अमिट स्मृति -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

phalguni poornima ka chandr gnga ke shubhr vaksh par alok-dhara ka srijan kar raha tha. ek chhota-sa bajara vasant-pavan men andolit hota hua dhire-dhire bah raha tha. nagar ka anand-kolahal saikadon galiyon ko par karake gnga ke mukt vatavaran men sunaee pad raha tha. manoharadas hath-munh dhokar takiye ke sahare baith chuke the. gopal ne byaloo karake uthate hue poochha-

babooji, sitar le aoon?

aj aur kal, do din nahin. -manoharadas ne kaha.

vah! babooji, aj sitar n baja to phir bat kya rahi!

nahin gopal, main holi ke in do dinon men n to sitar hi bajata hoon aur n to nagar men hi jata hoon.

to kya ap chalenge bhi nahin, tyohar ke din nav par hi bitenge, yah to badi buri bat hai.

yadyapi gopal baras-baras ka tyohar manane ke lie sadharanat: yuvakon ki tarah utkanthit tha; parantu sattar baras ke boodhe manoharadas ko svayn boodha kahane ka sahas nahin rakhata. manoharadas ka bhara hua munh, dridh avayav aur balishth ang-vinyas gopal ke yauvan se adhik poorn tha. manoharadas ne kaha-

gopal! main gandi galiyon ya rng se bhagata hoon. itani hi bat nahin, isamen aur bhi kuchh hai. holi isi tarah bitate mujhe pachas baras ho gaye.

gopal ne nagar men jakar utsav dekhane ka kutoohal dabate hue poochha-aisa kyon babooji?

oonche takiye par chitt lekar lambi sans lete hue manoharadas ne kahana arambh kiya-

ham aur tumhare bade bhaee giridharadas sath-hi-sath javahirat ka vyavasay karate the. is sajhe ka hal tum janate hi ho. han, tab bambee ki dookan n thi aur n to aj-jaisi relagadiyon ka jal bharat men bichha tha; isalie rathon aur ikkon par bhi log lambi-lambi yatrayen karate. vishal saphed ajagar-si padi huee uttariy bharat ki vah sadak, jo bngal se kabul tak pahunchati hai sadaiv pathikon se bhari rahati thi. kahin-kahin bich men do-char kos ki nirjanata milati, anyatha pyaoo, baniye ki dookanen, padav aur sarayon se bhari huee is sadak par badi chahal-pahal rahati. yatra ke lie pratyek sthan men ghante men das kos janevale ikke to bahutayat se milate. banaras isamen vikhyat tha.

ham aur giridharadas holikadah ka utsav dekhakar das baje laute the ki prayag ke ek vyapari ka patr mila. isamen lakhon ke mal bik jane ki asha thi aur kal tak hi vah vyapari prayag men thaharega. usi samay ikkevan ko bulakar sahej diya aur ham log gyarah baje so gaye. soory ki kiranen abhi n nikali thi; dakshin pavan se pattiyan abhi jaise jhoom rahi thin, parantu ham log ikke par baithakar nagar ko kee kos pichhe chhod chuke the. ikka bade veg men ja raha tha. sadak ke dono or lage hue am ki manjariyon ki sugandh tivrata se nak men ghus kar madakata utpann kar rahi thi. ikkevan ki bagal men baithe hue raghunath maharaj ne kaha-sarakar badi thand hai.

kahana n hoga ki raghunath maharaj banaras ke ek nami lathait the. un dinon aisi yatraon men aise manushyon ka rakhana avashyak samajha jata tha.

soory bahut oopar a chuke the, mujhe pyas lagi thi. tum to janate hi ho, main dono bela booti chhanata hoon. amon ki chhaya men ek chhota-sa kuna dikhaee pada, jisake oopar mureredar pakki chhat thi aur niche charon or dalane thin. mainne ikka rok dene ko kaha. poorab vali dalan men ek baniye ki dookan thi, jisapar gud, chana, namak, sattoo adi bikate the. mere jhole men sab avashyak saman the. sidhiy़on se chadh kar ham log oopar pahunche. saray yahan se do kos aur ganv kos bhar par tha. is ramaniy sthan ko dekhakar vishram karane ki ichchha hoti thi. anek pakshiyon ki madhur boliyon se milakar pavan jaise surila ho utha. thandee banane lagi. pas hi ek niboo ka vriksh khoob phoola hua tha. raghunath ne baniye se handi lekar kuchh phoolon ko bhigo diya. thandee taiyar hote-hote usaki mahak se man mast ho gaya. chandi ke gilas jholi se bahar nikale gaye; par raghunath ne kaha-sarakar, isaki bahar to purave men hai. baniye ko pukara. vah to tha nahin, ek dhima svar sunaee pada-kya chahie?

purave de jao!

thodi hi der men ek chaudah varsh ki ladaqi sidhiy़on se oopar ati huee najar padi. sachamuch vah saloo ki chhint pahane ek dehati ladaqi thi, kal usaki bhabhi ne usake sath khoob gulal khela tha, vah jagi bhi maloom padati thi-madira-mandir ke dvar-si khuli huee ankhon men gulal ki garad ud rahi thi. palakon ke chhajje aur barauniyon ki chikon par bhi gulal ki bahar thi. sarake hue ghoonghat se jitani alaken dikhalaee padatin, ve sab rngi thin. bhitar se bhi us sarala ko koee rngin banane laga tha. n jane kyon, is chhoti avastha men hi vah chetana se ot-prot thi. aisa maloom hota tha ki sparsh ka manovikaramay anubhav use sachesht banaye rahata, tab bhi usaki ankhe dhokha khane hi par oopar uthatin. purava rakhane hi bhar men usane apane kapadon ko do-tin bar thik kiya, phir poochha-aur kuchh chahie? main muskara kar rah gaya. us vasant ke prabhav men sab log vah susvadu aur sugandhit thandee dhire-dhire pi rahe the aur main sath-hi-sath apani ankhon se us balika ke yauvanonmad ki madhuri bhi pi raha tha. charon or se niboo ke phool aur amon ki manjariyon ki sugandh a rahi thi. nagaron se door dehaton se alag kune ki vah chhat snsar men jaise sabase ooncha sthan tha. kshan bhar ke lie jaise us svapn-lok men ek apsara a gee ho. sadak par ek bailagadi vala bandalon se tika hua ankhe band kiye hue biraha gata tha. bailon ke hankane ki zaroorat nahin thi. vah apani rah pahachanate the. usake gane men upalambh tha, avedan tha. balika kamar par hath rakkhe hue bade dhyan se use sun rahi thi. giridharadas aur raghunath maharaj hath-munh dho aye; par main vaise hi baitha raha. raghunath maharaj ujadd to the hi; unhonne hnsate hue poochha-

kya dam nahin mila?

giradharadas bhi hns pade. gulab se rngi huee us balika ki kanapati aur bhi lal ho gee. vah jais sachet-si hokar dhire-dhire sidhi se utarane lagi. main bhi jaise tandra se chaunk utha aur savadhan hokar pan ki gilauri munh men rakhata hua ikke par a baitha. ghoda apani chal se chala. ghante-dedh ghante men ham log prayag pahunch gaye. doosare din jab ham log laute, to dekha ki us kuen ki dalan men baniye ki dookan nahin hai. ek manushy pani pi raha tha, usase poochhane par maloom hua ki ganv men ek bhari durghatana ho gayi hai. dopahar ko dhurahatta khelane ke samay nashe men rahane ke karan kuchh logon men dnga ho gaya. vah baniya bhi unhin men tha. rat ko usi ke makan par daka pada. vah to mar hi dala gaya, par usaki ladaqi ka bhi pata nahin.

raghunath ne akkhadapan se kaha-are, vah mahalakshmi aisi hi rahin. unake lie jo kuchh n ho jay, thoda hai.

raghunath ki yah bat mujhe bahut buri lagi. meri ankhon ke samane charon or jaise holi jalane lagi. thik sal bhar bad vahi vyapari prayag aya aur mujhe phir usi prakar jana pada. holi bit chuki thi, jab main prayag se laut raha tha, usi kuen par thaharana pada. dekha to ek vikalang daridr yuvati usi dalan men padi thi. usaka chalana-phirana asambhav tha. jab main kuen par chadhऩe laga, to usane dant nikalakar hath phaila diya. main pahachan gaya-sal bhar ki ghatana samane a gayi. n jane us din main pratigya kar baitha ki aj se holi n kheloonga.

vah pachas baras ki biti huee ghatana aj bhi pratyek holi men nee hokar samane ati hai. tumhare bade bhaee giridhar ne mujhe kee bar holi manane ka anurodh kiya, par main unase sahamat n ho saka aur main apane hriday ke is nirbal paksh par abhi tak dridh hoon. samajha n, gopal! isalie main ye do din banaras ke kolahal se alag nav par hi bitata hoon.

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah