प्रसाद -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

madhup abhi kisalay-shayya par, makarand-madira pan kiye so rahe the. sundari ke mukh-mandal par prasved bindu ke saman phoolon ke os abhi sookhane n paye the. arun ki svarn-kiranon ne unhen garami n pahunchayi thi. phool kuchh khil chuke the! parantu the ardh-vikasit. aise saurabhapoorn suman savere hi jakar upavan se chun liye the. parn-put ka unhen pavitr veshthan dekar anchal men chhipaye hue sarala dev-mandir men pahunchi. ghanta apane dambh ka ghor nad kar raha tha. chandan aur kesar ki chahal-pahal ho rahi thi. aguru-dhoop-gandh se toran aur prachir paripoorn tha. sthan-sthan par svarn-shrringar aur rajat ke naivedy-patr, badi-badi aratiyan, phool-chnger sajaye hue dhare the. dev-pratima ratn-abhooshanon se ladi huee thi.

sarala ne bhid men ghus kar usaka darshan kiya aur dekha ki vahan mallika ki mala, parijat ke har, malati ki malika, aur bhi anek prakar ke saurabhit suman dev-pratima ke padatal men vikirn hain. shatadal lot rahe hain aur kala ki abhivyaktipoorn dev-pratima ke oshthadhar men ratn ki jyoti ke sath bijali-si musakyan-rekha khel rahi thi, jaise un phoolon ka upahas kar rahi ho. sarala ko yahi vidit hua ki phoolon ki yahan ginati nahin, poochh nahin. sarala apane pani-pallav men parnaput liye kone men khadi ho gayi.

bhaktavrind apane naivedy, upahar devata ko arpan karate the, ratn-khand, svarn-mudraen devata ke charanon men girati thin. pujari bhakton ko phal-phoolon ka prasad dete the. ve prasann hokar jate the. sarala se n raha gaya. usane apane ardh-vikasit phoolon ka parn-put khola bhi nahin. badi lajja se, jisamen koee dekhe nahin, jyon-ka-tyon, phenk diya; parantu vah gira thik devata ke charanon par. pujari ne sab ki ankh bacha kar rakh liya. sarala phir kone men jakar khadi ho gayi. der tak darshakon ka ana, darshan karana, ghante ka bajana, phoolon ka raund, chandan-kesar ki kich aur ratn-svarn ki krida hoti rahi. sarala chupachap khadi dekhati rahi.

shayan arati ka samay hua. darshak bahar ho gaye. ratn-jatit svarn arati lekar pujari ne arati arambh karane ke pahale dev-pratima ke pas ke phool hataye. ratn-abhooshan utare, upahar ke svarn-ratn batore. moorti nagn aur viral-shrringar thi. akasmath pujari ka dhyan us parn-put ki or gaya. usane khol kar un thode-se ardh-vikasit kusumon ko, jo avahelana se sookha hi chahate the, bhagavanh ke nagn sharir par yathavakash saja diya. kee janm ka atritp shilpi hi jaise pujari hokar aya hai. moorti ki poornata ka udyog kar raha hai. shilpi ki shesh kala ki poorti ho gayi. pujari vishesh bhavapann hokar arati karane laga. sarala ko dekhakar bhi kisi ne n dekha, n poochha ki ‘tum is samay mandir men kyon ho?’

arati ho rahi thi, bahar ka ghanta baj raha tha. sarala man men soch rahi thi, main do-char phool-patte hi lekar ayi. parantu chadhane ka, arpan karane ka hriday men gaurav tha. dan ki so bhi kise! bhagavan ko! man men utsah tha. parantu hay! ‘prasad’ ki asha ne, shubh kamana ke badale ki lipsa ne mujhe chhota banakar abhi tak rok rakkha. sab darshak chale gaye, main khadi hoon, kis lie. apane unhin arpan kiye hue do-char phool lauta lene ke lie, ‘‘to chaloon.’’

akasmath arati band huee. sarala ne jane ke lie asha ka utsarg karake ek bar dev-pratima ki or dekha. dekha ki usake phool bhagavan ke ang par sushobhit hain. vah thithak gayi. pujari ne sahasa ghoom kar dekha aur kaha,-‘‘are tum! abhi yahin ho, tumhen prasad nahin mila, lo.’’ jan men ya anajan men, pujari ne bhagavanh ki ekavali sarala ke nat gale men dal di! pratima prasann hokar hns padi.

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah