बनजारा -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

dhire-dhire rat khisak chali, prabhat ke phoolon ke tare choo padऩa chahate the. vindhy ki shailamala men giri-path par ek jhund bailon ka bojh lade ata tha. sath ke banajare unake gale ki ghantiyon ke madhur svar men apane gramagiton ka alap mila rahe the. sharad ritu ki thand se bhara hua pavan us dirgh path par kisi ko khojata hua daud raha tha.

ve banajare the. unaka kam tha saraguja tak ke jngalon men jakar vyapar ki vastu kray-vikray karana. pray: barasat chhodakar ve ath mahinen yahi udyam karate. us parichit path men chalate hue ve apane parichit giton ko kitani hi bar un pahadi chattanon se takara chuke the. un giton men asha, upalambh, vedana aur smritiyon ki kachot, thes aur udasi bhari rahati.

sabase pichhevale yuvak ne abhi apane alap ko akash men phailaya tha; usake git ka arth tha-

‘‘main bar-bar labh ki asha se ladane jata hoon; parantu hai us jngal ki hariyali men apane yauvan ko chhipanevali kolakumari, tumhari vastu badi mahngi hai! meri sab poonji bhi usako kray karane ke lie paryapt nahin. poonji badhane ke lie vyapar karata hoon; ek din dhani hokar aoonga; parantu vishvas hai ki tab bhi tumhare samane rnk hi rah jaoonga!’’

alap lekar vah jngali vanaspatiyon ki sugandh men apane ko bhool gaya. yauvan ke ubhar men nandoo aparichit sukhon ki or jaise agrasar ho gaya tha. sahasa bailon ki shreni ke agrabhag men hal-chal machi. tadatad ka shabd, chillane aur koodane ka utpat hone laga. nandoo ka sukh-svapn toot gaya, ‘‘bap re, daka!’’-kahakar vah ek pahadi ki gaharaee men utarane laga. gir pada, ludhaqata hua niche chala. moorchchhit ho gaya.

hakim paragana aur injiniyar ka padav adhik door n tha. daka padanevala sthan doosare hi din bhid se bhar gaya. godait aur sipahiyon ki daud-dhoop chalane lagi. chhoti-si pahadi ke niche, phoos ki jhopadi men, oosha kiranon ka guchchha sunahale phool ke sadrish jhoolane laga tha. apane dono hathon par jhuki huee ek sanvali-si yuvati us ahat purush ke mukh ko ekatak dekh rahi thi. dhire-dhire yuvati ke mukh par muskarahat aur purush ke mukh par sacheshtata ke lakshan dikhalaee dene lage. purush ne ankhe khol di. yuvati pas hi dhara hua garam doodh usake munh men dalane lagi. aur yuvak pine laga.

yuvak ki utani chot nahin thi, jitana vah bhay se akrant tha. vah doodh pikar svasth ho chala tha. uthane ki cheshta karate hue poochha-‘‘moni, tum ho!’’

‘‘han, chup raho.’’

‘‘ab main chnga ho gaya hoon, kuchh darane ki bat nahin.’’ abhi yuvak itana hi kah paya tha ki ek kol-chaukidar ki kroor ankhen jhopadi men jhankane lagi. yuvak ne use dekha. chaukidar ne hnsakar kaha-‘‘vah moni! daka bhi dalavati ho aur daya bhi karati ho! batao to, kaun-kaun the; sahab poochh rahe hain!’’

moni ki ankhen chadh gayin. usane dant pisakar kaha-‘‘tum paji ho! jao, meri jhopadi men se nikal jao!’’

‘‘han, yah kaho. to tumhara man rijh gaya hai is par, yah to kabhi-kabhi tumhara pyaj-meva lene ata tha n!’’-chaukidar ne kaha.

ghayal baghini-si vah tadap uthi. chaukidar kuchh sahama. parantu vah poora kaiyan tha, apani bat ka rukh badalakar vah yuvak se kahane laga-‘‘kyon ji, tumhara bhi to loota gaya hai, kuchh tumhen bhi chot aee hai! chalo, sahab se apana hal kaho. bahut se mal ka pata laga hai; chalakar dekho to!’’

‘‘kyon moni! ab jel jaogi n? bolo; ab se bhi achchha hai. hamari bat man jao.’’-chaukidar ne padav se door hathakadi se jakadi huee moni se kaha. moni apani ankhon ki syahi sandhya ki kalima men mila rahi thi. pedon ke us jhuramut men door vah banajara bhi khada tha. ek bar moni ne usaki or dekha, usake oth phadak uthe. vah boli-‘‘main kisi ko nahin janati, aur nahin janati thi ki upakar karane jakar yah apaman bhogana padega!’’ phir jel ki bhishanata smaran karake vah dinata se boli-‘‘chaukidar! meri jhopadi aur sab ped le lo; mujhe bacha do!’’

chaukidar hns pada. bola-mujhe vah sab n chahie; bolo, tum meri bat manogi, vahi....’’

moni ne chillakar kaha-‘‘nahin, kabhi nahin!’’

nar-pishach chaukidar ne bedard hokar kee thappad lagaye, par moni n roee, n chillayi. vah hathi ladake ki tarah us maranevale ka munh dekh rahi thi.

hakim paragana ek achchhe siviliyan the. ve kaimp se tahalane ke lie gaye the; nandoo ne n-jane unase hath jodate hue kya kaha, ve udhar hi chal pade, jahan moni thi.

sab baten samajhakar sahab ne moni ki hathakadi kholate hue chaukidar ki pith par do-tin bent jamaye, aur kaha-‘‘dekh badamash! aj to tujhe chhodata hoon, phir is tarah ka koee kam kiya, to tujhase chakki hi pisavaoonga. asali dakuon ka pata lagao.’’

moni padav se chali gee. aur nandoo apana bail pahachanakar le chala! vah phir barabar apane us vyapar men laga raha.

kee mahine bad-

ek din phir pyaj-meva lene ki lalach men nandoo usi moni ki jhopadi ki or pahuncha. vahan jakar usane dekha-jhopadi se sab patte ke chhajan titar-bitar hokar bikhar rahe hain aur patthar ke dhonke ab-tab girana chahate hain. bhitar kooda hai, jahan vah pahale jngali vastuon ka dher dekha karata tha. usane pukara-‘‘moni!’’ koee uttar n mila. nandoo lautakar apane path par ane laga.

samane dekha-pahadi nadi ke tat par baithi huee moni ko! vah hnsata hua phool kumhala gaya tha apane donon pair nadi men dale baithi thi. nandoo ne pukara-‘‘moni!’’ vah phir bhi kuchh n boli. ab vah pas a gaya. moni ne dekha. ek bar usake munh par kuchh taravat-si daud gee, phir sahasa kadi dhoop nikal ane par ek bauchhar ki gili bhoomi jaise rookhi ho jati hai, vaise hi usake munh par dhool udane lagi.

nandoo ne poochha-‘‘moni! pyaj-meva hai?’’

moni ne rookhepan se kaha-‘‘ab main nahin batorati, nandoo. bechane ke lie nahin ikaththa karati.’’

nandoo ne poochha-‘‘kyon, ab kya ho gaya?’’

‘‘jngal men vahi sab to ham logon ke bhojan ke lie hai, use bech doongi, to khaoongi kya?’’

‘‘aur pahale kya tha?’’

‘‘vah lobh tha; vyapar karane ki, dhan batorane ki ichchha thi.’’

‘‘ab vah ichchha kya huee?’’

‘‘ab main samajhati hoon ki sab log n to vyapar kar sakate hain aur n to sab vastu bazar men bechi ja sakati hai.’’

‘‘to main laut jaoon?’’

‘‘han, laut jao; jab tak os ki boondon se thandi dhool tumhare pairon men lage, utane samay men apana path samapt kar lo!’’

‘‘ladana chhod doonga, moni!’’

‘‘oho! yah kyon? main is pahadi par nistabdh prabhav men ghantiyon ke madhur svar ki asha men anamani baithi rahati hoon. vah pahunchane ka; bojh utarane ke vyakul vishram ka anubhav karake sukhi rahati hoon. main nahin chahati ki kisi ko ladane ke lie main bojh ikaththa karoon; nandoo!’’

nandoo hatash tha. vah apane bailon ki khali pith par hath dhare chupachap apane path par chalane laga.

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah