प्रणय-चिह्न -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

‘‘kya ab ve din laut avenge? ve ashabhari sandhyayen, vah utsah-bhara hriday-jo kisi ke snket par sharir se alag hokar uchhalane ko prastut ho jata tha-kya ho gaya?’’

‘‘jahan tak drishti daudati hai, jngalon ki hariyali. unase kuchh bolane ki ichchha hoti hai, uttar pane ki utkantha hoti hai. ve hilakar rah jate hain, ujali dhoop jalajalati huee nachati nikal jati hai. nakshatr chupachap dekhate rahate hain,- chandani muskarakar ghoonghat khinch leti hai. koee bolanevala nahin! mere sath do baten kar lene ki jaise sabane shapath le li hai. rat khulakar roti bhi nahin-chupachap os ke ansoo girakar chal deti hai. tumhare nishphal prem se nirash hokar badi ichchha huee thi, main kisi se sambandh n rakhakar sachamuch akela ho jaoon. isalie jan-snsarg se door is jharane ke kinare akar baith gaya, parantu akela hi n a saka, tumhari chinta bich-bich men badha dalakar man ko khinchane lagi. isalie phir kisi se bolane ki, len-den ki, kahane-sunane ki kamana balavati ho gee.

‘‘parantu koee n kuchh kahata hai aur n sunata hai. kya sachamuch ham snsar se nirvasit hain-achhoot hain! vishv ka yah nirav tiraskar asahy hai. main use hilaoonga; use jhakajhorakar uttar dene ke lie badhy karoonga.’’

kahate-kahate ekantavasi gupha ke bahar nikal pada. samane jharana tha, usake par patharili bhoomi. vah udhar n jakar jharane ke kinare-kinare chal pada. barabar chalane laga, jaise samay chalata hai.

sota age badhate-badhate chhota hota gaya. kshin, phir kramash: aur kshin hokar marubhoomi men jakar vilin ho gaya. ab usake samane sikata-samudr! charon or dhoo-dhoo karati huee baloo se mili samir ki uttal tarngen. vah khada ho gaya. ek bar charon or ankh phira kar dekhana chaha, par kuchh nahin, keval baloo ke thapede.

sahas karake pathik age badhऩe laga. drishti kam nahin deti thi, hath-pair avasann the. phir bhi chalata gaya. viral chhaya-vale khajoor-kunj tak pahunchate-pahunchate vah gir pada. n jane kab tak achet pada raha.

ek pathik path bhoolakar vahan vishram kar raha tha. usane jal ke chhinte diye. ekantavasi chaitany hua. dekha, ek manushy usaki seva kar raha hai. nam poochhane par maloom hua-‘‘sevak.’’

‘‘tum kahan jaoge?’’-usane poochha.

‘‘snsar se ghabarakar ekant men ja raha hoon.’’

‘‘aur main ekant se ghabarakar snsar men jana chahata hoon.’’

‘‘kya ekant men kuchh sukh nahin mila?’’

‘‘sab sukh tha-ek du:kh, par vah bada bhayanak du:kh tha. apane sukh ko main kisi se prakat nahin kar sakata tha, isase bada kasht tha.’’

‘‘main us du:kh ka anubhav karoonga.’’

‘‘prarthana karata hoon, usamen n pado.’’

‘‘tab kya karoon?’’

‘‘laut chalo; ham log baten karate hue jivan bita denge!’’

‘‘nahin, tum apani baton men vish ugaloge.’’

‘‘achchha, jaisi tumhari ichchha.’’

donon vishram karane lage. shital pavan ne sula diya. gahari nind lene par jage. ek doosare ko dekhakar muskarane lage. sevak ne poochha-‘‘ap to idhar se a rahe hain, kaisa path hai?’’

‘‘nirjan marubhoomi.’’

‘‘tab to main n jaoonga; nagar ki or laut jaoonga. tum bhi chaloge?’’

‘‘nahin, is khajoor-kunj ko chhodakar main nahin jaoonga. tumase bolachal kar lene par aur logon se milane ki ichchha jati rahi. ji bhar gaya.’’

‘‘achchha, to main jata hoon. koee kam ho, to batao, kar doonga.’’

‘‘mera! mera koee kam nahin.’’

‘‘soch lo.’’

‘‘nahin, vah tumase n hoga.’’

‘‘dekhoonga, sambhav hai, ho jay.’’

‘‘looni nadi ke us par ramanagar ke zamindar ki ek sundar kanya hai; usase koee sndesh kah sakoge?’’

‘‘cheshta karoonga. kya kahana hoga?’’

‘‘tin baras se tumhara jo premi nivarsit hai, vah khajoor-kunj men vishram kar raha hai. tumase ek chihn pane ki pratyasha men thahara hai. ab ki bar vah agyat videsh men jayaga. phir lautane ki asha nahin hai.’’

sevak ne kaha-‘‘achchha, jata hoon, parantu aisa n ho ki tum yahan se chale jao; vah mujhe jhootha samajhe.’’

‘‘nahin, main yahin pratiksha karoonga.’’

sevak chala gaya. khajoor ke patton se jhopadi banakar ekant-vasi phir rahane laga. usako badi ichchha hoti ki koee bhoola-bhataka pathik a jata, to khajoor aur mithe jal se usaka atithy karake vah ek bar grihasth ban jata.

parantu kathor adrisht-lipi! usake bhagy men ekantavas jvalant aksharon men likha tha. kabhi-kabhi pavan ke jhonke se khajoor ke patte khadakhada jate, vah chaunk uthata. usaki avastha par vah kshinakay srot rogi ke saman hns deta. chandani men door tak marubhoomi sadi chitrapati-si dikhaee deti.

bhag 2

man bhookhi thi. budhiy़a jhopadi men dane dhoondh rahi thi. us par nadi ke kagare par donon ki dhundhali pratikriti dikhaee de rahi thi. pashchim ke kshitij men niche ast hota hua soory badalon par apana rng phenk raha tha. badal niche jal par chhaya-dan kar raha tha. nadi men dhoop-chhanh bichhi thi. ‘sevak’ dongi liye, idhar yatri ki asha men, baloo ke rookhe tat se laga baitha tha.

usake keval man thi. vah yuvak tha. svami-kanya se vah kisi premi ka sandesh kah raha tha; raja (jamindar) ko sandeh hua. ve kruddh hue, bigad gaye, parantu kanya ke anurodh se usake pran bach gaye. tab se vah dongi chalakar apana pet palata tha.

tamisra a rahi thi. nirjan pradesh nirav tha. lahariyon ka kal-kal band tha. usaki donon ankhe pratiksha ki dooti thin. koee a raha hai! aur bhi thahar jaoon-nahin, laut chaloon. dande dongi se jal men gira diye. ‘chhap’ shabd hua. use sikatatat par bhi pad-shabd ki bhranti huee. rukakar dekhane laga.

‘‘manjhi, us par chaloge?’’ ek komal kanth, vnshi ki jhanakar.

‘‘chaloonga kyon nahin, udhar hi to mera ghar hai. mujhe lautakar jana hai.’’

‘‘mujhe bhi avashyak kary hai. mera priyatam us par baitha hai. usase milana hai. jald le chalo.’’-yah kahakar ek ramani akar baith gee. dongi halaki ho gee, jaise chalane ke lie nachane lagi ho. sevak sandhya ke gahare prakash men use ankhen gadakar dekhana chahata tha. ramani khilakhilakar hns padi. boli-‘‘sevak, tum mujhe dekhate rahoge ki khena arambh karoge.’’

‘‘main dekhata chaloonga, kheta chaloonga. bin dekhe bhi koee khe sakata hai.’’

‘‘achchha, vahi sahi. dekho, par khete bhi chalo. mera priy kahin laut n jay, kahin laut n jay; shighrata karo.’’-ramani ki utkantha usake ubharate hue vaksh-sthal men shvas banakar phool rahi thi. sevak dande chalane laga. do-char nakshatr nil gagan se jhank rahe the. avaruddh samir nadi ki shital chadar par khulakar lotane laga. sevak tallin hokar khe raha tha. ramani ne poochha-‘‘tumhare aur kaun hai?’’

‘‘koee nahin, keval man hai.’’

nav kinare pahunch gee. ramani utarakar khadi ho gee. boli-‘‘tumane bade thik samay se pahunchaya. parantu mere pas kya hai, jo tumhen puraskar doon.’’

vah chupachap usaka munh dekhane laga.

ramani boli-‘‘mera jivan-dhan ja raha hai. ek bar usase antim bhent karane aee hoon. ek angoothi use apana chihn dene ke lie laee hoon aur kuchh nahin. parantu tumane is antim milan men badi sahayata ki hai, tumhin ne usaka sandesh pahunchaya. tumhen kuchh diye bina hamara milan asaphal hoga, isalie, yah chihn angoothi tumhin le lo.’’

sevak ne angoothi lete hue poochha- ‘‘aur tum apane priyatam ko kya chihn dogi?’’

‘‘apane ko svayn de doongi. lautana vyarth hai. achchha, dhanyavad!’’ ramani tir-veg se chali gee.

vah hakka-bakka khada rah gaya. akash ke hriday men tara chamakata tha; usake hath men angoothi ka ratn. usase tare ka milan karate-karate jhopadi men pahuncha. man bhookhi thi. ise bechana hoga, yahi chinta thi. man ne jate hi kaha-‘‘kab se bhojan banakar baithi hoon, too aya nahin. badi achchhi machhali mili thi. le, jald kha le.’’ vah prasann ho gaya.

bhag 3

ekantavasi baitha hua khajoor ikattha kar raha tha. abhi prabhat ka komal soory khagol men bahut ooncha nahin tha. ek sunahali kiran-si ramani samane a gee. atmavismrit hokar ekantavasi dekhane laga.

‘‘svagat atithi! ao baitho.’’

ramani ne atithy svikar kiya. boli-‘‘mujhe pahachanate ho?’’

‘‘tumhe n pahachanoonga, priyatame! anant path ka pathey koee pranay-chihn le aee ho; to mujhe de do! isilie thahara hoon.’’

‘‘laut chalo. is bhishan ekant se tumhara man nahin bhara?’’

‘‘kahan chaloonga? tumhare sath jivan vyatit karane ka sadhan nahin; karane bhi n paoonga, lautakar kya karunga? mujhe keval chihn de do, usi se man bahalaoonga.’’

‘‘main use puraskar-svaroop de aee hoon. use pane ke lie to looni tat tak chalana hoga.’’

‘‘to chaloonga.’’

yatra ki taiyari huee. donon laut chale. sevak jab sandhya ko dongi lekar lautata hai; tab usake hriday men us ramani ki sudh a jati hai. vah angoothi nikalakar dekhata aur pratiksha karata hai ki ramani laute, to use de doon. use vishvas tha, kabhi to vah avegi.

dongi niche bndhi thi. vah jhopadi se nikalakar chala hi tha ki samane ramani ati dikhaee padi. sath men ek purush tha. n jane kyon, vah dongi par ja baitha. donon tir par akar khade ho gaye. ramani ne poochha- ‘‘mujhe pahachanate ho?’’

‘‘achchhi tarah.’’

‘‘mainne tumhen kuchh puraskar diya tha. vah mera pranay-chihn tha. mera priy mujhe nahin lega, usi chihn ko lega. isilie tumase vinati karati hoon ki use de do.’’

‘‘yah anyay hai. meri majoori mujhase n chhino.’’

‘‘main bhikh mangati hoon.’’

‘‘main daridr hoon, dene men asamarth hoon.’’

nirupay hokar ramani ne ekantavasi ki or dekha. usane kaha-‘‘tumane to use lauta dene ke lie hi rakh chhoda hai. vah dekho, tumhari ungali men chamak raha hai, kyon nahin de dete?’’

‘‘main samajh gaya, isaka mooly parishram se adhik hai. to chalo, abaki donon ki seva karake isaka mooly poora kar doon parantu daya karake ise mere hi pas rahane do. jinhen videsh jana hai, unako nauka ki yatra badi sukhad hoti hai.’’-kahakar ek bar usane jhopadi ki or dekha. budhiy़a mar chuki thi. khali jhopadi ki or se usane munh phira liya. dande jal men gira diye.

ramani ne kaha-‘‘chalo, yatra to karani hi hai, baith jayn.’’

ekantavasi hns pada. donon nav par baith gaye. nav dhara men bahane lagi. ramani ne hnsakar poochha-‘‘keval dekhoge ya kheoge bhi?’’

‘‘nav svayn bahegi; main keval dekhoonga hi.’’

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah