नूरी -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

noori

‘‘ai; tum kaun? ‘‘......’’ ‘‘bolate nahin?’’ ‘‘......’’ ‘‘to main bulaoon kisi ko—’’ kahate hue usane chhota-sa munh khola hi tha ki yuvak ne ek hath usake munh par rakhakar use doosare hath se daba liya. vah vivash hokar chup ho gayi. aur bhi, aj pahala hi avasar tha, jab usane kesar, kastoori aur ambar se basa hua yauvanapoorn udvelit alingan paya tha. udhar kiranen bhi pavan ke ek jhonke ke sath kisalayon ko hatakar ghus padin. doosare hi kshan us kunj ke bhitar chhanakar ati huee chandani men jauhar se bhari katar chamachama uthi. bhayabhit mrig-shavak-si kali ankhen apani nirihata men daya ki—pranon ki bhikh mang rahi thin. yuvak ka hath ruk gaya. usane munh par ungali rakhakar chup rahane ka snket kiya. noori kashmir ki kali thi. sikari ke mahalon men usake komal charanon ki nrity-kala prasiddh thi. us kalika ka amod-makarand apani sima men machal raha tha. usane samajha, koee mera sahasi premi hai, jo mahabali akabar ki ankh-michauni-krida ke samay patng-sa pran dene a gaya hai. noori ne is kalpana ke sukh men apane ko dhany samajha aur chup rahane ka snket pakar yuvak ke madhur adharon par apane adhar rakh diye. yuvak bhi atm-vismrit-sa us sukh men pal-bhar ke lie tallin ho gaya. noori ne dhire se kaha—‘‘yahan se jald chale jao. kal bandh par pahale pahar ki naubat bajane ke samay maulasiri ke niche miloongi.’’ yuvak dhire-dhire vahan se khisak gaya. noori shithil charan se ladakhadati huee doosare kunj ki or chali; jaise kee pyale angoori chadha li ho! usaki jaisi kitani hi sundariyan akabar ko khoj rahi thin. akash ka sampoorn chandr is khel ko dekhakar hns raha tha. noori ab kisi kunj men ghusane ka sahas nahin rakhati thi. naragis doosare kunj se nikalakar a rahi thi. usane noori se poochha— ‘‘kyon, udhar dekh ayi?’’ ‘‘nahin, mujhe to nahin mile.’’ ‘‘to phir chal, idhar kamini ke jhadon men dekhoon.’’ ‘‘too hi ja, main thak gayi hoon.’’ naragis chali gayi. malati ki jhuki huee dal ki andheri chhaya men dhadakate hue hriday ko hathon se dabaye noori khadi thi! pichhe se kisi ne usaki ankhon ko band kar liya. noori ki dhadakan aur badh gayi. usane sahas se kaha— ‘‘main pahachan gayi.’’ ‘‘.....’’ ‘jahanpanah’ usake munh se nikala hi tha ki akabar ne usaka munh band kar liya aur dhire se usake kanon me kaha— ‘‘mariyam ko bata dena, sulatana ko nahin; samajhi n! main us kunj men jata hoon.’’ akabar ke jane ke bad hi sulatana vahan ayi. noori usi ki chhatr-chhaya men rahati thi; par akabar ki agya! usane doosari or sulatana ko bahaka diya. mariyam dhire-dhire vahan ayi. vah eesaee begam is amod-pramod se parichit n thi. to bhi yah manornjan use achchha laga. noori ne akabaravala kunj use bata diya. ghanton ke bad jab sab sundariyan thak gayi thin, tab mariyam ka hath pakade akabar bahar aye. us samay naubatakhane se mithi-mithi sohani baj rahi thi. akabar ne ek bar noori ko achchhi tarah dekha. usake kapolon ko thapathapakar usako puraskar diya. ankh-michauni ho gayi!

bhag 2

sikari ki jhil jaise lahara rahi hai, vaisa hi andolan noori ke hriday men ho raha hai. vasant ki chandani men bhram hua ki usaka premi yuvak aya hai. usane chaukakar dekha; kintu koee nahin tha. maulasiri ke niche baithe hue use ek ghadi se adhik ho gaya. jivan men aj pahale hi vah abhisar ka sahas kar saki hai. bhay se usaka man kanp raha hai; par laut jane ka man nahin chahata. utkantha aur pratiksha kitani pagal saheliyan hain! donon use uchhalane lagin. kisi ne pichhe se akar kaha—‘‘main a gaya.’’ noori ne ghoomakar dekha, lamba-sa, gaur varn ka yuvak usaki bagal men khada hai. vah chandani rat men use pahachan gayi. usane kaha—‘‘shahajada yakoob khan?’’ ‘‘han, main hi hoon! kaho, tumane kyon bulaya hai?’’ noori sannate men a gayi. is prashn men prem ki gndh bhi nahin thi. vah bhi mahalon men rah chuki thi. usane bhi paintara badal diya. ‘‘ap vahan kyon gaye the?’’ ‘‘main isaka javab n doon, to?’’ noori chup rahi. yakoob khan ne kaha—‘‘tum janana chahati ho?’’ ‘‘n bataie.’’ ‘‘bataoon to mujhe....’’ ‘‘ap darate hain, to n bataie.’’ ‘‘achchha, to tum sach batao ki kahan ki rahane vali ho?’’ ‘‘main kashmir men paida huee hoon.’’ yakoob khan ab usake samip hi baith gaya. usane poochha—‘‘kahan?’’ ‘‘shrinagar ke pas hi mera ghar hai.’’ ‘‘yahan kya karati ho?’’ ‘‘nachati hoon. mera nam noori hai.’’ ‘‘kashmir jane ko man nahin karata?’’ ‘‘nahin.’’ ‘‘kyon?’’ ‘‘vahan jakar kya karoongi? sulatan yoosuph khan ne mera ghar-bar chhin liya hai. meri man bediyon men jakadi huee dam todati hogi ya mar gayi hogi.’’ ‘‘main kahakar chhudava doonga, tum yahan se chalo.’’ ‘‘nahin, main yahan se nahin ja sakati; par shahajada sahab, ap vahan kyon gaye the, main jan gayi.’’ ‘‘noori, tum jan gayi ho, to achchhi bat hai. main bhi bediyon men pada hoon. yahan akabar ke chngul men chhatapata raha hoon. main kal rat ko usi ke kaleje men katar bhonk dene ke lie gaya tha.’’ ‘‘shahnshah ko marane ke lie?’’—bhay se chaunkakar noori ne kaha. ‘‘han noori, vahan tum n ati, to mera kam n bigadata. kashmir ko hadapane ki usaki....’’ yakoob rukakar pichhe dekhane laga. door koee chala ja raha tha. noori bhi uth khadi huee. donon aur niche jhil ki or utar gaye. jal ke kinare baithakar noori ne kaha—‘‘ab aisa n karana.’’ ‘‘kyon n karoon?’’ mujhe kashmir se badhaqar aur kaun pyara hai?’’ main usake lie kya nahin kar sakata?’’ yah kahakar yakoob ne lambi sans li. usaka sundar mukh vedana se vivarn ho gaya. noori ne dekha, vah pyar ki pratima hai. usake hriday men prem-lila karane ki vasana balavati ho chali thi. phir yah ekant aur vasant ki nashili rat! usane kaha—‘‘ap chahe kashmir ko pyar karate hon! par kuchh log aise bhi ho sakate hain, jo apako pyar karate hon!’’ ‘‘pagal! mere samane ek hi tasavir hai. phoolon se bhari, phalon se ladi huee, sindh aur jhelam ki ghatiyon ki hariyali! main is pyar ko chhodakar doosari or....?’’ ‘‘chup rahie, shahajada sahab! ap dhire se nahin bol sakate, to chup rahie.’’ yah kahakar noori ne ek bar phir pichhe ki or dekha. vah chanchal ho rahi thi, mano aj hi usake vasant-poorn yauvan ki sarthakata hai. aur vah vidrohi yuvak samrat akabar ke pran lene aur apane pran dene par tula hai. kahate hain ki tapasvi ko digane ke lie svarg ki apsaraen ati hain. aj noori apsara ban rahi thi. usane kaha—‘‘to mujhe kashmir le chaliega?’’ yakoob ke samip aur satakar bhayabhit-si hokar vah boli—‘‘bolie, mujhe le chaliega. main bhi in sunahari bediyon ko todऩa chahati hoon.’’ ‘‘tum mujhako pyar karati ho, noori?’’ ‘‘donon lokon se badhaqar?’’ noori unmadini ho rahi thi. ‘‘par mujhe to abhi ek bar phir vahi karana hai, jisake lie tum mana karati ho. bach jaoonga, to dekha jayaga.’’—yah kahakar yakoob ne usaka hath pakad liya. noori niche se oopar tak tharatharane lagi. usane apana sundar mukh yakoob ke kandhe par rakhakar kaha—‘‘nahin, ab aisa n karo, tumako meri kasam!’’ sahasa chaunkakar yuvak phurti se uth khada hua. aur noori jab tak snbhali, tab tak yakoob vahan n tha. abhi noori do pag bhi badhऩe n payi thi ki madam tatari ka kathor hath usake kandhon par a pahuncha. tatari ne kaha—‘‘sulatana tumako kab se khoj rahi hai?’’

bhag 3

sulatana begam aur badashah chausari khel rahe the. udhar pachisi ke maidan men sundariyan goten banakar chal chal rahi thin. naubatakhane se pahale pahar ki surili shahanaee baj rahi thi. nagade par akabar ki bandhi huee gati men ladaqi thirak rahi thi, jisaki dhun men akabar chal bhool gaye. unaki got pit gayi. piti huee got doosari n thi, vah thi noori. us din ki thapakiyon ne usako sahasi bana diya tha. vah machalati huee bisat ke bahar tibari men chali ayi. panse hath men lie hue akabar usaki or dekhane lage. noori ne alhadapan se kaha—‘‘to main mar gayi?’’ ‘‘too jiti rah, maregi kyon?’’ phir dakshin nayak ki tarah usaka manornjan karane men chatur akabar ne sulatana ki or dekhakar kaha—‘‘isaka nam kya hai?’’ man men soch rahe the, us rat ki ankh-michauni vali ghatana! ‘‘yah kashmir ki rahanevali hai. isaka nam noori hai. bahut achchha nachati hai.’’—sulatana ne kaha. ‘‘mainne to kabhi nahin dekha.’’ ‘‘to dekhie n.’’ ‘‘noori? too isi shahanaee ki gat par nach sakegi?’’ ‘‘kyon nahin, jahanpanah!’’ goten apane-apane ghar men jahan-ki-tahan baithi rahin. noori ka vasana aur unmad se bhara hua nrity arambh hua. usake noopur khule hue bol rahe the. vah nachane lagi, jaise jalatarng. vagishvari ke vilambit svaron men angon ke anek marodon ke bad jab kabhi vah chun-chunakar ek-do ghunghuroo baja deti, tab akabar ‘‘vah! vah!’’ kah uthata. ghadi-bhar nachane ke bad jab shahanaee band huee, tab akabar ne use bulakar kaha—‘‘noori! too kuchh chahati hai?’’ ‘‘nahin, jahanpanah!’’ ‘‘kuchh bhi?’’ ‘‘main apani man ko dekhana chahati hoon. chhutti mile, to!’’—sir niche kiye hue noori ne kaha. ‘‘duth — aur kuchh nahin.’’ ‘‘aur kuchh nahin.’’ ‘‘achchha, to jab main kabul chalane lagoonga, tab too bhi vahan chal sakegi.’’ phir goten chalane lagin. khel hone laga. sulatana aur shnahashah donon hi is chinta men the ki doosara hare. yahi to bat hai, snsar chahata hai ki tum mere sath khelo; par sada tumhin harate raho. noori phir got ban gayi thi. ab ki vahi phir piti. usane kaha—‘‘main mar gayi.’’ akabar ne kaha—‘‘too alag ja baith.’’ chhutti pate hi thaki huee noori pachisi ke samip amaraee men ja ghusi. abhi vah nachane ki thakavat se angadaee le rahi thi. sahasa yakoob ne akar use pakad liya. usake shithil sukumar angon ko dabakar usane kaha—‘‘noori, main tumhare pyar ko lauta dene ke lie aya hoon.’’ vyakul hokar noori ne kaha—‘‘nahin, nahin, aisa n karo.’’ ‘‘main aj marane-marane par tula hoon.’’ ‘‘to kya phir tum aj usi kam ke lie....’’ ‘‘han noori!’’ ‘‘nahin, shahajada yakoob! aisa n karo. mujhe aj shanhashah ne kashmir jane ki chhutti de di hai. main tumhare sath bhi chal sakati hoon.’’ ‘‘par main vahan n jaoonga. noori! mujhe bhool jao.’’ noori use apane hathon men jakade thi; kintu yakoob ka desh-prem usaki pratigya ki poorti mang raha tha. yakoob ne kaha—‘‘noori! akabar sir jhukane se man jay so nahin. vah to jhuke hue sir par bhi chadh baithana chahata hai. mujhe chhutti do. main yahi sochakar sukh se mar sakoonga ki koee mujhe pyar karata hai.’’ noori sisakakar rone lagi. yakoob ka kandha usake ansuon ki dhara se bhigane laga. apani kathor bhavanaon se unmatt aur vidrohi yuvak shahajada ne balapoorvak abhi apane ko ramani ke bahupash se chhudaya hi tha ki char tatari dasiyon ne amaraee ke andhakar se nikalakar donon ko pakad liya. akabar ki bisat abhi bichhi thi. pase akabar ke hath men the. donon aparadhi samane laye gaye. akabar ne ashchary se poochha—‘‘yakoob khan?’’ yakoob ke natamastak ki rekhaen ainthi ja rahi thin. vah chup tha. phir noori ki or dekhakar shahnshah ne kaha—‘‘to isilie too kashmir jane ki chhutti mang rahi thi?’’ vah bhi chup. ‘‘yakoob! tumhara yah ladakapan yoosuph khan bhi n sahate; lekin main tumhen chhod deta hoon. jane ki taiyari karo. main kabul se lautakar kashmir aoonga.’’ snket pate hi tatariyan yakoob ko le chalin. noori khadi rahi. akabar ne usaki or dekhakar kaha—‘‘ise burj men le jao.’’ noori burj ke tahakhane men bandini huee.

aththarah baras bad!

jab akabar ki navaratn-sabha ujad chuki thi, usake pratap ki jyoti ane-vale antim din ki udas aur dhundhali chhaya men vilin ho rahi thi, hindoo aur muslim-ekata ka utsah shital ho raha tha, tab akabar ko apane putr salim se bhi bhay utpann hua. salim ne apani svatantrata ki ghoshana ki thi, isilie pita-putr men mel hone par bhi agara men rahane ke lie salim ko jagah nahin thi. usane dukhi hokar apani janm-bhoomi men rahane ki agya mangi. salim phatehapur-sikari aya. mugal samrajy ka vah alaukik indrajal! akabar ki yauvan-nisha ka sunahara svapn—sikari ka mahal—patharili chattanon par bikhara pada tha. itana akasmik utthan aur patan! jahan ek vishvajanin dharm ki utpatti ki soochana huee, jahan us dharmandhata ke yug men ek chhat ke niche eesaee, parasi, jain, islam aur hindoo adi dharmon par vad-vivad ho raha tha, jahan sant salim ki samadhi thi, jahan shah salim ka janm hua tha, vahin apani apoornata aur khndaharon men ast-vyast sikari ka mahal akabar ke jivan-kal men hi, nirvasita sundari ki tarah daya ka patr, shrringaravihin aur ujada pada tha. abhi tak akabar ke shoony shayan-mandir men vikramadity ke navaratnon ka chhaya-poorn abhinay chal raha tha! abhi tak saray men koee yatri sant ki samadhi ka darshan karane ko ata hi rahata! abhi tak burjon ke tahakhanon men kaidiyon ka abhav n tha! sikari ki dasha dekhakar salim ka hriday vyathit ho utha. apoorn shilp bilakh rahe the. gire hue kngoore charanon men lot rahe the. apani mata ke mahal men jakar salim bharapet roya. vahan jo ine-gine das aur dasiyan aur unake daroge bach rahe the, bhikhamngon ki-si dasha men phate-chithadon men usake samane aye. sab samadhi ke lngarakhane se bhojan pate the. salim ne samadhi ka darshan karake pahali agya di ki tahakhanon men jitane bandi hain, sab chhod diye jayn. salim ko maloom tha ki yahan koee rajanitik bandi nahin hai. durgandh se sane hue kitane hi nar-knkal sant salim ki samadhi par akar prasannata se hichaki lene lage aur yuvaraj salim ke charanon ko choomane lage. unhin men ek noori bhi thi. usaka yauvan karagar ki kathinaiyon se kuchal gaya tha. saundary apane do-char rekha-chihn chhodakar samay ke pnkhon par baithakar ud gaya tha. sab logon ko jivika bntane lagi. lngarakhane ka naya prabandh hua. usamen se noori ko saray men aye huye yatriyon ko bhojan dene ka kary mila. vaishakh ki chandani thi. jhil ke kinare maulasiri ke niche kaualon ka jamaghat tha. log masti men jhoom-jhoomakar ga rahe the. ‘‘mainne apane priyatam ko dekha tha.’’ ‘‘vah saundary, madira ki tarah nashila, chandani-sa ujjval, tarngon-sa yauvanapoorn aur apani hnsi-sa nirmal tha.’’ ‘‘kintu halahal bhari usaki apangadhara! ah nirday!’’ ‘‘maran aur jivan ka rahasy un snketon men chhipa tha.’’ ‘‘aj bhi n jane kyon bhoolane men asamarth hoon.’’ ‘‘kunjon men phoolon ke jhuramut men tum chhip sakoge. tumhara vah chir vikasamay saundary! vah digantavyapi saurabh! tumako chhipane dega?’’ ‘‘meri vikalata ko dekhakar prasann hone vale! main balihari!’’ noori vahin khadi hokar sun rahi thi. vah kaualon ke lie bhojan livakar ayi thi. gadhe ka payajama aur kurta, us par gadhe ki odhani. udas aur dayaniy mukh par nirihata ki shanti! noori men vichitr parivartan tha. usaka hriday apani vivash paradhinata bhogate-bhogate shital aur bhagavanh ki karuna ka avalambi ban gaya tha. jab sant salim ki samadhi par vah baithakar bhagavanh ki prarthana karati thi, tab usake hriday men kisi prakar ki sansarik vasana ya abhav-abhiyog ka yog n rahata. aj n jane kyon, is sngit ne usaki soyi huee manovritti ko jaga diya. vahi maulasiri ka vriksh tha. sngit ka vah arth chahe kisi agyat lok ki param sima tak pahunchata ho; kintu aj to noori apane snketasthal ki vahi ghatana smaran kar rahi thi, jisamen ek sundar yuvak se apane hriday ki baton ke khol dene ka rahasy tha. vah kashmir ka shahajada aj kahan hoga? noori ne chanchal hokar vahin thalon ko rakhava diya aur svayn dhire-dhire apane uttejit hriday ko dabaye hue sant ki samadhi ki or chal padi. sngamaramar ki jaliyon se tikakar vah baith gayi. samane chandrama ki kiranon ka samaroh tha. vah dhyan men nimagn thi. usaki nishchal tanmayata ke sukh ko nasht karate hue kisi ne kaha—‘‘noori! kya abhi saray men khana n jayaga?’’ vah savadhan hokar uth khadi huee. lngarakhane se rotiyon ka thal lekar saray ki or chal padi. saray ke phatak par pahunchakar vah nirashrit bhookhon ko khoj-khoj kar rotiyan dene lagi. ek kothari ke samip pahunchakar usane dekha ki ek yuvak tooti huee khat par pada karah raha hai. usane poochha—‘‘kya hai? bhaee, tum bimar ho kya? main tumhare lie kuchh kar sakati hoon to batao.’’ ‘‘bahut kuchh’’—toote svar se yuvak ne kaha. noori bhitar chali gayi. usane poochha—‘‘kya hai, kahie?’’ ‘‘pas men paisa n hone se ye log meri khoj nahin lete. aj savere se mainne jal nahin piya. pair itane du:kh rahe hain ki uth nahin sakata.’’ ‘‘kuchh khaya bhi n hoga.’’ ‘‘kal rat ko yahan pahunchane par thoda-sa kha liya tha. paidal chalane se pair sooj aye hain. tab se yon hi pada hoon.’’ noori thal rakhakar bahar chali gayi. pani lekar ayi. usane kaha—‘‘lo, ab uthakar kuchh rotiyan khakar pani pi lo.’’ yuvak uth baitha. kuchh ann-jal pet men jane ke bad jaise use chetana a gayi. usane poochha—‘‘tum kaun ho?’’ ‘‘main lngarakhane se rotiyan bantati hoon. mera nam noori hai. jab tak tumhari pida achchhi n hogi, main tumhari seva karoongi. rotiyan pahunchaoongi. jal rakh jaoongi. ghabarao nahin. yah malik sabako dekhata hai.’’ yuvak ki vivarn ankhe prarthana men oopar ki or uth gayin. phir dirgh ni:shvas lekar usane poochha—‘‘kya nam batalaya? noori n? ‘‘han, yahi to!’’ ‘‘achchha, tum yahan mahalon men jati hogi.’’ ‘‘mahal! han, mahalon ki divaren to khadi hain.’’ ‘‘tab tum nahin janati hogi. usaka bhi nam noori tha! vah kashmir ki rahane vali thi.’’ ‘‘usase apako kya kam hai?’’—man-hi-man kanp kar noori ne poochha. ‘‘mile to kah dena ki ek abhage ne tumhare pyar ko thukara diya tha. vah kashmir ka shahajada tha. par ab to bhikhamnge se bhi....’’ kahate-kahate usaki ankhon se ansoo bahane lage. noori ne usake ansoo ponchhakar poochha—‘‘kya ab bhi usase milane ka man karata hai?’’ vah sisakakar kahane laga—‘‘mera nam yakoob khan hai. mainne akabar ke samane talavar uthayi aur lada bhi. jo kuchh mujhase ho sakata tha, vah kashmir ke lie mainne kiya. isake bad vihar ke bhayanak tahakhane men bediyon se jakada hua kitane dinon tak pada raha. suna hai ki sultan salim ne vahan ke abhagon ko phir se dhoop dekhane ke lie chhod diya hai. main vahin se thokaren khata hua chala a raha hoon. hathakadiyon se chhootane par kisi apane pyar karanevale ko dekhana chahata tha. isi se sikari chala aya. dekhata hoon ki mujhe vah bhi n milega.’’ yakoob apani ukhadi huee sanson ko snbhalane laga tha aur noori ke man men vigat kal ki ghatana, apane prem-samarpan ka utsah, phir us manasvi yuvak ki avahelana sajiv ho uthi. aj jivan ka kya roop hota? asha se bhari snsar-yatra kis sundar vishram-bhavan men pahunchati? ab tak snsar ke kitane sundar rahasy phoolon ki tarah apani pnkhudiy़an khol chuke hote? ab prem karane ka din to nahin raha. hriday men itana pyar kahan raha, jo doongi, jisase yah thoonth hara ho jayaga. nahin, noori ne moh ka jal chhinn kar diya hai. vah ab usamen n padegi. to bhi is dayaniy manushy ki seva; kintu yah kya! yakoob hichakiyan le raha tha. usaki pukar ka santosh-janak uttar nahin mila. nirmam-hriday noori ne vilamb kar diya. vah vichar karane lagi thi aur yakoob ko itana avasar nahin tha! noori usaka sir hathon par lekar use litane lagi. sath hi abhage yakoob ke khule hue pyase munh men, noori ki ankhon ke ansoo tapatap girane lage!

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah