चित्र-मंदिर -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

prakriti tab bhi apane nirman aur vinash men hnsati aur roti thi. prithvi ka puratan parvat vindhy usaki srishti ke vikas men sahayak tha. praniyon ka sanchar usaki gambhir hariyali men bahut dhire-dhire ho raha tha. manushyon ne apane hathon ki prithvi se uthakar apane pairon par khade hone ki soochana de di thi. jivan-devata ki ashirvad-rashmi unhen alok men ane ke lie amantrit kar chuki thi.

yauvan-jal se bhari huee kadambini-si yuvati nari richh ki khal lapete ek vriksh ki chhaya men baithi thi. usake pas chakamak aur sookhi lakadiyon ka dher tha. chhote-chhote hiranon ka jhund usi srot ke pas jal pine ke lie ata. unhen pakadane ki tak men yuvati badi der se baithi thi; kyonki us kal men bhi shastron se akhet nar hi karate the aur unaki nariyan kabhi-kabhi chhote-mote jantuon ko pakad lene men abhyast ho rahi thin.

srot men jal kam tha. vany kusum dhire-dhire bahate hue ek ke bad ek akar mala ki ladi bana rahe the. yuvati ne unaki vilakshan pnkhadiyon ko ashchary se dekha. ve sundar the, kintu usane inhen apani do arambhik avashyakataon kam aur bhookh se bahar ki vastu samajha. vah phir hiranon ki pratiksha karane lagi. unaka jhund a raha tha. yuvati ki ankhe pralobhan ki rngabhoomi ban rahi thin. usane apani hi bhujaon se chhati dabakar anand aur ullas ka pradarshan kiya.

door se ek kook sunaee padi aur ek bhadde phalavala bhala lakshy se chookakar usi ke pas ke vriksh ke tane men dhnsakar rah gaya. han, bhale ke dhnsane par vah jaise n jane kya sochakar pulakit ho uthi. hiran usake samip a rahe the; parantu usaki bhookh par doosari prabal ichchha vijayani huee. pahadi se utarate hue nar ko vah satrishn dekhane lagi. nar apane bhale ke pichhe a raha tha. nari ke ang men kamp, pulak aur sved ka udgam hua.

‘han, vahi to hai, jisane us din bhayanak richh ko apane prachand bal se parast kiya tha. aur, usi ki khal yuvati aj lapete thi. kitani hi bar tab se yuvak aur yuvati ki bhent nirjan kandaraon aur lataon ke jhuramut men ho chuki thi. nari ke akarshan se khincha hua vah yuva doosari shailamala se pray: idhar aya karata aur tab us jngali jivan men donon ka sahayog hua karata. aj nar ne dekha ki yuvati ki anyamanaskata se usaka lakshy pashu nikal gaya. vihar ke prathamik upachar ki sambhavana n rahi, use is sandhya men bina ahar ke hi lautana padega. ‘‘to kya jan-boojhakar usane aher ko bahaka diya, aur keval apani ichchha ki poorti ka anurodh lekar chali a rahi hai. lo, usaki banhe vyakulata se alingan ke lie bula rahi hain. nahin, use is samay apana ahar chahie.’’ usake bahupash se yuvak nikal gaya. nar ke lie donon hi aher the, nari ho ya pashu. is samay nar ko nari ki avashyakata n thi. usaki gupha men mans ka abhav tha.

sandhya a gayi. nakshatr oonche akash-giri par chadhऩe lage. alingan ke lie uthi huee banhen gir gayin. is drishy jagath ke us par se, vishv ke gambhir antastal se ek karun aur madhur antarnad goonj utha. nari ke hriday men pratyakhyan ki pahali thes lagi thi. vah us kal ke sadharan jivan se ek vilakshan anubhooti thi. van-path men hinsr pashuon ka sanchar badhऩe laga; parantu yuvati us nadi-tat se n uthi. nadi ki dhara men phoolon ki shreni bigad chuki thi—aur nari ki akanksha ki gati bhi vichchhinn ho rahi thi. aj usake hriday men ek apoorv parichit bhav jag pada, jise vah samajh nahin pati thi. apane dalon ke door gaye hue logon ko bulane ki pukar vayumandal men goonj rahi thi; kintu nari ne apani bulahat ko pahachanane ka prayatn kiya. vah kabhi nakshatr se chitrit us srot ke jal ko dekhati aur kabhi apane samip ki us tikoni aur chhoti-si gupha ko, jise vah apana adhivas samajh lene ke lie badhy ho rahi thi.

bhag 2

rajani ka andhakar kramash: saghan ho raha tha. nari barambar angadaee leti huee so gayi. tab bhi alingan ke lie usake hath nind men uthate aur girate the.

-- --

jab nakshatron ki rashmiyan ujjval hone lagin, aur ve pusht hokar prithvi par paraspar chumban karane lagin, tab jaise antariksh men baithakar kisi ne apane hathon se unaki doriyan bat din aur us par jhoolati huee do devakumariyan utari.

ek ne kaha—‘‘sakhi vidhata, tum badi nishthur ho. main jin praniyon ki srishti karati hoon, tum unake lie alag-alag vidhan banakar usi ke anusar kuchh dinon tak jine, apane snket par chalane aur phir mar jane ke lie vivash kar deti ho.’’

doosari ne kaha—‘‘dhata, tum bhi badi pagali ho. yadi samast praniyon ki vyavastha ek-si hi ki jati, to tumhari srishti kaisi niras hoti aur phir yah tumhari krida kaise chalati? dekho n, aj ki hi rat hai. gndhamadan men dev-balaon ka nrity aur asuron ke desh men rajy-viplav ho raha hai. atalant samudr sookh raha hai. mahamarusthal men jal ki dharaen bahane lagi hain, aur aryavart ke dakshin vindhy ke anchal men ek hiran n pane par ek yuva nar apani preyasi nari ko chhodakar chala jata hai. use hai bhookh, keval bhookh.’’

dhata ne kaha—‘‘han bahan, inhen utpann hue bahut din ho chuke; par ye abhi tak apane sahachari pashuon ki tarah rahate hain.’’

vidhata ne kaha—‘‘nahin ji, aj hi mainne is varg ke ek prani ke man men lalit komal andolan ka arambh kiya hai. inake hriday men ab bhavalok ki srishti hogi.’’

dhata ne prasann hokar poochha—‘‘to ab inaki jadata chhootegi n?’’

vidhata ne kaha—‘‘han, bahut dhire-dhire. manobhavon ko abhivyakt karane ke lie abhi inake pas sadhanon ka abhav hai.’’

dhata kuchh rooth-si gayi. usane kaha—‘‘chalo bahan, devanrity dekhen. mujhe tumhari kathorata ke karan apani hi srishti achchhi nahin lagati. kabhi-kabhi to oob jati hoon.’’

vidhata ne kaha—‘‘to chupachap baith jao, apana kam band kar do, meri bhi jalan chhoote.’’

dhata ne khinn hokar kaha—‘‘abhyas kya ek din men chhoot jayaga, bahan?’’

‘‘tab kya tumhari srishti ek din men svarg ban jayagi? chalo, sur-balaon ka somapan ho raha hai. ek-ek chashak ham log bhi len.’’—kahakar vidhata ne kiranon ki rassi pakad li aur dhata ne bhi! donon peng badhane lagin. oonche jate-jate antariksh men ve chhip gayin.

-- --

nari jaise sapana dekhakar uth baithi. prabhat ho raha tha. usaki ankhon men madhur svapn ki masti bhari thi. nadi ka jal dhire-dhire bah raha tha. poorv men lali chhitak rahi thi. malayavat se bikhare hue keshapash ko yuvati ne pichhe hataya. hiranon ka jhund phir dikhaee pada. usaka hriday samvedanashil ho raha tha. us drishy ko ni:sprih dekhane lagi.

oosha ke madhur prakash men hiranon ka dal chhalang bharata hua srot langh gaya; kintu ek shavak chakit-sa vahin khada rah gaya. pichhe akhet karanevalon ka dal a raha tha. yuvati ne shavak ko god men utha liya. dal ke aur log to srot ke snkirn tat ki or daude; kintu vah parichit yuvak yuvati ke pas chala aya. nari ne use dekhane ke lie munh phiraya tha ki shavak ki badi-badi ankhon men use apana pratibimb dikhaee pada. kshan-bhar ke lie tanmay hokar un nirih nayanon men nari apani chhaya dekhane lagi.

nar ki pashav pravritti jag padi. vah ab bhi sandhya ki ghatana ko bhool n saka tha. usane shavak chhin lena chaha. sahasa nari men adh‌bhut parivartan hua. shavak ko god men chipakaye jidhar hiran gaye the, usi or vah bhi daudi. nar chakit-sa khada rah gaya.

nari hiranon ka anusaran kar rahi thi. nale, khoh aur chhoti pahadiy़an, phir nala aur samatal bhoomi. vah door hiranon ka jhund, vahin kuchh door! barabar age badhi ja rahi thi. akhet ke lie un adim naron ka jhund bich-bich men milata. parantu use kya? vah to us jhund ke pichhe chali ja rahi thi, jisamen kali pithavale do hiran age-age chaukadi bhar rahe the.

ek badi nadi ke tat par jise langhana asambhav samajhakar hiranon ka jhund khada ho gaya tha, nari ruk gayi. shavak ko unake bich men usane chhod diya. nar aur pashuon ke jivan men vah ek ashcharyapoorn ghatana thi. shavak apani mata ka stan-pan karane laga. yuvati pahale-pahal muskura uthi. hiranon ne sir jhuka diye. unaka virodh-bhav jaise nasht ho chuka tha. vah lautakar apani gupha men ayi. chupachap thaki-si pad rahi. usake netron ke samane do drishy the. ek men prakand shariravala prachand balashali yuvak chakamak ke phal ka bhala liye pashuon ka aher kar raha tha. doosare men vah svayn hiranon ke jhund men ghiri huee khadi thi. ek men bhay tha, doosare men sneh. donon men kaun achchha hai, vah nishchay n kar saki.

bhag 3

nari ki dinacharya badal rahi thi. usake hriday men ek lalit bhav ki srishti ho rahi thi. manas men laharen uthane lagi thin. pahala yuvak pray: ata, usake pas baithata aur anek cheshtaen karata; kintu yuvati achal pashan-pratima ki tarah baithi rahati. ek doosara yuvak bhi ane laga tha. vah bhi aher ka mans ya phal kuchh-n-kuchh rakh hi jata. pahala ise dekhakar dant pisata, nas chatakata, uchhalata, koodata aur hath-pair chalata tha. tab bhi nari n to virodh karati, n anurodh. un krodhapoorn hunkaron ko jaise vah sunati hi n thi. yah lila pray: nity hua karati. vah ek prakar se apane dal se nirvasit usi gupha men apani kathor sadhana men jaise nimagn thi.

ek din usi gupha ke niche nadi ke pulin men ek varah ke pichhe pahala yuvak apana bhala liye daudata a raha tha. samane se doosara yuvak bhi a gaya aur usane apana bhala chala hi diya. chot se vikal varah pahale yuvak ki or laut pada, jisake samane do aher the. usane bhi apana sudirgh bhala kuchh-kuchh jan men aur kuchh anajan men phenka. vah krodh-moorti tha. doosara yuvak chhati oonchi kiye a raha tha. bhala usamen ghus gaya. udhar varah ne apani paini dadh pahale yuvak ke sharir men chubho di. donon yuvak gir pade. varah nikal gaya. yuvati ne dekha, vah daudakar pahale yuvak ko uthane lagi; kintu dal ke log vahan pahunch gaye. unaki ghrinapoorn drishti se ahat hokar nari gupha men laut gayi.

aj usaki ankhon se pahale-pahal ansoo bhi gire. ek din vah hnsi bhi thi. manushy-jivan ki ye dono pradhan abhivyaktiyan usake samane kram se ayin. vah roti thi aur hnsati thi, hnsati thi phir roti thi.

vasant bit chuka tha. prachand grishm ka arambh tha. pahadiyon se lal aur kale dhaturag bahane lage the. yuvati jaise us jad prakriti se apani tulana karane lagi. usaki ek ankh se hnsi aur doosare se ansoo ka udgam hua karata, aur ve donon drishy use prerit kiye rahate.

nari ne in donon bhavon ki abhivyakti ko sthayi roop dena chaha. shavak ki ankhon men usane pahala chitr dekha tha. kuchali huee vetas ki lata ko usane dhaturag men duboya aur apani tikoni gupha men pahali chiterin chitr banane baithi. usake pas do rng the, ek gairik, doosara krishn. gairik se usane apana chitr banaya, jisamen hiranon ke jhund men svayn vahi khadi thi, aur krishn dhaturag se akhet ka chitr, jisamen pashuon ke pichhe apana bhala ooncha kiye hue bhishm akriti ka nar tha.

nadi ka vah tat, amngalajanak sthan bahut kal tak nar-sanchar-varjit raha; kintu nari vahin apane jivanaparyant un donon chitron ko dekhati rahati aur apane ko kritakrity samajhati.

-- --

vindhy ke anchal men manushyon ke kitane hi dal vahan aye aur gaye. kisi ne pahale us chitr-mandir ko bhay se dekha, kisi ne bhakti se.

manav-jivan ke us kal ka vah smritichihn—jab ki usane apane hriday-lok men snsar ke do pradhan bhavon ko pratishtha ki thi—aj bhi surakshit hai. us prant ke jngali log use rajadhani ki gupha aur lalitakala ke khoji use pahala chitr-mandir kahate hain.

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah