वैरागी -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

pahad ki talahati men ek chhota-sa samatal bhoomikhand tha. maulasiri, ashok, qadam aur am ke vrikshon ka ek hara-bhara kutumb use abad kiye hue tha. do-char chhote-chhote phoolon ke paudhe komal mrittika ke thalon men lage the. sab adrr aur saral the. tapi huee loo aur prabhat ka malay-pavan, ek kshan ke lie is nibhrit kunj men vishram kar lete. bhoomi lipi huee svachchh, ek tinake ka kahin nam nahin aur sundar vediyon aur lata-kunjon se alnkrit thi.

yah ek vairagi ki kuti thi, aur trin-kutir-us par lata-vitan, kushasan aur kambal, kamandal aur valkal utane hi abhiram the, jitane kisi raj-mandir men kala-kushal shilpi ke uttam shilp.

ek shila-khand par vairagi pashchim ki or munh kiye dhyan men nimagn tha. ast hone vale soory ki antim kiranen usaki barauniyon men ghusana chahati thin, parantu vairagi atal, achal tha, badan par muskarahat aur ang par brahmachary ki rukshata thi. yauvan ki agni nirved ki rakh se dhnki thi. shilakhand ke niche hi pagadandi thi. pashuon ka jhund usi marg se pahadi gochar-bhoomi se laut raha tha. godhooli mukt gagan ke ank men ashray khoj rahi thi. kisi ne pukara-‘‘ashray milega?’’

vairagi ka dhyan toota. usane dekha, sachamuch malin-vasana godhooli usake ashram men ashray mang rahi hai. anchal chhinn balon ki laten, phate hue kambal ke saman mansal vaksh aur skandh ko dhnkana chahati thin. gairik vasan jirn aur malin. saundary-vikrit ankhe kah rahi thin ki, unhonne umng ki raten jagate hue bitaee hain. vairagi akasmath andhi ke jhonke men pade hue vriksh ke saman tilamila gaya. usane dhire se kaha-‘‘svagat atithi! ao.’’

rajani ke ghane andhakar men trin-kutir, vrikshavali, jagamagate hue nakshatr dhundhale chitrapat ke sadrish pratibhasit ho rahe the. stri ashok ke niche vedi par baithi thi, vairagi apane kutir ke dvar par.

stri ne poochha-‘‘jab tumane apana sone ka snsar pairon se thukara diya, putr-mukh-darshan ka sukh, mata ka ank, yashavibhav, sab chhod diya, tab tuchchh bhoomikhand par itani mamata kyon? itana parishram, itana yatn kisalie?’’

‘‘keval tumhare-jaise atithiyon ki seva ke lie. jab koee ashrayahin mahalon se thukara diya jata hai, tab use aise hi ashray-sthan apane ank men vishram dete hain. mera parishram saphal ho jata hai-jab koee komal shayya par sonevala prani is mulayam mitti par thodi der vishram karake sukhi ho jata hai.’’

‘‘kab tak tum aisa karoge?’’

‘‘anant kal tak praniyon ki seva ka saubhagy mujhe mile!’’

‘‘tumhara ashray kitane dinon ke lie hai?’’

‘‘jab tak use doosara ashray n mile.’’

‘‘mujhe is jivan men kahin ashray nahin, aur n milane ki sambhavana hai.’’

‘‘jivan-bhar?’’-ashchary se vairagi ne poochha.

‘‘han.’’-yuvati ke svar men vikriti thi.

‘‘kya tumhen thand lag rahi hai?’’- vairagi ne poochha.

‘‘han.’’-usi prakar uttar mila.

vairagi ne kuchh sookhi lakadiy़an sulaga din. andhakar-pradesh men do-tin chamakili lapaten uthane lagin. ek dhundhala prakash phail gaya. vairagi ne ek kambal lakar stri ko diya. use odhaqar vah baith gee. nirjan prant men do vyakti. agni-prajvalit pavan ne ek thapeda diya. vairagi ne poochha-‘kab tak bahar baithogi?’’

‘‘rat bita kar chali jaoongi, koee ashray khojoongi; kyonki yahan rahakar bahuton ke sukh men badha dalana thik nahin. itane samay ke lie kuti men kyon aoon?’’

vairagi ko jaise bijali ka dhakka laga. vah pranapan se bal snkalit karake bola-‘‘nahin-nahin, tum svatantrata se yahan rah sakati ho.’’

‘‘is kuti ka moh tumase nahin chhoota. main usamen samabhagi hone ka bhay tumhare lie utpann n karoongi.’’-kahakar stri ne sir nicha kar liya. vairagi ke hriday men sanasani ho rahi thi. vah n jane kya kahane ja raha tha, sahasa bol utha-

‘‘mujhe koee pukarata hai, tum is kuti ko dekhana!’’-yah kahakar vairagi andhakar men vilin ho gaya. stri akeli rah gee.

pathik log bahut din tak dekhate rahe ki ek pila mukh us trin-kutir se jhankakar pratiksha ke path men palak-panvade bichhata raha.

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah