आबिद सुरती  हिन्दी देवनागरी में पढ़ें।

abid surati
abid surati
poora nam abid surati
any nam surati, surati sahab
janm 5 mee, 1935
janm bhoomi rajula, gujarat
abhibhavak gulam hasan aur sakina begam
pati/patni masooma begam
sntan do putr
mukhy rachanaen tisari aankh, d blaik buk (kali kitab), in nem aauf ram
bhasha hindi, gujarati
shiksha diploma in aartas
puraskar-upadhi rashtriy puraskar 1993, hindi sahity snstha avard, gujarat gaurav
prasiddhi chitrakar
nagarikata bharatiy
any janakari pani-bachao muhim men 'draaup ded' namak ek enajio chalate hain jisaki taigalain sev evari draaup aur draaup ded hai.
adyatan‎

abid surati (angrezi: Abid Surti janm: 5 mee, 1935) ek rashtriy puraskar vijeta hindi-gujarati sahityakar aur kartoon patr 'dhabboo ji' ke sarjak hain. abid surati chitrakar, kartoonist, vyngyakar, upanyasakar aur kahanikar bhi hain. vibhinn kalavidhaen unake lie kala aur zindagi ke dharre ko todane ka madhyam hain. unaki ye koshishen unake chitron men nazar ati hain. svabhav se yatharthavadi hote hue bhi ve apani kahaniyon men manav-man ki udanon ko shabdankit karate hain. jivan ka sachchaee se ve sidhe sakshatkar n karake phntasi aur kalpanikata ka sahara lete hain. vyngy ka painapan isi se ata hai, kyonki yatharth se phntasi ki takarahat se jo talkhi paida hoti hai, usaka prabhav sapat sachchaee ke prabhav se kahin jyada tikha hota hai. ek sachet-sajag kalakar ki tarah abid apani kahaniyon men sadiyon se chali a rahi jad-roodhiyon, parnparaon aur zindagi ki kimaton par lagatar prashnachihn lagate hain aur unhen todane ke lie bharapoor var bhi karate hain. yah bat unhen kalakaron ki pnkti men la khada karati hai, jo kala ko mahaz kala nahin, zindagi ki behatari ke madhyam ke roop men janate hain. vichar aur rochakata ka aisa adbhut sammishran bahut kam rachanakaron men najar ata hai, ve pratham pnkti ke rachanakar hain.[1]78 sal ki umr men bhi behad sakriy aur maharashtr men pani ki ek-ek boond bachate huye logon ko jal snrakshan ke liye sajag bhi kar rahe hain.

pani-bachao muhim men yogadan

munbee ke mira rod ilake men har ravivar abid ek plnbar ko lekar logon ke daravaje par jate hain aur unake ghar men lik kar rahe vaautar taip ko muft men thik karate hain. vah in taipon men lage rabar gaisket ring ko badalakar yah sunishchit karate hain ki pani lik hokar barbad n ho. is makasad se banae ge apane enajio ko unhonne nam diya hai 'draaup ded', jisaki taigalain hai: sev evari draaup aaaur draaup ded "Save Every Drop or Drop Dead."[2]. abid ki tim men philahal ek plnbar ke alava ek vaaulanatiyar bhi hai, jisaka kam gharon men jakar pani ki barbadi rokane ke lie janakariyon ka prachar-prasar karana hai. ek akalan ke mutabik, abid ne abhi tak apani muhim se karib 55 lakh litar pani barbad hone se bachaya hai. abid ke mutabik, unaka bachapan pani ki killat ke bich gujara. sal 2007 men vah apane dost ke ghar baithe the ki unaki najar achanak se ek lik karate pani ke taip par padi. jab unhonne is or apane dost ka dhyan dilaya, to am logon ki tarah hi usane is bat ko koee khas tavajjo nahin di. is bich abid ne koee artikal padha, jisake mutabik, agar ek boond pani har seknd barbad hota hai, to har mahine qarib 1 hajar litar pani barbad ho jata hai. yahin se shuruat huee ek nee kranti ki. pahali dikkat aee praaujekt ko shuroo karane ke lie paison ki, lekin isi dauran unhen hindi-sahity snsthan uttar pradesh ki or se 1 lakh rupe ka puraskar mila. march 2008 men vaautar knsaraveshan par philm bana rahe philmamekar shekhar kapoor ne apani vebasait par abid ki dil khol kar tariph ki. midiya men abid ke kam ka jikr shuroo ho chuka tha, philm star shaharukh khan ne bhi unake bare men padha aur abid ke kam ke murid ho ge. ek khabariya chainal ne unhen 'bi d chenj' avaaurd se bhi navaja. kisi kism ki laimalait men rahana kam pasnd karane vale abid kahate hain, 'vaautar knsaraveshan ki jng koee bhi apane ilake men lad sakata hai.' sattar ke dashak men jab abid ne phemas kartoon kairaktar 'bahadur' ko janm diya, tab shayad hi unhonne socha hoga ki yah ek din unhin ke kam ka paryay ban jaega.[3]

samman

bahumukhi sarjak abid surati ka varsh 2010 men munbee men unake 75 ven janmadin par samman hua. is avasar par hindustani prachar sabha ke sabhagar men sahityik patrika 'shabdayog' ke abid surati kendrit ank (joon 2010) ka lokarpan hua evn ek sngoshthi ka bhi ayojan kiya gaya. is avasar par abid surati ka samman karate hue samajasevi snstha 'yogadan' ke sachiv ar. ke. palival ne abid surati ki pani-bachao muhim ke lie das hajar roope ka chek bhent kiya. samman svaroop unhen shal aur shriphal ke bajay unake vyaktitv ke anuroop kaiparin yani baramooda aur rngin ti-shart bhent kiya gaya. karyakram ki shurooat men ar.ke.palival ki abid surati par likhi lambi kavita 'abid aur main' ka path philm abhinetri edina vadivala ne kiya. suprasiddh vyngakar sharad joshi ki ek charchit rachana 'main abid aur blaik aut' ka path unaki suputri v suparichit abhinetri neha sharad ne apane pita ke hi andaj men prastut kiya. samajasevi snstha 'yogadan' ki traimasik patrika 'shabdayog' ke is visheshank ka parichay karate hue is ank ke snyojak pratishthit kathakar ar.ke. palival ne kaha ki abid surati ek aise viral kathakar v kalakar hain, jinhonne apani kalam se hindi aur gujarati sahity ko pichhale dashakon se nirntar samriddh kiya hai. kathakar v vyngakar hone ke sath hi unhonne kartoon vidha men maharat hasil ki hai, philm lekhan kiya hai aur gazal vidha men bhi hath ajamae hain.[4]

dharmayug patrika men kartoon kona 'dhabboo ji' vale surati

dhabboo ji patrika men kartoon kona

'dharmayug' jaisi patrika men 30 sal tak lagatar 'kartoon kona dhabbooji' pesh karake unhonne ek rikard hi banaya hai. dharmayug patrika ke lie abid surati ne am adami ko chitrit karati huee ek kartoon strip banayin thi, jo prasiddh patrika ka ek lokapriy ang ban gaya tha- dhabboo ji. chhoti kad-kathi ke aur oopar se lekar niche tak kale labade men dhnke dhabboo ji ne apane vyng aur kataksh se pathakon ka dil jit liya tha. "dhabboo ji ki veshabhoosha abid surati sahab ne apane vakil pita se li thi aur dhabboo ji ka agaman ek gujarati akhabar/patrika se hua tha. dhabboo ji dharmayug men kaise aye isake pichhe bhi ek rochak vakaya hai, darasal, dharmayug ke snpadak dharmavir bharati us samay ek jane-mane kartoonist ki rachana apani patrika men prakashit karane ki soch rahe the jisame kuchh hafton ki deri thi jise bharane ke lie unhonne abid sahab ko un kuchh hafton ke lie kuchh banane ko kaha. is ekadam se mili peshakash ke chalate abid sahab ko kuchh aur nahin soojha to unhonne apane purane charitr ko ek naya nam dhabboo ji dekar 'dharmayug' men chhapavana shuroo kar diya aur jo charitr sirph kuchh hafton ke lie filar ki tarah istemal hona usaki lokapriyata itani badhi ki vo patrika ka ek niyamit phichar ban gaya."[5]

abid surati ki kali kitab

kali kitab 'abid surati' ki prasiddh pustak hai. is pustak par dharmavir bharati ki prastavana is prakar hai- “snsar ki purani pavitr kitaben itihas ke aise daur men likhi gayin jab manav samaj ko vyavasthit aur sngathit karane ke lie katipay mooly maryadaon ko nirdharit karane ki zaroorat thi. abid surati ki yah mahatvapoorn ‘kali kitab’ itihas ke aise daur men likhi gayi hai, jab sthapit mooly-maryadaen jhoothi padane lagi hai aur ne sire se ek vidrohi chintan ki avashyakata hai taki jo maryadaon ka chhadm samaj ko aur vyakti ki antaratma ko andar se vighatit kar raha hai, usake punargathan ka adhar khoja ja sake. mahakal ka tandav nrity nirmam hota hai, bahut kuchh dhvast karata hai taki nayi manav rachana ka adhar ban sake. vahi nirmamata is kriti ke vyngy men bhi hai...”[6]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 10 pratinidhi kahaniyan (abid surati) (hindi) bharatiy sahity sngrah. abhigaman tithi: 22 mee, 2015.
  2. Aabid Surti: Helping to Fix Mumbai's Water Supply (english) navabharat taims. abhigaman tithi: 24 mee, 2015.
  3. abid surati: rahiman 'pani' rakhie, bin pani sab soon (hindi) navabharat taims. abhigaman tithi: 24 mee, 2015.
  4. kartoonist v lekhak abid surati ka samman evn ganv jokahara ka ek adoobhut pustakalay (hindi) navabharat taims. abhigaman tithi: 24 mee, 2015.
  5. dhabboo ji - abid surati (dharmayug/dayamnd kaaumiks) (hindi) theiceproject (blaaug). abhigaman tithi: 24 mee, 2015.
  6. abid surati ki kali kitab (hindi) rachanakar (blaaug). abhigaman tithi: 24 mee, 2015.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah