अभिषेक  हिन्दी देवनागरी में पढ़ें।

  • mantrapath ke sath pavitr jal-sinchan ya snan. yajurved, anek brahman evn charon vedon ki shraut kriyaon men ham abhishechaniy krity ko rajasooy ke ek ang ke roop men pate hain.
  • aitarey brahman men to abhishek hi mukhy vishay hai. dharmik abhishek vyakti athava vastuon ki shuddhi ke roop men vishv ki ati prachin paddhati hai. any deshon men anuman lagaya jata hai ki abhishek rudhir se hota tha jo virata ka soochak samajha jata tha. shatapath brahman[1] ke anusar is kriya dvara tejasvita evn shakti vyakti vishesh men jagrit ki jati hai. aitarey brahman ka mat hai ki yah dharmik krity samrajyashakti ki prapti ke lie kiya jata tha.
  • mahabharat men yudhishthir ka abhishek do bar hua tha, pahala sabhaparv[2] ki digvijayon ke pashchath adhikrit rajaon ki upasthiti men rajasooy ke ek ansh ke roop men tatha doosara bharat yuddh ke pashchat.
  • maharaj ashok ka abhishek rajyarohan ke char varsh bad evn harsh shiladity ka abhishek bhi aise hi vilamb se hua tha. pray: samraton ka hi abhishek hota tha. isake ullekh brihatkatha, kshemendr[3], somadev[4] tatha abhilekhon men[5] paye jate hain.
  • sadharan rajaon ke abhishek ke udaharan kam hi prapt hain, kintu svatantr hone ki sthiti men ye bhi apana abhishek karate the.
  • mahabharat (shaly parv) raja ke abhishek ko kisi bhi desh ke lie avashyak batalata hai.
  • yuvarajon ke abhishek ke udaharan bhi paryapt prapt hote hain, yatha ram ke ‘yauvarajyabhishek’ ka ramayan men vishad varnan hai, yadyapi yah ram ke antim rajyarohan ke samay hi poorn hua hai. yah pushyabhishek ka udaharan hai.
  • atharvaved parishisht[6], varahamihir ki brihatsnhita[7] evn kalikapuran[8] men bataya gaya hai ki yah snskar chandrama tatha pushy nakshatr ke snyog kal (paushamas) men hona chahie.
  • abhishek mantriyon ka bhi hota tha. harshacharit men rajaparivar ke sabhasadon ke abhishek (moordhabhishikta amatya rajan:) evn purohiton ke lie ‘brihaspatisav’ ka ullekh hai.
  • moortiyon ka abhishek unaki pratishtha ke samay hota tha. isake lie doodh, jal (vividh prakar ka), gay ka gobar adi padarthon ka prayog hota tha.
  • bauddhon ne apani das bhoomiyon men se antim ka nam ‘abhishekabhoomi’ athava poornata ki avastha kaha hai. abhishek ka arth kisi bhi dharmik snan ke roop men agni puran men kiya gaya hai.
  • abhishek ki samagriyon ka varnan ramayan, mahabharat, agni puran evn manasar men prapt hai. ramayan evn mahabharat se pata chalata hai ki vaidik abhishek snskar men tab yathesht parivartan ho chuka tha. agni puran ka to vaidik kriya se ekadam mel nahin hai. tab tak bahut se naye vishvas isamen bhar gaye the, jinaka shatapath brahman men nam bhi nahin hai. abhishek ke ek din poorv raja ki shuddhi ki jati thi, jinamen snan pradhan tha. yah nishchay hi vaidiki diksha ke saman tha, yatha-

1- mantriyon ki niyukti, jo pahale athava abhishek ke avasar par ki jati thi,
2- rajy ke ratnon ka chunav, isamen ek rani, ek hathi, ek shvet ashv, ek shvet vrishabh, ek athava do; shvet chhatr, ek shvet chamar,
3- ek asan (bhadrasan, sinhasan, bhadrapith, paramasan) jo sone ka bana hota tha tatha vyaghracharm se achchhadit rahata tha,
4- ek ya anek svarnapatr jo vibhinn jalon, madhu, dugdh, ghrit, udumbaramool tatha vibhinn prakar ki vastuon se paripoorn hote the.

  • mukhy snan ke samay raja rani ke sath asan par baithata tha aur keval rajapurohit hi nahin apitu any mantri, sambandhi evn nagarik adi bhi usako abhishikt karate the. snskar indr ki prarthana ke sath poora hota tha jisase raja ko devon ke raja indr ke tuly samajha jata tha. rajyarohan ke pashchath raja upahar vitaran karata tha evn purohit tatha brahman dakshina pate the.


tika tippani aur sndarbh

  1. shatapath brahman, 5.4.2.2
  2. sabhaparv, 33.45
  3. kshemendr, 17
  4. somadev, 15.110
  5. epigraphiya indika, 1.4.5.6
  6. atharvaved parishisht, 4
  7. brihatsnhita, 48
  8. kalikapuran, 89

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah