विजया -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

kamal ka sab rupaya ud chuka tha-sab sampatti bik chuki thi. mitron ne khoob dalali ki, nyas jahan rakkha vahin dhokha hua! jo usake sath mauj-mngal men din bitate the, raton ka anand lete the, ve hi usaki jeb tatolate the. unhonne kahin par kuchh bhi baki n chhoda. sukh-bhog ke jitane avishkar the, sadhan bhar sabaka anubhav lene ka utsah thanda pad chuka tha.

bach gaya tha ek rupaya.

yuvak ko unmatt anand lene ki badi chah thi. badha-vihin sukh lootane ka avasar mila tha-sab samapt ho gaya. aj vah nadi ke kinare chup-chap baitha hua usi ki dhara men vilin ho jana chahata tha. us par kisi ki chita jal rahi thi, jo dhoosar sandhya men alok phailana chahati thi. akash men badal the, unake bich men gol rupaye ke saman chandrama nikalana chahata tha. vrikshon ki hariyali men ganv ke dip chamakane lage the. kamal ne rupaya nikala. us ek rupaye se koee vinod n ho sakata. vah mitron ke sath nahin ja sakata tha. usane socha, ise nadi ke jal men visarjan kar doon. sahas n hua-vahi antim rupaya tha. vah sthir drishti se nadi ki dhara dekhane laga, kanon se kuchh sunaee n padata tha, dekhane par bhi drishy ka anubhav nahin-vah stabdh tha, jad tha, mook tha, hridayahin tha.

man kulata dila de-dachhami dekhane jaoonga.

mere lal! main kahan se le aoon-pet-bhar ann nahin milata-nahin-nahin, ro mat-main le aoongi; par kaise le aoon? ha, us chhaliya ne mera sarvasv loota aur kahin ka n rakha. nahin-nahin, mujhe ek lal hai! kngal ka amooly lal. mujhe bahut hai. chaloongi, jaise hoga ek kurata kharidoongi. udhar loongi. dasami-vijaya-dasami ke din mera lal chithada pahan kar nahin rah sakata.

pas hi jate hue man aur bete ki bat kamal ke kan men padi. vah uthakar usake pas gaya. usane kaha-sundari!

babooji! -ashchary se sundari ne kaha-balak ne bhi svar milakar kaha-babooji!

kamal ne rupaya dete hue kaha-sundari, yah ek hi rupaya bacha hai, isako le jao. bachche ko kurata kharid lena. mainne tumhare sath bada anyay kiya hai, kshama karogi?

bachche ne hath phaila diya-sundari ne usaka nanha hath apane hath men samet kar kaha-nahin, mere bachche ke kurate se adhik avashyakata apake pet ke lie hai. main sab janati hoon.

mera-aj ant hoga, ab mujhe avashyakata nahin-aise papi jivan ko rakhakar kya hoga! sundari! mainne tumhare oopar bada atyachar kiya hai, kshama karogi! ah! is antim rupaye ko lekar mujhe kshama kar do. yah ek hi sarthak ho jay!

aj tum apane pap ka mooly diya chahate ho-vah bhi ek rupaya?

aur ek phooti kaudi bhi nahin hai, sundari! lakhon uda diya hai-main lobhi nahin hoon.

vidhava ke sarvasv ka itana mooly nahin ho sakata.

mujhe dhikkar do, mujh par thooko.

isaki avashyakata nahin-samaj se daro mat. atyachari samaj pap kah kar kanon par hath rakhakar chillata hai; vah pap ka shabd doosaron ko sunaee padata hai; par vah svayn nahin sunata. ao chalo, ham use dikha den ki vah bhrant hai. main char ane ka parishram pratidin karati hoon. tum bhi silavar ke gahane manjakar kuchh kama sakate ho. thode se parishram se ham log ek achchhi grihasthi chala denge. chalo to.

sundari ne dridhata se kamal ka hath pakad liya.

balak ne kaha-chalo n, babooji!

kamal ne dekha-chandani nikhar aee hai. usane balak ke hath men rupaya rakh kar use god men utha liya.

sampann avastha ki vilas-vasana, abhav ke thapede se puny men parinat ho gee. kamal poorvakatha vismrit hokar kshan-bhar men svasth ho gaya. man halaka ho gaya. balak usaki god men tha. sundari pas men; vah vijaya dashami ka mela dekhane chala.

vijaya ke ashirvad ke saman chandani muskara rahi thi.

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah