अपराधी -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

vanasthali ke rngin snsar men arun kiranon ne ithalate hue padarpan kiya aur ve chamak uthin, dekha to komal kisalay aur kusumon ki pnkhuriyan, basant-pavan ke pairon ke saman hil rahi thin. pile parag ka angarag lagane se kiranen pili pad gee. basant ka prabhat tha.

yuvati kamini malin ka kam karati thi. use aur koee n tha. vah is kusum-kanan se phool chun le jati aur mala banakar bechati. kabhi-kabhi use upavas bhi karana padata. par, vah yah kam n chhodati. aj bhi vah phoole hue kachanar ke niche baithi huee, arddh-vikasit kamini-kusumon ko bina bedhe hue, phande dekar mala bana rahi thi. bhnvar aye, gunagunakar chale gaye. basant ke dooton ka sandesh usane n suna. malay-pavan anchal udakar, rookhi laton ko bikharakar, hat gaya. malin besudh thi, vah phanda banati jati thi aur phoolon ko phnsati jati thi.

drut-gati se daudate hue ashv ke pad-shabd ne use trast kar diya. vah apani phoolon ki tokari uthakar bhayabhit hokar sir jhukaye khadi ho gee. rajakumar aj achanak udhar vayu-sevan ke liye a gaye the. unhonne door hi se dekha, samajh gaye ki vah yuvati trast hai. balavan ashv vahin ruk gaya. rajakumar ne poochha-‘‘tum kaun ho?’’

kurngi kumari ke saman badi-badi ankhe uthakar usane kaha-‘‘malin!’’

‘‘kya tum mala banakar bechati ho?’’

‘‘han.’’

‘‘yahan ka rakshak tumhen rokata nahin?’’

‘‘nahin, yahan koee rakshak nahin hai.’’

‘‘aj tumane kaun-si mala banaee hai?’’

‘‘yahi kamini ki mala bana rahi thi.’’

‘‘tumhara nam kya hai?’’

‘‘kamini.’’

‘‘vah! achchha, tum is mala ko poori karo, main lautakar-use loonga.’’ darane par bhi malin dhith thi. usane kaha-‘‘dhoop nikal ane par kamini ka saurabh kam ho jayaga.’’

‘‘main shighr aoonga’’-kahakar rajakumar chale gaye.

malin ne mala bana dali. kiranen pratiksha men lal-pili hokar dhaval ho chalin. rajakumar lautakar nahin aye. tab usi or chali-jidhar rajakumar gaye the.

yuvati bahut door n gee hogi ki rajakumar lautakar doosare marg se usi sthan par aye. malin ko n dekhakar pukarane lage-‘‘malin! o malin!’’

dooragat kokil ki pukar-sa vah svar usake kan men pada tha. vah laut aee. hathon men kamini ki mala liye vah van-lakshmi ke saman lauti. rajakumar usi din-saundary ko sakutoohal dekh rahe the. kamini ne mala gale men pahana di. rajakumar ne apana kaushey ushnish kholakar malin ke oopar phenk diya. kaha-‘‘jao, ise pahanakar ao.’’ ashchary aur bhay se lataon ki jhuramut men jakar usane agyanusar kaushey vasan pahana.

bahar aee, to ujjval kiranen usake ang-ang par hnsate-hnsate lot-pot ho rahi thin. rajakumar muskaraye aur kaha-‘‘aj se tum is kusum-kanan ki van-palika huee ho. smaran rakhana.’’

rajakumar chale gaye. malin kinkartavyavimoodh hokar madhook-vriksh ke niche baith gee.

bhag 2

basant bit gaya. garmi jalakar chali gee. kanan men hariyali phail rahi thi. shyamal ghatayen akash men aur shasy-shobha dharani par ek saghan-saundary ka srijan kar rahi thi. van-palika ke charon or mayoor gherakar nachate the. sandhya men ek sundar utsav ho raha tha. rajani aee. van-palika ke kutir ko tam ne gher liya. moosaladhar vrishti hone lagi. yuvati prakriti ka mad-vihval lasy tha. van-palika parn-kutir ke vatayan se chakit hokar dekh rahi thi. sahasa bahar kampit kanth se shabd hua-‘‘ashray chahie!’’ van-palika ne kaha-‘‘tum kaun ho?’’

‘‘ek aparadhi.’’

‘‘tab yahan sthan nahin hai.’’

‘‘vichar kar uttar do, kahin ashray n dekar tum aparadh n kar baitho.’’ van-palika vicharane lagi. bahar se phir sunaee pada-‘‘vilamb hone se pranon ki ashnka hai.’’

van-palika nissnkoch uthi aur usane dvar khol diya. agantuk ne bhitar pravesh kiya. vah ek balishth yuvak tha, sahas usaki mukhakriti thi. van-palika ne poochha-‘‘tumane kaun-sa aparadh kiya hai?’’

‘‘bada bhari aparadh hai, prabhat hone par sunaoonga. is ratri men keval ashray do.’’-kahakar agantuk apana adrr vastr nichodane laga. usaka svar vikrit aur vadan niras tha. andhakar ne use aur bhi aspasht bana diya tha.

yuvati van-palika vyakul hokar prabhat ki pratiksha karane lagi. sahasa yuvak ne usaka hath pakad liya. vah trast ho gee, boli-‘‘aparadhi, yah kya?’’

‘‘aparadhi hoon sundari!’’-abaki bar usaka svar parivartit tha. pagal prakriti parnakuti ko gherakar apani hnsi men phooti padati thi. vah karasparsh unmadakari tha. kamini ki dhamaniyon men bahar ke barasati nalon ke saman rakt daud raha tha. yuvak ke svar men parichay tha, parantu yuvati ki vasana ke kutoohal ne bhay ka bahana khoj liya! bahar karakapat ke sath hi bijali kadaqi. van-palika ne doosara hath yuvak ke kanth men dal diya.

andhakar hnsane laga.

bhag 3

bahut din bit gaye. kitane hi baras aye aur chale gaye. vah kusum-kanan-jisamen mor, shuk aur pik, phoolon se ladi jhadiyon men vihar karate the, ab ek jngal ho gaya. ab rajakumar vahan nahin ate the. ab ve svayn raja hain. sukumar paude sookh gaye. vishalakay vrikshon ne apani shakhaon se jakad liya. us gahan van men ek kone men parnakuti thi, usamen ek stri aur usaka putr, dono rahate the.

donon baheliyon ka vyavasay karate; usi se unaka jivan-nirvah hota. pakshiyon ko phnsakar nagarikon ke hath vah balak becha karata, kabhi-kabhi mrig-shavak bhi pakad le ata.

ek din van-palika ka putr ek sundar kurng pakadakar nagar ki or bechane ke lie le gaya. usaki pith par badi achchhi bootiyan thin. vah darshaniy tha. raja ka putr apane tattoo par chadhaqar ghoomane nikala tha, usake rakshak sath the. rajapootr machal gaya. kishor mooly mangane laga. rakshakon ne kuchh dekar use chhin lena chaha. kishor ne kurng ka phanda dhila kar diya. vah chhalang bharata hua nikal gaya. rajapootr atyant hathi tha, vah rone laga. rakshakon ne kishor ko pakad liya. ve use rajamandir ki or le chale.

vatayan se rani ne dekha, usaka lal rota hua laut raha hai. ek andhi-si a gee. rani ne samachar sunakar us baheliye ke ladake ko benton se pite jane ki agya di.

kishor ne bina roye-chillaye aur ansoo bahaye benton ki chot sahan ki. usaka sara ang kshat-vikshat tha, pida se chal nahin sakata tha. mrigaya se lautate hue raja ne dekha. ek bar daya to aee, parantu usaka koee upayog n hua. rani ki agya thi. van-palika ne raja ke nikal jane par kishor ko god men utha liya. apane ansuon se ghav dhoti huee, usane kaha-‘‘ah! ve kitane nirdayi hain!’’

phir kee varsh bit gaye. navin rajapootr ko mrigaya ki shiksha ke lie, lakshy sadhane ke lie, vahi nagaropakanth ka van sthir hua. vahan rajapootr hiranon par, pakshiyon par tir chalata. van-palika ko ab phir kuchh labh hone laga. hiranon ko hankane se pakshiyon ka pata batane se, kuchh mil jata hai. parantu usaka putr kishor rajakumar ki mrigaya men bhag n leta.

ek din basant ki ujali dhoop men raja apane rajapootr ki mrigaya-pariksha lene ke lie, solah baras bad, us jngal men aye. raja ka munh ek bar vivarn ho gaya. us kusum kanan ke sabhi sukumar paudhe sookhakar lop ho gaye hain. unaki pediyon men kahin-kahin do-ek ankur nikal kar apane prachin bij ka nirdesh karate the. raja svapn ke saman us atit ki kalpana kar rahe the.

aheriyon ke vesh men rajapootr aur usake samavayask jngal men aye. kishor bhi apana dhanush liye ek or khada tha. kurng par tir chhoote. kishor ka tir kurng ke kanth ko bedhakar rajapootr ki chhati men ghus gaya. rajapootr achet hokar gir pada. kishor pakad liya gaya.

idhar van-palika raja ke ane ka samachar sunakar phool khojane lagi thi. us jngal men ab kamini-kusum nahin the. usane madhook aur doorva ki sundar mala banaee, yahi use mile the.

raja krodh se unmatt the. pratihinsa se kadakakar bole-maro!-badhikon ke tir chhoote? vah kamaniy-kalevar kishor prithvi par lotane laga. thik usi samay madhook-malika liye van-palika raja ke samane pahunchi.

kathor niyati jab apana vidhan poorn kar chuki thi, tab kamini kishor ke shav ke pas pahunchi! pagal-si usane mala raja ke oopar phenki aur kishor ko god men baitha liya. usaki nishchesht ankhe maun bhasha men jaise man-man kah rahi thin! usane hriday men ghus janevali ankhon se ek bar raja ki or dekha. aur bhi dekha-rajapootr ka shav!

raja ek bar akash aur prithvi ke bich men ho gaye. jaise vah kahan-se-kahan chale aye. rajapootr ka shok aur krodh, veg se bahati huee barasati nadi ki dhara men bulle ke saman bah gaya. unaka hriday vishay-shoony ho gaya. ek bar sachet hokar unhonne dekha aur pahachana-apana vahi-‘‘jirn kaushey ushnish.’’-‘‘van-palika!’’

‘‘raja’’-kamini ki ankhon men ansoo nahin the.

‘‘yah kaun tha?’’

gambhir svar men sar nicha kiye van-palika ne kaha-‘‘aparadhi.’’

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah