घीसू -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

sandhya ki kalima aur nirjanata men kisi kuen par nagar ke bahar badi pyari svar-lahari goonjane lagati. ghisoo ko gane ka chasaka tha, parantu jab koee n sune. vah apani booti apane lie ghontata aur ap hi pita!

jab usaki rasili tan do-char ko pas bula leti, vah chup ho jata. apani batuee men sab saman batorane lagata aur chal deta. koee naya kuan khojata, kuchh din vahan adda jamata.

sab karane par bhi vah nau baje nandoo baboo ke kamare men pahunch hi jata. nandoo baboo ka bhi vahi samay tha, bin lekar baithane ka. ghisoo ko dekhate hi vah kah dete-a gaye, ghisoo!

han baboo, gaharebajon ne badi dhool udaee-saphe ka loch ate-ate bigad gaya! kahate-kahate vah pray: apane jayapuri gamachhe ko badi mithi ankhon se dekhata aur nandoo baboo usake kandhe tak bal, chhoti-chhoti dadhi, badi-badi gulabi ankhon ko sneh se dekhate. ghisoo unaka nity darshan karane vala, unaki bin sunanevala bhakt tha. nandoo baboo use apane dibbe se do khilli pan ki dete hue kahate-lo, ise jama lo! kyon, tum to ise jama lena hi kahate ho n?

vah vinamr bhav se pan lete hue hns deta-usake svachchh moti-se dant hnsane lagate.

ghisoo ki avastha pachis ki hogi. usaki boodhi mata ko mare bhi tin varsh ho gaye the.

nandoo baboo ki bin sunakar vah bazar se kachaudi aur doodh leta, ghar jata, apani kothari men gunagunata hua so rahata.

usaki poonji thi ek sau rupaye. vah rejagi aur paise ki thaili lekar dashashvamedh par baithata, ek paisa rupaya batta liya karata aur use barah-chaudah ane ki bachat ho jati thi.

govindaram jab booti banakar use bulate, vah asvikar karata. govindaram kahate-bada knjoos hai. sochata hai, pilana padega, isi dar se nahin pita.

ghisoo kahata-nahin bhaee, main sandhya ko keval ek hi bar pita hoon.

govindaram ke ghat par bindo nahane ati, das baje. usaki ujali dhoti men goraee phooti padati. kabhi rejagi paise lene ke lie vah ghisoo ke samane akar khadi ho jati, us din ghisoo ko asim anand hota. vah kahati-dekho, ghise paise n dena.

vah bindo! ghise paise tumhare hi lie hain? kyon?

tum to ghisoo hi ho, phir tumhare paise kyon n ghise honge?-kahakar jab vah muskara deti; to ghisoo kahata-bindo! is duniya men mujhase adhik koee n ghisa; isilie to mere mata-pita ne ghisoo nam rakkha tha.

bindo ki hnsi ankhon men laut jati. vah ek dabi huee sans lekar dashashvamedh ke tarakari-bazar men chali jati.

bindo nity rupaya nahin tudati; isilie ghisoo ko usaki baton ke sunane ka anand bhi kisi-kisi din n milata. to bhi vah ek nasha tha, jisase kee dinon ke lie bharapoor tripti ho jati, vah mook manasik vinod tha.

ghisoo nagar ke bahar godhooli ki hari-bhari kshitij-rekha men usake saundary se rng bharata, gata, gunagunata aur anand leta. ghisoo ki jivan-yatra ka vahi sambal tha, vahi pathey tha.

sandhya ki shoonyata, booti ki gamak, tanon ki rasili gunnahat aur nandoo baboo ki bin, sab bindo ki aradhana ki samagri thi. ghisoo kalpana ke sukh se sukhi hokar so rahata.

usane kabhi vichar bhi n kiya tha ki bindo kaun hai? kisi tarah se use itana to vishvas ho gaya tha ki vah ek vidhava hai; parantu isase adhik janane ki use jaise avashyakata nahin.

rat ke ath baje the, ghisoo bahari or se laut raha tha. savan ke megh ghire the, phoohi pad rahi thi. ghisoo ga raha tha-‘‘nisi din barasat nain hamare’’

sadak par kichad ki kami n thi. vah dhire-dhire chal raha tha, gata jata tha. sahasa vah ruka. ek jagah sadak men pani ikattha tha. chhinton se bachane ke lie vah thithak kar-kidhar se chalen-sochane laga. pas ke bagiche ke kamare se use sunaee pada-yahi tumhara darshan hai-yahan is munhajali ko lekar pade ho. mujhase....

doosari or se kaha gaya-to isamen kya hua! kya tum meri byahi huee ho, jo main tumhe isaka javab deta phiroon?-is shabd men bharrahat thi, sharabi ki boli thi.

ghisoo ne suna, bindo kah rahi thi-main kuchh nahin hoon lekin tumhare sath mainne dharam bigada hai so isilie nahin ki tum mujhe phatakarate phiro. main isaka gala ghont doongi aur-tumhara bhi....badamash....

oho! main badamash hoon! mera hi khati hai aur mujhase hi... thahar to, dekhoon kisake sath too yahan aee hai, jisake bharose itana badh-badhaqar baten kar rahi hai! paji...luchchi...bhag, nahin to chhura bhonk doonga!

chhura bhonkega! mar dal hatyare! main aj apani aur teri jan doongi aur loongi-tujhe bhi phansi par chadhavakar chhodoongi!

ek chillahat aur dhakkam-dhakka ka shabd hua. ghisoo se ab n raha gaya, usane bagal men daravaze par dhakka diya, khula hua tha, bhitar ghoom-phirakar palak marate-marate ghisoo kamare men ja pahuncha. bindo giri huee thi aur ek adhed manushy usaka jooda pakade tha. ghisoo ki gulabi ankhon se khoon baras raha tha. usane kaha- hain! yah aurat hai...ise...

maranevale ne kaha-tabhi to, isi ke sath yahan tak aee ho! lo, yah tumhara yar a gaya.

bindo ne ghoomakar dekha-ghisoo! vah ro padi.

adhed ne kaha-le, chali ja, mauj kar! aj se mujhe apana munh mat dikhana!

ghisoo ne kaha-bhaee, tum vichitr manushy ho. lo, chala jata hoon. mainne to chhura bhonkane ityadi aur chillane ka shabd suna, idhar chala aya. mujhase tumhare jhagade se kya sambandh!

main kahan le jaoonga bhaee! tum jano, tumhara kam jane. lo, main jata hoon-kahakar ghisoo jane laga.

bindo ne kaha-thaharo!

ghisoo ruk gaya.

bindo chali, ghisoo bhi pichhe-pichhe bagiche ke bahar nikal aya. sadak sunasan thi. donon chupachap chale. godauliya chaumuhani par akar ghisoo ne poochha-ab to tum apane ghar chali jaogi!

kahan jaoongi! ab tumhare ghar chaloongi.

ghisoo bade asamnjas men pada. usane kaha-mere ghar kahan? nandoo baboo ki ek kothari hai, vahin pada rahata hoon, tumhare vahan rahane ki jagah kahan!

bindo ne ro diya. chadar ke chhor se ansoo ponchhati huee, usane kaha-to phir tumako is samay vahan pahunchane ki kya padi thi. main jaisa hota, bhugat leti! tumane vahan pahunch kar mera sab chaupat kar diya-main kahin ki n rahi!

sadak par bijali ke ujale men roti huee bindo se bat karane men ghisoo ka dam ghutane laga. usane kaha-to chalo.

doosare din, dopahar ko thaili govindaram ke ghat par rakh kar ghisoo chupachap baitha raha. govindaram ki booti ban rahi thi. unhonne kaha-ghisoo, aj booti loge?

ghisoo kuchh n bola.

govindaram ne usaka utara hua munh dekhakar kaha-kya kahen ghisoo! aj tum udas kyon ho?

kya kahoon bhaee! kahin rahane ki jagah khoj raha hoon-koee chhoti-si kothari mil jati, jisamen saman rakhakar tala laga diya karata.

govindaram ne poochha-jahan rahate the?

vahan ab jagah nahin hai. isi madhi men kyon nahin rahate! tala laga diya karo, main to chaubis ghante rahata nahin.

ghisoo ki ankhon men kritgyta ke ansoo bhar aye.

govind ne kaha-to utho, aj to booti chhan lo.

ghisoo paise ki dookan lagakar ab bhi baithata hai aur bindo nity gnga nahane ati hai. vah ghisoo ki dookan par khadi hoti hai, use vah char ane paise deta hai. ab donon hnsate nahin, muskarate nahin.

ghisoo ka bahari or jana chhoot gaya hai. govindaram ki dongi par us par ho ata hai, lautate hue bich gnga men se usaki laharili tan sunaee padati hai; kintu ghat par ate-jate chup.

bindo nity paisa lene ati. n to kuchh bolati aur n ghisoo kuchh kahata. ghisoo ki badi-badi ankhon ke charon or halake gadhe pad gaye the, bindo use sthir drishti se dekhati aur chali jati. din-par-din vah yah bhi dekhati ki paison ki dheri kam hoti jati hai. ghisoo ka sharir bhi girata ja raha hai. phir bhi ek shabd nahin, ek bar poochhane ka kam nahin.

govindaram ne ek din poochha-ghisoo, tumhari tan idhar nahin sunaee padi.

usane kaha-tabiyat achchhi nahin hai.

govind ne usaka hath pakadakar kaha-kya tumhen jvar ata hai?

nahin to, yon hi ajakal bhojan banane men alas karata hoon, and-band kha leta hoon.

govindaram ne poochha-booti chhod diya, isi se tumhari yah dasha hai.

us samay ghisoo soch raha tha-nandoo baboo ki bin sune bahut din hue, ve kya sochate honge!

govindaram ke chale jane par ghisoo apani kothari men let raha. use sachamuch jvar a gaya.

bhishan jvar tha, rat-bhar vah chhatapatata raha. bindo samay par aee, madhi ke chabootare par us din ghisoo ki dookan n thi. vah khadi rahi. phir sahasa usane daravaza dhakel kar bhitar dekha-ghisoo chhatapata raha tha! usane jal pilaya.

ghisoo ne kaha-bindo. kshama karana; mainne tumhen bada du:kh diya. ab main chala. lo, yah bacha hua paisa! tum jano bhagavanh....kahate-kahate usaki ankhe tng gee. bindon ki ankhon se ansoo bahane lage. vah govindaram ko bula laee.

bindo ab bhi bachi huee poonji se paise ki dookan karati hai. usaka yauvan, roop-rng kuchh nahin raha. bach raha-thoda sa paisa aur bada sa pet-aur pahad-se anevale din!

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah