व्रत-भंग -जयशंकर प्रसाद  हिन्दी देवनागरी में पढ़ें।

Icon-edit.gif is lekh ka punarikshan evn sampadan hona avashyak hai. ap isamen sahayata kar sakate hain. "sujhav"

to tum n manoge?

nahin, ab ham logon ke bich itani badi khaee hai, jo kadapi nahin pat sakati!

itane dinon ka sneh?

oonh! kuchh bhi nahin. us din ki bat ajivan bhulaee nahin ja sakati, nndan! ab mere lie tumhara aur tumhare lie mera koee astitv nahin. vah atit ke smaran, svapn hain, samajhe?

yadi nyay nahin kar sakate, to daya karo, mitr! ham log gurukul men....

han-han, main janata hoon, tum mujhe daridr yuvak samajh kar mere oopar kripa rakhate the, kintu usamen kitana tikshn apaman tha, usaka mujhe ab anubhav hua.

us brahm bela men oosha ka arun alok bhagirathi ki laharon ke sath taral hota rahata, ham log kitane anurag se snan karane jate the. sach kahana, kya vaisi madhurima ham logon ke svachchh hridayon men n thi?

rahi hogi-par ab, us marmaghati apaman ke bad! main khada rah gaya, tum svarn-rath par chadhaqar chale gaye; ek bar bhi nahin poochha. tum kadachith janate hoge nndan ki kngal ke man men pralobhan ke prati kitana vidvesh hai? kyonki vah usase sadaiv chhal karata hai-thukarata hai. main apani us bat ko duharata hoon ki ham logon ka ab us roop men koee astitv nahin.

vahi sahi kapinjal! ham logon ka poorv astitv kuchh nahin, to kya ham log vaise hi nirmal hokar ek navin maitri ke lie hath nahin badha sakate? main aj prarthi hoon.

main us prarthana ki upeksha karata hoon. tumhare pas aishvary ka darp hai, to akinchata usase kahin adhik garv rakhati hai!

tum bahut katu ho gaye ho is samay. achchha, phir kabhi...

n abhi, n phir kabhi. main daridrata ko bhi dikhala doonga ki main kya hoon. is pakhand-snsar men bhookha rahoonga, parantu kisi ke samane sir n jhukaoonga. ho sakega to snsar ko badhy karoonga jhukane ke lie.

kapinjal chala gaya. nndan hatabuddhi hokar laut aya. us rat ko use nind n aee.

ukt ghatana ko barason bit gaye. pataliputr ke dhanakuber kalash ka kumar nndan dhire-dhire us ghatana ko bhool chala. aishvary ka madira-vilas kise sthir rahane deta hai! usane yauvan ke snsar men badi-badi ashaen lekar padarpan kiya tha. nndan tab bhi mitr se vanchit hokar jivan ko adhik chatur n bana saka.

radha, too kaisi pagali hai? toone kalash ki putr-vadhoo banane ka nishchay kiya hai, ashchary!

han mahadevi, jab gurujanon ki agya hai, tab use to manana hi padega.

main rok sakati hoon. moorkh nndan! kitana asngat chunav hai! radha, mujhe daya ati hai.

kisi any prakar se gurujanon ki ichchha ko tal dena yah meri dharana ke pratikool hai, mahadevi! nndan ki moorkhata saralata ka satyaroop hai. mujhe vah aruchikar nahin. main us nirmal-hriday ki dekh-rekh kar sakoon, to yah mere manornjan ka hi vishay hoga.

magadh ki mahadevi ne hnsi se kumari ke is sahas ka abhinndan karate hue kaha. teri jaisi ichchha, too svayn bhogegi.

madhavi-kunj se vah virakt hokar uth gee. unhen radha par kanya ke saman hi sneh tha.

din sthir ho chuka tha. svayn magadh-naresh ki upasthiti men mahashreshthi dhananjay ki kanya ka byah kalash ke putr se ho gaya, adh‌bhut vah samaroh tha. ratnon ke abhooshan tatha svarn-patron ke atirikt magadh-samrath ne radha ki priy vastu amooly mani-nirmit dipadhar bhi dahej men de diya. us utsav ki badaee, pan-bhojan amod-pramod ka vibhavashali charu chayan kusumapur ke nagarikon ko bahut din tak galp karane ka ek pradhan upakaran tha.

radha kalash ki putr-vadhoo huee.

radha ke navin upavan ke saudh-mndir men agaru, kastoori aur keshar ki chahal-pahal, pushp-malaon ka donon sandhya men navin ayojan aur dipavali men vina, vnshi aur mridng ki snigdh gambhir dhvani bikharati rahati. nndan apane sukomal asan par leta hua radha ka anindy saundary ekatak chupachap dekha karata. us susajjit koshth men mani-nirmit dipadhar ki yantr-mayi nartaki apane noopuron ki jhnkar se nndan aur radha ke lie ek krida aur kutoohal ka srijan karati rahati. nndan kabhi radha ke khisakate hue uttariy ko snbhal deta. radha hnsakar kahati-

bada kasht hua.

nndan kahata-dekho, tum apane prasadhan hi men pasine-pasine ho jati ho, tumhen vishram ki avashyakata hai.

radha garv se muskara deti. kitana suhag tha usaka apane saral pati par aur kitana abhiman tha apane vishvas par! ek sukhamay svapn chal raha tha.

kalash-dhan ka upasak seth apani vibhooti ke lie sadaiv sashnk rahata. use rajakiy snrakshan to tha hi, daivi raksha se bhi apane ko sampann rakhana chahata tha. is karan use ek nnge sadhu par atyant bhakti thi, jo kuchh hi dinon se us nagar ke upakanth men akar rahane laga tha.

usane ek din kaha-sab log darshan karane chalenge.

upahar ke thal prastut hone lage. divy rathon par baithakar sab sadhu-darshan ke lie chale. vah bhagirathi-tat ka ek kanan tha, jahan kalash ka banavaya hua kutir tha.

sab log anucharon ke sath rath chhodakar bhaktipoorn hriday se sadhu ke samip pahunche. parantu radha ne jab door hi se dekha ki vah sadhu nagn hai, to vah rath ki or laut padi. kalash ne use bulaya; par radha n aee. nndan kabhi radha ko dekhata aur kabhi apane pita ko. sadhu khilon ke saman phoot pada. dant kitakita kar usane kaha-yah tumhari putr-vadhoo kulakshana hai, kalash! tum ise hata do, nahin to tumhara nash nishchit hai. nndan danto tale jibh dabakar dhire se bola-are! yah kapinjal .....

anagat bhavishy ke lie bhayabhit kalash kshubdh ho utha. vah sadhu ki pooja karake laut aya. radha apane navin upavan men utari.

kalash ne poochha-tumane mahapurush se kyon itana durvinit vyavahar kiya?

nahin pitaji! vah svayn durvinit hai. jo striyon ko ate dekhakar bhi sadharan shishtachar ka palan nahin kar sakata, vah dharmik mahatma to kadapi nahin!

kya kah rahi hai! ve ek siddh purush hain.

siddhi yadi itani adham hai, dharm yadi itana nirlajj hai, to vah striyon ke yogy nahin pitaji! dharm ke roop men kahin ap bhay ki upasana to nahin kar rahe hain?

too sachamuch kulakshana hai!

ise to antaryami bhagavanh hi jan sakate hain. manushy isake lie atyant kshudr hai. pitaji ap....

use rokakar atyant krodh se kalash ne kaha-tujhe is ghar men rakhana alakshmi ko bulana hai. ja, mere bhavan se nikal ja.

nndan sun raha tha. kath ke putale ke saman! vah is vichar ka ant ho jana to chahata tha; par kya kare, yah usaki samajh men n aya. radha ne dekha, usaka pati kuchh nahin bolata, to apane garv se sir uthakar kaha-main dhanakuber ki krit dasi nahin hoon. mere grihinitv ka adhikar keval mera padaskhalan hi chhin sakata hai. mujhe vishvas hai, main apane acharan se ab tak is pad ki svamini hoon. koee bhi mujhe isase vanchit nahin kar sakata.

ashchary se dekha nndan ne aur hatabuddhi hokar suna kalash ne. donon upavan ke bahar chale gaye.

vah upavan sabase parityakt aur upekshaniy ban gaya. bhitar baithi radha ne yah sab dekha.

nndan ne pita ka anukaran kiya. vah dhire-dhire radha ko bhool chala; parantu naye byah ka nam lete hi chaunk padata. usake man men dhan ki or vitrishna jagi. aishvary ka yantrik shasan jivan ko niras banane laga. usake man ki atripti, vidroh karane ke lie suvidha khojane lagi.

kalash ne usake manovinod ke lie naya upavan banavaya. nndan apani smritiyon ka lila-niketan chhodakar rahane laga.

radha ke abhooshan bikate the aur us seth ke dvar ki atithi-seva vaisi hi hoti rahati. mukt dvar ka aparimit vyay aur abhooshanon ke vikray ki ay-kab tak yah yuddh chale? ab radha ke pas bach gaya tha vahi mani-nirmit dipadhar, jise mahadevi ne usaki krida ke lie banavaya tha.

thoda-sa ann atithiyon ke lie bacha tha. radha do din se upavas kar rahi thi. dasi ne kaha-svamini! yah kaise ho sakata hai ki apake sevak, bina apake bhojan kie ann grahan karen?

radha ne kaha-to, aj yah mani-dip bikega. dasi use le aee. vah yantr se bani huee ratn-jatit nartaki nach uthi. usake noopur ki jhnkar us daridr bhavan men gnoojane lagi. radha hnsi. usane kaha-manushy jivan men itani niyamanukoolata yadi hoti?

sneh se choomakar use bechane ke lie anuchar ko de diya. pany men pahunchate hi dipadhar bade-bade ratn-vanikon ki drishti ka ek kutoohal ban gaya. us choodamani ka divy alok sabhi ki ankhon men chakachaundh utpann kar deta tha. mooly ki boli badhऩe lagi. kalash bhi pahuncha. usane poochha-yah kisaka hai? anuchar ne uttar diya-meri svamini saubhagyavati shrimati radha devi ka.

lobhi kalash ne dantakar kaha-mere ghar ki vastu is tarah churakar tum log bechane phir jaoge, to bandi-grih men padoge. bhago.

amooly dipadhar se vanchit sab log laut gaye. kalash use apane ghar uthava le gaya.

radha ne sab suna-vah kuchh n boli.

gnga aur shon men ek sath hi badh aee. ganv-ke-ganv bahane lage. bhishan hahakar macha. kahan graminon ki asahay dasha aur kahan jal ki uddand badh, kachche jhopade us mahajal-vyal ki phoonk se titar-bitar hone lage. vrikshon par jise ashray mila, vahi bach saka. nndan ke hriday ne tisara dhakka khaya. nndan ka satsahas utsahit hua. vah apani poori shakti se navon ki sena bana kar jalaplavan men dat gaya aur kalash apane sat khand ke prasad men baitha yah drishy dekhata raha.

rat navon par bitati hai aur banson ke chhote-chhote bede par din. nndan ke lie dhoop, varsha, shit kuchh nahin. apani dhun men vah laga hua hai. badh-piditon ka jhund seth ke prasad men har nav se utarane laga. kalash krodh ke mare bilabila utha. usane agya di ki badh-pidit yadi svayn nndan bhi ho, to vah prasad men n ane pave. ghata ghiri thi, jal barasata tha. kalash apani oonchi atari par baitha mani-nirmit dipadhar ka nrity dekh raha tha.

nndan bhi usi nav par tha, jis par char durbal striyan, tin shit se thithure hue bachche aur panch jirn panjar vale vriddh the. us samay nav dvar par ja lagi. seth ka prasad gnga-tat ki ek oonchi chattan par tha. vah ek chhota-sa durg tha. jal abhi dvar tak hi pahunch saka tha. prahariyon ne nav dekhate hi roka-piditon ko isamen sthan nahin.

nndan ne poochha-kyon?

mahashreshthi kalash ki agya.

nndan ne ek krodh se us prasad ki or dekha aur manjhi ko nav lautane ki agya di. manjhi ne poochha-kahan le chalen? nndan kuchh n bola. nav badh men chakkar khane lagi. sahasa door use jal-magn vrikshon ki chotiyon aur pedon ke bich men ek grih ka oopari ansh dikhaee pada. nndan ne snket kiya. manjhi usi or nav khene laga.

grih ke niche ke ansh men jal bhar gaya tha. thoda-sa ann aur eendhan oopar ke bhag men bacha tha. radha us jal men ghiri huee achal thi. chhat ki munder par baithi vah jalamayi prakriti men doobati huee soory ki antim kiranon ko dhyan se dekh rahi thi. dasi ne kaha-svamini! vah dipadhar bhi gaya, ab to ham logon ke lie bahut thoda ann ghar men bach raha hai.

dekhati nahin yah pralay-si badh! kitane mar mite honge. tum to pakki chhat par baithi abhi yah drishy dekh rahi ho. aj se mainne apana ansh chhod diya. tum log jab tak ji sako, jina.

sahasa niche jhankakar radha ne dekha, ek nav usake vatayan se takara rahi hai, aur ek yuvak use vatayan ke sath dridhata ke sath bandh raha hai.

radha ne poochha-kaun hai?

niche sir kiye nndan ne kaha-badh-pidit kuchh praniyon ko kya ashray milega? ab jal ka krodh utar chala hai. keval do din ke lie itane maranevalon ko ashray chahie.

thahariye, sidhi latakaee jati hai.

radha aur dasi tatha anuchar ne milakar sidhi lagaee. nndan vivarn mukh ek-ek ko pith par ladakar oopar pahunchane laga. jab sab oopar a gaye, to radha ne akar kaha-aur to kuchh nahin hai, keval dvidalon ka joos in logon ke lie hai, le aoon.

nndan ne sir uthakar dekha, radha. vah bol utha-radha! tum yahin ho?

han svami, main apane ghar men hoon. grihani ka kartavy palan kar rahi hoon.

par main grihasth ka kartavy n palan kar saka, radha, pahale mujhe kshama karo.

svami, yah aparadh mujhase n ho sakega. uthie, aj apaki karmanyata se mera lalat ujjval ho raha hai. itana sahas kahan chhipa tha, nath!

donon prasann hokar kartavy men lage. yatha-sambhav un dukhiyon ki seva hone lagi.

ek prahar ke bad nndan ne kaha-mujhe bhram ho raha hai ki koee yahan pas hi vipann hai. radha! abhi rat adhik nahin huee hai, main ek bar nav lekar jaoon?

radha ne kaha-main bhi chaloon?

nndan ne kaha-grihani ka kam karo, radha! kartavy kathor hota hai, bhav-pradhan nahin.

nndan ek manjhi ko lekar chala gaya aur radha dipak jalakar munder par baithi thi. dasi aur das piditon ki seva men lage the. badal khul gaye the. asnkhy nakshatr jhalamala kar nikal aye, meghon ke bandigrih se jaise chhutti mili ho! chandrama bhi dhire-dhire us trast pradesh ko bhayabhit hokar dekh raha tha.

ek ghante men nndan ka shabd sunaee pada-sidhi.

radha dipak dikhala rahi thi. aur sidhi ke sahare nndan oopar ek bhari bojh lekar chadh raha tha.

chhat par akar usane kaha-ek vastr do, radha! radha ne ek uttariy diya. vah mumoorshu vyakti nagn tha. use dhakakar nndan ne thoda senk diya; garmi bhitar pahunchate hi vah hilane-dolane laga. niche se manjhi ne kaha-jal bade veg se hat raha hai, nav dhili n karoonga, to latak jayagi.

nndan ne kaha-tumhare lie bhojan latakata hoon, le lo. kal-ratri bit gee. nndan ne prabhat men ankhen kholakar dekha ki sab so rahe hain aur radha usake pas baithi sir sahala rahi hai.

itane men pichhe se laya hua manushy utha. apane ko aparichit sthan men dekhakar vah chilla utha-mujhe vastr kisane pahanaya, mera vrat kisane bhng kiya?

nndan ne hnsakar kaha-kapinjal! yah radha ka grih hai, tumhen usake agyanusar yahan rahana hoga. chhodo pagalapan! chalo, bahut se prani ham logon ki sahayata ke adhikari hain. kapinjal ne kaha-so kaise ho sakata hai? tumhara-hamara sng asambhav hai.

mujhe dand dene ke lie hi to tumane yah svang racha tha. radha to usi din se nirvasit thi aur kal se mujhe bhi apane ghar men pravesh karane ki agya nahin. kapinjal! aj to ham aur tum donon barabar hain aur itane adhamaron ke pranon ka dayitv bhi hami logon par hai. yah vrat-bhng nahin, vrat ka arambh hai. chalo, is daridr kutumb ke lie ann jutana hoga.

kapinjal agyakari balak ki bhanti sir jhukaye uth khada hua.

tika tippani aur sndarbh


bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah