अमरावती  हिन्दी देवनागरी में पढ़ें।

Disamb2.jpg amaravati ek bahuvikalpi shabd hai any arthon ke lie dekhen:- amaravati (bahuvikalpi)

amaravati maharashtr prant ka ek jila evn usaka pradhan nagar hai. amaravati ruee ke vyapar ke lie prasiddh hai. yahan ruee ke tatha tel nikalane ke kee karakhane bhi hain. yah indr devata ki nagari ke roop men vikhyat hai. jis nagari men devata log rahate hain. ise indrapuri bhi kahate hain. isake paryay hain-

  1. pooshabhasa
  2. devapoo:
  3. mahendranagari
  4. amara aur
  5. surapuri

sthiti

amaravati jila a. 21° 46¢ u. se 20° 32¢ u. tatha de. 76° 38¢ poo. se 78° 27¢ poo. tak phaila hua, barar ke uttari tatha uttar poorvi bhag men basa hai. amaravati jile ka pradhan nagar amaravati samudratal se 1,118 phut ki unchaee par (a. 20° 56¢ u. aur de. 77° 47¢ poo.) sthit hai. amaravati jile ko do prithakh‌ bhagon men vibhajit kiya ja sakata hai:-

  1. painaghat ki urvara tatha samatal ghati jo poorv ki or nikali huee morsi talk ko chhodakar lagabhag chaukor hai. samudratal se is samatal bhag ki unchaee lagabhag 800 phut hai.
  2. uttari barar ka pahadi bhag jo satapuda ka ek ansh hai, aur bhinn-bhinn samayon men bhinn namon se prasiddh tha; jaise, banda, gangara, melaghat.

isake uttar pashchim ki or tapti, poorv ki or varadha aur bich se poorna nadi bahati hai. jile ki pradhan upaj ruee hai aur kul krishy bhoomi ka 50 pratishat isi ke utpadan men laga hai. jile ka kshetraphal lagabhag 12,210 ki.mi. hai. kondann buddh ke samay men yah nagar atharah 'li' vistrit tha. yahin par unaka pratham upadesh hua tha. amaravati namak stoop, jo dakshin bharat ke krishna zile men bejavada se pashchim aur dharanikota ke dakshin krishna ke dakshin tat par sthit hai. huen-sang ka poorv shail sngharam yahi hai. yah stoop 370-380 ee. men andhrabhrity rajaon dvara nirmit hua tha.[1]

sthapathy kal

amaravati ki sthapana raghuji bhonsale ne 18vin shatabdi men ki thi. vastukala ke saundary ke do pratik abhi bhi amaravati men milate hain-

  1. ek kukhyat raja visenachnda ki haveli aur,
  2. doosara shahar ke charon or ki divar.

yah chaharadivari patthar ki bani, 20 se 26 phut unchi tatha sava do mil lnbi hai. ise nijam sarakar ne pindariyon se dhani saudagaron ko bachane ke lie sanh‌ 1804 men banaya tha. isamen panch phatak tatha char khidakiyan hain. inamen se ek khidaki khoonakhari nam se kukhyat hai, jisake pas 1816 men muharram ke din 700 vyaktiyon ki hatya huee thi. amaravati nagar do bhagon men vibhajit hai-

  1. purani amaravati tatha,
  2. nee amaravati.
  • purani amaravati divar ke bhitar basi hai aur isake raste snkirn tatha abadi ghani tatha jalanikasi ki vyavastha nikrisht hai.
  • nee amaravati divar ke bahar vartaman samay men bani he aur isaki jalanikasi vyavastha, makanon ke dhng adi apekshakrit achchhe hain.
  • amaravati nagar ke anek gharon men aj bhi pachchikari ki bani kali lakadi ke baraje (baramade) milate hain jo prachin kal ki ek visheshata thi.
  • simant pradesh (pakistan) men jalalabad se do mil pashchim nagarahar hai. fahyan isako 'nekiye-loho' kahata hai. pali sahity ki amaravati yahi hai.

dharmik sthal

hinduon ki pauranik kinvadnti ke anusar amaravati sumeru parvat par sthit devataon ki nagari hai jahan jara, mrityu, shok, tap kuchh bhi nahin hota. amaravati men hinduon ke tatha jainiyon ke kee mndir hain. inamen se anbadevi ka mndir sabase mahatvapoorn hai. log kahate hain, is mndir ko bane lagabhag ek hajar varsh ho ge aur snbhavat: amaravati ka nam bhi isi se prachalit hua, yadyapi isase katipay vidvan sahamat nahin hain. amaravati men malatekari namak ek pahad hai jo is samay chandamari ke roop men vyavahrit hota hai. kinvadnti hai ki yahan pindari logon ne bahut dhan daulat gad rakha hai. amaravati ka jal yahan ke vadali talab se ata hai. yah talab lagabhag do varg mil ki bhoomi se pani ekatrit karata hai aur 150 lakh ghan phut pani dharan kar sakata hai.

any

madras ke guntoor jile men bhi amaravati namak ek prachin nagar hai. krishna nadi ke dakshin tat par (a. 16° 35¢ u. tatha de. 80° 24¢ poo.) sthit hai. isaka stoop tatha sngamaramar patthar ki reling ki moortiyan bharatiy shilpakala ke uttam pratik hain. shilalekh ke anusar is amaravati ka pratham stoop ee. poo. 200 varsh pahale bana tha aur any stoop pichhe kushanon ke samay men taiyar hue. in stoopon ki kee sundar moortiyan british myoojiyam tatha madras ke ajayabaghar men rakhi gee hain.[2]




panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. jarnal aauph rayal eshiyatik sosayati, jild 3,pri., 132 .
  2. hindi vishvakosh, khand 1 |prakashak: nagari pracharini sabha, varanasi |snkalan: bharat diskavari pustakalay |prishth snkhya: 190 |

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah