आकाशदीप -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

‘‘bandi!’’

‘‘kya hai? sone do.’’

‘‘mukt hona chahate ho?’’

‘‘abhi nahin, nidra khulane par, chup raho.’’

‘‘phir avasar n milega.’’

‘‘bada shit hai, kahin se ek kambal dalakar koee shit se mukt karata.’’

‘‘andhi ki sambhavana hai. yahi avasar hai. aj mere bandhan shithil hain.’’

‘‘to kya tum bhi bandi ho?’’

‘‘han, dhire bolo, is nav par keval das navik aur prahari hain.’’

‘‘shastr milega?’’

‘‘mil jayaga. pot se sambaddh rajju kat sakoge?’’

‘‘han.’’

samudr men hiloren uthane lagin. donon bandi apas men takarane lage. pahale bandi ne apane ko svatantr kar liya. doosare ka bandhan kholane ka prayatn karane laga. laharon ke dhakke ek-doosare ko sparsh se pulakit kar rahe the. mukti ki asha-sneh ka asambhavit alingan. donon hi andhakar men mukt ho gaye. doosare bandi ne harshatirek se usako gale se laga liya. sahasa us bandi ne kaha-‘‘yah kya? tum stri ho?’’

‘‘kya stri hona koee pap hai?’’-apane ko alag karate hue stri ne kaha.

‘‘shastr kahan hai-tumhara nam?’’

‘‘champa.’’

tarak-khachit nil ambar aur samudr ke avakash men pavan oodham macha raha tha. andhakar se milakar pavan dusht ho raha tha. samudr men andolan tha. nauka laharon men vikal thi. stri satarkata se ludhaqane lagi. ek matavale navik ke sharir se takarati huee savadhani se usaka kripan nikalakar, phir ludhaqate hue, bandi ke samip pahunch gee. sahasa pot se path-pradarshak ne chillakar kaha-‘‘andhi!’’

apatti-soochak toory bajane laga. sab savadhan hone lage. bandi yuvak usi tarah pada raha. kisi ne rassi pakadi, koee pal khol raha tha. par yuvak bandi dhulak kar us rajju ke pas pahuncha, jo pot se snlagn thi. tare dhnk gaye. tarngen udvelit hueen, samudr garajane laga. bhishan andhi, pishachini ke saman nav ko apane hathon men lekar kanduk-krida aur attahas karane lagi.

ek jhatake ke sath hi nav svatantr thi. us snkat men bhi donon bandi khilakhila kar hns pade. andhi ke hahakar men use koee n sun saka.

bhag 2

anant jalanidhi men oosha ka madhur alok phoot utha. sunahali kiranon aur laharon ki komal srishti muskarane lagi. sagar shant tha. navikon ne dekha, pot ka pata nahin. bandi mukt hain.

nayak ne kaha-‘‘budhagupt! tumako mukt kisane kiya?’’

kripan dikhakar budhagupt ne kaha-‘‘isane.’’

nayak ne kaha-‘‘to tumhen phir bandi banaoonga.’’

‘‘kisake liye? potadhyaksh manibhadr atal jal men hoga-nayak! ab is nauka ka svami main hoon.’’

‘‘tum? jaladasyu budhagupt? kadapi nahin.’’-chaunk kar nayak ne kaha aur apana kripan tatolane laga! champa ne isake pahale us par adhikar kar liya tha. vah krodh se uchhal pada.

‘‘to tum dvndvayuddh ke liye prastut ho jao; jo vijayi hoga, vah svami hoga.’’-itana kahakar budhagupt ne kripan dene ka snket kiya. champa ne kripan nayak ke hath men de diya.

bhishan ghat-pratighat arambh hua. donon kushal, donon tvarit gativale the. badi nipunata se budhagupt ne apana kripan danton se pakadakar apane donon hath svatantr kar liye. champa bhay aur vismay se dekhane lagi. navik prasann ho gaye. parantu budhagupt ne laghav se nayak ka kripan vala hath pakad liya aur vikat hunkar se doosara hath kati men dal, use gira diya. doosare hi kshan prabhat ki kiranon men budhagupt ka vijayi kripan hathon men chamak utha. nayak ki katar ankhen pran-bhiksha mangane lagin.

budhagupt ne kaha-‘‘bolo, ab svikar hai ki nahin?’’

‘‘main anuchar hoon, varunadev ki shapath. main vishvasaghat nahin karoonga.’’ budhagupt ne use chhod diya.

champa ne yuvak jaladasyu ke samip akar usake kshaton ko apani snigdh drishti aur komal karon se vedana vihin kar diya. budhagupt ke sugathit sharir par rakt-bindu vijay-tilak kar rahe the.

vishram lekar budhagupt ne poochha ‘‘ham log kahan honge?’’

‘‘balidvip se bahut door, sambhavat: ek navin dvip ke pas, jisamen abhi ham logon ka bahut kam ana-jana hota hai. sinhal ke vanikon ka vahan pradhany hai.’’

‘‘kitane dinon men ham log vahan pahunchenge?’’

‘‘anukool pavan milane par do din men. tab tak ke liye khady ka abhav n hoga.’’

sahasa nayak ne navikon ko dand lagane ki agya di, aur svayn patavar pakadakar baith gaya. budhagupt ke poochhane par usane kaha-‘‘yahan ek jalamagn shailakhand hai. savadhan n rahane se nav takarane ka bhay hai.’’

bhag 3

‘‘tumhen in logon ne bandi kyon banaya?’’

‘‘vanikh manibhadr ki pap-vasana ne.’’

‘‘tumhara ghar kahan hai?’’

‘‘jahnavi ke tat par. champa-nagari ki ek kshatriy balika hoon. pita isi manibhadr ke yahan prahari ka kam karate the. mata ka dehavasan ho jane par main bhi pita ke sath nav par hi rahane lagi. ath baras se samudr hi mera ghar hai. tumhare akraman ke samay mere pita ne hi sat dasyuon ko marakar jal-samadhi li. ek mas hua, main is nil nabh ke niche, nil jalanidhi ke oopar, ek bhayanak anantata men nissahay hoon-anath hoon. manibhadr ne mujhase ek din ghrinit prastav kiya. mainne use galiyan sunaeen. usi din se bandi bana di gee.’’-champa rosh se jal rahi thi.

‘‘main bhi tamralipti ka ek kshatriy hoon, champa! parantu durbhagy se jaladasyu ban kar jivan bitata hoon. ab tum kya karogi?’’

‘‘main apane adrisht ko anirdisht hi rahane doongi. vah jahan le jay.’’ -champa ki ankhen nissim pradesh men niruddeshy thi. kisi akanksha ke lal dore n the. dhaval apangon men balakon ke sadrish vishvas tha. hatya-vyavasayi dasyu bhi use dekhakar kanp gaya. usake man men ek sambhramapoorn shraddha yauvan ki pahali laharon ko jagane lagi. samudr-vaksh par vilambamayi rag-ranjit sandhya thirakane lagi. champa ke asnyat kuntal usaki pith par bikhare the. durdant dasyu ne dekha , apani mahima men alaukik ek tarun balika! vah vismay se apane hriday ko tatolane laga. use ek nee vastu ka pata chala. vah thi-komalata!

usi samay nayak ne kaha-‘‘ham log dvip ke pas pahunch gaye.’’

bela se nav takaraee. champa nirbhikata se kood padi. manjhi bhi utare. budhagupt ne kaha-‘‘jab isaka koee nam nahin hai, to ham log ise champa-dvip kahenge.’’

champa hns padi.

bhag 4

panch baras bad-

sharad ke dhaval nakshatr nil gagan men jhalamala rahe the. chandr ki ujjval vijay par antariksh men sharadalakshmi ne ashirvad ke phoolon aur khilon ko bikher diya.

champa ke ek uchchasaudh par baithi huee taruni champa dipak jala rahi thi. bade yatn se abhrak ki manjoosha men dip dharakar usane apani sukumar ungaliyon se dori khinchi. vah dipadhar oopar chadhऩe laga. bholi-bholi ankhen use oopar chadhate bade harsh se dekh rahi thin. dori dhire-dhire khinchi gee. champa ki kamana thi ki usaka akash-dip nakshatron se hilamil jay; kintu vaisa hona asambhav tha. usane ashabhari ankhen phira lin.

samane jal-rashi ka rajat shrringar tha. varun balikaon ke lie laharon se hire aur nilam ki krida shail-malayen ban rahi thin-aur ve mayavini chhalanayen-apani hnsi ka kalanad chhodakar chhip jati thin. door-door se dhivaron ka vnshi-jhanakar unake sngit-sa mukharit hota tha. champa ne dekha ki taral snkul jal-rashi men usake kandil ka pratibimb astavyast tha! vah apani poornata ke lie saikadon chakkar katata tha. vah anamani hokar uth khadi huee. kisi ko pas n dekhakar pukara-‘‘jaya!’’

ek shyama yuvati samane akar khadi huee. vah jngali thi. nil nabhomandal-se mukh men shuddh nakshatron ki pnkti ke saman usake dant hnsate hi rahate. vah champa ko rani kahati; budhagupt ki agya thi.

‘‘mahanavik kab tak avenge, bahar poochho to.’’ champa ne kaha. jaya chali gee.

dooragat pavan champa ke anchal men vishram lena chahata tha. usake hriday men gudagudi ho rahi thi. aj n jane kyon vah besudh thi. vah dirghakal dridh purush ne usaki pith par hath rakh chamatkrit kar diya. usane phirakar kaha-‘‘budhagupt!’’

‘‘bavali ho kya? yahan baithi huee abhi tak dip jala rahi ho, tumhen yah kam karana hai?’’

‘‘kshiranidhishayi anant ki prasannata ke lie kya dasiyon se akash-dip jalavaoon?’’

‘‘hnsi ati hai. tum kisako dip jalakar path dikhalana chahati ho? usako, jisako tumane bhagavanh man liya hai?’’

‘‘han, vah bhi kabhi bhatakate hain, bhoolate hain, nahin to, budhagupt ko itana aishvary kyon dete?’’

‘‘to bura kya hua, is dvip ki adhishvari champarani!’’

‘‘mujhe is bandigrih se mukt karo. ab to bali, java aur sumatra ka vanijy keval tumhare hi adhikar men hai mahanavik! parantu mujhe un dinon ki smriti suhavani lagati hai, jab tumhare pas ek hi nav thi aur champa ke upakool men pany lad kar ham log sukhi jivan bitate the-is jal men aganit bar ham logon ki tari alokamay prabhat men tarikaon ki madhur jyoti men-thirakati thi. budhagupt! us vijan anant men jab manjhi so jate the, dipak bujh jate the, ham-tum parishram se thakakar palon men sharir lapetakar ek-doosare ka munh kyon dekhate the? vah nakshatron ki madhur chhaya.....’’

‘‘to champa! ab usase bhi achchhe dhng se ham log vichar sakate hain. tum meri pranadatri ho, meri sarvasv ho.’’

‘‘nahin-nahin, tumane dasyuvritti chhod di parantu hriday vaisa hi akarun, satrishn aur jvalanashil hai. tum bhagavan ke nam par hnsi udate ho. mere akash-dip par vyng kar rahe ho. navik! us prachand andhi men prakash ki ek-ek kiran ke lie ham log kitane vyakul the. mujhe smaran hai, jab main chhoti thi, mere pita naukari par samudr men jate the-meri mata, mitti ka dipak bans ki pitari men bhagirathi ke tat par bans ke sath oonche tang deti thi. us samay vah prarthana karati-‘bhagavan! mere path-bhrasht navik ko andhakar men thik path par le chalana.’ aur jab mere pita barason par lautate to kahate-‘sadhvi! teri prarthana se bhagavanh ne snkaton men meri raksha ki hai.’ vah gadgad ho jati. meri man? ah navik! yah usi ki puny-smriti hai. mere pita, vir pita ki mrityu ke nishthur karan, jaladasyu! hat jao.’’-sahasa champa ka mukh krodh se bhishan hokar rng badalane laga. mahanavik ne kabhi yah roop n dekha tha. vah thathakar hns pada.

‘‘yah kya, champa? tum asvasth ho jaogi, so raho.’’-kahata hua chala gaya. champa muththi bandhe unmadini-si ghoomati rahi.

bhag 5

nirjan samudr ke upakool men vela se takara kar laharen bikhar jati thin. pashchim ka pathik thak gaya tha. usaka mukh pila pad gaya. apani shant gambhir halachal men jalanidhi vichar men nimagn tha. vah jaise prakash ki unmalin kiranon se virakt tha.

champa aur jaya dhire-dhire us tat par akar khadi ho geen. tarng se uthate hue pavan ne unake vasan ko ast-vyast kar diya. jaya ke snket se ek chhoti-si nauka aee. donon ke us par baithate hi navik utar gaya. jaya nav khene lagi. champa mugdh-si samudr ke udas vatavaran men apane ko mishrit kar dena chahati thi.

‘‘itana jal! itani shitalata! hriday ki pyas n bujhi. pi sakoongi? nahin! to jaise vela men chot khakar sindhu chilla uthata hai, usi ke saman rodan karoon? ya jalate hue svarn-golak sadrish anant jal men doob kar bujh jaoon?’’-champa ke dekhate-dekhate pida aur jvalan se arakt bimb dhire-dhire sindhu men chauthaee-adha, phir sampoorn vilin ho gaya. ek dirgh nishvas lekar champa ne munh pher liya. dekha, to mahanavik ka bajara usake pas hai. budhagupt ne jhuk kar hath badhaya. champa usake sahare bajare par chadh gayi. donon pas-pas baith gaye.

‘‘itani chhoti nav par idhar ghoomana thik nahin. pas hi vah jalamagn shail khand hai. kahin nav takara jati ya oopar chadh jati, champa to?’’

‘‘achchha hota, budhagupt! jal men bandi hona kathor prachiron se to achchha hai.’’

ah champa, tum kitani nirday ho! budhagupt ko agya dekar dekho to, vah kya nahin kar sakata. jo tumhare liye naye dvip ki srishti kar sakata hai, nee praja khoj sakata hai, naye rajy bana sakata hai, usaki pariksha lekar dekho to..... kaho, champa! vah kripan se apana hriday-pind nikal apane hathon atal jal men visarjan kar de.’’-mahanavik-jisake nam se bali, java aur champa ka akash goonjata tha, pavan tharrata tha-ghutanon ke bal champa ke samane chhalachhalaee ankhon se baitha tha.

samane shailamala ki choti par hariyali men vistrit jal-desh men, nil pingal sandhya, prakriti ki sahriday kalpana, vishram ki shital chhaya, svapnalok ka srijan karane lagi. us mohini ke rahasyapoorn nilajal ka kuhak sphut ho utha. jaise madira se sara antariksh sikt ho gaya. srishti nil kamalon men bhar uthi. us saurabh se pagal champa ne budhagupt ke donon hath pakad liye. vahan ek alingan hua, jaise kshitij men akash aur sindhu ka. kintu us parirambh men sahasa chaitany hokar champa ne apani knchuki se ek kripan nikal liya.

‘‘budhagupt! aj main apane pratishodh ka kripan atal jal men duba deti hoon. hriday ne chhal kiya, bar-bar dhokha diya!’’-chamakakar vah kripan samudr ka hriday bedhata hua vilin ho gaya.

‘‘to aj se main vishvas karoon, kshama kar diya gaya?’’-ashcharyachakit kampit kanth se mahanavik ne poochha.

‘vishvas? kadapi nahin, budhagupt ! jab main apane hriday par vishvas nahin kar saki, usi ne dhokha diya, tab main kaise kahoon? main tumhen ghrina karati hoon, phir bhi tumhare lie mar sakati hoon. andher hai jaladasyu. tumhen pyar karati hoon.’’ champa ro padi.

vah svapnon ki rngin sandhya, tam se apani ankhen band karane lagi thi. dirgh nishvas lekar mahanavik ne kaha-‘‘is jivan ki punyatam ghadi ki smriti men ek prakash-grih banaoonga, champa! champa yahin us pahadi par. sambhav hai ki mere jivan ki dhundhali sandhya usase alokapoorn ho jay.’’

bhag 6

champa ke doosare bhag men ek manoram shailamala thi. vah bahut door tak sindhu-jal men nimagn thi. sagar ka chanchal jal us par uchhalata hua use chhipaye tha. aj usi shailamala par champa ke adi-nivasiyon ka samaroh tha. un sabon ne champa ko vanadevi-sa sajaya tha. tamralipti ke bahut se sainik navikon ki shreni men van-kusum-vibhooshita champa shivikaroodh hokar ja rahi thi.

shail ke ek unche shikhar par champa ke navikon ko savadhan karane ke lie sudridh dip-stambh banavaya gaya tha. aj usi ka mahotsav hai. budhagupt stambh ke dvar par khada tha. shivika se sahayata dekar champa ko usane utara. donon ne bhitar padarpan kiya tha ki bansuri aur dhol bajane lage. pnktiyon men kusum-bhooshan se saji van-balaen phool uchhalati huee nachane lagin.

dip-stambh ki oopari khidaqi se yah dekhati huee champa ne jaya se poochha-‘‘yah kya hai jaya? itani balikaen kahan se bator laeen?’’

‘‘aj rani ka byah hai n?’’-kah kar jaya ne hns diya.

budhagupt vistrit jalanidhi ki or dekh raha tha. use jhakajhor kar champa ne poochha-‘‘kya yah sach hai?’’

‘‘yadi tumhari ichchha ho, to yah sach bhi ho sakata hai, champa! ‘‘kitane varshon se main jvalamukhi ko apani chhati men dabaye hoon.

‘‘chup raho, mahanavik ! kya mujhe nissahay aur kngal janakar tumane aj sab pratishodh lena chaha?’’

‘‘main tumhare pita ka ghatak nahin hoon, champa! vah ek doosare dasyu ke shastr se mare.’’

‘‘yadi main isaka vishvas kar sakati. budhagupt, vah din kitana sundar hota, vah kshan kitana sprihaniy! ah! tum is nishthurata men bhi kitane mahanh hote.’’

jaya niche chali gee thi. stambh ke snkirn prakoshth men budhagupt aur champa ekant men ek doosare ke samane baithe the.

budhagupt ne champa ke pair pakad liye. uchchhvasit shabdon men vah kahane laga-champa, ham log janmabhoomi-bharatavarsh se kitani door in nirih praniyon men indr aur shachi ke saman poojit hain. par n jane kaun abhishap ham logon ko abhi tak alag kiye hai. smaran hota hai vah darshanikon ka desh! vah mahima ki pratima! mujhe vah smriti nity akarshit karati hai; parantu main kyon nahin jata? janati ho, itana mahattv prapt karane par bhi main kngal hoon! mera patthar-sa hriday ek din sahasa tumhare sparsh se chandrakantamani ki tarah dravit hua.

‘‘champa! main eeshvar ko nahin manata, main pap ko nahin manata, main daya ko nahin samajh sakata, main us lok men vishvas nahin karata. par mujhe apane hriday ke ek durbal ansh par shraddha ho chali hai. tum n jane kaise ek bahaki huee tarika ke saman mere shoony men udit ho gee ho. alok ki ek komal rekha is nividatam men muskarane lagi. pashu-bal aur dhan ke upasak ke man men kisi shant aur ekant kamana ki hnsi khilakhilane lagi; par main n hns saka!

‘‘chalogi champa? potavahini par asnkhy dhanarashi lad kar rajarani-si janmabhoomi ke ank men? aj hamara parinay ho, kal hi ham log bharat ke lie prasthan karen. mahanavik budhagupt ki agya sindhu ki laharen manati hain. ve svayn us pot-punj ko dakshin pavan ke saman bharat men pahuncha dengi. ah champa! chalo.’’

champa ne usake hath pakad liye. kisi akasmik jhatake ne ek palabhar ke liai donon ke adharon ko mila diya. sahasa chaitany hokar champa ne kaha-‘‘budhagupt! mere lie sab bhoomi mitti hai; sab jal taral hai; sab pavan shital hai. koee vishesh akanksha hriday men agni ke saman prajvalit nahin. sab milakar mere lie ek shoony hai. priy navik! tum svadesh laut jao, vibhavon ka sukh bhogane ke lie, aur mujhe, chhod do in nirih bhole-bhale praniyon ke du:kh ki sahanubhooti aur seva ke lie.’’

‘‘tab main avashy chala jaoonga, champa! yahan rahakar main apane hriday par adhikar rakh sakoon-isamen sandeh hai. ah! un laharon men mera vinash ho jay.’’- mahanavik ke uchchhvas men vikalata thi. phir usane poochha-‘‘tum akeli yahan kya karogi?’’

‘‘pahale vichar tha ki kabhi-kabhi is dip-stambh par se alok jala kar apane pita ki samadhi ka is jal se anveshan karoongi. kintu dekhati hoon, mujhe bhi isi men jalana hoga, jaise akash-dip.’’

7

ek din svarn-rahasy ke prabhat men champa ne apane dip-stambh par se dekha-samudrik navon ki ek shreni champa ka upakool chhodakar pashchim-uttar ki or maha jal-vyal ke saman santaran kar rahi hai. usaki ankhon se ansoo bahane lage.

yah kitani hi shatabdiyon pahale ki katha hai. champa ajivan us dip-stambh men alok jalati rahi. kintu usake bad bhi bahut din, dipanivasi, us maya-mamata aur sneh-seva ki devi ki samadhi-sadrish pooja karate the.

ek din kal ke kathor hathon ne use bhi apani chanchalata se gira diya.

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah