उर्वशी -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

vilasat sandhy divakar ki kiranain mala si.
prakriti gale men jo khelati hai banamala si..
tung lasain girishring bharyo kanan tarugan te.
jinake bhuj main arujhi pavanahoo chalat jatan te..
nirbhay au svachchhand jahan pai khag mrig dolat.
kari nana vidhi khel mel manamane bolat..
kal-kal-nadini svachchh sudha saritahoo sohai.
giri ke garai lagi si jo ati man ko mohai..
barasat amit amand anal sukhama chahu orain.
vikasat kusuman chitai titai madhukar gan daurain..
kahoon nikunjan men koojat kokil kalabani.
papiha karat pukar kahu ko agam jani..
kahoon lol latika par niratat madhukaragan juri.
manju manjari te barasat makarand gandh bhari..
malayanil lahi nav mallika paragahi sukh son.
bahat sada amod sahit va ban ke rukh son..

aise ramanik udyan-pradesh ke ghane kanan men ek chhoti-si pahadi par khada ek tejasvi yuvak vanasthali ki sandhy shobha dekh raha hai. soory ki sunahali kiranen usake mani-mandit kirit aur svarn kavach par rah-rahakar chamak uthati hain. mrigaya se thake hue yuvak ko, chid ke bade vrikshon ki ghani chhaya men aye abhi der nahin huee hai. usake kale balon ke lachchhe abhi shramavindu baha rahe hain. yuvak bar-bar balon ko vishal bhal se hatata hua shramavindu ponchh raha hai. dhili pratyancha karake dhanush ko ek vriksh se tika diya hai. thodi door par ek prakand ashv hari-hari doob char raha hai. akasmath ramani-kanth ki krandan-dhvani sun padi. sunate hi art-tran-parayan ary yuvak ka hriday veg se bhar utha. yuvak usi shabd ki or chalate hue bola-‘sugriv’. snket sunate hi ashv bhi pichhe chala.

kuchh door jane par dekha, jharane ke kinare ek sundari-

dhari komal kar kamal mukh, pag jal bich lalam.
thal jal kamal ikatr kari, baithi shobha dham..
nain bhare mad kai lasain pyale madhu paripoor.
gandh vidhur ali pootari, manahun nase men choor..
sarad chand ki chandani, saurabh aur suhag.
meli banayo ang ko, nav aravind parag..
sodhen saroj ki mal si charu anng bhare ang hain arasohain.
dol kapolan pai arunaee amand chhata sukh ki sarasohain..
diragh kanj se lochan mate rasile unide kahook lajauhain.
chhootat ban dhare kharasan chadhi rahain kam kaman si bhauhain.
jehi chitavat chit jat, bat sune bisarat sabai.
naval lata se gat, phansi sakai jo tarun ko..

yuvak us naisargik saundary-sagar se tatasth nahin rah saka. samip jakar poochha-‘‘shubhe! yahan koee pidit stri thi? jisaka krandan sunakar main yahan aya hoon.’’

sundari ne saral bhav se kaha-‘‘bhadr! yahan to aur koee nahin hai. main hi yahan par kuchh ghana kanan dekh kar chhaya sevan kar rahi thi. chhaya men mujhe vyakti ka bhram hua. strijan-sulabh bhay se akrant hokar main hi chikh uthi thi. kshama kijie, apako kasht hua. apake ane se raha-saha bhay bhi door hua.’-itana kahakar yuvati ne yuvak ki shaury-vyanjak madhur moorti ko nirnimesh dekh kar ek smit kataksh kiya.

yuvak ne vichalit hokar kaha-‘‘achchha, ab main jata hoon.’’

bhag 2

udyan-desh ki ramanik shail-mala, ayryavart ki uttar-sima ke phal-phool se lade hue kanan ki shobha, kis netr ko chakit nahin karati. mrigayavihari yuvak raja pururava mugdh hokar ek shilakhand par baithe hue vanashri dekh rahe hain. mrigashavakon ke samip a jane par bhi bhayanak dhanush ki pratyancha dhili padi hai.

chandroday hua. phir vahi sundari, vanadevi ki tarah manthar gati se usi jharane ke samip aee, jahan pururava baithe hain. ab sundari ke hath men ek chhoti-si vina bhi hai. sath men do sundar meshashavak bhi hain, jo kabhi us yuvati ke age, kabhi pichhe, kabhi usake chinanshuk ko khinchakar prem jata rahe hain. donon paraspar saundary ka anubhav karane lage.

suman hot sundar chhavi dham.
nain tahan pavat vishram..
kar chanchal n akaran hoy.
parasi prasann hot sab koy..
'suman n chhooo kathin kar', kason kahiye jay.
inako saurabh door te, paras pay kumhilay..

shant sandhya, nirjan pradesh; prakriti ki saloni chhata aur tis par do udvegapoorn hriday! bhala kaise sthir rah sakate hain? sundari ne chanchal pavan se andolit apane vasanon ko samhalate hue kaha-‘‘bhadr! yadi ap thodi der ke lie mere pyare mesh-shavakon ko samhalen, to main apana vasan samhal loon, phir inhen jal pila doon. aha! mere bachche pyase hain. main apaki anugrihit hoongi. uhn, is pavan ne to mujhe aur bhi vyast kar rakha hai.’’

"sanyo sved parag son vasi manju madhavi kunj.
lalit beli knpai, mudabhari hiye madhukar punj..
milit parimal parasi hiy ko det anand poori..
basan det uday barasat hai kusum kar dhoori.."

sundari ne is svatantrata se apane ye asnyat vaky kahe ki yuvak-hriday spandit ho chala. pururava ne socha ki is yuvati ka kaisa pragalbh aur poorn vyavahar hai? ghrinit snkoch chhoo nahin gaya hai. kshanik vichar ne pururava ko snsar bhar ki ramaniyon ke samane us sundari ko uttam pramanit kar diya, aur ekaek vah navin hriday-pragalbha ramani ke roop aur bhav se bhar gaya. yuvak ne mantr-mugdh hokar kaha-‘‘sundari! tumhari is agya ko main saharsh svikar karata hoon.’’

vijayini ne hnsakar kaha-‘‘hamane in donon ko bachchon ki tarah pala hai. kya manushy hi ke bachche sundar hote hain? kya ye pyar karane ke yogy nahin hain? hamare desh ke sab meshashavak aise hi komal aur sundar hote hain.’’

pururava ne agrah se ek meshashavak ko god men baitha liya. shila-khand par vina rakhakar sundari doosare ko jal pilane lagi. sundari ne pururava par kshan-bhar men adhikar kar liya.

chir parajit manuj, kahu re kaun sukh ki as?
det sarabas saunpi, in chir vijayini gan pas.
jinhain keval hai vinod aher ko dinarain,
kadhi़ komal let hiy nij nain ko kari pain..
tahi nij kar men nirakhi hnsi karat vijay prakas,
pheri phenkat tahi ko jo sahat sahit hulas.
be nisane tir unake dhari amit anand,
nij vilas vinod bas je karat ketik chhand..

pururava ne kaha-‘‘sundari! tumhara parichay prapt karane ke lie chitt chanchal ho raha hai.’’

ramani ne kaha-‘‘chitt chir chanchal hai. usi ki gati rokane ke lie gandharv desh se chalakar sima kanan men chali aee hoon. main gandharv-kumari hoon. mujhe log apsara urvashi kahate hain.’’

meshashavak jal pi chuke the. gandharvakumari pururava ke samip hi shila-khand par baith gayi. akritrim vibhram se usane kahana arambh kiya-‘‘sundar yuvak, kya tumhin is desh ke raja ho? jaisa ki tumhara yah mani-jatit dhanush aur svarn kirit batala raha hai. mainne apane desh men suna tha ki aryavart ke rajakumaron men pururava-sa balashali aur sundar koee nahin hai. kya tumhari mukhashri tumhare pururava hone men sandeh dilati hai? nahin. mainne socha tha ki tumhen dekhane ke lie shailamala se utarakar door jana padega; par tum mujhe yahin mile. sachamuch tumhen dekhane ke lie parishram karana vyarth n tha. sundar rajakumar! mevon se lade hue, phoolon se khile hue gandharvadesh ke kanan men vina bajate hue, mujhe aisa dhyan hota tha ki mere janm ka uddeshy hriday ki prabal vasana ki tripti aryavart ke kisi prant men hai. priy! kaho, bolo, meri shnka door karo! nahin n karana.’’

pururava-‘‘gandharvakumari! tumane thik socha. main hi pururava hoon. mrigaya ke lie apani uttar-pashchim sima ke kanan men chala aya hoon. kintu sundari, tum akeli kyon ho? kaise yahan a gayi?’’

‘‘rajan! mera desh, prakriti ka ramaniy udyan hai. main usamen vina bajati huee svatantr ghooma karati hoon. desh ke raja ka dauratmy badha dekhakar aur tumhari roop-katha sunakar, mujhe idhar chale ane ka sahas hua! rajan! kya main samany nartaki hone yogy hoon? main kya doosaron ke vilas ki samagri banoongi? kya mere hriday men apana kuchh nahin hai? kya vah doosaron se kam hai?’’-kahate-kahate urvashi ke mukh par bhishan sundarata jhalakane lagi.

pururava-‘‘kya tum dustar shail-marg men bhayabhit nahin huee.’’

urvashi-‘‘rajakumar! striyon ko bhay kahan. us samay mera krandan aparichit hone ke karan tumhen bulane ka bahana tha. aur hamare yahan ke draksha men ras adhik hota hai. ras men madakata badi tivr hoti hai. aur main jise apane hath se dene lagoon, vah jab tak bolane ki samathry rahe, nahin nahin kar sakata. samajhe.’’

pururava ne dekha ‘bhayanak saundary’, hriday ab nahin samhal sakata. vyakul hokar kaha-‘‘sundari! kya meri seva svikar hogi?’’

yuvati ab poorn vijay pa chuki thi. ab usaki pariksha aur bhog ka samay aya. hnsakar boli-‘‘rajanh , smaran rahe ki meri svatantrata nahin chhini ja sakati. tumhara vistrit rajy hai. meri ichchha tumhen dekhane ki thi, so dekh liya. dekho, tumhara bhayanak dhanush kisi kam ka nahin. ab tumhare oopar daya ati hai. jao, apsari ke pher men mat pado. main bhi tumhare roop aur shil ka git vina par gati aur bajati huee chali jaoongi.’’

pururava ne vyagr hokar kaha-‘‘priye! ab daya ki avashyakata nahin. ab tumhara sath main nahin chhod sakata.’’

urvashi ne is bat ko anasuni karake gana arambh kar diya. vina bajane lagi.

tumhari sabahi nirali bat.
pharakat rahat milan asha men palakan men n samat.
roop sudha saravar ki saphari basat nahin dinarat;
pyase hi tu rahat nain tum yah kaisi hai bat?
dekhat hi dekhat din bitat tu n nek aghat;
pyaso pay pivat hai moorakh dooban ko nahin jat.

akash ke jharokhe se andhakar ka parda hatakar surasundariyon ki tarah taragan jhankane lage ki chandrama aj kyon itana hns raha hai?

bhag 3

pramod bhari ye supadmini vrind bhari makarand lagi lalachan.
chitaun lagi nij pitam or rahyo nahin dhir chhutyo sakuchan.
viyogini pit kapol son chandrakala ab ses lagi darasan.
parag ke punj se dhoosar ang kali ras laike karain gan.
pyari oosha ke sukesh kalap men sohat bhooshan kaindhon mani ko.
kai rati kamini ko bharayo lal su hala te pyara hai nilamani ko.
prachi disha barabal ke bhal men lagyo gulal ko mngal tiko..
kheli ke hori nishnk nisha te maynk kadhyo hulasaikai ji ko.

marichimali apani svarnamayi dharaon se dhara ko sinchane lage hain. sukhad samir apani manthar gati se girishringon tatha vrikshon par padati huee bhuvanabhaskar ki kiranon ko vichalit karane ka udyog kar raha hai. kusumit dalon par baithe hue pakshigan apane mridul kanth se prabhat ka yashogan kar rahe hain.

navayauvan, navin samagam men pulakit, bhog men doobe hue, vilas-sagar men tairate hue, ek-doosare ke sahare jharana ke tat par baithe hue pururava aur urvashi hnsati huee srishti ka anand le rahe hain. urvashi ke samane chune hue phoolon ka dher hai. pururava use uthakar dete hain, vah un phoolon se ek sundar mala goonth rahi hai. mala banane par urvashi ne use pururava ko pahana diya. prasannata karate hue unhonne us mala ko urvashi ke gale men pahanana chaha, kintu usane pahanane men apani anichchha prakat ki. pururava virakt hue. kabhi kunjon men, kabhi shringon par, kabhi jharane par, varsha, sharadh aur vasant ki manohar ratriyon men urvashi ka kusum shrringar karate hue pururava ne barason bita diye. aj tak donon ki ichchha ek thi. ek ke chitt men kisi kary karane ki prerana hoti, jo doosare ke manonit hota. usi ekagr vritti men thokar lagane ka yah pahala avasar hai. phir bhi pururava ne kaha-‘‘priye! yah mala tumhare gale men badi sundar maloom hogi, pahin kyon nahin leti ho?’’

urvashi ne kaha-‘‘vastu ke sundar hone hi se ham use gale lagane ko badhy nahin hain.’’

pururava ne uttejit hokar kaha-‘‘to phir ham ise nadi men phenk dete hain. jab tumhen pahanana hi nahin tha to itane parishram se mala banane ki kya avashyakata thi?’’

urvashi ne hnsakar kaha-‘‘phoonlon ko sundar dekhakar ikaththa kiya. unaka upayog karane ke lie mala banaee. phir dhyan men aya ki mala tikaoo nahin hai. phool chhoone se kumhilate hain, unamen kit hote hain, use main pahanakar kya karoongi. tumhen pahana diya, kyonki phool dal men hi achchhe maloom hote hain.’’

pururava apratibh-se ho gaye. unaka vah sab sundar lilamay bhav tirohit ho chala. urvashi yah dekhakar hnsi aur usane mala lekar apane gale men pahan li. kshanik kalah ke bad prem ka nootan snskaran unhen bada manoram maloom hone laga.

bhag 4

shail shring ko parasi megh mandali suhavai ;
kari gambhir ninad navin mridng sunave.
hari bhee sab bhoomi hare taruvaragan sohain;
hari latayen lapati tarun te man ko mohain.
sukhad suhavan lagat atihi praphulit dhan kanan;
shital bahat samir aho parasat jo pranan.
badhi kanti jag bich yuva hvai prakriti dikhani;
khile kusum ke mis manahun sundari musukyani.

manohar gupha pahadi men premi ki tarah hriday khole baithi hai. draksha ki lata use ghere hai. shilpi ke hathon se bane hue chitrit rngamahal men bhi varsha ka aisa sukh nahin mil sakata, jaisa ki yah parvatiy gupha de rahi hai. pururava ekatak us parvatiy pavas ki shobha dekh rahe hain. hriday kuchh anamana hai. urvashi ke hath men vina hai, jo surili baj rahi hai. aur urvashi ki kokil-kanth-dhvani bhi usase milakar apoorv saman bandh rahi hai.

hiyo yah bhayo nadi barasati,
umadi padyo kul-kool chhodiqe bhoole sabai snghati.
nisadin beg badhyo bahibe ko hauns n hiye samati
lapati tarun te patit kiyo vah vikal bhayo lagi chhati.
payo sukh n malinata badhi vahi divas vahi rati.
bhavasagar ke prabal lahar men dhara nitahi samati. hiyo..

akasmath gandharv-kumari chaunk padi. vina usake hath se chhoot padi. pururava ne dekha, to samane ek gandharv yuvak chala a raha hai! yuvak ke hriday ka veg usake mukh par lakshit ho raha hai. yuvak sidha urvashi ke samane akar khada ho gaya, aur parnasamput men se ek vanyakusum ki mala nikal, bina ruke hue urvashi ko pahana di, aur bola-‘‘ah! urvashi! kitane dinon par tumhen dekh paya. aisi malaen main kahan nity tumhen pahanata tha, kahan tumhen khojate-khojate mere pairon men chhale pad gaye. nirday! aj ki mala bade chav ki van-phoolon se bani huee tumhen arpan karata hoon. kya yah svikar hogi.’’

pururava ne priya ke nilendivar netron ko tamaras roop dharan karate hue dekhakar apaman samajha. usi kshan tadillata ke saman asi ko koshadhan se bahar karake kadakakar kaha-‘‘abodh yuvak! too kaun hai jo apani mrityu ko ap hi bulata hai?’’

urvashi ki or dekhate hue hnsakar yuvak gandharv ne kaha-‘‘ah! kya ap hi yamaraj hain? itana krodh karane ka karan kya hai?’’

pururava ne kaha-‘‘tumhen mala pahanane ka kya adhikar tha? kya yah tumane ramani ka apaman nahin kiya?’’

yuvak ne kaha-‘‘phoolon ki mala se to urvashi ko moochrchha nahin a sakati. aur main to aisi mala nity pahanata tha. kyon urvashi! kya isamen tumhara apaman hua?’’

urvashi se is tarah baten karate hue dekhakar pururava apane krodh ko snvaran nahin kar sake. ‘‘savadhan’’ kahate hue asi-praharodyat ho gaye. yuva bhi sridridh hast men asi grahan karake yuddh men sannaddh hua. ghat-pratyaghat hone lage.

bhare krodh jal jalad yug, bhirat karat aghat;

bijjulata si asi yugal, lapati-lapati chhuti jat.

aryavir ke prabal hathon ka veg gandharvayuvak sahan nahin kar saka. kandhe par gahara hath baithane par vah gir pada. urvashi se ab nahin raha gaya. ‘‘bechara keyoorak!’’ kahakar use uthane lagi. talavar ponchhate hue pururava virakt hokar vahan se chal pade. shighrata ke karan samip ke meshashavak ka dhyan n raha. pair se usaki poonchh dab gayi. shavak chilla utha. kuchh dhyan n karake pururava chale gaye. gandharvabala ka unnat hriday tivratar ho gaya. vah keyoorak ka ghav dhone lagi.

pururava ko shail-shilaen komal ya kathor nahin maloom hoti hain. jidhar pair uthata hai, udhar chale ja rahe hain. meghamandali-mandit ek oonche shring par, jahan se indradhanush nikala hua hai, ek sundari ka sajiv chitr dikhaee pada. dhire-dhire usaki svar-lahari goonjane lagi-

‘‘kyon birag dharat anuragi milo bhayo sukh kyon tyagai?
kha le pi le mauj mana le moh nind te kyon jagai?
suman kunj men vina sundar mukh jo prem sahit bolai;
moorakh hai jo svapn lok hit tahi chhabine kau dolai.

pururava ka hriday kuchh naram ho chala. ve palate. dekha to apane parvatiy prakoshth men gandharv-kumari baithi hai. usaka kaushey vasan ast-vyast hai. kuntal bikhare hue hain. pururava pas baithakar use sulajhane lage.

aj draksha-mandap men gandharvabala pushpabharan-bhooshita hokar baithi hai. hath men chhoti vina hai. keyoorak ke ghav achchhe ho chale hain. vah bhi samane baitha hai. urvashi ki or dekh kar nishvas lekar bola-‘‘priye! shaishav-sahachar ko kya tum aisa bhool jaogi? kya tumhen kuchh daya nahin hai?’’

‘‘he ras megh n dravat vari kyon mit;
ashalata nirakhi ham hot sabhit.
tohi n avat daya suhiya kathor;
birah tapavat angahi nishi aru bhor.
prem-tirth men karike majjan asu ;
bhaye tript nahin ajahoon, bujhi n pyas.’’

urvashi ne vina par thokar marate hue usi chhand men gana arambh kiya-

‘‘are pathik yah soee upavan kunj;
jamen bhooli dharai nahin pag alipunj.
chitr kalpane! alisam mat gunjar;
yahin taru men nahin hot sukusumit dar.
chandr vahai, yah ahai lakhai n chakor;
kumudini bikasit hoy n lakhi yahi or.
yah vah chumbak ahai jo nij te daur;
lapatat loha ke sng ati barajor.
alnkar yah vahai rahai dhuni hin;
yah vah nav ras ahai ju sab ras chhin.
yadi upavan men rahai pavan kahun nahin;
ya marut ke lage kali murajhahin.
priyahin chahai to sikhai nehu suniti;
sukh du:kh sabahi sahai lahai tab priti.
pathik dhir dhari chaliye path ati door;
hvai katibaddh sada saneh men choor.’’

git band ho chuka hai ; kintu svaralahari abhi goonj rahi hai. nirnimesh keyoorak aur urvashi anyony dekh rahe hain. pururava ne vahan akar is navin lila ko dekha. keyoorak ko dekhate hi talavar apane kosh men jhanajhana uthi; par hriday ne use rok diya. pururava ne kaha-‘‘urvashi! aj to adh‌bhut roop hai. aur, saman bhi sab naye hain. tumhari yah chhata! yugal jodi ki manohar lila darshaniy hai.’’

urvashi tanakar khadi ho gee. kaha-‘‘han rajakumar! yah mera shaishav sahachar hai. ek din main ise chahati thi. aj yah tumhare hathon se ahat hua hai, to kya main isaki thodi-si shushrusha bhi nahin kar sakati. saikadon bar isane mere liye apane pranon ki bazi laga di hai.’’ kahate-kahate urvashi ka kanth-svar sabal ho chala. phir kar usane keyoorak se kaha-‘‘keyoorak, tum yahan se hat jao.’’ mantramugdh ki tarah keyoorak vahan se chala. pururava vahin baith gaye. urvashi bhi thodi der men uthakar samip ke aram men chali gee.

pururava usi draksha-mandap men baithe hain. bhayanak dhanush ki pratyancha dhili ho gee hai, bechari ki kaun khoj kare. pururava ko abhi tak urvashi ke balon ke sulajhane se avasar hi nahin mila. varsha ki ratri ne apana adhikar dhire-dhire phailaya. pururava ke bhitar bhi andhera hai aur bahar bhi; unhen parinam chintavyagr kiye hai. apsara urvashi ke pher men pade hue pururava ko ab nikalana dustar hai. abhi tak vah inaki vasana ke pratyek veg ko saralata se ek or baha deti thi. pururava ko unaki avastha sachet kar rahi hai, phir bhi ve lachar hain. garvit-hriday ko ekadhipaty se vanchit hone ka anubhav hone laga. phir bhi ve sukh ki asha men hriday ko sukhane lage. jyon-jyon antaratma virakt hone lagi, apane anand men vishvas ghatane laga. lalasa badhऩe lagi. ab unhen bnk bhaunh vali apsara urvashi ko apane vash men rakhane ki utkantha vyagr kiye hai. vichar karate-karate nishithini aur gadhi nilima men rng gee.

akasmath urvashi daudi aee aur boli-‘‘is bhiru manushy ke bharose main mari gee. ab main kya karoon?’’

pururava uth khade hue aur bole-‘‘bat kya hai? sunoon bhi?’’

urvashi ne kaha-‘‘mere pyare bachche.....’’

shighrata se pururava bole-‘‘han han, to unhen kya hua?’’

urvashi ne sisakate hue kaha-‘‘gandharv keyoorak donon ko utha le gaya.’’

pururava ne poochha-‘‘vah kidhar gaya?’’

urvashi ne jidhar snket kiya, talavar khinchakar pururava udhar hi chal pade.

uttariy parvaton ka prabhat, oosha ki aspasht moorti, pururava ke ramanik vilas-kanan men aj kuchh adh‌bhut pratit hoti hai. chinta-jagaran se urvashi ki alas-kalit chhata darshaniy hai, prabhat-kalpa rajani ki tarah vah bhi kshin-prabha ho rahi hai. phir bhi kabhi-kabhi antarik bhavon se usaka mukh prachi ki tarah araktim ho jata hai.

apani vina bajakar vah gane lagi-

‘‘madhukar! bit chali ab rat,
shishir kalit yah kundakali hoon, phooli n ang samat.
ab to chhod du:kh gunjaran avasar ki sab bat;
asha arun kiran mala si prachi men darasat.’’

vipanchi svar men mohit mrig ki tarah pururava a pahunche, unhen dekhate hi urvashi ne poochha-‘‘mile?’’

udas hokar dhanush aur toonir phenkate hue pururava ne kaha-‘‘abhi tak nahin.’’

abhi ve baithe bhi nahin the ki urvashi tamakakar khadi ho gee, aur boli-‘‘achchha, to ab main hi jati hoon, keyoorak aur apane pyare bachchon ko khoj loongi?’’

pururava ne kaha-‘‘kya mujhase bhi ve mesh-shavak pyare hain? jo tum unake lie mujhe chhodakar chali jaogi?’’

urvashi ne dridh hokar kaha-‘‘main to unhen dekhe bina nahin rah sakati. avashy jaoongi.’’

‘‘samujh lee sab bat, prem niti nibahi bhali.

aur n kije ghat, kari suni ki hi kari.’’

pururava ne gadgadh kanth se kaha-‘‘kya mere aur tumhare prem ka yahi parinam tha?’’

urvashi ne gambhir hnsi ke sath kaha-

‘‘dipak aur patng ke, prem kiye phal kaun?
jari nij jarat pas men, avat aurahun jaun.’’

aur bhi-

‘‘neh jaravat duhun ko, dipak aur patng;
jaribo aur jaraibo, yahi rahat umng.

pururava ne vyakul hokar-‘‘kya tumhen mere prem ka vishvas nahin? tikhi sura ki tarah tumhari chah ‘‘aur lao’’ ki pukar macha rahi hai, bhala tumhari tripti kaise ho?’’

urvashi ne kaha-‘‘tumhen dhokha hua, aur meri bhool thi. mainne samajha ki tumhen manonukool bana loongi aur tumhen prem ka lalach tha.’’

pururava ne kaha-‘‘gandharv kumari! hamane tumhen bade pyare adhe gaye hue git ki tarah smaran kiya hai.’’

urvashi ne tikhepan se kaha-‘‘use bhool jao.’’

ni:shvas lete hue pururava ne kaha-‘‘jivan ki pahali garmi men tumhen himajal ka patr samajha tha.’’

‘‘vah bhram tha’’-usi svar men urvashi ne kaha.

pururava ne uttejit hokar kaha-‘‘to yah bhram sada ke lie phailega. kitani kumari aur kumaron ka isase nash hoga.’’

urvashi aur tan gee aur boli-‘‘yah to hovega hi. main to pahale hi kah chuki hoon ki main svatantr hoon. isi svatantrata ko chhinane ke lie age chalakar anek kathor niyam banenge, bade-bade pralobhan aur badi-badi dhamakiyan hongi, phir bhi yah hamara dal bana rahega aur svatantr rahega. main bhi svatantr rahoongi. mere pichhe n pado. ham logon ka hriday bhediyon se bhi bhayanak hai. ab jao, rajy men bahut se sukh tumhari asha men hain.’’

pururava ne usaka hath pakadakar kaha-‘‘nirday, nishthur, kya yahi pranay-parinam hai.’’

urvashi jhatake se hath chhudakar moh-nisha ki tarah chali gee. andhakar ki tarah keshabhar pichhe pade the. pururava ne kshanik vyamoh ke bad dekha ki bhagavanh bhuvan-bhaskar arun rag se sari dhara ko plavit kar rahe hain. prakriti sushamasaheli ko sath lekar makarand aur phoolon ka argh de rahi hai. pururava sab bhool gaye. unaka hriday, bhitar bhi usi alok se alokit ho gaya. vishvabhar us saundary se bhar utha.

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah