रसिया बालम -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

snsar ko shantimay karane ke lie rajani devi ne abhi apana adhikar poornat: nahin prapt kiya hai. anshumali abhi apane adhe bimb ko pratichi men dikha rahe hain. keval ek manushy arbud-giri-sudridh durg ke niche ek jharane ke tat par baitha hua us ardh-svarn pind ki or dekhata hai aur kabhi-kabhi durg ke oopar rajamahal ki khidaqi ki or bhi dekh leta hai, phir kuchh gunagunane lagata hai.

ghanton use vaise hi baithe bit gaye. koee kary nahin, keval use us khidaqi ki or dekhana. akasmath ek ujale ki prabha us nichi pahadi bhoomi par padi aur sath hi kisi vastu ka shabd bhi hua, parantu us yuvak ka dhyan us or nahin tha. vah to keval us khidaqi men ke us sundar mukh ki or dekhane ki asha se usi or dekhata raha, jisane keval ek bar use jhalak dikhakar mantramugdh kar diya tha.

idhar us kagaz men lipati huee vastu ko ek aparichit vyakti, jo chhipa khada tha, uthakar chalata hua. dhire-dhire rajani ki gambhirata us shail-pradesh men aur bhi gambhir ho gayi aur jhadiyon ki ot men to andhakar moortiman ho baitha hua gyat hota tha, parantu us yuvak ko isaki kuchh bhi chinta nahin. jab tak us khidaqi men prakash tha, tab tak vah usi or nirnimesh dekh raha tha, aur kabhi-kabhi asphut svar se vahi gun-gunahat usake mukh se vanaspatiyon ko sunaee padati thi.

jab vah prakash bilkul n raha, tab vah yuvak utha aur samip ke jharane ke tat se hote hue usi andhakar men vilin ho gaya.

bhag 2

divakar ki pahali kiran ne jab chameli ki kaliyon ko chatakaya, tab un daliyon ko utana nahin gyat hua, jitana ki ek yuvak ke sharir-sparsh se unhen hilana pada, jo ki kante aur jhadiyon ka kuchh bhi dhyan n karake sidha apane marg ka anusaran kar raha hai. vah yuvak phir usi khidaqi ke samane pahuncha aur jakar apane poorv-parichit shilakhnd par baith gaya, aur pun: vahi kriya arambh huee. dhire-dhire ek sainik purush ne akar us yuvak ke kndhe par apana hath rakkha.

yuvak chaunk utha aur krodhit hokar bola-tum kaun ho?

agantuk hns pada aur bola-yahi to mera bhi prashn hai ki tum kaun ho? aur kyon is ant:pur ki khidaqi ke samane baithe ho? aur tumhara kya abhipray hai?

yuvak-main yahan ghoomata hoon, aur yahi mera makan hai. main jo yahan baitha hoon, mitr! vah bat yah hai ki mera ek mitr isi prakoshth men rahata hai; main kabhi-kabhi usaka darshan pa jata hoon, aur apane chitt ko prasann karata hoon.

sainik-par mitr! tum nahin janate ki yah rajakiy ant:pur hai. tumhen aise dekhakar tumhari kya dasha ho sakati hai? aur maharaja tumhen kya samajhenge?

yuvak-jo kuchh ho; mera kuchh asath abhipray nahin hai, main to keval sundar roop ka darshan hi nirantar chahata hoon, aur yadi maharaj bhi poochhen to yahi kahoonga.

sainik-tum jise dekhate ho, vah svayn rajakumari hai, aur tumhen kabhi nahin chahati. atev tumhara yah prayas vyarth hai.

yuvak-kya vah rajakumari hai? to chinta kya! mujhe to keval dekhana hai, main baithe-baithe dekha karoonga. par tumhen yah kaise maloom ki vah mujhe nahin chahati?

sainik-praman chahate ho to (ek patr dekar) yah dekho.

yuvak use lekar padhata hai. usamen likha tha.

‘‘yuvak!

tum kyon apana samay vyarth vyatit karate ho? main tumase kadapi nahin mil sakati. kyon mahinon se yahan baithe-baithe apana sharir nasht kar rahe ho, mujhe tumhari avastha dekhakar daya ati hai. at: tumako sachet karati hoon, phir kabhi yahan mat baithana.

vahi-

jise tum dekha karate ho!

bhag 3

yuvak kuchh der ke lie stambhit ho gaya. sainik samane khada tha. akasmath yuvak uthakar khada ho gaya aur sainik ka hath pakadakar bola-mitr! tum hamara kuchh upakar kar sakate ho? yadi karo, to kuchh vishesh parishram n hoga.

sainik-kaho, kya hai? yadi ho sakega, to avashy karoonga.

tatkal us yuvak ne apani ungali ek patthar se kuchal di, aur apane phate vastr men se ek tukada phadakar tinaka lekar usi rakt se tukade par kuchh likha, aur us sainik ke hath men dekar kaha-yadi ham n rahen, to isako us nishthur ke hath men de dena. bas, aur kuchh nahin.

itana kahakar yuvak ne pahadi par se koodana chaha; par sainik ne use pakad liya, aur kaha-rasiya! thaharo! -

yuvak avakh ho gaya; kyonki ab panch prahari sainik ke samane sir jhukaye khade the, aur poorv sainik svayn arbudagiri ke maharaj the.

maharaj age hue aur sainikon ke bich men rasiya. sab sinhadvar ki or chale. kile ke bhitar pahunchakar rasiya ko sath men liye hue maharaj ek prakoshth men pahunche. maharaj ne prahari ko agya di ki maharani aur rajakumari ko bula lave. vah pranam kar chala gaya.

maharaj-kyon balavnt sinh! tumane apani yah kya dasha bana rakkhi hai?

rasiya-(chaunkakar) maharaj ko mera nam kaise gyat hua?

maharaj-balavnt! main bachapan se tumhen janata hoon aur tumhare poorv purushon ko bhi janata hoon.

rasiya chup ho gaya. itane men maharani bhi rajakumari ko sath liye hue a gayin.

maharani ne pranam kar poochha-kya agya hai?

maharaj-baitho, kuchh vishesh bat hai. suno, aur dhyan se usaka uttar do. yah yuvak jo tumhare samane baitha hai, ek uttam kshatriy kul ka hai, aur main ise janata hoon. yah hamari rajakumari ke pranay ka bhikhari hai. meri ichchha hai ki isase usaka byah ho jay.

rajakumari, jisane ki ate hi yuvak ko dekh liya tha aur jo snkuchit hokar is samay maharani ke pichhe khadi thi, yah sunakar aur bhi snkuchit huee. par maharani ka mukh krodh se lal ho gaya. vah kade svar men bolin-kya apako khojate-khojate meri kusum-kumari kanya ke liye yahi var mila hai? vah! achchha jod milaya. kngal aur usake lie nidhi; bndar aur usake gale men har; bhala yah bhi kahin sambhav hai? ap shighr apane bhrantirog ki aushadhi kar daliye. yah bhi kaisa parihas hai! (kanya se) chalo beti, yahan se chalo.

maharaj-nahin, thaharo aur suno. yah sthir ho chuka hai ki rajakumari ka byah balavnt se hoga, tum ise parihas mat jano.

ab jo maharani ne maharaj ke mukh ki or dekha, to vah dridhapratigy dikhaee pade. nidan vichalit hokar maharani ne kaha-achchha, main bhi prastut ho jaoongi par is shart par ki jab yah purush apane bahubal se us jharane ke samip se niche tak ek pahadi rasta katakar bana le; usake lie samay abhi se keval prat:kal tak ka deti hoon-jab tak ki kukkut ka svar n sunaee pade. tab avashy main bhi rajakumari ka byah isi se kar doongi.

maharaj ne yuvak ki or dekha, jo nistabdh baitha hua sun raha tha. vah usi kshan utha aur bola-main prastut hoon, par kuchh aujar aur masale ke lie thode vish ki avashyakata hai.

usaki agyanusar sab vastuen use mil gayin, aur vah shighrata se usi jharane ke tat ki or dauda, aur ek vishal shilakhnd par jakar baith gaya, aur use todane ka udyog karane laga; kyonki isi ke niche ek gupt pahadi path tha.

bhag 4

nisha ka andhakar kanan-pradesh men apana poora adhikar jamaye hue hai. pray: adhi rat bit chuki hai. par keval un agni-sphulingon se kabhi-kabhi thoda-sa juganoo ka-sa prakash ho jata hai, jo ki rasiya ke shastr-prahar se patthar men se nikal padate hain. danadanh chot chali ja rahi hai-viram nahin hai kshan bhar bhi-n to us shail ko aur n us shastr ko. alaukik shakti se vah yuvak aviram chot lagaye hi ja raha hai. ek kshan ke liye bhi idhar-udhar nahin dekhata. dekhata hai, to keval apana hath aur patthar; ungali ek to pahale hi kuchali ja chuki thi, doosare aviram parishram! isase rakt bahane laga tha. par vishram kahan? us vajrasar shail par vajr ke saman kar se vah yuvak chot lagaye hi jata hai. keval parishram hi nahin, yuvak saphal bhi ho raha hai. usaki ek-ek chot men das-das ser ke dhoke kat-katakar pahad par se ludhaqate hain, jo soye hue jngali pashuon ko ghabada dete hain. yah kya hai? keval usaki tanmayata-keval prem hi us pashan ko bhi tode dalata hai.

phir vahi danadanh-barabar lagatar parishram, viram nahin hai! idhar us khidaqi men se alok bhi nikal raha hai aur kabhi-kabhi ek mukhada us khidaqi se jhaaunkakar dekh raha hai. par yuvak ko kuchh dhyan nahin, vah apana kary karata ja raha hai.

abhi ratri ke jane ke lie pahar-bhar hai. shital vayu us kanan ko shital kar rahi hai. akasmath ‘tarun-kukkut-kanthanad’ sunaee pada, phir kuchh nahin. vah kanan ekaek shoony ho gaya. n to vah shabd hi hai aur n to pattharon se agni-sphuling nikalate hain.

akasmath us khidaqi men se ek sundar mukh nikala. usane alok dalakar dekha ki rasiya ek patr hath men liye hai aur kuchh kah raha hai. isake uparant vah us patr ko pi gaya aur thodi der men vah usi shilakhnd par gir pada. yah dekh us mukh se bhi ek halka chitkar nikal gaya. khidaqi bnd ho gayi. phir keval andhakar rah gaya.

bhag 5

prabhat ka malay-marut us arbud-giri ke kanan men vaisi krida nahin kar raha hai, jaisi pahale karata tha. divakar ki kiran bhi kuchh prabhat ke mis se mand aur malin ho rahi hai. ek shav ke samip ek purush khada hai, aur usaki ankhon se ashrudhara bah rahi hai, aur vah kah raha hai-balavnt! aisi shighrata kya thi, jo tumane aisa kiya? yah arbud-giri ka pradesh to kuchh samay men yah vriddh tumhin ko deta, aur tum usamen chahe jis sthan par achchhe parynk par sote. phir, aise kyon pade ho? vats! yah to keval tumhari pariksha thi, yah tumane kya kiya?

itane men ek sundari vimukt-kuntala-jo ki svayn rajakumari thi-daudi huee ayi aur us shav ko dekhakar thithak gayi, natajanu hokar us purush ka, jo ki maharaj the aur jise is samay tak rajakumari pahachan n saki thi-charan dharakar boli-mahatmanh ! kya vyakti ne, jo yahan pada hai, mujhe kuchh dene ke lie apako diya hai? ya kuchh kaha hai?

maharaj ne chupachap apane vastr men se ek vastr ka tukada nikalakar de diya. us par lal aksharon men kuchh likha tha. us sundari ne use dekha aur dekhakar kaha-kripaya ap hi padh dijiye.

maharaj ne use padha. usamen likha tha-‘‘main nahin janata tha ki tum itani nithur ho. astu; ab main yahin rahoonga; par yad rakhana; main tumase avashy miloonga, kyonki main tumhen nity dekhana chahata hoon, aur aise sthan men dekhoonga, jahan kabhi palak girati hi nahin.

tumhara darshanabhilashi-

‘‘rasiya’’

isi samay maharaj ko sundari pahachan gayi, aur phir charan dharakar boli-pitaji, kshama karana. aur, shighratapoorvak rasiya ke kar-sthit patr ko lekar avashesh pi gayi aur gir padi. keval usake mukh se itana nikala-‘‘pitaji, kshama karana.’’ maharaj dekh rahe the!

  1. vastav men vah shabd kukkut ka nahin balki chhadm-veshini maharani ka tha, jo ki balavnt sinh aise din vyakti se apani kusum-kumari ke panigrahan ki abhilasha nahin rakhati thi. kintu maharaj isase anabhigy the.

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah