bharatakosh ke snsthapak/snpadak ke fesabuk laiv ke lie yahan klik karen.

जसवंत सिंह रावत  हिन्दी देवनागरी में पढ़ें।

jasavnt sinh ravat

jasavnt sinh ravat (angrezi: Jaswant Singh Rawat, janm- 19 agast, 1941; shahadat- 17 navnbar, 1962) bharatiy thal sena ke janbaj sainikon men se ek the. uttarakhand ki pavan bhoomi ek or dharmik, adhyatmik evn sanskritik anushthan ki sthali rahi hai, vahin yah bhoomi anyanek vir evn viranganaon ki janm sthali bhi rahi hai. is kadi men soobedar balabhadr sinh negi, 'viktoriya kras' vijeta soobedar daraban sinh, 'viktoriya kras' vijeta rayaphalamain gabbar sinh negi, karnal buddhisinh ravat, mejar harshavardhan bahuguna adi ke nam amar hain. 1962 ke bharat-chin yuddh men 72 ghnte tak akele baaurdar par ladakar shahid hone vale bharatiy sainik jasavnt sinh ravat aj bhi amar hain. 24 ghnte unaki seva men sena ke panch javan lage rahate hain. yahi nahin, rojana unake jooton par paaulish ki jati hai aur kapade pres hote hain.

parichay

desh ki raksha ke lie apane pranon ka utsarg karane vale rayaphalamain jasavnt sinh ravat ka janm 19 agast, 1941 ko gram badayoo patti khatali, paudhi (gadhaval) men hua. inake pita guman sinh ravat deharadoon men miletri deyari pharm ke karmachari the. unaki mata ka nam lilavati tha. inake bhaee vijay sinh evn ranavir sinh hain. nauvin kaksha tak shiksha prapt karane ke bad jasavnt sinh ravat ke mama pratap sinh negi, sevanivritt mejar ne unhen 16 agast, 1960 ko chauthi gadhaval rayaphal lainsadaun men bharti kara diya. unaki trening ke samay hi chin ne bharat ke uttari sima par ghusapaith kar di thi. dhire-dhire uttari-poorvi sima par yuddh shuroo kar diya. sena ko kooch karane ke adesh diye gaye. chauthi gadhaval rayaphal nepha kshetr men chini akraman ka pratirodh karane ko bheji gee.

jasavnt sinh ravat ke poorvaj gadh-kanda-guradagadh ke adhipati vir senani bhupu raut evn tiloo rautali the, jo gadhaval ke raja ke darabari the. inhonne apane adamy sahas v anukaraniy virata ke karan gadhaval ke itihas men apana nam samman se darj karaya hai. tiloo rauteli ko to 'gadhaval ki rani lakshmibaee' bhi kaha jata hai.[1]

chini akraman

prashikshan samapt karate hi 17 navambar 1962 ko chauthi gadhaval rayaphal ko nepha, arunachal pradesh ki tavang voo nadi par nooranang pul ki suraksha hetu lagaya gaya tha, par chini sena ne hamala bol diya. yah sthan 14,000 phit ki oonchaee par tha, chini sena tiddiyon ki tarah bharat par toot padi. chini sainikon ki adhik snkhya evn behatar saman ke karan sainik hatahat ho rahe the. dushman ke pas ek midiyam mashinagan thi, jise ki ve pul ke nikat lane men saphal ho gaye. is el.em.ji. se pul v platoon donon ki suraksha khatare men pad gee thi.

morche par a‍dig

yah sab dekhakar jasavnt sinh ravat ne pahal ki v mashinagan ko lootane ke uddeshy se apane apako svechchha se samarpit kar diya. tab unake sath lansanayak trilok sinh v rayaphalamain gopal sinh bhi taiyar ho gaye. ye tinon jamin par rengakar mashinagan se 10-15 gaj ki doori par thahar gaye. unhonne hathagolon se chini sainikon par hamala kar diya. unaki el.em.ji. le aye aur goli barasane lage. jasavnt sinh ravat ne bahaduri dikhate hue bairak nn. 1, 2, 3, 4 evn 5 se nirantar, kabhi bairak nn. 1 se to kabhi bairak n. 2 se goliyon ki varsha kar shatru ko 72 ghnte roke rakha. vah kabhi ek bnkar men jate, vahan se goli chalate, phir doosare bnkar men jate. unhen sthaniy mahila shila ne badi madad di. unhen gola barood v khady samagri nirantar upalabdh karavayi. jasavnt sinh ravat deshabhakti ke divane the. vah nirantar goliyan chalate rahe. unhen us samay paramapita paramatma ne asim shakti pradan kar di thi. unaki poorvaj vir bala tiloo rauteli unaki adarsh thin. is rananiti ke karan dushman yah samajhata raha ki bharatiy sena badi matra men unhen rok rahi hai.

shahadat

1962 ke is bhaynkar yuddh men 162 sainik viragati ko prapt ho gaye. 1264 ko dushmanon ne kaid kar liya. 256 sainik barphili havaon men titar-bitar ho gaye. us samay bharatiy sena ke pas yuddh ke anukool gola-barooddh, yuddh ka sajo saman bhi nahin tha aur n hi unaki taiyari thi. vahan par math ke gaddar lama ne chini sena ko bataya ki ek adami ne apaki briged ko 72 ghnte se rok rakha hai. is samachar ke bad unhonne chauki ko charon or se gher liya aur jasavnt sinh ravat ka sar kalam karake apane senanayak ke pas le gaye. chini sena ke dib kamandar ne samman ke sath unaka shav sandook men bndakar ek patr ke sath bhejan ki- "bharat sarakar bataye ki is vir ko kya samman denge, jisane 3 din v 3 rat tak hamari briged ko roke rakha." vir to vah hai, jisaki virata ka shatru bhi samman kare. tejapur se tavang rod par 425 ki.mi. par shilalekh par viragati prapt shahidon ke nam ankit hain v unaki smriti svaroop samadhi mndir banaya gaya hai.

laiphtinent janaral kaul ne apani pustak 'di anatold stori' men likha hai ki- "jis tarah se chin ka yah yuddh gadhaval rayaphal ke sainikon ne lada, usi tarah any bataliyan bhi yuddh ladati to is yuddh ka parinam kuchh aur hi hota. nepha ki janata jasavnt sinh ravat ko devata ke roop men poojati hai aur unhen 'mejar sahab' kahati hai. unake samman men jasavant gadh bhi banaya gaya hai. unaki atma aj bhi desh ke lie sakriy hai. sima chauki ke paharedaron men se yadi koee dyooti par sota hai to vah use chata marakar chaukanna kar deti hai.

samman

hiro aauf nefa jasavnt sinh ravat ko maranoparant 'mahavir chakr' pradan kiya gaya evn sena dvara unaki yad men har varsh 17 navambar ko 'nooranang divas' manakar amar shahid ko yad kiya jata hai.

aj bhi mustaid

vahan rahane vale javanon aur sthaniy logon ka manana hai ki jasavnt sinh ravat ki atma aj bhi bharat ki poorvi sima ki raksha kar rahi hai. unake nam se nooranang men jasavntagadh nam ka bada smarak banaya gaya hai. yahan shahid ke har saman ko snbhalakar rakha gaya hai. desh ke khatir shahid ho chuke jasavnt sinh ravat ke jooton par yahan rojana paaulish ki jati hai aur pahanane-bichhane ke kapade pres kie jate hain. is kam ke lie sikh rejiment ke panch javan tainat kie ge hain. yahi nahin, roj subah aur rat ki pahali thali unaki pratima ke samane parosi jati hai. bataya jata hai ki subah-subah jab chadar aur any kapadon ko dekha jae to unamen silavaten najar ati hain. vahin, paaulish ke bavajood joote badarng ho jate hain.[2]

milate hain pramoshan aur chhuttiyan

jasavnt sinh ravat bharatiy sena ke akele sainik hain, jinhen shahadat ke bad pramoshan milana shuroo hua. pahale nayak phir kaiptan aur ab vah mejar janaral ke pad par pahunch chuke hain. unake parivar valon ko poora vetan pahunchaya jata hai. ghar men vivah ya dharmik karyakramon ke avasaron par parivar valon ko jab jaroorat hoti hai, tab unaki taraph se chhutti ki arji di jati hai aur mnjoori milate hi sena ke javan unake tasvir ko poore sainik samman ke sath unake uttarakhnd ke pushtaini ganv le jate hain. vahin, chhutti samapt hote hi us tasvir ko sasamman vapas usi sthan par le jaya jata hai.

panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. jasavnt sinh ravat, nepha ka hiro (hindi) umjb.in. abhigaman tithi: 17 mee, 2020.
  2. ek shahid sainik, jisake kapade aj bhi pres hote hain aur mil rahe hain pramoshan (hindi) bhaskar.com. abhigaman tithi: 17 mee, 2020.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah