

‘‘ek din sarakar dhamaka den, to ham log use le-dekar age kahin chale jayn.’’

‘‘achchha.’’

maikoo jal phailakar chala aya. ek hazar ki bohani ki kalpana karate vah apani siraki men baithakar huqqa gudagudane laga.

bela ke sundar ang ki megh-mala premarashi ki rajat-rekha se udh‌bhasit ho uthi thi. usake hriday men yah vishvas jam gaya tha ki bhoore ke sath ghar basana goli ke prem ke sath vishvasaghat karana hai. usaka vastavik pati to goli hi hai. bela men yah uchchhrinkhal bhavana vikat tandav karane lagi. usake hriday men vasant ka vikas tha. umng men malayanil ki gati thi. kanth men vanasthali ki kakali thi. ankhon men kusumotsav tha aur pratyek andolan men parimal ka udgar tha. usaki madakata barasati nadi ki tarah vegavati thi.

aj usane apane joode men jngali karaunde ke phoolon ki mala lapetakar, bhari masti men jngal ki or chalane ke lie pair badhaya, to bhoore ne dantakar kaha-‘‘kahan chali?’’

‘‘yar ke pas.’’ usane chhootate hi kaha. bela ke sahavas men ane par apani laghuta ko janate hue masosakar bhoore ne kaha-‘‘too khoon karaye bina chain n legi.’’

bela ki ankhon men goli ka aur usake parivardhaman premankur ka chitr tha, jo usake hat jane par virah-jal se hara-bhara ho utha tha. bela palash ke jngal men apane bichhude hue priyatam ke uddeshy se do-char virah-vedana ki tanon ki pratidhvani chhod ane ka kalpanik sukh nahin chhod sakati thi.

us ekant sandhya men barasati jhilliyon ki jhanakar se vayumandal goonj raha tha. bela apane parichit palash ke niche baithakar gane lagi-

chinhat nahin badal gaye naina....

aisa maloom hota tha ki sachamuch goli us andhakar men aparichit ki tarah munh phirakar chala ja raha hai. bela ki manovedana ko pahachanane ki kshamata usane kho di hai.

bela ka ekant men virah-nivedan usaki bhav-pravanata ko aur bhi uttejit karata tha. palash ka jngal usaki katar kuhuk se goonj raha tha. sahasa us nistabdhata ko bhng karate hue ghode par savar thakur sahab vahan a pahunche.

‘‘are bela! too yahan kya kar rahi hai?’’

bela ki svar-lahari ruk gayi thi. usane dekha thakur sahab! mahatv ka sampoorn chitr, kee bar jise usane apane man ki asnyat kalpana men durgam shail-shring samajhakar apane bhram par apani hnsi uda chuki thi. vah sakuch kar khadi ho rahi. boli nahin, man men soch rahi thi-‘‘goli ko chhodakar bhoore ke sath rahana kya uchit hai? aur nahin to phir....’’

thakur ne kaha-‘‘to tumhare sath koee nahin hai. koee janavar nikal ave, to?’’

bela khilakhila kar hns padi. thakur ka pramad badh chala tha. ghode se jhukakar usaka kandha pakadate hue kaha, ‘‘chalo, tumako pahuncha den.’’

usaka sharir kanp raha tha, aur thakur avesh men bhar rahe the. unhonne kaha-‘‘bela, mere yahan chalogi?’’

‘‘bhoore mera pati hai!’’ bela ke is kathan men bhayanak vyng tha. vah bhoore se chhutakara pane ke lie taras rahi thi. usane dhire se apana sir thakur ki jangh se sata diya. ek kshan ke lie donon chup the. phir usi samay andhakar men do moortiyon ka pradurbhav hua. kathor kanth se bhoore ne pukara-‘‘bela!’’

thakur savadhan ho gaye the. unaka hath bagal ki talavar ki mooth par ja pada. bhoore ne kaha-‘‘jngal men kisalie too ati thi, yah mujhe aj maloom hua. chal, tera khoon piye bina n chhodoonga.’’

thakur ke aparadh ka arambh to unake man men ho hi chuka tha. unhonne apane ko chhipane ka prayatn chhod diya. kadakakar bole-‘‘khoon karane ke pahale apani bat bhi soch lo, tum mujh par sandeh karate ho, to yah tumhara bhram hai. main to....’’

ab maikoo age aya. usane kaha-‘‘sarakar! bela ab knjaron ke dal men nahin rah sakegi.’’

‘‘to tum kya kahana chahate ho?’’ thakur sahab apane men a rahe the, phir bhi ghatana-chakr se vivash the.

‘‘ab yah apake pas rah sakati hai. bhoore ise lekar ham logon ke sng nahin rah sakata.’’ maikoo poora khiladi tha. usake samane us andhakar men rupaye chamak rahe the.

thakur ko apane ahnkar ka ashray mila. thoda-sa vivek, jo us andhakar men jhilamila raha tha, bujh gaya. unhonne kaha-

‘‘tab tum kya chahate ho?’’

‘‘ek hajar.’’

‘‘chalo, mere sath’’-kahakar bela ka hath pakadakar thakur ne ghode ko age badhaya. bhoore kuchh bhunabhuna raha tha; par maikoo ne use doosari or bhejakar thakur ka sng pakad liya. bela rikab pakade chali ja rahi thi.

doosare din knjaron ka dal us ganv se chala gaya.

bhag 3

oopar ki ghatana ko kee sal bit gaye. bela thakur sahab ki ekamatr premika samajhi jati hai. ab usaki pratishtha any kul-badhuon ki tarah hone lagi hai. naye upakaranon se usaka ghar sajaya gaya hai. ustadon se gana sikha hai. gadh ke bhitar hi usaki chhoti-si saph-suthari haveli hai. thakur sahab ki umng ki raten vahin katati hain. phir bhi thakur kabhi-kabhi pratyaksh dekh pate ki bela unaki nahin hai! vah n jane kaise ek bhram men pad gaye. bat nibahane ki a padi.

ek din ek nat aya. usane anek tarah ke khel dikhalaye. usake sath usaki stri thi, vah ghoonghat ooncha nahin karati thi. khel dikhalakar jab apani pitari lekar jane laga, to kuchh manachale logon ne poochha-

‘‘kyon ji, tumhari stri koee khel nahin karati kya?’’

‘‘karati to hai sarakar! phir kisi din dikhalaoonga.’’ kahakar vah chala gaya; kintu usaki bansuri ki dhun bela ke kanon men unmad ka ahvan suna rahi thi. pinjade ki van-vihngani ko vasant ki phooli huee dali ka smaran ho aya tha.

doosare din gadh men bhari jamaghat laga. goli ka khel jam raha tha. sab log usake hast-kaushal men mugdh the. sahasa usane kaha-

‘‘sarakar! ek bada bhari daity akash men a gaya hai, main usase ladane jata hoon, meri stri ki raksha ap log kijiyega.’’

goli ne ek dori nikalakar usako oopar akash ki or phenka. vah sidhi tan gayi. sabake dekhate-dekhate goli usi ke sahare akash men chadhaqar adrishy ho gaya. sab log mugdh hokar bhavishy ki pratiksha kar rahe the. kisi ko yah dhyan nahin raha ki stri ab kahan hai.

gadh ke phatak ki or sabaki drishti phir gayi. goli lahoo se rnga chala a raha tha. usane akar thakur ko salam kiya aur kaha-‘‘sarakar! mainne us daity ko hara diya. ab mujhe inam milana chahie.’’

sab log us par prasann hokar paison-rupayon ki bauchhar karane lage. usane jholi bharakar idhar-udhar dekha, phir kaha-

‘‘sarakar meri stri bhi ab milani chahie, main bhi....’’ kintu yah kya, vahan to usaki stri ka pata nahin. goli sir pakadakar shok-mudra men baith gaya. jab khojane par usaki stri nahin mili, to usane chillakar kaha-‘‘yah anyay is rajy men nahin hona chahie. meri sundari stri ko thakur sahab ne gadh ke bhitar kahin chhipa diya. meri yogini kah rahi hai.’’ sab log hnsane lage. logon ne samajha, yah koee doosara khel dikhalane ja raha hai. thakur ne kaha-‘‘to too apani sundar stri mere gadh men se khoj la!’’ andhakar hone laga tha. usane jaise ghabadakar charon or dekhane ka abhinay kiya. phir ankh moondakar sochane laga.

logon ne kaha-‘‘khojata kyon nahin? kahan hai teri sundari stri?’’

‘‘to jaoon n sarakar?’’

‘‘han, han, jata kyon nahin’’-thakur ne bhi hnsakar kaha.

goli nayi haveli ki or chala. vah ni:shnk bhitar chala gaya. bela baithi huee tanmay bhav se bahar ki bhid jharokhe se dekh rahi thi. jab usane goli ko samip ate dekha, to vah kanp uthi. koee dasi vahan n thi. sab khel dekhane men lagi thin. goli ne potali phenkakar kaha-‘‘bela! jald chalo.’’

bela ke hriday men tivr anubhooti jag uthi thi. ek kshan men us din bhikhari ki tarah-jo ek mutthi bhikh ke badale apana samast sanchit ashirvad de dena chahata hai-vah varadan dene ke lie prastut ho gayi. mantr-mugdh ki tarah bela ne us odhani ka ghoonghat banaya. vah dhire-dhire usake pichhe bhid men a gayi. taliyan pitin. hnsi ka thahaka laga. vahi ghoonghat, n khulane vala ghoonghat saynkalin samir se hil kar rah jata tha. thakur sahab hns rahe the. goli donon hathon se salam kar raha tha.

rat ho chali thi. bhid ke bich goli bela ko liye jab phatak ke bahar pahuncha, tab ek ladake ne akar kaha-‘‘ekka thik hai.’’

tinon sidhe us par jakar baith gaye. ekka veg se chal pada.

abhi thakur sahab ka darabar jam raha tha aur nat ke khelon ki prashnsa ho rahi thi.

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah