छोटा जादूगर -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

karnival ke maidan men bijali jagamaga rahi thi. hnsi aur vinod ka kalanad goonj raha tha. main khada tha. us chhote phuhare ke pas, jahan ek ladaqa chupachap sharab pinevalon ko dekh raha tha. usake gale men phate kurate ke oopar se ek moti-si soot ki rassi padi thi aur jeb men kuchh tash ke patte the. usake munh par gambhir vishad ke sath dhairy ki rekha thi. main usaki or n jane kyon akarshit hua. usake abhav men bhi sampoornata thi. mainne poochha-‘‘kyon ji, tumane isamn kya dekha?’’

‘‘mainne sab dekha hai. yahan choodi phenkate hain. khilaunon par nishana lagate hain. tir se nambar chhedate hain. mujhe to khilaunon par nishana lagana achchha maloom hua. jadoogar to bilakul nikamma hai. usase achchha to tash ka khel main hi dikha sakata hoon.’’-usane badi pragalbhata se kaha. usaki vani men kahin rukavat n thi.

mainne poochha-‘‘aur us parade men kya hai? vahan tum gaye the.’’

‘‘nahin, vahan main nahin ja saka. tikat lagata hai.’’

mainne kaha-‘‘to chal, main vahan par tumako liva chaloon.’’ mainne man-hi-man kaha-‘‘bhaee! aj ke tumhin mitr rahe.’’

usane kaha-‘‘vahan jakar kya kijiega? chalie, nishana lagaya jay.’’

mainne sahamat hokar kaha-‘‘to phir chalo, pahile sharabat pi liya jay.’’ usane svikar-soochak sir hila diya.

manushyon ki bhid se jade ki sandhya bhi vahan garm ho rahi thi. ham donon sharabat pikar nishana lagane chale. rah men hi usase poochha-‘‘tumhare aur kaun hain?’’

‘‘man aur babooji.’’

‘‘unhonne tumako yahan ane ke lie mana nahin kiya?’’

‘‘babooji jel men hai.’’

‘‘kyon?’’

‘‘desh ke lie.’’-vah garv se bola.

‘‘aur tumhari man?’’

‘‘vah bimar hai.’’

‘‘aur tum tamasha dekh rahe ho?’’

usake munh par tiraskar ki hnsi phoot padi. usane kaha-‘‘tamasha dekhane nahin, dikhane nikala hoon. kuchh paise le jaoonga, to man ko pathy doonga. mujhe sharabat n pilakar apane mera khel dekhakar mujhe kuchh de diya hota, to mujhe adhik prasannata hoti.’’

main ashchary se us terah-chaudah varsh ke ladake ko dekhane laga.

‘‘han, main sach kahata hoon babooji! man ji bimar hai; isalie main nahin gaya.’’

‘‘kahan?’’

‘‘jel men! jab kuchh log khel-tamasha dekhate hi hain, to main kyon n dikhakar man ki dava karoon aur apana pet bharoon.’’

mainne dirgh nishvas liya. charon or bijali ke lattoo nach rahe the. man vyagr ho utha. mainne usase kaha-‘‘achchha chalo, nishana lagaya jay.’’

ham donon us jagah par pahunche, jahan khilaune ko gend se giraya jata tha. mainne barah tikat kharidakar us ladake ko diye.

vah nikala pakka nishanebaj. usaka koee gend khali nahin gaya. dekhanevale dng rah gaye. usane barah khilaunon ko bator liya; lekin uthata kaise? kuchh meri rumal men bndhe, kuchh jeb men rakh lie gaye.

ladake ne kaha-‘‘babooji, apako tamasha dikhaoonga. bahar aie, main chalata hoon.’’ vah nau-do gyarah ho gaya. mainne man-hi-man kaha-‘‘itani jaldi ankh badal gayi.’’

main ghoomakar pan ki dookan par a gaya. pan khakar badi der tak idhar-udhar tahalata dekhata raha. jhoole ke pas logon ka oopar-niche ana dekhane laga. akasmath kisi ne oopar ke hindole se pukara-‘‘babooji!’’

mainne poochha-‘‘kaun?’’

‘‘main hoon chhota jadoogar.’’

-- --

kalakatte ke suramy botanikal-udyan men lal kamalini se bhari huee ek chhoti-si-jhil ke kinare ghane vrikshon ki chhaya men apani mandali ke sath baitha hua main jalapan kar raha tha. baten ho rahi thin. itane men vahi chhota jadoogar dikhaee pada. hath men charakhane ki khadi ka jhola. saf janghiya aur adhi banhon ka kurata. sir par meri rumal soot ki rassi se bndhi huee thi. mastani chal se jhoomata hua akar kahane laga-

‘‘babooji, namaste! aj kahie, to khel dikhaoon.’’

‘‘nahin ji, abhi ham log jalapan kar rahe hain.’’

‘‘phir isake bad kya gana-bajana hoga, babooji?’’

‘‘nahin ji-tumako....’’, krodh se main kuchh aur kahane ja raha tha. shrimati ne kaha-‘‘dikhalao ji, tum to achchhe aye. bhala, kuchh man to bahale.’’ main chup ho gaya; kyonki shrimati ki vani men vah man ki-si mithas thi, jisake samane kisi bhi ladake ko roka ja nahin sakata. usane khel arambh kiya.

us din karnival ke sab khilaune usake khel men apana abhinay karane lage. bhaloo manane laga. billi roothane lagi. bandar ghudakane laga.

gudiy़a ka byah hua. gudda var kana nikala. ladake ki vachalata se hi abhinay ho raha tha. sab hnsate-hnsate lot-pot ho gaye.

main soch raha tha. balak ko avashyakata ne kitana shighr chatur bana diya. yahi to snsar hai.

tash ke sab patte lal ho gaye. phir sab kale ho gaye. gale ki soot ki dori tukade-tukade hokar jut gayi. lattoo apane se nach rahe the. mainne kaha-‘‘ab ho chuka. apana khel bator lo, ham log bhi ab jaynge.’’

shrimati ji ne dhire se use ek rupaya de diya. vah uchhal utha.

mainne kaha-‘‘ladake!’’

‘‘chhota jadoogar kahie. yahi mera nam hai. isi se meri jivika hai.’’

main kuchh bolana hi chahata tha ki shrimati ne kaha-‘‘achchha, tum is rupaye se kya karoge?’’

‘‘pahale bhar pet pakaudi khaoonga. phir ek sooti kambal loonga.’’

mera krodh ab laut aya. main apane par bahut kruddh hokar sochane laga-‘oh! kitana svarthi hoon main. usake ek rupaye pane par main eeshrya karane laga tha n!’’

vah namaskar karake chala gaya. ham log lata-kunj dekhane ke lie chale.

us chhote-se banavati jngal men sandhya sany-sany karane lagi thi. astachalagami soory ki antim kiran vrikshon ki pattiyon se vidaee le rahi thi. ek shant vatavaran tha. ham log dhire-dhire motar se havada ki or a rahe the.

rah-rahakar chhota jadoogar smaran hota tha. sachamuch vah ek jhopadi ke pas kambal kandhe par dale khada tha. mainne motar rokakar usase poochha-‘‘tum yahan kahan?’’

‘‘meri man yahin hai n. ab use aspatal valon ne nikal diya hai.’’ main utar gaya. us jhopadi men dekha, to ek stri chithadon se ladi huee kanp rahi thi.

chhote jadoogar ne kambal oopar se dalakar usake sharir se chimatate hue kaha-‘‘man.’’

meri ankhon se ansoo nikal pade.

-- --

bade din ki chhutti bit chali thi. mujhe apane aphis men samay se pahunchana tha. kalakatte se man oob gaya tha. phir bhi chalate-chalate ek bar us udyan ko dekhane ki ichchha huee. sath-hi-sath jadoogar bhi dikhaee pad jata, to aur bhi..... main us din akele hi chal pada. jald laut ana tha.

das baj chuka tha. mainne dekha ki us nirmal dhoop men sadak ke kinare ek kapade par chhote jadoogar ka rngamnch saja tha. motar rokakar utar pada. vahan billi rooth rahi thi. bhaloo manane chala tha. byah ki taiyari thi; yah sab hote hue bhi jadoogar ki vani men vah prasannata ki tari nahin thi. jab vah auron ko hnsane ki cheshta kar raha tha, tab jaise svayn knp jata tha. mano usake roen ro rahe the. main ashchary se dekh raha tha. khel ho jane par paisa batorakar usane bhid men mujhe dekha. vah jaise kshan-bhar ke lie sphoortiman ho gaya. mainne usaki pith thapathapate hue poochha-‘‘aj tumhara khel jama kyon nahin?’’

‘‘man ne kaha hai ki aj turant chale ana. meri ghadi samip hai.’’-avichal bhav se usane kaha.

‘‘tab bhi tum khel dikhalane chale aye!’’ mainne kuchh krodh se kaha. manushy ke sukh-du:kh ka map apana hi sadhan to hai. usi ke anupat se vah tulana karata hai.

usake munh par vahi parichit tiraskar ki rekha phoot padi.

usane kaha-‘‘n kyon ata!’’

aur kuchh adhik kahane men jaise vah apaman ka anubhav kar raha tha.

kshan-bhar men mujhe apani bhool maloom ho gayi. usake jhole ko gadi men phenkakar use bhi baithate hue mainne kaha-‘‘jaldi chalo.’’ motaravala mere bataye hue path par chal pada.

kuchh hi minaton men main jhopade ke pas pahuncha. jadoogar daudakar jhopade men man-man pukarate hue ghusa. main bhi pichhe tha; kintu stri ke munh se, ‘be...’ nikalakar rah gaya. usake durbal hath uthakar gir gaye. jadoogar usase lipata ro raha tha, main stabdh tha. us ujjval dhoop men samagr snsar jaise jadoo-sa mere charon or nrity karane laga.

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah